與惡女導遊發生爭執的內地遊客張勇獲友佳旅行社賠償十二萬作掩口費，旅行社此舉將會吸引更多國內窮遊客來港借故生事博賠錢，原先內地客張勇曾要求七十萬港元賠償他一家人，最終討價還價減至十二萬，此事件會帶來後患無窮，事件亦表明旅行社身有屎，
明知團費過低無錢賺亦要接團，結果內地客一句誤會不了了之，十二萬袋袋平安真正新春行大運，發個新年財，
今後不知會否有內地窮遊客有樣學樣，遊港期間借機鬧事屈錢詐財？

引用:

原帖由 xiantsang 於 2011-2-10 14:51 發表
與惡女導遊發生爭執的內地遊客張勇獲友佳旅行社賠償十二萬作掩口費，旅行社此舉將會吸引更多國內窮遊客來港借故生事博賠錢，原先內地客張勇曾要求七十萬港元賠償他一家人，最終討價還價減至十二萬，此事件會帶來後患 ...

內地團友打架事件，女導遊工作的友佳旅行社，負責人郭偉明，出席本台節目時表示，根據導遊林如蓉的說法，事發前已與團友張先生發生口角，雙方關係緊張，直至上星期六年初三中午，張先生由車尾走到車頭，用手打她，之後她只是抓住張先生的衣領，並沒有打他。
郭偉明又說，是張先生指林如蓉「狗急跳牆」，林如蓉才會反問「唔知邊個是狗」，否認謾罵遊客在先。

既然帶街婆唔係身有屎
旅遊車上又有咁多證人
賠條毛俾大陸佬咩
嫌錢腥呀 ?     

你香港人都可以喎∼先入大陸報團嚟香港玩∼跟著就借啲機屈九佢迫人買嘢∼自己爆自己肛，報警博出位∼又屈返百幾粒∼

港人北上被人屈錢嘅事件睇報紙新聞就見得多，港人北上屈錢又好似聞所未聞？

導遊阿蓉向客動粗有前科 內地領隊疑無證 粵旅遊部門跟進

明報)2011年2月12日 星期六 05:05

【明報專訊】年初三與內地旅客張勇爭執打架的本港女導遊林如蓉，據悉去年初亦曾與旅客發生肢體衝突，旅客一度報警求助，但最後未有鬧大。至於負責帶領今次旅行團的內地女領隊岑春萌，亦懷疑是無證領隊，內地相關部門正跟進。

去年初肢體碰撞 旅客報警

負責接待該內地團的友佳旅遊，其董事總經理郭偉明日前在電台節目中引述林如蓉的口供紙，指是內地旅客張勇先動手，不過據業內消息指出，阿蓉有與旅客發生爭執的前科。據了解，去年初，阿蓉帶內地團時，亦曾在黃大仙區內，與旅客發生爭執及肢體碰撞，旅客曾一度報警，不過事情未有鬧大。該名旅客亦曾向旅遊業議會投訴，惟最後撤回，不過議會亦因此曾向阿蓉發警告信。


唔怪得要拿拿聲道歉兼賠款。俾左錢就可以轉移視線，不過我都覺唔應該俾咁多，退回團費就適當些。

[ 本帖最後由 理魯竇 於 2011-2-13 01:31 編輯 ]

若果不是旅社身有屎，肯定不會咁順灘，已開先例恐怕日後會有更多內地遊客來港屈錢，
大陸人屈錢手法層出不窮，曾有新聞報導過，有些山區農村家中有人病逝，將屍體拋出公路，
有些好心駕車者停車看看究竟，即被村民包圍說該車撞死人，最終又成功屈一筆錢，
這種無良做法只有大陸人才想得出，真昰豬狗不如！

你呢種踩低大陸人抬高自己嘅優越感
只能夠晌網上過過嘴炮癮
現實生活中已經冇幾多機會
大陸婆去尖沙嘴名牌專賣店門口排隊買高價皮包手袋
港燦就去工展會排隊買一蚊隻即食鮑魚   

屈錢晌人類史上歷史悠久
你就當只有大陸人才想得出點屈錢
咩 "天仙局" 、"仙人跳"、 "黃腳雞"  ...仲有砌生豬肉晌香港流行時
大陸人仲係搞緊大躍進
差 d 唔記得講每逢過年前幾條陀地抬盆桔去店舖門口強逼店主高價買桔
新春開舖後就有班古惑仔嚟舞獅攞開工利是
咁唔係屈錢係咩 ?
電話詐騙發源地就係台灣
所以大陸家陣好多衰嘢就係學港台

