睇下50年代中環交通亭內指揮交通的女警幾咁威風，巾幗不讓鬚眉！



50年代 中環德己立街（當時人力車聚集地之一）



50年代太子道夾通菜街（太子道向東望）

[ 本帖最後由 dw194711 於 2011-7-21 14:42 編輯 ]

引用:

原帖由 dw194711 於 2011-7-21 14:15 發表


戥你高興！
點解咁驚險都唔瓜得咁好彩?

托黃大夫您鴻福！

引用:

原帖由 mtpen 於 2011-7-20 17:57 發表



佢哋衰在冇自知之明，不理客觀形勢，到頭來只會落得失望／失意！

更衰在叫佢犧牲／減少享樂又唔制，連降低慾望都唔制，見人有就要我有，
咁做人實死�瞴I

其實我和何老大 擔心/著緊 的是 肯付出, 但無父蔭的小數...

引用:

原帖由 mtpen 於 2011-7-20 18:58 發表


做得咁辛苦，獎勵吓自己絕對應該！

之但係唔使要食魚翅話？呢亭爛鬼翅，係你哋啲華人short short哋話佢矜貴mark up the price之嘛，掟錢俾人使，stupid!

預左你 lau,  我細細個, 無人教, 都覺得 翅好食. 但唔鍾意 鮑魚/ 冬菇...

引用:

原帖由 dw194711 於 2011-7-21 14:15 發表


戥你高興！
點解咁驚險都唔瓜得咁好彩?

其實疑惑好耐, 有無人 enlighten me ?

黃兄其中一張相, 7 層公屋, 小朋友其實好易有意外. 當時資訊唔發達, 所以無人報導 ?

有冇人聽聞/眼見 過意外?

引用:

原帖由 suewong 於 2011-7-21 17:22 發表


預左你 lau,  我細細個, 無人教, 都覺得 翅好食....

黄小妹妳都話細細個咯，妳當時都冇腦嘅，就係咁俾人滾咗囉！

根本就唔值咁嘅價！

引用:

原帖由 mtpen 於 2011-7-21 17:41 發表


黄小妹妳都話細細個咯，妳當時都冇腦嘅，就係咁俾人滾咗囉！

根本就唔值咁嘅價！

政治不正確 - e+ 都覺得好食...

to be fair, 煮要好多心機/時間...

引用:

原帖由 suewong 於 2011-7-21 17:54 發表


政治不正確 - e+ 都覺得好食... ..

記住，好食嘅嘢多數冇益，我係妳就少啲食，都唔計話乜鬼破壞生態平衡咯！

嗨，老餅們，小弟點一首歌俾大家聽，叫做「鸞鳳和鳴」。

飛哥跌落坑渠    鄭君綿 鄧寄塵 李寶瑩 1958


[ 本帖最後由 dw194711 於 2011-7-22 14:41 編輯 ]

我在七層公屋住左廿幾年，無乜聽過有人意外跌落樓。騎樓的欄河都有成三呎高，都唔算危險。當時家家戶戶都開大門口，互相守望。走廊是人來人往的，如有小朋友在走廊企櫈爬高，會有人喝止的。反為現在就不時聽到小朋友跌落街。

引用:

原帖由 林八八 於 2011-7-22 20:29 發表

我在七層公屋住左廿幾年，無乜聽過有人意外跌落樓。...

對呀，我細個都响七層大厦住過一段時期，大個後做電話公司安裝技工亦曾出入該類七層大厦多年，未嘗聽聞過有細路仔或大人意外跌落樓，真係上天庇祐呀！。

唔講你唔信，我亦未嘗聽聞過有人跳樓，可能嫌佢矮掛？

講起七層大厦，大家有否記得每座嘅五樓咁上下，多數有間士多舖仔賣吓雜糧日用品，最興响舖仔對出走廊吊個籮出外牆，方便樓下居民買嘢吊上吊落唔使撑樓梯，好盞鬼！

引用:

原帖由 林八八 於 2011-7-22 20:29 發表
我在七層公屋住左廿幾年，無乜聽過有人意外跌落樓。騎樓的欄河都有成三呎高，都唔算危險。當時家家戶戶都開大門口，互相守望。走廊是人來人往的，如有小朋友在走廊企櫈爬高，會有人喝止的。反為現在就不時聽到 ...

thanks...

