應該係人都會知道咩野叫機關槍,如果唔知都矛悶提,等在下試下識唔識得答好勒.乎機關槍者,顧名思義即是滿佈機關既槍,呢個應該係標準答案,睇怕好 sure 唔羅 A+ 都會羅 A .

大家有睇過阿福伯既 Indiana Jones 電影, 就知道果 d 古墓入便 d 機關有幾咁巴閉,真係少 d 功夫仔都會即時死人,重係連點死都唔知果隻至利晦.機關槍令人大開眼界係响一戰既西線,德國人用機槍佈成交叉火網陣, d 英國佬亞頭重昂 qq 叫 d 令仔列隊沖鋒,結果英國佬一日內死傷六萬幾兩友,呢個結果除左係德國人戰術成功同埋機關槍好野之外,主要就係英國高層軍官既官僚作風同保守過時既戰術引起.

下面同大家討論下一 d N 年機關槍,其實果時 d 野比起而家由各式新科技吹谷而床既現代兵器重教人令眼相看,無他既,因為果時 d 野全部手工打做,冇 CAD 冇電腦羅床,都仍然整得咁企理,你話係咪全部真功夫呢?

先黎件美國佬既 25 管機關槍 "標令實你瓜" 機關槍 Billinghurst Requa Battery .

你瓜機槍在 1861 年由標令實 (W Billinghurst) 同埋你瓜 (J Requa) 兩位亞腥合作研發,佢地兩個既正職係同人剝牙既正式牙醫,而後者亞你瓜先生更係前者既徒弟.

當時正值美國爆發內戰,二人都是支持北佬林肯政府,就想出要打做一個連射槍械對付南面既叛軍,於是佢地用左五百蚊整呢支標令實你瓜機槍出黎勒.

呢支野其實係用 25 支長約兩英呎既槍管固定排列,發射口徑 0.58 英吋既整髒子彈.子彈殼用薄鐵做成,底部呈外突半圓型同埋有一個小圓孔,彈殼內裝有發射火藥. 25 支子彈先固定响一條鐵槽上,子彈槽內裝有點發火藥,槽既另一面有一個火帽接口,外連一個由人手拉繩而工作既擊鐵.子彈槽上固家既子彈間距同槍管間距相同.使用時先將一行子彈插入槍管及在兩邊鎖緊,上火帽後拉動槍繩啟動擊鐵打响火帽,火帽點著子彈槽內火藥再同時起爆各支子彈內既發射藥,於是 25 飛子彈就可以同時橫空出世殺敵去也.

你瓜機槍裝响一個雙輪車仔上,由三個人負責使用,最快可以响一分鐘內連射 7 排子彈,即係 175 發,呢個火力在當時仍用步兵刺刀同騎兵軍刀沖鋒既戰事梗式黎講,殺傷力實在係太驚人勒.

佢地師徒二人整左支槍出黎就拎去俾當時一位叫做你黎將軍 (J W Ripley) 睇,本來以為一定會重重有賞兼被邀加入參謀部,點知果位你黎將軍竟然唔蘇你瓜先生,即時打回頭話 no way ,原因好簡單,一分鐘打 175 發子彈實在係太浪費,增加後勤補給壓力,於是彈 q 佢地走.

兩師徒見將軍唔蘇佢地於是直接去見林總統,亞林 sir 一見就話 good ,重即時寫張紙仔過佢地交俾你黎,叫你黎望望咁話.點知你將軍一於當林總統冇到,理由好簡單,將軍在外打實戰,知道條槍幾巴閉都冇用,因為自己根本冇咁多子彈,即如你果時俾粒原子彈過佢都冇用一樣,因為都冇飛機可以將個原子彈投放,而林肯就成日坐响辦公室做政治上既野,紙上談兵又點知外便搵命博既辛苦?

你黎唔俾面林肯就唯有出公文落柯打,叫你黎幫你瓜安排兩次試槍機會,而事實上你瓜機槍又的確可以打瓜人,一次試驗做出响 1,800 呎距離將一個木酒桶打成蜂巢,政府落單要 50 支.不過就重未正式點用過.原因係槍猛但缺點多,第一係子彈槽一受潮就打唔响,第二係裝彈要原槍人馬固定唔好郁,一郁就好難裝彈,大家諗下如果坐天星下層埋岸拉纜既時候,叫你企响船邊將一行 25 飛既彈 clip 插入 25 個槍管既難度有幾多就明白,於是你瓜機槍只可以擔任防守工作,拎佢去沖鋒即係買棺材唔知訂咁解,因此你瓜機槍既實用價值又打左折扣,不過以當時既條件同環境黎講,你瓜機槍都係一個先進既設計.

多謝巴打

引用:

原帖由 dealerboy 於 2011-11-23 11:12 發表
多謝巴打

咁就請食野先啦!

葡撻定馬介休

格林同馬克沁係咪同一樣嘢定譯名之誤?

引用:

原帖由 kenbondwong 於 2011-11-26 18:49 發表
格林同馬克沁係咪同一樣嘢定譯名之誤?

唔明你想問咩,要搵周星馳黎答至得勒.

其實你瓜機槍算不上叫做機關槍,因為它不可以做出連發的動作,只是一次性的齊射,而機關槍的特性就是可以利用同一槍管或多支槍管做出連續射擊.

同一時期的另一位美國佬亞加先生 ( W. Agar, 有串作 Ager 都係岩既. ) 就發明左一支可以連發既機槍,就叫亞加機槍.



[ 本帖最後由 jj2jr 於 2011-11-27 13:51 編輯 ]

引用:

原帖由 dealerboy 於 2011-11-24 13:45 發表
葡撻定馬介休

冇有其他新野既咩?

引用:

原帖由 jj2jr 於 2011-11-28 07:18 發表


冇有其他新野既咩?

疊記咖啡喱牛腩

引用:

原帖由 dealerboy 於 2011-11-28 08:57 發表

疊記咖啡喱牛腩

打錯字:疊記咖喱牛腩