吹吓水啫∼唔剿唔過癮Ｏ既∼

deleted.......................

[ 本帖最後由 kenny01 於 2011-8-24 09:38 編輯 ]

乜咁多deleted架~
都跟唔到你哋講乜~
不過話時話，Kenny留言啲points真係唔夠硬，有時分析還是比較幼嫩∼例如挑戰我個人對香港有乜嘢貢獻，想用呢樣嘢推翻我的立論，明顯係詞窮理乏的表現（我同人對辯的經驗睇，我估佢唔會知自己思考有乜嘢問題）

所以我都冇乜動力同佢傾，因為拋出嚟的points唔硬亦撩不起我思考得更深入，如果佢啲points係我想都未想過或另一個我冇想過的角度去睇事，我諗我會有興趣同佢傾∼

不過我信香港有地產霸權，但對於官商勾結，我有疑問有保留∼有一定有官商勾結，但係講到成個政府同商人勾結，我係有啲保留∼
香港始終係高度資本主義社會，商業搵錢大過天，可能因為咁先會比人覺得官商勾結啩∼

引用:

原帖由 全軍盡 於 2011-8-24 00:56 發表


好明顯，由於佢今期個袋窄窄地冇$北上所以走入厘度打住飛機先....

你click入佢個名跟跟d留言就知....



呀雞蟲，咁未有基本法前d港人又憑乜野居留架........？





雞蟲你一時又話香港已死， ...

叫雞又唔代表佢講嘢冇料ｏ既，只係呢次兩樣嘢一齊發生啫，有咁啱得咁橋啫∼

我只可以講, 我delete 是因為我知道真相, 互相尊重就好

引用:

原帖由 無神論狂徒 於 2011-8-24 11:11 發表
不過我信香港有地產霸權，但對於官商勾結，我有疑問有保留∼有一定有官商勾結，但係講到成個政府同商人勾結，我係有啲保留∼
香港始終係高度資本主義社會，商業搵錢大過天，可能因為咁先會比人覺得官商勾結&# ...

被稱為最廉潔的政府行世襲，個新抱係 No.1 企業大馬食既 CEO，講乜都得 言論自由

引用:

原帖由 無神論狂徒 於 2011-8-24 11:11 發表
不過我信香港有地產霸權，但對於官商勾結，我有疑問有保留∼有一定有官商勾結，但係講到成個政府同商人勾結，我係有啲保留∼
香港始終係高度資本主義社會，商業搵錢大過天，可能因為咁先會比人覺得官商勾結&# ...

有名你叫資本主義社會
就即係資本話事
當年奧黑同克大媽爭到難分難解之際
奧黑有樣嘢比女克贏成條街令女克無以為繼玩落去
就係奧黑籌集競選經費能力超強﹐而女克經費不足而欠下成屁股債

香港情況你咪睇吓政府每年財政收入囉
賣地收入 + 企業稅收 佔政府收入大部份
見過老董焦頭爛額﹐煲呔仲敢郁地產呢壇嘢咩
所謂地產霸權就係咁嚟
問題係香港產業空心化﹐乜七攞得出手嘅產業都冇
要地產佬福街唔係唔得
但佢哋身家厚唔會餓死﹐但十九幾萬個小業主先要跳樓燒炭去墊屍底

引用:

原帖由 Rainybreeze 於 2011-8-23 06:29 PM 發表
deleted...

[ 本帖最後由 kenny01 於 2011-8-24 09:38 編輯 ]

乜01連人地d帖都可以delete既?

引用:

原帖由 飛毛腿 於 2011-8-24 13:57 發表


有名你叫資本主義社會
就即係資本話事
當年奧黑同克大媽爭到難分難解之際
奧黑有樣嘢比女克贏成條街令女克無以為繼玩落去
就係奧黑籌集競選經費能力超強﹐而女克經費不足而欠下成屁股債

香港情況你 ...

香港有D柒頭廢青成日話地產霸權呢樣個樣，又唔諗吓政府唔靠呢瓣搵錢補貼公共開支，要維持目前咁好既福利網錢從何來？真係推冧個市搞散呢個所謂地產霸權，大家齊齊吔蕉無福利少就業機會，成個社會倒退到6,70年代，呢班人係咪承受到呢個陣痛先？又要馬兒好又要馬兒不吃草，班友真係天真過天真嬌。

引用:

原帖由 毛球 於 2011-8-24 22:22 發表

乜01連人地d帖都可以delete既?

因為佢係moderator…

引用:

原帖由 Manics 於 2011-8-25 00:44 發表


香港有D柒頭廢青成日話地產霸權呢樣個樣，又唔諗吓政府唔靠呢瓣搵錢補貼公共開支，要維持目前咁好既福利網錢從何來？真係推冧個市搞散呢個所謂地產霸權，大家齊齊吔蕉無福利少就業機會，成個社 ...

