會員名稱：體內爆漿
申請版位：歷史文學
是否已在申請的版塊每日發3主題並連續5天：是

抱負(不少於50字)：我希望能以前人的歷史 / 經驗及智慧 , 去啟發多一些人去認識歷史和提升學習的興趣 , 時日久了 , 小弟才發覺古時的人並不蠢 , 而且很有值得學習的慧黠 , 平凡如中國象棋的64格棋盤 , 卻懚含易經八卦之像 , 戰場上行軍打仗的陣法等等 ; 希望小弟能為xocat論壇略盡綿力 , 如蒙不棄 , 小弟絕對不遺餘力做到最好

是否現職其他論壇/討論區的版主以上級別職位 : 否
推薦人: 沒有

P.S : 在這論壇裡我沒有認識的人 , 希望各方版友版主可以支持小弟一票 , 如若沒有十位會員支持 , 那麼小弟是次申請將會不被接納而告吹 , 謝謝各位朋友!

勤上線去管理版面，發言，支持你一票。　

我會緊記同確實履行 , 多謝你支持!

有睇過呢張申請帖既 , 支持好 , 唔支持又好 , 幫個忙留下言 , 好似無人理我存在咁 , 仲慘過比人直接否決.......定還是覺得歷史區冷門 , 所以可以不理是次申請呢 ? 唔該路過既咁多位講聲 , 等我得個知字Y

早前收到你的pm，但一直沒有回應，
是怕我的表態會影響別人的決定。

我的意見是，你現在申請是早了一點。

我曾經看過你的記錄，是2007年登記的，年資是夠的。
發了56個帖， 加上回帖有三百多。
在歷史版發了21個帖，但大部份都是這幾天發的。
以前很少在歷史版發言。

我覺得你為申請版主，是突然"歷史"
從網站或報章剪貼有關文章。
但不加自己的意見或考證，
亦引不起別人的討論， 回應你的太少。

我不是說沒有人關心歷史，在這裏卧虎藏龍的高手多的是，
只是論譠的風氣一面倒，完全側重在成人三級那邊，
看閣下的網名也應該是偏向那一邊罷?

歷史文學是一門嚴肅學問，不是一時三刻可以搞起來。
我建議你先發一些能引起話題的帖子，
看看是否能拋磚引玉，引起討論。

再決定是否應該申請版主。

首先多謝你解答我既疑問 , 咁我詳細小小講下點解我會"突然版主" ; 當日我係經一位現實中既朋友介紹黎xocat玩 , 記憶中當時仲係幾多人玩 , 但後來因私人問題同佢反左面 , 大約07年尾後我已好小上xocat , 之後我去左某論壇做左文學版版主 , 一直風氣甚好 , 直至近來三個月 , 出現一批為數不小既惡意攪事份子 , 經常係度生事 , 而且禁之不絕 , 停權又不停開ac , 我見情況有d失控 , 就請教d高級小小既區主應該點做 ? 點知換黎一句 : [你做好自己果版既野先喇....]我確實向來做足野 , 當時真係唔明所指既係咩 ? 後來至知道 , 原來我曾經再三越區指責過某些會員既回覆 , 我奇怪點解果一版既版主唔理 ? pm問 , 無理我 , 跟住我已直接pm大壇主 , 點知佢只叫我做好自己版既事就夠 , 唔好理人地區既事 ; 我話 : 但家陣d會員係我果版攪事喎 , 我點唔理呀 ? 大壇主 : 咁咪就係你多事管人地區既會員引起囉 !

下....咁都講得通呀...? 對話到此完畢 , 從此我好小再理攪事者 , 過左大約一個月後 , 有次我由兩名會員既對話 , 無意中發現左 , 根本大部份版主 / 分版 甚至大壇主 , 都係知道成件事 , 而又默許佢地存在.....呢斑人根本就係打手 , 點解會默許佢地存在 , 我諗唔使我多講 , 跟住我就請辭走左

個網名我係當時貪得意改 , 同做邊版無關係 , 如果要睇人氣至去申請 , 咁我倒不如唔做 , 老實講 , 我走左近兩年幾 , 的確唔清楚xocat近況 , 跟住我再番睇意見箱先知道 , 原來呢段時間發生左咁多事 , 咁既情況下睇怕唔係我一個人一時之間可以攪得起人氣 , 就當我無申請過 , 多謝你提點

