雲加認為今年是阿仙奴開花結果的時候了……今夏費比加斯轉投巴塞隆拿的傳聞紛紛擾擾，但這名槍手隊長最終還是留在了兵工廠。不過當年C朗也是押後了一年加盟皇馬，費比加斯可能步他後塵嗎？在領隊雲加看來，這機會微乎其微。

「費比加斯在巴塞隆拿出道，因此那裡對他來講肯定是很具吸引力的。不過我依舊認為他仍會和我們並肩作戰，我不知道他會留在阿仙奴多久，但我是個樂觀派，我相信他會為我們效力很多年。費比加斯也愛阿仙奴，不然他早就走了。」雲加接受採訪時說。

阿仙奴已經連續五年無緣任何錦標，但雲加認為今年他們有很大機會結束這個尷尬紀錄。
「精神、才華、慾望，成功的要素我們通通都有。當然我不是說我們沒有弱點，但我們的確很有潛力，我們希望一直進步。對我來講，要達到這個目標唯一的途徑是，一而既往地支持我的隊員。」雲加說。（Goal.com）

我本身是Arsenal 擁躉,
但係見佢遇著強隊如車仔, 巴塞時, 好似大人同細佬仔踢波咁,
而呢幾年都未嘗冠軍滋味, 費比仔走的話, 都無話可說.
樓主你又點睇呢

幾年冇冠軍做球迷一定就唔係咁開心,但係睇返阿仙奴由1996年由到現在拎過3次冠軍5次亞軍3次季軍3次第4 ...冇1年係入唔到前4的..唔計MU 阿仙奴係每個賽季排名比較定既球隊,車仔, 巴塞個個球星打起上黎就一定係會差d....其實雲加用青年球員唔係唔好不過就真係要揾返d老大哥幫手教下班青年球員,今年加入的查馬克也不錯.....但係我個人覺得首先要簽個比較強既龍門返黎先...好似利記咁上1個賽季冇連拿排位可能會比第7還要低......艾蒙尼亞開始老了.......法比恩斯基又要再比d時間佢....所以我覺得阿仙奴買龍門好重要...如果買到一個好龍門英超冠軍應該不大問題.....

[ 本帖最後由 pps908 於 2010-10-22 13:03 編輯 ]

啱, 揾返d老大哥幫手教下班青年球員係好重要, 英超更加要, 班後生成日俾人踢到傷哂   

我仲發覺阿仙奴d軍醫好似比起其他球會好似冇咁好..次次傷親復出時間永遠係較長時間.....

世界足壇10年間最佳教練 第1雲格 第2 費格遜