http://big5.xinhuanet.com/gate/big5/news.xinhuanet.com/world/2010-11/30/c_12832920.htm

人生而有人權有言論自由！

維基解密話中國要放棄北韓呢個細佬∼
其實以現在中國的實力，有同冇北韓，分別未必真係好大∼有佢嚮度點都係好啲，但係佢又真係帶比中國好多煩腦尷尬，冇咗佢，可能都好∼但係下一個問題係南韓係美國隻馬∼
統一後的韓國對中國絕不是好事∼如果北韓乖乖地，可能留著北韓係好事∼

點止要拉要鎖，重係外國佈下性陷阱，先派2條豪放女同某人ONE NIGHT STAND ，隔一段時間報警話對方強姦。
瑞典佬都要聽美國佬 order 做嘢

其實韓國統一都係好事起碼班美國佬冇籍口進駐韓國,其實班韓國仔都好反美,只係因為有北韓威脅先要舔美國佬鞋底!

引用:

原帖由 keve0223 於 2010-12-1 14:19 發表
其實韓國統一都係好事起碼班美國佬冇籍口進駐韓國,其實班韓國仔都好反美,只係因為有北韓威脅先要舔美國佬鞋底!

今日嘅美國佬其實同當年希特拉冇幾大分別
以往有蘇聯果時就話駐軍同佈置核武器晌歐洲保護歐洲
蘇聯倒台都有廿年
以北約名義一路向東擴張
駐軍賴死晌歐洲唔肯走
由以往所謂保護歐洲變成家下威嚇歐洲
北歐幾個國家開聲要求美國撤走核武器
美國啋你都傻
同樣道理﹐起初係以保護南韓名義駐軍晌南韓
盧武鉉執政時推行陽光政策﹐跟北韓和平推進統一﹐接回美國晌南韓軍事指揮權....
咁即係唔需要美國嘞
結果就係盧武鉉下台後神秘地 "被自殺"
繼任嘅一班總統你地自己識做﹐有辦你睇
鳩山由紀夫算好彩
民主當以收回沖繩美軍基地做議題得到選民支持上台執政
要趕走美軍....鳩山屁股都未坐暖個位就要執包袱  
起碼唔係神秘自殺   

引用:

原帖由 無神論狂徒 於 2010-11-30 18:03 發表
維基解密話中國要放棄北韓呢個細佬∼
其實以現在中國的實力，有同冇北韓，分別未必真係好大∼有佢嚮度點都係好啲，但係佢又真係帶比中國好多煩腦尷尬，冇咗佢，可能都好∼但係下一個問題係南韓係美國隻 ...

維基解密話話中國要放棄北韓係由韓國佬報料俾美國
你話有幾堅 ?
香港傳媒腦殘﹐新聞來源 100%依賴西方通訊社
人講乜就照單全收﹐自己又冇思考能力去分析
晌今日地球上﹐唯一照得住又肯照北韓嘅大國只有中國
你以為事關自己生死嘅金老二睇唔出呢點 ?
你真係以為北韓做嘅嘢係為大陸帶來煩惱 ?

左睇右睇
我都係覺得維基解密所謂爆料只係同美國佬唱雙簧
今次解密重點係話阿拉伯國家要求未國同以色列摧毀伊朗核設施
講到美國佬幾咁以大局為重﹐順應阿拉伯世界民心
其實係挑撥伊朗跟阿拉伯國家對立
講到北韓同中國關係﹐又係呢招
挑撥北韓對中國起戒心
其他所謂爆美國嘅料只係世人早已知道嘅唔係秘密嘅 "秘密"

引用:

原帖由 飛毛腿 於 2010-12-1 17:31 發表


你真係以為北韓做嘅嘢係為大陸帶來煩惱 ?