引用:

原帖由 mtpen 於 2011-7-22 21:13 發表


大家有否記得每座嘅五樓咁上下，多數有間士多舖仔賣吓雜糧日用品，最興响舖仔對出走廊吊個籮出外牆，方便樓下居民買嘢吊上吊落唔使撑樓梯，好盞鬼！

...

間屋咁細, 仲擺雜糧日用品...

七層大廈冇電梯，五六樓的士多可以方便好多人買嘢唔使跑上跑落。而且天台學校有好多學生，所以樓上店舖都好有生存空間。

照片是取材自「蘇絲黃的世界」，該片記錄了香港五、六十年代的生活點滴。

小弟在五十年代是住在類似的三層木樓，一家五口住在二樓一個無窗的板間尾房，真的是不見天日，後來和樓上熟落了，間中可以爬上天台透下氣，大家可以見到每一個天台都有一個天窗，如果落雨時包租公／婆就會自己或者叫人冚返個蓋。

個陣時連風扇都無，但好似唔識覺得熱，最熱時最多咪瞓街。個個細佬一定生蟲同生瘡，無一倖免。學1149兄話齋，唔係蛔蟲就係繞蟲，晚上無得出街，收音機都無，全無娛樂，幾兄妹就互相捉蟲。

最開心就係老豆用咗成個月人工買咗一部八原子粒樂聲牌收音機，全家人晚上圍住來聽，一樂也。

那時候好似有一廣播劇叫「碧血黃花」，唔知邊位大哥有印象？

引用:

原帖由 理魯竇 於 2011-7-24 21:27 發表
個陣時連風扇都無，但好似唔識覺得熱 ...

細個/年輕時真係好好似唔識覺得熱.

近來暫住之處, 係山上, 向南, 通常我一人在家, 都盡量唔開冷氣. 哩幾日假期, 冷氣都要 24 小時開放...

引用:

原帖由 林八八 於 2011-7-24 00:11 發表

七層大廈冇電梯，五六樓的士多可以方便好多人買嘢唔使跑上跑落。..所以樓上店舖都好有生存空間。

水清就無魚，若果當年有ICAC就唔會有呢亭corner shop矣！

家陣啲Housing/Estate Manager（當時叫區長）點敢巡到見條友將個單位搞成檔攤咁而唔做嘢呀？

其實當時成五十幾年前港英當局已經行咗小平同志嗰套乜鬼嘢讓一部份人先富起來嘅偉大理念！

至於黃小妹問個silly question話間屋咁細，仲點擺雜糧日用品？

可見大嫂佢呢亭有錢高級知識份子，真係唔食人間煙火，冇落區出巡
體察民情！亦唔知鋼係點樣鍊成！莫講話唔知呢啲窮人第一桶金係點樣掘出嚟！

有乜monkey business我就唔地徐，但俾得你咁揚開檔揾銀，簡直係皇恩浩蕩家山發啦，使唔使仲留位擺張直夢死King Size床嘆吓咁呀？

乜大嫂唔知七層大厦中間樓梯口近公厠附近，公家地方大把位俾人入夜項帆布床嘅咩？不過要打得先至霸到位就真！

[ 本帖最後由 mtpen 於 2011-7-26 16:34 編輯 ]

引用:

原帖由 mtpen 於 2011-7-26 16:32 發表


水清就無魚，若果當年有ICAC就唔會有呢亭corner shop矣！

家陣啲Housing/Estate Manager（當時叫區長）點敢巡到見條友將個單位搞成檔攤咁而唔做嘢呀？

至於黃小妹問個話間屋咁細，仲點擺雜糧日用品 ...

都係何老大了解我, 黃小妹係感嘆間屋咁細，仲點擺雜糧日用品...

觀察所得, 通常有主動收錢既官員, 都冤枉黎, 瘟疫去...

引用:

原帖由 理魯竇 於 2011-7-24 21:27 發表

小弟在五十年代是住在類似的三層木樓，一家五口住在二樓一個無窗的板間尾房，真的是不見天日，..