例如百街同屈神屎都係地產，霸著呢行做∼其他入唔到入去做∼好似當年平果速銷，百佳同惠康狂風掃落葉反擊，抽起所有爛果報廣告，平果速銷變速消好快影都冇咗∼
我都係信有地產霸權，而地產霸權係用地產搵到的錢去霸占其他行業，令其他經營商難生存∼我不認為社會福利一定要來自地產霸權∼

不過我信地產係香港經濟支柱，唔可以冧，但唔應該比佢狂升，因為的確影響民生，一年升一倍，好明顯有問題

單一獨立留言case來講, Delete 左, 對件事係好既, 開心既, 邊Delete個都好, 我支持.

差不多有5年, 我只係在xocat政治版留言,

無他, 吹水發洩下之余, 都要有point, 可以平心靜氣,交流下先開心.  其他forum, 一面倒大叫只係發洩, 唔好玩, 無意思.

Q: 咁點解你可以有? 因為你老豆老母比人早幾十年逃難來香港 ? 還是你是香港原居民 ?
A: 因為所有香港合乎資格既香港人都可以有權拿福利. 老豆老母幾時來, 係咪原居民都唔重要.

其實, 討論未完, 接下來可以係:-

Q: 咁點样先可以成為 "有居留權合乎資格既香港人"?
A: 跟據香港法律.

Q: 咁, 同样係人, 都係同样法律, 點解rainybreeze可以成為 "有居留權合乎資格既香港人" 而Aunie 唔可以? 係咪歧視Auntie窮?

A:
第一, 法律上觀點, Rainybreeze 跟 Auntie 既法律地位係咪一样, 唔知, 依家打緊官司.

第二, 就算, 法律上承認Auntie有居留權, 我都係唔同意比Aunite同佢地既家人定居香港. 的而且確係歧視, 所以之前我已經大大聲同無神兄講,我係帶有歧視.

但係我歧視並唔係Auntie同佢地既家人窮唔窮, 而係"對外傭居港權所引申既問題係帶有歧視."

香港有幾多Auntie? 佢地有幾多家人? 同一時間內, 會有幾多合法新港人. 後面既社會問題, 外傭本身同埋佢家人, 由教育, 居住, 工作, 工資, 工種, 福利問題, 邊個負責任?

做人處世, 做決定行動一定要考慮責任. 而目前為止, 我睇唔到, 有人提出面對既方案或者辦法.只講法律而唔講責任, 我唔受.

說話講番轉頭, "尊重法律為第一位, 做私法覆核, 我真係無問題" 李志喜大狀覺得, 呢個係香港法律問題, 責任唔關佢事. 我係唔同意但係明白既單一立場. 但係佢係有立場.

反轉頭, 睇下公民黨其他成員既反應, 大家對"缺鈣"就可以有個新參考指數.

[ 本帖最後由 Rainybreeze 於 2011-8-25 17:02 編輯 ]

李志喜係個律師，佢比人罵，我有保留架∼
如果發現法律有問題，律師係有責任提出去完善∼佢係個律師，佢係要做佢要做的事∼
不過如果佢真心認為外傭有居港權，咁就好有問題∼

我算一算，香港好似過十萬外傭，合資格的我唔知幾多，我保守吹二萬個，一個外傭再帶埋仔女老公老豆老母兄弟，一個拉五六個過嚟，算佢五個，加自己即六個，即十二萬個新移民，十二萬個新移民喎，你仲唔冚家富貴∼
我理得你法律點寫，個衝擊肯定好明顯∼比著我係外傭，我一定會伸請居港權，多個國藉咁著數點解唔伸請呀∼
呢個唔係歧視問題，佢哋係會造出實實際際的社會衝擊∼如果你話佢哋拿著幾千萬投資移民，咁就冇問題∼我唔理你係乜水，只要唔係犯罪份子，投資幾千粒入香港，老虎蟹都比你入香港啦∼

引用:

原帖由 Rainybreeze 於 2011-8-25 16:57 發表
單一獨立留言case來講, Delete 左, 對件事係好既, 開心既, 邊Delete個都好, 我支持.

差不多有5年, 我只係在xocat政治版留言,

無他, 吹水發洩下之余, 都要有point, 可以平心靜氣,交流下先開心.  其他forum, 一 ...