咁飛兄你認為係點呢?願聞其詳

引用:

原帖由 monalisa 於 2010-12-3 02:13 發表


咁飛兄你認為係點呢?願聞其詳

好多港燦用傳霉描繪今日嘅北韓狀況去睇北韓- 特別係100%靠西方同日韓傳霉報導
又用以前大陸同港台比較 ﹐就先入為主以為所謂共產國家一定窮過資本主義國家
其實韓戰後相當長一段時間﹐北韓經濟一直比南韓好
日本仔殖民韓國年代﹐大部份工業佈置晌北方﹐同佢地佔領嘅東北三省連成一體
而韓國南方只係以農業為主
首都以外地方絕大部份係窮鄉僻壤
農家少女出首都搵食養家好普遍
教育水平低又冇咩技能﹐同時工作職位選擇唔多
好多少女就投身妓寨﹐日頭煮飯打掃洗衫﹐夜晚就接客
呢種情況直到80年代初都仲有
相信好多人都聽過以前 d 港燦去韓國旅遊玩咩殘廢餐 - 囡囡陪食飯餵你食﹐你自己唔駛郁手拿筷子

而同時期嘅北韓因為加入蘇聯主導嘅 “ 經濟互助委員會” (經互會)
經濟上跟共產集團國家開放互通
同時得到蘇聯常年援助﹐又得到中國若干援助
北韓行社會主義﹐相對公平
家下香港班民主棍社運棍日吠夜吠嘅貧富懸殊根本冇出現晌北韓
同西方社會抹黑嘅情形相反 – 人地真正係相對地公平
就算有所謂特權份子﹐算你有 10%﹐但仍有 90%人都係公平 (均貧)
唔同香港﹐李揸繩或者四叔之類一個人嘅身家比成個天水圍所有人財富總和仲要多
其他如教育、醫療、住屋全部都係國家睇數
雖然水平方面你就唔好要求好高﹐例如人人有大學讀﹐家家住千呎大屋
而香港咪又一樣有人吠買唔起樓﹐讀唔起直資學校﹐排公立醫院排到死都未輪到

90年代初蘇聯解體﹐個 “經互會” 散 band
而中國自己要加快改革﹐邊有餘力代替蘇聯照起北韓起居飲食
所以北韓嘅經濟急速惡化
而 80年代中期日本經濟顛峰時期成功轉型向高技術發展
原有次級產業就轉向韓國 – 呢個就係日本佬所謂 “雁行理論”
日本自己做雁頭
四小龍做雁中間﹐中國就做雁屎窟 –只做廉價勞動力低級工業
對比四小龍中如港台﹐韓國接收日本次級產業有優勢
韓國跟日本地理距離最近﹐又做過日本殖民地- 有一班親日勢力
大家同係美國附傭國﹐有美軍駐守﹐飛唔出美國手指罅
美國樂意見到呢種發展
所以南韓就因利成便發展起嚟
加上當時中國以經濟發展考慮﹐跟南韓建交
有中國呢個大市場做發展空間﹐南韓經濟就如虎添翼
北韓咁多年嚟被國際社會打壓﹐困死在一個封閉空間

南韓同北韓最大分晌邊度 ?
韓戰後美軍駐守南韓﹐軍事指揮權晌美軍手中
1994年先將 “和平時軍事指揮權” 交返俾南韓
而戰時指揮權仍然係美軍掌控
呢 d 叫做獨立主權國家 ? 叫殖民地就差唔多
而北韓呢 ?
韓戰後中國冇以保護為名駐軍北韓
北韓嘅政治軍事經濟完全獨立
所以﹐美韓關係其實係主僕關係﹐中國同北韓係同盟關係
無論港燦抑或美國佬成日用美韓、美日果種主僕關係看待中國同北韓
以為北韓做咩都要稟告主子中國﹐主子點頭先可以做  

北韓最大劣勢就係被美國全方位封殺
以前嘅靠山蘇聯解體﹐另一個靠山中國就跟死對頭南韓建交
南邊駐守美軍﹐三不五時軍事演習喊打喊殺
仲無厘頭九話自己係邪惡軸心﹐造定藉口郁手咁款 ( 另一個邪惡軸心伊拉克就係樣辦)
邊個做著北韓都要諗計自保啦

