首先

恭喜發財
兔年大家都行好運    

過年前
一批香港遊客經歷咗 21世紀出埃及記
今次扮演摩西嘅係中國南方航空同海南航空
一如既往
冇事時就扮性格 - 有 d 港燦就堅持自己去開羅轉機
滿不在乎咁話 : 冇咩嘢丫﹐唔怕 嘅
有事果時﹐例如軍警開槍亂掃﹐有人掟炸彈訓低幾件的話
就對住鏡頭喊苦喊忽﹐埋怨班高官點解冇未卜先知能力﹐唔一早做準備...blablabla

總之﹐古有明訓
亂邦不入
危城不居

你持住危高人膽大﹐或者福星高照
就有乜後果都唔好吠生哂   

今次埃及動亂
係由去年底嘅突尼斯 “茉莉花革命” 引起嘅骨牌效應
當年 1979年伊朗宗教革命﹐1986年菲律賓獨裁者馬可斯倒台…
今日埃及總統穆巴拉克處境似足當年伊朗王巴列維同菲律賓馬可斯
三者都係受美國支持
巴列維同馬可斯最後被美國丟棄
而穆巴拉克最後點收科就未知
上星期美國副總統拜登仲撐穆巴拉克
話佢唔係獨裁者
呢兩日奧黑轉口叫穆巴拉克開始權力移交
不過﹐檯面上說話唔代表檯底下安排

其實家陣局面好簡單 - 結果取決於軍方
睇吓周街都係美製坦克﹐頭頂係F-16 戰機盤旋
美國對外軍事援助金額最大係以色列
第二位就係埃及
可想而知美國對埃及軍方影響力有幾大
但家陣尷尬局面係上街嘅人打住民主旗號
你美國佬平時死吹爛吹民主自由人權
如果公開支持穆巴拉克指揮軍隊鎮壓反政府人群
咁就令美國佬吹嘅民主自由徹底破產

但福街嘅係打住民主反政府大旗後面嘅係極端仇視西方回教政治勢力
穆巴拉克倒台後可能出現伊朗咁嘅局面
或者巴勒斯坦民主地選個哈馬斯上台
咁美國佬真係含得卵     

埃及古代歷史唔駛晌度多講
-  不過要注意古埃及人同現代埃及人唔係同一種人
現代埃及係以阿拉伯人為主 (87%)

近代史方面就係1922年英國允許埃及獨立
但保留對埃及嘅外交、國防同民族事務有處理權
而埃及嘅鎮國之寶蘇彝士運河由英法兩國共管
(半) 獨立後嘅埃及係一個君主國 – 稱為法魯克王朝
( 係腦殘白癡含洋港燦先以為大陰帝國真關心殖民地脫離後嘅民主 )
1952年以軍官納薩為主﹐軍人發動不流血政變推翻王朝
1956年納薩登上總統位﹐宣佈將蘇彝士運河收歸國有
英法以色列為此向埃及發動戰爭
當時二戰後國力登上高峰嘅美國唔想蘇彝士運河被英法控制
所以袖手旁觀唔幫英法兩個西方盟友
蘇聯向英法施加壓力
因此英法兩國晌呢次戰爭撈唔到便宜
此役後大陰帝國正式步上衰敗不歸路
而埃及就成為阿拉伯世界中對抗西方帝國嘅民族英雄

但納薩傾向蘇聯式社會主義
又以阿拉伯人大佬身份對世仇以色列強硬
多次以領導者身份參與對以色列戰爭
以色列係美國在中東金牌打手
埃美關係自然唔會好得去邊
1970年納薩逝世﹐沙特接任總統
沙特亦曾向以色列發動戰爭﹐但都以失敗收場
冇耐沙特戲劇性轉變對以色列政策
佢先出訪以色列﹐再由美國安排下跟以色列簽署和約
因為咁就同以色列總理貝京兩人得到炸藥商和平獎

沙特徹底倒向美國﹐廢除跟蘇聯嘅 “友好合作條約”
驅逐蘇聯顧問同專家
從此歐美國家嘅經濟援助源源不絕而來
美國更加給以金額僅次於以色列嘅軍事援助
沙特咁做引起國內同阿拉伯世界中某 d 派別不滿
1981年晌自己國內一次閱兵典禮中俾 “穆斯林兄弟會” 份子暗殺
接任嘅就係穆巴拉克 – 一做就做足30年