[ 本帖最後由 體內爆漿 於 2011-5-2 11:10 編輯 ]

首先多謝你和我們分享你的管理經驗，
在我們這個討論區就不會發生你以前那個討論區發生的事情，
作為版主為自己管理那個版份內事，
若果覺得情況失控，
可以聯絡「moderator 超級版主」或者在「版主區」再作商討，
其他版主不會視而不見任由滋事份子任意妄為，
所以你可以絕對放心。

還有「歷史文學」屬於偏冷科目，
真係唔係好多人有興趣做這個版，
難得你對這門有興趣，
更何況有相關經驗，
小弟會支持你一票！

P.S. 既然您決心申請，就應該耐心等候，無需要這麼快打退堂鼓，加油！

其實fighterplane師兄提醒左我一件事 , 因為我只係本住 [ 自問勝任 ]既心態黎申請 , 反而無深入諗過呢度同我在位其間既舊壇會有咩唔同 , 正如佢所講 , 人流小人氣弱 , 我要點做? 的確係一個實在問題 , 但要處理一個向來積弱既版面 , 恐怕唔係一個版主可以做得黎 , 所以我至諗住放棄申請 , 但話分兩頭 , 如果個個申請版主都要以此為大前提 , 會令好多有心申請既人會望而卻步

引用:

原帖由 體內爆漿 於 2011-5-2 19:22 發表
其實fighterplane師兄提醒左我一件事 , 因為我只係本住 [ 自問勝任 ]既心態黎申請 , 反而無深入諗過呢度同我在位其間既舊壇會有咩唔同 , 正如佢所講 , 人流小人氣弱 , 我要點做? 的確係一個實在問題 , 但要處理一個向 ...

就係因為人流小人氣弱，就更加需要一個有原則有承擔既版主。
我相信fighterplane既意思唔係要求新版主想辦法增人流加人氣，
而係希望新版主唔好因為要增人流加人氣而走歪路，令論壇質素下降。

有人義務為論譠出力 本人當然支持 我就投你一票

正因為我不值呢類行為 , 如果小弟為左要做版主而去走捷徑谷點擊制造人氣假象 , 如果我無原則 , 當日我何必憤而請辭 ? 我係有認真諗過fighterplane版主既建議 , 認為個人之力做唔到我至會咁講 , 但都要多謝anakin版主你地認真咁答我 , 總好過以前個壇d人咁 , 無論做得好唔好都無人理 , 問下都話管過界 , 或者做個普通會員仲自在得多

引用:

原帖由 體內爆漿 於 2011-5-2 22:59 發表
正因為我不值呢類行為 , 如果小弟為左要做版主而去走捷徑谷點擊制造人氣假象 , 如果我無原則 , 當日我何必憤而請辭 ? 我係有認真諗過fighterplane版主既建議 , 認為個人之力做唔到我至會咁講 , 但都要多謝anakin版主 ...

無論做得好唔好都無人理，呢樣從來都無變過

先多謝《體內爆漿》兄的申請及分享以往在某網的管理經驗，

其實Maverick兄說得很對，在我們這個討論區很是團結，

只要遇到管理上事情，若自己解決不來，

可以聯絡其他大大師兄 (超級版主…等)協助，提取意見。


其實去到那裡 (討論區)也有是非，若要做版主，就要做到最好。

小弟雖是 “貼圖區”常客，但對文學也相當有興趣，(PS:你睇下我貼圖的主題句子便知。)

就此送給《體內爆漿》兄：

【生於憂患，死於安樂】《孟子》

憂患使人生存，安逸享樂卻足以使人敗亡。

在貼圖區有是非、有麻煩人出現，才顯得自己的實力，


講真，大大的網名的確有點兒戲，

但小弟支持你，希望你成為「歷史文學」版主，

因為睇得出大大有誠意，小弟投你一票！


[ 本帖最後由 SuckToe 於 2011-5-2 23:53 編輯 ]

既然有人有心有力
小弟一定支持
因為本住 [ 自問勝任 ]
其實都已經成功一半

加油！

多謝sucktoe兄既提點 , 任何時候我都係本著 [任何人都係我學習對象] 我認為網絡就等同社會縮影 , 論壇如公司 , 版主如管理層 , 彼此都有一定程度既微妙關連 , 係一個好好既反射學習渠道
我向來比較喜歡攪笑或出位既網名 , 但家陣有d後悔個名出位過頭.......不過點都好 , 我覺得最大得著唔係R唔R到10個人支持 , 而係得到你地真心同我議事論事 , 多謝咁多位

第六位支持...

