阿根廷在二戰期間一直由獨裁政府掌權,沒有實際參加二戰.至於什麼叫獨裁和什麼叫民主都只是相對的政治形容詞,大家不必較真.其實站在老百姓立場而言,即如是全宇宙最民主的美國人還不是一樣對二戰明哲保身?有太平洋和大西洋做防火牆,又管它日本仔德國鬼殺人千萬?總之有排唔會打到過黎,亦冇可能會打過黎,咁又點解要幫人地出錢出力加流血?所以當美國政府對南美洲國家施加壓力,要求人家加入反法西斯陣線,主因還不是因為日本仔打了珍珠港?如果冇珍珠港事件出現,美國人還不是高唱關人隱事?

不過阿根廷最後都執番條尾籌對德日宣戰,一於做其正義化身打倒法西斯.不過日期就唔係咁令仔,因為宣戰日是 1945 年 3 月 27 日,其實你老哥是否宣戰根本冇實戰上的分別,日本仔同德國鬼正式係該死就唔駛病,有冇你都係死實.總之就係政治性大於實質性.

而家講一架由阿根廷响 1943 年自行研發既坦克 ------- 虎式坦克 Nahuel .



[ 本帖最後由 jj2jr 於 2011-6-15 18:13 編輯 ]

呢隻 "阿虎" 又幾盞鬼,佢既正式番號係 DL-43 ,別號 Nahuel , Nahuel 係當地土話,即係老虎之意.

阿虎哥外型有幾分似美國既 M4 同 M10 ,不過阿虎係完全由阿根廷自主開發既.


阿虎 .


[ 本帖最後由 jj2jr 於 2011-6-15 20:29 編輯 ]

很好，喜欢二战的东西，很向往的

阿虎外型上和美國的 M4 及 M10 很接近,有著前者的圓型炮塔和後者的向上傾斜車身.

阿虎.







M4A3 .







M10 .

而家又講講阿虎既規格先 :

車重 : 35 噸
車長 : 6.22m
車寬 : 2.33m
車高 : 2.95m
裝甲 : 25 ~ 80mm
動力 : FMA-Lorraine Dietrich EB-12 水冷 W 式 12 缸電油發動機 x 1
馬力 : 500 匹
火器 : 75mm Krupp M1909 L/30 野戰炮 x 1
          13mm 同向機槍 x 1 (有說同向機槍口徑是 7.65mm)
           8mm Madsen 機槍 x 3   
時速 : 40km (平地)
行程 : 250km
乘員 : 5 名
產量 : 12 架 + 1 架木製樣車

阿虎的車架底盤和引擎都是由阿根廷在本國生產,坦克主炮是把一批在 1909 年由阿根廷向德國 Krupp 訂製的兩輪野戰炮改裝而成.下面找來了一些 M1909 野戰炮的照片.

型號 : Krupp M1909 L/30
口徑 : 75mm
管長 : 30 倍
全重 : 990kg

炮管上刻有西班牙文 "KRUPP Modelo Argentino 1909" ,即是 "Krupp 阿根廷 1909 式" .

FMA-Lorraine Dietrich EB-12 水冷 W 式 12 缸電油發動機

嘩, 一缸油可能由尖沙咀去到旺角咋  

阿虎炮塔上有一支同軸機槍,不過關於這傢伙的資料就語焉不詳.有說是一支叫做 Allen 的 12.7mm 或 13mm 機槍,不過我找不到有任何叫做 Allen 機槍的資料,當然這並不代表 Allen 機槍是不存在.另外多個講法說它和其他 3 支裝在車殼上的機槍都同時來自丹麥的 Madsen .

講開呢支 Madsen 就真係好野,遠在 1902 年由丹麥佬一面飲啤酒一面食乜罐曲奇時設計生產,俾人用左超過一百年.直到而家巴西有 d 差佬重係裝備 Madsen 機槍,點解呢?主要原因係警隊貪污,阿頭將 d 預算用左去玩女人買大屋,於是你班散仔只好用充公番黎既百年老槍頂住檔,反正打得响就 ok 啦, right?

2009 年巴西特警打擊毒販,大家睇睇照片中企响後便既阿蛇,手上就係拎住支 Madsen ,前面果位亞腥就好彩 d 有條 733 揸下手.

大家話睇到呢度不如轉個 shot 去 look 下阿虎模型好唔好?

不過就算有人話唔好都冇得傾,一於去畫 .......


由阿虎模型上可以更清楚睇出阿虎身上的細部,佢其實同 M4 Sherman 真係好鬼似,下面有架 M4A2 ,大家睇下佢地兩邊果三套路輪真係好似同個亞媽生既一樣,阿虎就有 5 隻回托輪,而 M4 就只得三大隻.

阿虎模型就只有阿根廷本地出產和有得賣,而我睇過幾位阿根廷模友既作品同說話,可以發覺佢地都係以阿虎為榮.原來當阿根廷在二戰時保持中立,後果就係被以美國為首既民主反法西斯集團標籤為反民主,即係用二元論非友即敵的態度去看待阿根廷,於是歐美國家就對阿根廷實行禁運.呢個政治手法到現在仍在地球上不停地上演,大家睇下民主力量真係幾差咁偉大同自由!

阿根廷因為冇外國材料可以進口,所以製做阿虎全部都係由自己一手一腳做出黎,可以講係傾全國力量去打做阿虎.下面再睇番阿虎模型,可以見到阿虎車頭有 3 支機槍,炮塔主炮左面就有另一支同向機槍.不過我唔係好明點解佢要將兩件車手艙蓋門整得咁大,同時又係向前推起打開,雖然可以話提供大面積防彈保護,但視線受阻就重弊.

阿虎炮塔兩側有射擊孔.

大家有冇發覺呢架編號 121 既阿虎身上放滿斧頭鏟仔番釘咁呢?原來呢架係全部 12 架阿虎中既第一架頭車,即係大仔黎既,呢組模型就係以佢地 12 兄弟响 1945 年 7  月 9 日阿根廷國慶日進行遊行活動攸背景.咁既然係出去遊行蘇哥呢,就一定要將所有啪屎同阿殺殺你全部執正出黎威威啦下話!

講番阿虎副偈,佢係由阿根廷空軍工廠 (FMA) 製做,車頭原型就係法國佬既 Lorraine-Dietrich 12 Eb ,呢隻 LD-12-EB 本身係一隻飛機車頭,水冷 12 缸電油活塞車頭,四缸一行分成二行再擺成個 W 字母排列.阿根廷買左佢既生產權自行製做,型號就叫 FMA-Lorraine-Dietrich 12 Eb .阿根廷佬都算好野.


劏開隻 12Eb 過大家睇下.

下面呢個係法國佬既 Lorraine-Dietrich 12 EB 原型.果條生氣喉捽到立立令真係好鬼死養眼好鬼死正.

另外補充一下, LD-12Eb 容量係 23.7 L ,即係 23,700cc ,唔怪之得連飛機都升得起勒!









[ 本帖最後由 jj2jr 於 2011-6-17 12:08 編輯 ]

下面來一組阿虎實照,多數都是在國慶日當天巡遊時的耀武揚威照片.

另一組以國慶日巡遊做背景的阿虎模 (唔係嫩模,如果係阿根廷模就正到飛起啦!),可以再仔細睇睇佢既細部.