理兄講起兒時住無窗板間房嘅樂趣，我俾老兄更好玩！

可能因被60代初颱風嚇嚫，老豆先肯飲少支酒、食少包煙，從九龍仔大坑東木屋區搬去深水埗元州街5號景業大厦租一70呎房夠六人住。間房咁鬼巨大，點項咁多張床呀？

屋主體察我家苦况，恩恤我哋俾我同細佬两個，當時大嘅十一二歲，晚上爬上厠所頂一個約三呎高x三呎濶x五呎深之閣仔孖鋪瞓，好彩夜嗎嗎冇乜人興辦公開大，否則啲夜來香一定香過香蜜脯矣！

早前報導話有個小朋友住劏房點慘點慘，令我徹夜難眠，眼淚在心裡流，我並非哀那據稱活在慘絕人寰境况嘅小朋友，而係哀我兒時比佢苦難百倍，但得不到任何善長仁翁，道德人士同情、幫助！

天呀！究竟我哋係咪冇老母生�謘H

薛老渣的短命徒弟尹少卿的遺音，常當余麗珍的幫花。



余麗珍的另一二幫花旦劉倩影：

從1950年代起，香港的電影院均設有下午五點半場。戲院為維持營運成本，在這個觀眾最少的時段特設專門上映非首輪片的場次，票價比正場便宜一半以上，以吸引一些五點下班而之前又未看過該片的觀眾，稱之為"工餘場" 。我小時經常去看工餘場，記得票價是前座兩毫，中座四毫，後座七毫。通常我都是買中座，看得舒服，也不太貴；前座曾坐過一、兩次，因座位太前，看時頭頸要盡量向後面仰高，看得很不舒服，散場時頸都梗晒，以後都唔敢再領教了。
當時很多經典名片，如：An American in Paris, Around the World in Eighty Days, From Here to Eternity, Roman Holiday,
Shane, Ivanhoe, High Noon, Knights of the Round Table.....等，我都是在工餘場看的。

引用:

原帖由 理魯竇 於 2011-7-24 21:27 發表

最開心就係老豆用咗成個月人工買咗一部八原子粒樂聲牌收音機，全家人晚上圍住來聽，一樂也。

那時候好似有一廣播劇叫「碧血黃花」，唔知邊位大哥有印象？...

理兄問嘅廣播劇「碧血黃花」，就冇乜印象，我只記得「蠻荒歷險記」，時不時有獅子老虎吼叫聲，聽得津津有味。仲有一套好似係叫「民間奇／冤案」之類。

我老豆亦於50年代尾買咗部樂聲牌原子粒收音機，都係多得隣居小朋友唔少！
因我同細佬最興僕响隣居門口聽人收音機尾，時不時俾人喝駡：「走開啦乞兒，冇錢買收音機又要學人聽！」。

引用:

原帖由 mtpen 於 2011-7-26 18:59 發表


早前報導話有個小朋友住劏房點慘點慘，令我徹夜難眠，眼淚在心裡流，我並非哀那據稱活在慘絕人寰境况嘅小朋友，而係哀我兒時比佢苦難百倍，但得不到任何善長仁翁，道德人士同情、幫助 ...

亞哥話 - 望都望香港一代好過一代, 唔使重蹈覆轍; 我的 concern 是 - 為何現在，不是教導家境不如人的小朋友, 努力讀書, 將來勤奮工作, 改變命運. 而是期望政府援手, 縮短和中上階層的距離...

前幾天, 從電視看到x魚行的小學生/校長, 對遊學的要求...

家姐比幾萬大洋 e-甥 去 緬甸 遊學, 幫當地小學起圖書館 / 籌款, 家姐話: 唔係比佢去嘆世界...

[ 本帖最後由 suewong 於 2011-7-27 22:55 編輯 ]

50 年代香港警車 (同粵語片見到嘅好大分別):

http://www.police.gov.hk/ppp_tc/01_about_us/ph_08.html


在五十年代末期至六十年代初期服役的處長一號座駕

五十年 代「高馬」型裝甲貨車

戰後年間的衝鋒車隊

五十年代中期中區分區警司座駕

五十年代其中一種服役的重型警車

五十年代早期使用的帶邊斗電單車


[ 本帖最後由 LouisLee 於 2011-7-28 12:58 編輯 ]