閣下這種以偏慨全的思維，
實在不敢恭維，
大陸十幾億人，真係乜野人都有，
點可以一枝竹篙打晒一船人，
如果有人話林過雲和徐步高代表香港人，
你同唔同意？

這帖子並非是踩低大陸人，因為中國有十幾億人口，億萬富豪多的是，但低下貧民也是更多更多，在香港很多有成億身家人仕，作風保持低調，但國內一些偏遠地方，那些暴發戶有三二佰萬身家就像個土皇帝，巴閉過李加成咁，粗粗魯魯聲大大，這種就是富而不貴無文化，素質問題﹗
在香港尖咀或金銅鑼灣遊客區內的國內人仕，不分貧富，不自覺排隊爭先恐後，在禁煙區吸煙亂拋垃圾隨地吐痰隨處可見，還記否幾年前有班內地遊客到馬來西亞，被酒店員工用紙劃隻豬來形容中國人，由此可見這種富而不貴的人去到邊衰到邊，影衰全部華人。
講到話工展會排長龍一蚊買隻鮑魚，香港很多人存有一種貪小便宜心態，從小見慣，而很多都是來自國內新移民家庭，特別是一些上年紀人仕，並非說他們無錢，是他們知識水平有限，這些人仕也是街頭騙案騙徒的主要目標，而根據記錄，警方成功拘捕騙徒當中，100%騙徒都是持內地證件來港犯案。

所謂 "大陸低下貧民也是更多更多"
驟聽上去好似合理 ~~ 因為好多港燦到今日都拒絕接受大陸經濟今時唔同往日呢個事實
大陸貧窮落後呢個印象深深刻劃晌腦海中
正如話歐美國家國富民強﹐日本人全民皆富呢種印象一樣根深柢固
但點謂之 " 低下貧民" 就完全係自由心證﹐冇客觀標準
最多就係睇見香港 d 腦殘傳霉扒糞式報導
攞 d 偏遠山區農民﹐或者城市最低下層無技能體力勞動階層作代表
擘大口就話 " 大陸低下貧民也是更多更多 "
~  冇貧窮定義﹐冇數據﹐乜到冇
你要反駁佢咩﹐佢就會摷 d 極端個案或者冇乜普遍代表性嘅例子出嚟
你就真係雞同鴨講
要用呢種手法﹐我都隨時可以攞香港有人瞓天橋底﹐幾十萬人攞綜援...
然後擘大口就話香港係第三世界地區水平

冇人會認為大陸係已發展國家 - 連胡溫都成日話中國只係發展中國家
西方國家就恨不得你中國自吹係發達大國
但中國人口多﹐gdp 俾13億人一攤分就只係第三世界國家水平
西方國家就吹佢唔脹
但港燦台灣佬因此不自量力自以為比大陸富強﹐就係自大盲目嘅井底蛙

要講暴發戶嘴臉﹐以前港台都有唔少
甚至晌香港只係低收入階層﹐一返到深圳就晌髮廊妹面前充大爺
越窮社會地位越低越喜歡充
台灣佬晌90年代初期果副暴發嘴臉認真囂張
果個年代嘅大水壺手提電話就用足金打個外殼﹐請個波霸秘書跟尾幫佢攞住部黃金電話通處曬命
港燦出外旅行去到邊都目中無人﹐講嘢聲大大好似狗吠咁
連搭電梯果幾分鐘時間講少陣廢話都唔得﹐照吠個不停
唔理咩場合擘大喉嚨講嘢﹐邊行邊食嘢﹐冇嚟貴格
日本有 d 酒店要用中文寫住告示牌 “ 請勿喧鬧﹐請小聲說話” – 果時大陸佬仲未有本事去日本旅行
家陣手提電話普及後仲福佳
任何地方任何時間都必定有人攞住部電話旁若無人咁吠過不停
本來呢種情況晌社會發展過程中係少不免嘅現象
大陸好多人嘅文明程度追唔上經濟發展速度
你就只睇大陸人嘅缺點而無視港燦自己嘅缺點
一句講哂就係自大﹐直到今日仲死要認為港燦比大陸燦高一等
但係最福佳係只能夠攞自己跟大陸低文化階層 ( 未必一定係窮鬼) 比先可以顯示自己嘅優越感
呢 d 就係自大港燦嘅悲哀

[ 本帖最後由 飛毛腿 於 2011-2-14 21:58 編輯 ]

商家想骗顾客,结果偷鸡不成蚀把米。
都不是什么好人。
这个事件里面不是大陆人与香港,而是消费者与商家的关系。总体来看,结果还可以。其实可以少陪一点钱的。但如果纵容了商家,势必造成舆论压力,从而影响香港旅游。