依家普通一個經理仔辭職都要3個月通知, 想即走就賠代通知金, 唔知西九CEO呢個位辭職要幾多個月通知, 只知聘任此職需6-9個月. 就當佢要6個月通知, 政府花左大半年請佢番黎, 佢做左5個月, 俾幾張醫生紙證明因健康理由不適宜再回港工作咁大件事, 政府就免去佢既代通知金賠償, 然後又要花錢重新聘請空缺, 都好應該俾大家知道下佢呢個係咩急病是否合理.

點知真係俾人講中, 唔駛2個月依家又話英國文化協會委聘佢為藝術總監, 唔知佢幾時病好咁快又搵到第二份筍工, 病好點解唔同港府傾可唔可以繼續玩野.  我又諗或者佢個病只係唔適宜回港工作, 佢份新工可能唔駛晌香港工作.

又聽聞佢係頂唔順西九份工壓力太大, 咁都可以即時請辭豁免賠償既話唔知邊個打工仔工作冇壓力. 我認為必須公開佢既醫生證明俾大家評定下係咪可以接受, 仲要查證醫生證明有冇偽造之嫌(呢d野好兒戲 ), 佢咁快又成功另謀高就, 如果中間有咩蠱惑, 一定要佢賠足代通知金兼賠償重新聘任新人既所有費用.

題外話, 唔明點解請呢d位都可以唔駛做body check.

据消息佢係唔妥夏佳X，有人要佢即刻走，唔係個事主古惑

引用:

原帖由 KMY89 於 2011-2-27 04:54 PM 發表
据消息佢係唔妥夏佳X，有人要佢即刻走，唔係個事主古惑

未聽過呢d故事, 職場人士問題通街都係, 即使屬實, 佢坐得果個位, 擺唔平呢d野都要俾足通知走人, 呢d係遊戲規則.

咁，係咪責任在唐司長和盛智文呢個committee身上呢？點解未搞清楚就俾錢?

引用:

原帖由 KMY89 於 2011-2-28 07:41 PM 發表
咁，係咪責任在唐司長和盛智文呢個committee身上呢？點解未搞清楚就俾錢?   

咁又係, 老千既責任係呃錢, 啅完飛只係攞佢應得既著數, 情有可原. 而老細既責任就包括鑑定員工醫生紙既真偽或者親自幫員工驗身, 證明無誤先好批病假, 以保障機構利益.