穆巴拉克繼承沙特嘅親歐美路線
1990年第一次海灣戰爭﹐穆巴拉克企硬歐美立場要討伐伊拉克薩達姆
呢種立場獲得歐美同部份阿拉伯富國贊賞
一嘢就有20幾個國家同國際組織向埃及提供貸款同援助
部份國家更免除埃及所欠債務﹐總數達 255億美元
你話親西方財主佬幾咁和味
後來小布殊嘅反恐
更加需要埃及呢個重量級阿拉伯大佬支持去鎮住個場

講到呢度順便講埋埃及個細佬 – 突尼斯
突尼斯人口 1000萬﹐比香港多 d
佢唔係產油大國﹐糧食又唔能夠自給自足
主要對外貿易 (80%) 靠歐洲
財政預算中有 10% 靠歐美援助先可以達到收支平衡
佢地政制跟埃及差不多 – 都係多黨制﹐ “民選” 總統
係歐美定下嘅 “民主” 標準
但佢個總統本 • 阿里卻做咗 23年總統 (比穆巴拉克少 d )
官員唔駛講都係盤根錯節嘅自己友
但西方國家對突尼斯呵護有加 ﹐援助、貸款源源不絕
仲評為非洲競爭力排行第一﹐世界排名 40
美國佬就評佢政府透明度、安全形勢都係非洲第一
英國佬評幸福指數﹐突尼斯排名世界 29 位
點解佢萬般寵愛愛一身 ?
因為佢地理位置優越﹐係歐美晌北非嘅橋頭堡
西方國家需要呢個非洲盟友
以前巴解組織仲係俾西方國家視為恐怖組織時
阿拉法對下嘅第二號人物就係由突尼斯配合下
以色列特工隊闖入佢晌突尼斯個竇口將佢全家做低
( 大陸拉個劉曉波踎監就吠冇人權﹐以色列滅人地滿門就粒聲唔出 )

總言之﹐上個月動亂之前突尼斯一直係西方國家口中嘅模範生
各方面指標俱佳﹐係民主神話嘅樣辦
問題係金融海嘯後﹐歐美自顧不暇
貿易縮減﹐歐美尤其是歐盟自己都要人援助
突尼斯社會矛盾就揞無可揞﹐民怨就爆發
呢個情況亦係埃及暴亂嘅同樣因由
突尼斯總統終於要走佬﹐有用果時就當寵物﹐落難時就當佢係喪家狗 - 似足伊朗王巴列維
冇一個西方國家肯收留本 • 阿里﹐終於沙地阿拉伯收留
歐美煽動暗搞嘅東歐爆發顏色革命果時﹐佢地就喜上眉梢讚揚民主勝利
家陣自己勢力地頭爆發革命﹐要革佢地馬仔嘅命
佢地出聲又唔係﹐唔出聲又死﹐真係唧都唔笑

春節前看了臺灣的一個節目，訪問許信良
許信良說: 要在民主選舉中獲勝，必需要搧動，盡力令民眾不理性，必需抹黑、必需仇恨 ...
他認為蔡英文會輸、因為她有人性
他認為馬英九應該適合做教育部長
...
..
.

入大觀園~~
埃及啲嘢，我冇乜興趣理∼但係睇到佢啲木乃伊爛哂∼好可惜∼
再講埃及呢次係似暴亂多過似和平集會，如果我係木巴，我會想清楚自己落台後，下手接任人是誰，是否較有保證下手好過自己，否則一必不落台

話時話，呢啲窮國，軍方永遠都係最後權力所在，決定一切∼好落後∼
有朝一日個將軍屎忽痕，隨時出嚟推翻總統，國家無日無之∼中國過往一百年窮係窮啲，未出現大規模軍人亂政，係中國人之福，有懶中國人歷來的累積智慧∼有文化係唔同啲∼

引用:

原帖由 KMY89 於 2011-2-5 02:18 發表
春節前看了臺灣的一個節目，訪問許信良
許信良說: 要在民主選舉中獲勝，必需要搧動，盡力令民眾不理性，必需抹黑、必需仇恨 ...
他認為蔡英文會輸、因為她有人性
他認為馬英九應該適合做教育部長
...
..
.

當暴力英企上選舉造勢晚會個台面對一群冇人性選民時
就會變成人面獸架嘞   
唔係 "暴力小英" 呢個名點得嚟 ?

引用:

原帖由 無神論狂徒 於 2011-2-5 09:57 發表
入大觀園~~
埃及啲嘢，我冇乜興趣理∼但係睇到佢啲木乃伊爛哂∼好可惜∼
再講埃及呢次係似暴亂多過似和平集會，如果我係木巴，我會想清楚自己落台後，下手接任人是誰，是否較有保證下手好過自己 ...

