發哥點將鄭嘉穎接棒
蟄 伏 兩 年 多 ， 周 潤 發 日 子 並 無 白 過 ， 走 出 了 抑 鬱 症 陰 霾 ， 在 回 歸 中 國 影 壇 的 同 時 ， 雖 憑 《 滿 城 盡 帶 黃 金 甲 》 創 下 中 國 華 語 電 影 票 房 紀 錄 ， 但 這 位 巨 星 依 然 關 心 香 港 ， 更 不 忘 在 電 影 及 電 視 圈 尋 找 新 一 代 接 棒 人 ！
發 ： 周 潤 發 記 ： 記 者 蓮 ： 陳 薈 蓮
接 班 人 選
發 哥 在 影 壇 戰 績 彪 炳 ， 《 滿 城 盡 帶 黃 金 甲 》 在 大 陸 上 映 20 天 即 勁 收 二 億 七 千 萬 元 人 民 幣 ， 破 盡 華 語 片 紀 綠 ， 一 躍 成 為 最 高 票 房 華 人 男 星 ， 但 他 仍 不 忘 關 心 香 港 電 影 、 電 視 圈 ， 更 盛 讚 幾 位 有 潛 質 演 員 。
記 ： 有 冇 想 過 呢 一 代 邊 個 可 以 做 你 接 班 人 ？
發 ： 電 影 方 面 ， 謝 霆 鋒 、 張 芝 最 有 潛 質 ， 結 婚 冇 影 響 喎 ， 周 杰 倫 都 好 ， 佢 拍 《 頭 文 字 D 》 夠 獨 當 一 面 ， 《 黃 金 甲 》 又 大 賣 ， 睇 埋 第 三 部 啦 ， 我 睇 好 佢 ！
記 ： 陳 冠 希 都 進 軍 荷 里 活 喎 ？
發 ： 佢 戲 路 唔 夠 霆 鋒 咁 廣 ， 女 仔 話 周 迅 幾 好 ， 有 演 技 又 有 票 房 。 電 視 方 面 我 睇 好 鄭 嘉 穎 ， 幾 靚 仔 呀 ， 個 黃 宗 澤 同 陳 豪 戲 路 都 幾 廣 ， 陳 豪 又 夠 高 大 ！ 電 視 台 其 實 係 好 訓 練 基 地 ， 好 似 羅 嘉 良 離 開 外 邊 發 展 ， 人 就 懷 念 佢 ， 無 真 係 畀 把 寶 劍 佢 ！
狂 搵 二 億
記 ： 成 為 中 國 史 上 最 高 票 房 華 人 男 星 有 何 感 受 ？
發 ： 高 處 未 算 高 ！
記 ： 據 估 計 ， 你 復 出 拍 《 魔 盜 王 》 第 三 集 、 《 黃 金 甲 》 及 《 姨 媽 的 後 現 代 生 活 》 ， 總 計 片 酬 收 入 超 過 二 億 元 ， 媲 美 你 《 黃 金 甲 》 票 房 ？
發 ： 呢 要 問 周 太 ， 我 只 求 演 出 中 搵 到 樂 趣 。
蓮 ： （ 哈 哈 大 笑 ） 呢 係 商 業 秘 密 ！
記 ： 今 次 創 下 佳 績 ， 會 否 全 面 回 歸 中 國 影 壇 ？
發 ： 只 要 係 好 劇 本 、 好 角 色 ， 無 論 大 陸 、 荷 里 活 定 係 港 產 片 ， 我 都 會 拍 ！ （ 係 咪 停 兩 年 ， 依 家 好 雀 躍 接 番 多 戲 ？ ） 順 其 自 然 啦 ！ 其 實 休 息 兩 年 影 相 ， 學 英 文 同 普 通 話 都 好 開 心 ！
走 出 抑 鬱
雖 然 貴 為 荷 里 活 影 星 ， 但 發 哥 在 香 港 任 何 一 個 角 落 ， 都 平 民 化 得 有 如 你 我 的 街 坊 ， 誰 都 可 以 跟 他 「 傾 番 兩 嘴 」 ， 嘻 嘻 哈 哈 過 一 天 ！ 只 是 ， ○ 三 年 他 突 然 患 上 抑 鬱 症 ， 相 當 人 意 外 。
記 ： 患 上 抑 鬱 症 ， 對 你 影 響 係 咪 好 大 ？
發 ： 男 人 都 有 更 年 期 嘛 ， 係 生 理 上 賀 爾 蒙 唔 平 衡 ， 你 睇 汪 明 荃 、 葉 麗 儀 個 女 人 都 有 ， 女 人 停 經 就 係 咁 ， 係 程 序 ， 畀 賀 爾 蒙 藥 食 無 事 ， 如 果 唔 醫 咪 阿 伯 咁 囉 ， 個 錘 仔 死 人 ， 變 躁 狂 症 ！ 呢 個 病 早 醫 就 無 事 ， 好 似 傷 風 感 冒 食 感 冒 藥 咁 ， 每 個 人 到 咁 上 下 就 有 呢 啦 。
記 ： 有 冇 諗 過 點 解 有 呢 個 病 ？
發 ： 做 咁 耐 ， 突 然 間 停 落 冇 做 ， 心 理 有 變 化 ， 自 己 都 估 唔 到 ， 而 且 年 又 有 沙 士 ， 成 個 社 會 都 灰 ， Leslie （ 張 國 榮 ） 、 阿 梅 （ 梅 艷 芳 ） 又 走 ， 好 慘 、 好 抑 鬱 ！
心 願 不 變
一 九 七 七 年 ， 發 哥 在 一 個 訪 問 中 曾 經 說 過 ， 他 六 十 歲 時 會 是 一 個 人 ， 坐 在 湖 邊 一 間 小 屋 旁 ， 叼 煙 斗 戴 帽 ， 披 毛 氈 坐 看 湖 光 山 色 ， 到 了 二 ○ ○ 七 年 今 天 ， 由 電 視 小 伙 子 變 成 荷 里 活 影 星 ， 眼 界 闊 了 ， 但 願 望 依 然 簡 單 如 普 通 人 ， 只 是 在 這 個 意 境 中 ， 發 哥 身 邊 已 多 了 一 個 好 伴 侶 — — 發 嫂 ！
發 ： 我 都 係 一 個 普 通 人 ， 平 時 唔 多 出 街 ， 一 係 屋 企 睇 書 ， 一 係 去 九 龍 城 買 ， 大 大 發 現 自 己 幾 內 向 ， 某 程 度 上 唔 做 呢 行 ， 但 係 去 到 片 場 又 會 熱 衷 工 作 ！ 其 實 只 係 職 責 、 身 份 係 一 個 名 人 ， 但 過 都 係 普 羅 大 眾 生 活 ！ 某 人 或 者 覺 得 好 特 別 ， 呢 度 度 拍 戲 ， 但 對 我 講 只 係 一 個 工 作 ， 去 到 荷 里 活 亦 只 係 一 個 新 人 ！
記 ： 外 邊 世 界 見 識 多 了 ， 多 年 來 的 心 願 竟 然 冇 改 變 ？
發 ： 始 終 個 根 都 係 呢 度 ， 將 來 只 要 係 香 港 或 者 大 陸 ， 真 正 中 國 人 地 方 ， 有 山 有 水 ， 有 相 影 就 得 ！
記 ： 以 前 人 一 個 ， 依 家 多 個 發 嫂 身 邊 喎 ！
發 ： （ 大 笑 ） … … 佢 唔 搞 搞 震 咪 畀 佢 身 邊 囉 ！ 總 之 唔 好 搞 住 我 創 作 啦 ！
