我不是科學家，我沒有深入研究進化論到計算機率。
但本題也不見得論證到有神的存在。也不能論證到神的任何屬性。

e~~~哩句嘢好似係屈個喎，李天命話。

另，一個盲的人係可以知道有光的存在，盲的人只係「見」唔到光啫。除非全世界的人都係盲的。否則，唔係盲的人係可以講俾盲人知，世上係有光的存在，光子可以推動物質，太陽能亦可轉變為聲能，動能。

但另一方面，有幾多人親眼見過神呢？有幾多人有天眼通呢？

正喎~~~~~

咁睇嚟，人要食碳水化合物/蛋白質/脂肪/維生素，而唔應該食屎，都係少數服從多數喇.....

咁...唔知你平日食咩呢？又唔知你一邊食的時候，又有無同時懷疑有咩無咩咁呢？

如果話演化論係荒謬/冇根據/唔合理的話, 好不幸, 你對演化論嘅認識, 只停留喺極表面嘅階段, 甚至係錯誤認知. 上面嘅疑問, 建議先去下面呢個網站睇睇:
http://www.talkorigins.org/origins/faqs-qa.html

講多少少, 演化論嘅內容, 主要係解釋"生物演化"呢個客觀事實嘅理論. 生命世界同生命史有兩大特徵: 適應(Adaptation), 歧異(Diversity). 天擇理論(即演化論)基本上係解釋"生物適應"呢項理論(正宗演化論). 但達爾文同後繼者相信天擇亦可以應用於"生物歧異"(即物種形成). 前面講嘅生物適應, 已經毫無疑問; 而後者, 先係分歧同爭論所在. 另外, 生物形體上嘅演化, 已經有好多研究成果去證明, 就連教宗都曾經發聲明指演化論已經"不只是一個假說".

引用:

原帖由 jacky. 於 2007-1-2 01:42 AM 發表


牽強類比

勁正喎......

以盲人不能「見」光，比喻為無「天眼通/天線/心眼/x感知器官」者不能「見」神，又唔「牽強類比」乎？

還是，你的「牽強類比」有選擇性？又或者你對某事是否「牽強類比」亦經常同時懷疑有又懷疑無？

如果以現時人類科學仍「盲」為由，咁何以又有d人會認為有上帝？佢地又係唔係「盲」？如果都係「盲」豈不是一齊瞎子摸象？所有人所講的上帝都唔係「真的上帝」？如果佢地唔係「盲」，其實咁係非常好的，請問佢地可唔可以證明上帝的存在？正如我可以利用太陽能換成聲能，俾盲人感受到光？

即咁，如果講愛的話，愛本身又真係證明唔到的，因為「愛」相對於「愛你的人」係比較抽象，摸唔到的。

但係，愛哩樣嘢，假設係人同人之間，咁你feel唔feel到，係一回事，起碼有兩個人同時存在先吖？係咪......

存在/不存在，非此即彼，證明唔到，只係feel的話，我覺得有少少似....d賣化妝品的sales....嗱，小姐，你用咗哩隻產品之後，feel唔feel到自己靚咗呀....之類

至於，所謂唔搵就質疑人地搵到未，亦係唔科學。(咁當然，可以係神學啦)，因為如果有人搵到，見過，大可以攞/講出嚟，如果根本唔知某物存唔存在，又何必花時間去「搵」一d，無人親眼見過的嘢？

重要的是，基督教的神，神格在舊約/新約迴異，有部份矛盾，我覺得都幾結構性，例如三為一體呀....

最後，我係返過兩年半教會，一開始信，係唔難，但實在說服唔到自己，去接受一個殺人如麻的舊約的上帝，同時又係捨身救人的新約的耶穌。

引用:

但實在說服唔到自己，去接受一個殺人如麻的舊約的上帝，同時又係捨身救人的新約的耶穌。

有冇諗過將解釋權搶過來.

引用:

原帖由 Obi-Shady 於 2007-1-2 03:43 PM 發表


你可以利用太陽能換成聲能，俾盲人感受到光...咁俾你利用嘅太陽又係點嚟嘅呢？

太陽能咪由太陽度嚟囉....太陽之所以發出能量，咪因為氫被擠壓囉...但如果你想由此推出....有上帝造宇宙，又係會落入超級上帝的結論...

甚至，有一個老套比喻，「手錶/造錶/錶匠---->人類/造物者」

咁我又諗喎，我屋企部電腦，精密過手錶喎，咁部電腦，由設計到生產...嘩，無一千幾百人都造唔出嚟啦，都未計要推動到部電腦的電力，運送到我屋企的物流過程......咁，一個比電腦複雜的宇宙，咪有成億上兆的上帝分工合作先得囉？

引用:

唔知某物存唔存在就唔搵？如果人人咁諗，我諗我而家都唔可以喺Internet度Post嘢俾你睇喇...

發明/發現，係一個....小學程度的詞語運用。

愛迪生發明了電燈。哥倫布發現了新大陸。

發明，即本來沒有，經人的智力/努力/經驗/運氣/改良，創造出來的。

發現，即本來己經存在，只是一直沒有人有能力「看/接觸」到，例如以前唔知有病毒。

而internet，唔係發現，係發明。

以你的比喻，即神，像internet一樣，只要肯「搵」就會被發明出來嗎？

引用:

我講緊嘅神唔一定係基督教、天主教...

哦...咁即係你唔係基督徒？

引用:

原帖由 victory999 於 2007-1-2 05:28 PM 發表


有冇諗過將解釋權搶過來.

其實，己經搶過來。

引用:

原帖由 jacky. 於 2007-1-3 02:18 AM 發表


真係對那些如麻的被殺之人咁有憐憫之心

咪玩啦

你跳到攰未？

係喎，你唔好只係懷疑我的動機/心態，而唔就我的論點提出反駁呀，否則，就係人身.....咩好哩，又未算攻擊，咁就叫...人身搔癢啦....

[ 本帖最後由 sheepstreet 於 2007-1-3 02:44 AM 編輯 ]

引用:

原帖由 Obi-Shady 於 2007-1-2 06:10 PM 發表

你執著於眼見為信，咁我想問你，有一個人好愛你，但係你唔知，因為有啲原因你又感覺唔倒，又冇人話過你知，咁係咪即係冇愛嘅存在呢？對你嚟講係冇囉。咁跟住有啲人同你講話我感覺倒愛呀，你就話係真唔係呀，Show me 啦！大佬，唔係樣樣嘢都show倒俾你睇㗎嘛...我覺得你可以選擇唔信，但係唔好質疑人哋信囉，無神論者亦都唔見得可以證明倒冇神嘅存在啫...大家都仲搵緊水嘅沸點，無神論
者往往就係唔去搵而走去質疑人哋搵倒未...

無神論者當然唔能夠證明到冇神嘅存在，證明一樣ｏ野唔存在比證明它存在難上千萬倍，因為我們須要找上全宇宙每一角落才能證明它唔存在（例如請你證明獨角獸或八腳人不存在）。所以通常都是宣稱存在者自己去證明存在，而不是由其他人去證明不存在。