非洲有個內陸小國叫 布基納法索  ( Burkina Faso )
保證你聽都未聽過
莫講香港﹐全世界人除咗非洲﹐大概有 99%人都未聽過呢個國家
傳媒更加唔會無厘頭關注呢種又窮又小國家
佢地就算要食屎當飯都冇人理佢
但埃及唔同﹐你以為同你無關
但呢度發生嘅事影響成個世界政治格局
日後一定或多或少間接影響香港
例如石油價格、美元.....

咪以為只係窮國專制國家政權先要靠軍隊作最後武器
發達國家如果經濟繼續惡化落去
嘆慣食慣嘅人變成走投無路時
一樣好似窮國人咁上街大鬧特鬧 - 舊年希臘已經亂過
係囉喎﹐真係好似班腦殘民主紅衛兵咁講 : 做得唔好下次唔選佢
就美國咁﹐共和黨唔好就選民主黨﹐民主黨唔好就選共和黨﹐共和黨再唔好又係選番民主黨 - 咁叫做有得選
美國撐得住因為可以狂印銀紙
到印無可印﹐而有幾千萬人走投無路果時
你睇吓係咪又要出動軍隊 ?

親身出埃及記

大陸有個博客﹐博主應該係職業攝影師
佢剛剛前幾日搭中國派去開羅撤橋嘅專機返北京
係第一手親身經歷 :

真是不生娃不知道父母恩，不遭灾不知道国家好啊，第一次感谢国家，真心的，纳的税看来没有白缴，回北京觉得安定团结和平稳定真好！

开罗满是坦克，歼击机，拿枪的警察和军人，枪声不断，恍惚中感觉像是北京过年。庆幸自己不是这个国家的人，还有人来这里把我接走，在机场的时候身边有一个意大利人不停的打电话找机票，我说你的国家没有派飞机来接你们么，他说如果我要等我们国家的飞机来接可能就得死在这儿了。

知道国家派飞机来以后，上午十点多就到机场了，虽然呆到凌晨一点才起飞，但是没饿着，没渴着，大使馆给送盒饭和水来了，到机场时看到中国国旗挂在那儿的时候，眼泪真的快掉下来了。

因为当时整个埃及已经不让拍照了，警察看到有人拍就会阻止，暴乱第二天我在街上拍就有好心的阿拉伯人警告我把相机放在包里，会被抓。我另外一个摄影师朋友的相机还被砸烂了，很多摄影记者都被打，半岛电视台也被抄了，很可怕。没想到在机场我拍着这些照片的时候还有警察过来阻止，还给我带到他们安检的地方，给我吓坏了，因为我的相机里面有他们暴乱的照片，也被他们看见了，我解释说我不是记者，不是要报道你们暴乱，为什么要抢我相机，然后就哭了，其实阿拉伯人都很善良，他们看到我哭了就赶紧劝我，给我拿纸巾擦眼泪，还问我喝不喝pepsi（他们对人示好都问喝不喝pepsi），然后我就跟他们聊了起来，聊他们对于这场运动的看法，他们对中国的看法，当其中一个人说他们觉得中国现在科技很先进，发展的很快的时候，我心里真的挺高兴的，这些是在欧洲感受不到的，呵呵。

开始的时候还按着大使馆统计的人名点名去换登机牌，告诉大家这架包机是免费的，拿中国护照就可以上

开始的时候因为上飞机先后顺序的问题有些小争执

但是这位先生发扬了风格，他说他带队的团有三十多个人，他们最后上飞机，让所有老人还孩子先上飞机

全部手写的登机牌，那个工作人员跟我说平时两百多个人的飞机，要四台电脑同时工作，但是今天只有他一个人，而且全部都是手写的，辛苦他了。

大家都累了，光排队换登机牌就用了6个小时，更何况有的人已经在机场睡了三天了，睡机场可不是好受的事情，有一个大爷跟我说，开罗机场他已经熟悉的不能再熟悉了，住了三天哪儿有电源插座他都知道！

北京以外的省的人被当地省份来的人接走去转机，而且都是免费的，每个人都很高兴和轻松，回家过年真好。

佢有好多機場拍嘅相
我廢事轉貼嘞﹐有興趣睇就去佢個博客睇 :

http://daniellexpo.blog.sohu.com/166787856.html

另外
晌佢出埃及記之前
佢曾經深入示威人群拍低好多示威群眾照片
拍攝水準好高﹐不愧係靠影相吃飯
不過我唔明點解通通都係黑白照  

埃及暴亂 :

http://daniellexpo.blog.sohu.com/166787035.html

引用:

原帖由 飛毛腿 於 2011-2-5 20:53 發表


當暴力英企上選舉造勢晚會個台面對一群冇人性選民時
就會變成人面獸架嘞   
唔係 "暴力小英" 呢個名點得嚟 ?