計我話，係咪心平氣和唔重要，最重要留言要有point，或者比到人學到嘢∼飛Sir成日同人頂咀，我哋都互ｏ趙過，絕對唔心平氣和，意見不同，但係吹水大家都有point，學到嘢∼OK喎∼

引用:

原帖由 無神論狂徒 於 2011-8-25 13:40 發表
不過我信地產係香港經濟支柱，唔可以冧，但唔應該比佢狂升，因為的確影響民生，一年升一倍，好明顯有問題

八萬五之後應該受到深刻教訓
靠地產單天保至尊係金雞獨立﹐隻腳一跛就含包散
梁錦松吹嘅 Manhattan Plus 又係吹得就吹
美國佬嘅金融地位係靠印銀紙同超強軍力支撐
你真係以為好似班港奴鳩噏咩香港基石 - 法治、自由經濟 ？ 含啦
煲呔就以為金融業可以支撐起香港達一千萬人口
金融海嘯後就睇到房產同金融呢兩味產業係建晌浮沙上嘅豪宅
但呢兩種產業係輕鬆自在唔駛身水身汗﹐又可一朝富貴嘅快速致富產業
啱哂近30年變得好食懶飛嘅港燦口味

引用:

原帖由 飛毛腿 於 2011-8-25 17:49 發表


八萬五之後應該受到深刻教訓
靠地產單天保至尊係金雞獨立﹐隻腳一跛就含包散
梁錦松吹嘅 Manhattan Plus 又係吹得就吹
美國佬嘅金融地位係靠印銀紙同超強軍力支撐
你真係以為好似班港奴鳩ࢡ ...

齋靠地產撐係唔健康，係要轉變，使經濟多元化發展，但香港政府一係找不到多元化的去路，或者係既得利益者阻頭阻勢∼要改變現狀，唔易∼但係如果可以唔靠地產，經濟多元化，的確係香港人福氣∼
不過香港要成為世界第一金融中心∼又非不可能，但要睇中央做搞同要啲時間∼現時世界最大的三個金融中心一個美國一個在英國一個在日本，但呢三個國家都走下坡，加上美元快變過街老鼠，日本自身難保，英國又被歐盟債務拖累；全球只望中國，而香港在中央眼中，角色上係有潛質做世界第一金融中心∼中國有軍力有水，香港有技術有經驗∼只要香港保著優勢，香港仍有望同上海深圳或廣州一爭長短成為世界第一金融中心∼不過要實現最快都係二十年後∼

經濟多元化？
講就容易﹐睇吓七百萬港燦係咩貨色？
我以前都舉過例 - 瑞士﹐人口比香港多百萬人左右
瑞士勞力士、柏德菲臘....頂級名牌表多到數唔清
生物醫藥 - 羅氏大藥廠（Roche）好多人都聽過啦 ﹐瑞士洋胎素....
精密儀器﹐瑞士軍刀都出名一流
香港冇農牧業就冇得學人地 d 名牌朱古力、雀巢奶粉雪糕...
人哋一樣有舉世聞名嘅瑞士銀行﹐蘇黎世國際金融中心
仲有瑞士聞名嘅酒店管理業
睇吓自己港燦, 除咗口水多吠聲夠大﹐有邊樣嘢拍得上人哋？

再講以色列﹐人口跟香港差不多
環境比香港惡劣﹐四面受敵﹐全民皆兵
人哋國防軍工、尖端科技﹐連農業水利都係一流水平
人哋仲要大部份支出去準備打仗
香港就連架電單車都造唔出嚟

港燦成卵日狗噏發開口夢要做國際金融中心
黃金定價權、石油定價權、農作物定價權....乜七都冇
沙地阿拉伯出石油、俄羅斯出石油﹐但石油幾錢一桶唔係佢哋話事
係紐約期貨交易所班大鱷操控
香港有本事影響石油價格咩？
美元係各國儲備貨幣﹐係主要貿易結算貨幣﹐港幣係乜卵嘢貨幣？
你試吓抬住港幣去同沙地阿拉伯買石油﹐睇吓人哋吊唔吊？
九一條﹐七一條﹐擘大口就話自己要做國際金融中心
搞到 d 學生覺得大學畢業出嚟就去IFC 坐冷氣房
對住電腦撳吓鍵盤就年薪過百萬
香港唔含卵都難

引用:

原帖由 anakin 於 2011-8-25 11:04 AM 發表



因為佢係moderator…  

唔係呢版既moderator都可以delete其他人post? delete理由為何? 唔知公平公正講道理既moderator會唔會解釋下呢?

定係會刪埋我呢個post呢?

引用:

原帖由 毛球 於 2011-8-26 00:30 發表

唔係呢版既moderator都可以delete其他人post? delete理由為何? 唔知公平公正講道理既moderator會唔會解釋下呢?

定係會刪埋我呢個post呢?

moderator比版主高級，版主只可以管理自己所屬既版面，moderator就可以跨版管理
至於想知道delete其他人post既理由，可以去呢度開thread問 :
http://forum.timway.com/f/forum-108-1.html

引用:

原帖由 anakin 於 2011-8-26 01:02 AM 發表


moderator比版主高級，版主只可以管理自己所屬既版面，moderator就可以跨版管理
至於想知道delete其他人post既理由，可以去呢度開thread問 :
http://forum.timway.com/f/forum-108-1.html

哦, 以為moderator係普通版主添, 真係失覺晒, 唔該晒anakin兄既解釋.

開題就唔駛啦, 阿moderator想講自然會講架喇.