http://beta.hk.news.yahoo.com/%E5%83%B1%E4%B8%BB-%E5%85%AB%E5%8D%81%E5%BE%8C-%E7%84%A1%E8%B2%AC%E4%BB%BB%E6%84%9F-220946497.html

(綜合報道)(星島日報報道)「八十後」懶惰、無責任感嗎？有團體調查發現，僱主與年輕僱員對「八十後」的看法大為不同，例如僱員認為自己勤力和愛自由，僱主卻持相反意見。團體認為兩代出現「誤解」，建議僱主應多了解「八十後」僱員的溝通方式，及多回應僱員工作表現，不要待年尾才派花紅。
　　持續專業進修聯盟委託泰田麥基以問卷訪問四百八十八人，了解「八十後」工作的特質，其中一百六十五人是僱主，大部分是「七十後」，而其餘回覆問卷的受訪者是「八十後」僱員和學生。
　　調查發現，「八十後」認為自己的特質是「有活力」、「勤力」和「愛自由」。不過「八十後」眼中的優點卻變成僱主所想的缺點，僱主認為「八十後」是「急進」、「懶惰」和「無責任感」，共同形容詞只有「自我」和「創新」。
　　年輕人自評「勤力、愛自由」
　　聯盟主席蔡惠琴認為，「八十後」創意多多，上司不難發現；至於僱主認為「八十後」懶惰和無責任感，相信是出於價值觀和習慣不同，「年輕人鍾意利用食飯時間上網、玩facebook，不等於是偷懶，只是大家生活模式不同，因此雙方應多溝通。」
　　蔡指由於「八十後」較為心急，希望完成工作後可盡快獲得僱主回應，可增加評核次數，令僱員得悉工作表現。她指，現時已有企業不會等年尾才派花紅，也有銀行業讓僱員在生日的月份多一日大假，增加僱員對公司的歸屬感。

家陣八十後，當我有偏見∼真係好唔掂∼總會有人係掂，但係普遍唔掂∼冇責任感絕對真；急進，睇你點急法，呢點無論四十五十六十七十後都會，急功近利係人性所在；愛自由，乜人都鐘意，與八十後無關，但係八十後愛自由的程度可以不顧一切，簡單講冇責任感；創新，唔可以話錯，但係無厘頭創新，亂嗡當秘笈。如果亂嗡不考慮其他要考慮因素就叫創新，咁乜年紀都得，只要個腦係正常，實得∼懶墮，呢點中到無論∼
解單講，又要食又要唔洗做；人人都想，但係八十後會付之實行。

80後﹐成長期係 80年代末期至 90年代
經濟條件比 60 ~70年代好無數倍﹐物質豐富 ﹐覺得幸福係天賦權利
連讀書壓力都冇乜 -  除咗父母追求名校
只要你喜歡讀書﹐或者家庭條件唔錯﹐入大學基本冇問題
佢地父母輩﹐除咗係世家世世代代有米慣
好多都係暴發戶心態﹐總之就水鬼升城隍﹐以為自己好巴九閉
成個社會風氣毫無包容心態﹐把口就狗噏民主﹐其實心胸狹隘﹐囂張浮躁
日日吠呢樣吠果樣﹐投訴呢個投訴果個
白痴無腦父母就拖住仔女上街一齊吠﹐美其名話教育下一代爭取權利喎
呢種身教言行就教出一堆冇修養﹐冇包容心﹐遇咩事只識發泄情緒嘅無腦人
有咩唔順眼就係人哋嘅錯﹐自己覺得唔爽就係人哋嘅錯誤

睇下家陣80後生產的下一代更可怕，一代不如一代。

神州八號登月計劃團隊
平均年齡只係 31歲
人哋 80後就已經踏入航天科技技術人員行列

80後經歷的房價，前面的人經歷過嗎？
今後的90後，00後都不必為房子愁了！

引用:

原帖由 vegazalaes 於 2011-6-16 18:23 發表
80後經歷的房價，前面的人經歷過嗎？
今後的90後，00後都不必為房子愁了！

呢個係另一個問題~
其實九七年樓價一樣高,只不過唔同的是，當年係經濟十多年猛升，啲人有錢買樓，貴一貴都有人買。今日香港經歷十年多經濟不境，依家個樓市升都係以前果批人玩，新一代根本唔會有錢玩。
不過你講八十後要經歷高房價。你幾時都夠七十後惡頂啦！∼你諗吓。七十後一出社會工作就係經濟不景，未見過魚翅撈飯年代。依家係佢哋結婚同生細路的時間，佢哋未見過經濟好景，搵唔得多，家陣好景咯，樓價狂升，又冇錢買，七十後面對的問題比八十後還要多，在最需要住房的年紀，偏偏樓價狂升，又冇錢買。

每個年代既環境都會衍生每個年代既人同事物. 對80後來講, 佢地既價值觀念係好正常同理所當然.

60後睇唔過眼70後, 70後又睇唔過睇眼80,90後. 好正常.

對錯永遠都係觀點與角度既問題. 咁, 用咩觀點?

如果示威就可以揾多d着數, 既然合法, 點解唔去惡下, 威下, 開心下? 可必面對現實, 打工比人點. 香港有班咁既高官, 有d咁既政棍, (雖則都係香港人既錢)但係唔揾政府比錢, 真係對唔住自己.
拿拿拿, 6000要等? 安排有不妥當之處喎. 民主黨又有機會呼籲市民遊行, 幾開心. 唔可以話80後錯喎, 社民聯加油.
80後加油.

真正既潛在問題係可以參考下法國既經濟情況.
法國唔錯架, 好有民主.

人既野, 咩年代都好, 最重要都係睇下大家爭唔爭氣. 揾街外錢, 要有” 競爭能力”先可以去”競爭”.

大唔似大, 細唔似細, 個個都只係可以睇到眼底咁遠來發春夢. 就當係發春夢既年代.