見得太多火星文及潮語充塞於在網上,

如能在文學中取經學習, 絕對係好事.

期望你出心出力及成功申請

引用:

原帖由 yutauwan 於 2011-5-3 12:56 發表
第六位支持...

見得太多火星文及潮語充塞於在網上,

如能在文學中取經學習, 絕對係好事.

期望你出心出力及成功申請

[賣廣告]
想學習多點語文
來接龍版吧
[/賣廣告]

乜有[賣廣告]呢個代碼既咩..?

引用:

原帖由 體內爆漿 於 2011-5-3 21:43 發表
乜有[賣廣告]呢個代碼既咩..?

哈哈
你覺得有冇?

引用:

原帖由 yt3608 於 2011-5-3 23:01 發表

哈哈
你覺得有冇?

印象中應該係無......得閑我會去接龍區踩下

~見你滿腔熱誠, 我支持你申請版主, 投你一票~



順便說一點個人心聲↓↓
我看了你陳述 6# 你以前在其他論壇做版主的越區處事手法, 我本人就絕不認同, 無論其他版有無版主管理都好, 如果你去越區干涉和處理其他版的內政, 一定會引起很多版主與版主之間,和會員與會員之間的紛爭........以前Xocat都有些前版主: CarljohXXXn 、AV327_HMXX5 越區干涉和處理其他版的內政, 攪到一鑊粥, 倒頭來都被大版主革職和ban a/c.
只希望你如果成功申請後, 唔好將以前越區處事的手法, 套用在Xocat上而引起不必要的紛爭, 倒頭來被大版主革職, 而你辛苦申請得來的版主職位便前功盡費了


最後衷心祝福你申請成功

其實我好明白 [ 不在其位 , 不謀其職 ] 但該次事件確係比較另類 , 我係眼見該區多次有會員出言不遜 , 我只係好客氣提醒 [小心言詞唔好引發不必要駡戰] , 第一次無理我 , 第二次竟然用粗口問候我 , 我為避免駡戰會一觸即發 , 已第一時間抽身pm該區版主有此情況 , 竟然無理我 , 仲叫我做好自己版先講? 會員犯規仲向版主講粗口 , 我自問該次處理已十分温和同恰當 , 如果係呢度出現同樣case , 我想請教一下你地又會點做?

經此一役後 , 如果唔係自己區內既問題 , 相信我都唔會再管 / 理 / 提, 因為我已上左寶貴一課 , 知道咁樣會引發好多管理控制以外既問題

[ 本帖最後由 體內爆漿 於 2011-5-5 11:04 編輯 ]

引用:

原帖由 體內爆漿 於 2011-5-5 11:02 發表 其實我好明白 [ 不在其位 , 不謀其職 ] 但該次事件確係比較另類 , 我係眼見該區多次有會員出言不遜 , 我只係好客氣提醒 [小心言詞唔好引發不必要駡戰] , 第一次無理我 , 第二次竟然用粗口問候我 , 我為避免駡戰會一觸即發 , 已第一時間抽身pm該區版主有此情況 , 竟然無理我 , 仲叫我做好自己版先講? 會員犯規仲向版主講粗口 , 我自問該次處理已十分温和同恰當 , 如果係呢度出現同樣case , 我想請教一下你地又會點做?

請善用按右下角「報告」button 一下，
這樣就能夠通知所有 moderator，
正在巡版既 moderator 收到訊息會過來了解，
再由 moderator 去處理。

了解 , 我唔會以過往經驗套用係呢度 , 既然版主有明確指引 , 我都唔擔心會再發生同類事件 , 多謝一再解答我既難題

Done.
Sorry for the late.