美國佬二戰後的產品,設計概念是作為空降部隊的重火力自走炮,將會利用大型直升機或運輸機運送上戰場.為了減輕本身體重便於運輸,只好把車體結構盡量簡化,就把一門 90mm 兩用炮放在一個履帶底盤上就算了,除了火炮正前方有一個小護板外,組員是沒有任何防彈保護.







[ 本帖最後由 jj2jr 於 2011-2-11 12:07 編輯 ]

M56 每車有組員 4 人,包括話事的開車的裝彈的和打炮的各一人.

M56 自身載彈 29 發,使用一副 Continental 電油偈,時速有 45km ,行程達 230km .

M56 作為美國空降兵的一個反坦自走炮 (SPAT / Self-Propelled Anti-Tank),面世以來只是被美國第 173 空降旅在越南戰場上用過,而據聞戰績不見突出,主要是 M56 缺乏裝甲保護,因此不受用家歡迎.終於被後來的 M551 Sheridan 空降坦克和 M50 Onto 6 管自走炮取代.

M56 由 1953 年面世, 59 年停產, 60 年正式淡出退役.

個人就是不明白點解美國佬剛由二戰多個戰場上經過各種實戰經驗,仍會生產這種無遮無掩的火炮?實戰証明一點,大口徑火炮當然可以為敵人帶出殺傷,但自身組員的人身安全仍應放在首位.即如日本仔的零戰為了追逐速度和爬升能力,只好把機師的防護減少,結果是日本仔的機師一旦相繼打柴,就算有無限零戰推出任用,都只是一個空口大話.再講美國佬自己在二戰時既冇頂蓋炮塔 M10 反坦戰車,組員一樣俾德國佬打出既高爆彈打死打傷,結果 d 美國佬只好自己周圍執鐵皮自己做屋頂至死少左人.

而美國佬竟然可以在得到和看到這種教訓之後,仍會生產這種戰車,唯一的解釋就是軍工部有人收水,故意將訂單放行,於是下面軍火商有錢賺,工人有工開,老婆有 spa 做,仔女有書讀,棺材佬同殯儀館又有野做,保險公司又有周轉,大家合皮!

M56 ,現代化棺材車.

美國佬呢架 M56 90mm 履帶自走炮本身都唔係咩野新鮮貨式,因為早在岩岩打完既二戰時期,兩大法西斯陣營都有類似火器出現,比如下面既就係德國 huns 响二戰末期推出既 88 自走炮,由德國 Ardelt 公司做個履帶底盤,上面加支 88 炮,就叫做 Ardelt Waffentrager ,呢個底盤外型同捷克 38 坦克差唔多,好易搞錯.

另外意大利佬在 1941 年都推出一隻履帶自走炮,火炮口徑是 90mm ,叫做 Semovente 90/53 .

M56 身上那門 90mm 大炮的膛口.

車載彈倉有 29 支 炮彈.