佢話果D過激與佢無關喔  

終於老穆要下台
將權力移交俾軍方
由軍方直為過渡政府直至9月大選
係咪好似前幾年泰國他信俾軍隊發動政變咁呢 ?
其實今次穆巴拉克十足十翻版當年菲律賓馬可斯
本來就係美國隻馬﹐維護美國嘅地緣政治利益
不過搞得國內天怒人怨成隻過街老鼠咁
美國佬睇見勢色唔對就棄車保帥
好過等到全國暴亂而失去對大局控制權
埃及軍隊係美國勢力可以掌控地方
所以將老穆逼走將權力移交軍方 - 美國仍然可以把握局勢
仲有時間安排扶植另一幫傀儡上台

可能過幾個月大選後又係老穆果一派人上台
今次鬧事果班人又唔滿意的話
再走上街大吵大鬧 - 好似泰國黃衫軍咁
到時軍方就未必似家下咁客氣
如果話選班親穆斯林兄弟會嘅敵視西方派系上台
就輪到美國唔滿意
又發動一班人上街鬧
到時又整出黃衫軍、紅衫軍咁埃及就吔蕉嘞
不過﹐呢個機會晌開羅呢d 大城市比較微
大城市以中產階層為主﹐唔係咁親極端宗教勢力
軍方控制政權同行政資源
可以對選舉安排整鬼造怪
只要對親西方政權有利﹐歐美班偽君子就扮睇唔見有咩唔公平小動作

我睇左關愚謙在信報一份文章關於兄弟會，當年關愚謙在開羅坐監有好多兄弟會既監友
而他說兄弟會既監友有好多係高級知識份子和虔誠的教徒。

唔明點解把兄弟會和哈馬斯會結連?

引用:

原帖由 KMY89 於 2011-2-14 22:15 發表
我睇左關愚謙在信報一份文章關於兄弟會，當年關愚謙在開羅坐監有好多兄弟會既監友
而他說兄弟會既監友有好多係高級知識份子和虔誠的教徒。

唔明點解把兄弟會和哈馬斯會結連?   

穆斯林兄弟會創建於 1928年﹐歷史悠久
埃及跟加沙地帶接鄰
穆斯林兄弟會晌呢度好有影響力
以色列佔領加沙地帶後狂打壓巴勒斯坦人
80年代阿拉法嘅巴解俾以色列打殘後
幾個兄弟會追隨者就組成 " 巴勒斯坦伊斯蘭抵抗運動" -  簡稱 哈馬斯
另外黎巴嫩真主黨都同穆斯林兄弟會有淵源
不過真主黨就受伊朗支持

關愚謙竟然無厘頭去埃及踎監 ?
知唔知為乜事 ?

提起千里迢迢去踎監我諗起有一單 case
曲折離奇搞笑又欲哭無淚 (當事人) ~ 我地就覺得抵能死   
堪稱當代拍案驚奇一奇案
等我整理吓 d 繁瑣資料後講個簡化版出嚟

引用:

原帖由 飛毛腿 於 2011-2-15 13:45 發表
關愚謙竟然無厘頭去埃及踎監 ?
知唔知為乜事 ?

提起千里迢迢去踎監我諗起有一單 case
曲折離奇搞笑又欲哭無淚 (當事人) ~ 我地就覺得抵能死   
堪稱當代拍案驚奇一奇案
等 ...

佢當時係偷渡客 ...

引用:

原帖由 飛毛腿 於 2011-2-15 13:45 發表
關愚謙竟然無厘頭去埃及踎監 ?
知唔知為乜事 ?

提起千里迢迢去踎監我諗起有一單 case
曲折離奇搞笑又欲哭無淚 (當事人) ~ 我地就覺得抵能死   
堪稱當代拍案驚奇一奇案
等 ...

二十幾年前，我在中美洲某個小國家時
住的酒店後面竟然有間 Chinese food
入去問下，個老板好離奇咁話文革時佢偷渡想到美國
船到中美洲他以為到了便跳船
到埠後才知道搞錯左