返返古代，謬氏川菜 (深圳)
12月27號，今日可能系今年入冬最凍嘅一日啦。今日一早就收工，應老友邀請，來羅湖開餐。5點鐘來
到東門，平時熙熙嚷嚷嘅人群，今日好似少咗好多，唔通系天氣凍嘅緣故。行上街頭真系好凍啊，仲
要千里迢迢趕去羅湖，大有一種“風蕭蕭兮易水寒，壯士一去兮不復還”嘅感覺。老友一早喺謬氏訂咗
位啦，行咗10分鐘，接到電話通知，直奔e個傳說中嘅謬氏川菜，之前路過幾次，一直冇機會去試下，
今次終於有機會啦，返去古代食川菜。
究竟有幾古代咧，睇睇D環境啦
獨樹一幟嘅明清建築風格，如果唔系有個BUG，真系以為返返古代添.個服務員，仲戴住頂聖誕帽，保暖呱！
，大家有冇見到其中個BUG，見到點出來，有賞。
距哋嘅餐具，都系古香古色。丹青妙筆玲瓏，紅蓮凝煉清泓——青花瓷。
跟住落來睇睇我哋食咗乜
板栗土雞-28蚊，賣相一般般咁話，油光滿面，不過系肥而不膩，板栗好松口，雞肉好淋，入味，性價比超高。
飄香鴨-28蚊/半隻，鴨肉有少少柴，花生好脆好香，少辣，巖我口味，不過量有D少，都唔知有冇半隻，個盤就好大咯。
金玉雜糧煲-32蚊，賣相就真系唔好睇啦，如果唔系用個石罐煲嘅，我都冇胃口食距，川菜湘菜D賣相都系嘛嘛哋，不過味道就真系得得哋喔，食落又有少少似八寶粥咁，入邊有花生、粟米、紅豆等
等等……煲得好淋。
上湯豆苗-18蚊，同其他店食嘅都系差唔多嘅，淡淡哋，好清爽，18蚊抵到流。
菌菇粉絲煲-28蚊，入邊有菌菇、蝦仁，味道OK，就系食到最尾有D咸，可能系天氣凍呱，粉絲好快
就凍咗，癡埋一舊舊。
買單，人仔139，唔洗+1，茶水5蚊，4個人，人均34蚊。系唔系有D奇怪咧，冇錯啦，全部系唔辣嘅
，因為我食唔到辣啊嘛，等我返去閉關修煉下，等到出關之日，再來試過。
推薦菜式:上湯豆苗,板栗土雞,金玉雜糧煲
人均消費:RMB34.00 (晚餐)
優惠券列印及餐廳詳情：
http://www.sofood.cc/restaurant_sr.php?shopid=156
用餐日期:2010-12-27
評分 味道 4 衛生 4 服務 3 環境 5 價錢 4