講到似層層咁∼又好似真喎∼但又好陰謀論咁∼我講緊鳩山同盧武鉉一下台一被自殺∼不過美國佬做得出唔奇∼

不過料好豐富，又上一課∼

[ 本帖最後由 無神論狂徒 於 2010-12-6 11:03 編輯 ]

引用:

原帖由 飛毛腿 於 2010-12-4 15:29 發表
南韓同北韓最大分晌邊度 ?
韓戰後美軍駐守南韓﹐軍事指揮權晌美軍手中
1994年先將 “和平時軍事指揮權” 交返俾南韓
而戰時指揮權仍然係美軍掌控
呢 d 叫做獨立主權國家 ? 叫殖民地就差唔多
而北韓呢 ?
韓戰 ...

飛 兄 講 起 伊 拉 克 想 拉 個 題 外 話
伊 拉 克 原 本 係 中 東 強 國 有 錢 軍 力 又 強
推 薩 達 姆 上 去 果 個 係 美 國 拉 佢 落 馬 果 個 又 係 佢
打 到 佢 變 中 東 窮 國 唔 好 話 報 紙 連 Wikipedia 對 呢 D 事 都 隻 字 不 提
你 話 呢 個 世 界 幾 有 新 聞 自 由

引用:

原帖由 Jeff9394 於 2010-12-6 12:42 發表

飛 兄 講 起 伊 拉 克 想 拉 個 題 外 話
伊 拉 克 原 本 係 中 東 強 國 有 錢 軍 力 又 強
推 薩 達 姆 上 去 果 個 係 美 國 拉 佢 落 馬 果 個 又 係 佢
打 到 佢 變 中 東 窮 國 唔 好 話 報 紙 連 Wikipe ...

傻佬薩達姆又係做出野心同實力不匹配嘅致命錯誤
另一個樣辦係日本佬
對上一個樣辦係越南
北豆洞奶以為自己打走美國﹐點都算係世界第三大軍事勢力
於是出兵吞併柬埔寨
佢都唔諗下柬埔寨施漢洛親王常年住晌北京
老鄧就打一場名為自衛反擊嘅懲罰戰
打到北豆洞奶北面變成寡婦村
侵佔嘅柬埔寨嘔都嘔唔切


薩達姆打伊朗時有美國佬暗底撐﹐但打足八年薩達姆自己都五癆七傷
以為替美國出頭打伊朗﹐美國佬會默許佢攞返 d 補償 - 吞併科威特
相信佢通過某 d 渠道向老布殊摸過底﹐令佢以為美國唔反對
美國佬號稱自己間諜衛星天下無敵
連莫斯科紅場上有條友睇緊報紙嘅報紙標題都可以拍攝到
竟然連薩達姆集結重兵晌科威特邊境都偵察唔到 ?
所以第一次海灣戰爭時薩達姆死都唔信美國佬會郁佢

[ 本帖最後由 飛毛腿 於 2010-12-6 13:43 編輯 ]

引用:

原帖由 Jeff9394 於 2010-12-6 12:42 發表

...講 起 伊 拉 克 想 拉 個 題 外 話
你 話 呢 個 世 界 幾 有 .... 自 由

人人有自由，美国梗也有自由。
自由对自由，本来按“己所不欲勿施于人”来办，仍然可以世界大同。
但偏偏有种文化中意“强施予人”，
於是，佢话佢嗰个系普世standard，其他嗰啲系山寨老翻，
所以佢做乜都冇有错，人啲再啱也都系错。
美国话伊拉克有大杀伤力武器，抄翻晒每寸伊拉克土地，
再搵唔到武器都要吊死萨达姆，因为错嘅绝唔会系美国。
至于富国变穷国，嗰啲系伊拉克的事，离美国遥远遥远，硝烟味弥漫唔到。