大新聞呀∼昨天路過佐敦，香港頗有名氣的麥奀在麥文記側開分店∼
擺明同麥文記隻揪∼
昨日見戰況係麥文記人口多過麥奀∼
似乎麥奀涯打狀態，但係我只係睇咗一眼，實況係點我都未知∼
不過我以往唔係咁鐘意麥文記的味道，佢本來差過麥奀，但唔知因乜解救，近呢幾月前食次麥文記，好食咗好Ｑ多，唔差過麥奀∼呢次有好戲睇∼
點都好明益老饕∼一條街有齊麥奀麥文同澳洲牛奶∼三大名店喎∼正！
食完坐VAN仔轉戰九龍城再買蝴蝶SHOW，跟手再去黃埔咸菜食坊∼再戰江湖∼激∼！

   無兄果然江湖為食闖將，饞遊半島，既評且食，不亦樂乎，阿標拜服！

   威靈頓街麥奀老店售三十塊的雲吞麵，本是阿標不二之選，但上週卻令阿標大所望，吃罷心中亦不禁單挑一聲，唉，希望這只是偶然之失，否則 …… 又要去試試麥文記了 …

我只係鐘意食雲吞麵啫~所以特別留意佢個情況~
食雲吞麵個人首選係正斗及其同源的何洪記~
但係呢兩間位置唔方便~
麥奀比較就腳~所以麥奀食得較多~

   嘻嘻，雲吞麵也是我是心愛的地道坊間閒食之一！

阿標或會失諸主觀，但一向的印象是：「正斗」的雲吞麵既講究又執得正，跟足指引，像大學士監督下的依書製作，稍嫌過份斯文，略欠風味；「何洪記」產品多元，它的雲吞麵的麵身湯底本自成一家，多年前經一次改革才變成今日的類麥奀品貌，店是老店，產品卻是後來者 ……

「麥奀」揚名後的濫觴，無論「世家」也好，「池記」也好，始終有所欠缺，能令阿標黯然銷魂者，唯昔日威靈頓街區區一碗矣！

威靈頓街太吊腳~食過一兩次算數~冇乜印象~但係都係頭班雲吞麵質素~

有時間再發掘多啲雲吞麵先~

兩位仲有冇好介紹 等我買俾我兩老食都好吖

   雲吞麵外賣有點問題，就是麵身不宜浸湯太耐 ……

雲吞麵外賣，就算分開湯同麵，都唔會好好食，因為麵離水都係會熱，分開湯，麵都係會餘熱再自烹，一樣淋∼
除非你可以外賣過一兩分鐘就食∼

我都有條橋∼但唔係頂級好食∼公仔雲吞都算一口一粒，似樣少少∼另外壽桃牌雲吞麵都算爽口，加埋一齊烹調，都叫似樣過好多街邊爛鬼貨色∼