http://big5.xinhuanet.com/gate/big5/news.xinhuanet.com/world/2011-12/05/c_122378496.htm

美國言下之意，係果部機係無端端自己跌落嚟∼
咁容易失靈∼老美軍備在實用性上好有問題喎∼

佢一係認咗部機係比人擊落∼即係佢部機未去到天下無敵啦∼
一係就認佢啲二流貨色，會無端端失靈∼又係屎波∼

是旦一樣都咁屎∼

1999年﹐當時吹話神出鬼沒嘅 F117 隱形戰鬥轟炸機
晌南斯拉夫被擊落﹐飛機殘骸被南斯拉夫政府撿獲
中國政府收到料即刻同南斯拉夫政府商量﹐送又好出錢買都得要攞部份殘骸研究
南斯拉夫政府答應﹐交咗殘骸重要部份俾中國﹐中國當地領使館職員運到領使館地下室
國內直刻派出軍事技術人員去南斯拉夫檢查飛機殘骸
F117導航設備裝有自毀裝置﹐一但墜落後就自動引爆炸毀導航系統內重要部件
呢次墜落後自動引爆裝置卻失靈
不過﹐導航系統內另有類似飛機黑盒裝置﹐有後備電源運作發出訊號顯示墜毀飛機位置
中國軍事技術人員雖然立即切斷後備電源﹐但導航殘骸位置訊號已經俾美軍收到
所以就有後來美軍 "用錯舊地圖" 誤炸中國領使館

10年後﹐有一單離奇謀殺案
一個叫  William Bennett 退伍軍官晌美國維珍尼亞州一個公園被襲擊
William Bennett 被殺﹐佢老婆重傷
急症室醫生話 : “In 30 years, I don't think I've ever seen such damage.”
後來兇手被擒﹐今年審結被判終身監禁
兇手殺人理由無厘頭﹐唔知為乜

http://thecable.foreignpolicy.com/posts/2009/04/04/spooky_murder_in_loudon_county_va_connected_1999_chinese_embassy_bombing

http://www.washingtonpost.com/blogs/the-state-of-nova/post/woman-describes-aftermath-of-loudoun-attack/2011/08/24/gIQAetrfbJ_blog.html

但呢單命案卻牽扯出 10年前單炸領使館事件
原來當年 William Bennett 正係服役美國空軍﹐北約空襲南斯拉夫果段時間被 CIA 借用
佢負責提供轟炸目標俾北約美國空軍
2000年洛杉磯時報曾經爆過話炸使館後 CIA 解僱一名職員﹐懲罰咗另外六個人員
當時 CIA 拒絕透露相關消息
後來多方面消息指出當日晌地圖上中國領使館位置嘜上 X 作為轟炸目標就係 William Bennett

後來當事人被無厘頭謀殺更加令事件詭秘莫測

家下提番上面件事因為今次隻無人偵察機又係號稱  "隱形"
咁伊朗能夠用咩雷達系統偵測到隻機？
話係伊朗自己研發冇乜人信﹐係北極熊嘅產品定係中國佬？
最令美國佬惆悵係隻機唔係被俾導彈擊落﹐否則早已經炸到變碎片
家下係 "輕傷" 墜落﹐係乜叉嘢武器嚟呢 ？
當年中國境內擊落美國隻 U2 高空偵察機
有人問外交部長陳毅點樣打落隻飛機
佢答 : 哦﹐我哋用碌竹撩佢落嚟

話係 "失靈" 就機會率非常低﹐前段時間利比亞、家下阿富汗、巴基斯坦邊境日日咁多無人飛機飛來飛去又唔見失靈？
呢次成隻機完完整整俾伊朗佬抬返去
於是伊朗佬、北極熊、中國佬大家可以逐忽驗屍咁驗

引用:

原帖由 飛毛腿 於 2011-12-5 18:56 發表 家下提番上面件事因為今次隻無人偵察機又係號稱  "隱形"咁伊朗能夠用咩雷達系統偵測到隻機？話係伊朗自己研發冇乜人信﹐係北極熊嘅產品定係中國佬？最令美國佬惆悵係隻機唔係被俾導彈擊落﹐否則早已經炸 ...

http://img137.imageshack.us/img137/6509/3555795c81670122169d00b.jpg隻機點擊落？係徫大o既毛主席的遺產。

美國佬有人話呢隻展示嘅只係模型
你哋點睇？  

引用:

原帖由 無神論狂徒 於 2011-12-5 16:04 發表
http://big5.xinhuanet.com/gate/big5/news.xinhuanet.com/world/2011-12/05/c_122378496.htm

美國言下之意，係果部機係無端端自己跌落嚟∼
咁容易失靈∼老美軍備在實用性上好有問題喎∼

佢一係認Ø ...

不認不認還需認
奧巴馬開聲要伊朗還返隻無人機 " 殘骸 "
美國佬統一口徑 ~~ 死撐話隻機係機件失靈墜落
都好過話俾伊朗佬唔知用咩秘密暗器打落嚟

引用:

原帖由 飛毛腿 於 2011-12-13 18:23 發表
美國佬有人話呢隻展示嘅只係模型
你哋點睇？  


?t=1323771670716

假到冇人有,直情係模型啦,信係真機0個個真係低能仔.

[ 本帖最後由 志專 於 2011-12-13 20:42 編輯 ]

丟﹐人講你又講  
去同你個黑契爺講     

bbc中文網

引用:

2011年12月12日, 格林尼治標準時間23:01
伊朗電視台公布的錄像顯示了這架RQ170 Sentinel 偵察機的畫面。
奧巴馬總統說，美國已經要求伊朗歸還本月早些時候在伊朗墜落並被扣押的美國無人駕駛偵察機。

佢梗係知架啦,佢晚晚對住嚟打飛機嘛

[ 本帖最後由 屍屠華 於 2011-12-13 23:19 編輯 ]

矣咦，不是被導彈擊落，難道是被人家入侵了互"亂"網奪去控制能力，然後被人搖控去急降 ?

引用:

原帖由 飛毛腿 於 2011-12-13 18:23 發表 美國佬有人話呢隻展示嘅只係模型你哋點睇？  ?t=[url=tel:1323771670716]1323771670716[/url]

都唔係冇可能，有可能架機被落，爛哂。伊朗砌返個機身出嚟凶佢。

早排睇到個分析指可以向無人機射個假gps signal。等佢出錯。但詳細我唔多清楚。

引用:

原帖由 飛毛腿 於 2011-12-13 18:23 發表
美國佬有人話呢隻展示嘅只係模型
你哋點睇？  

Brother 飛毛腿：坦白地說，從以上單一照片和電視上僅數秒的畫面去看，根本就很難去看出真偽 。  但不知為何，機首的右方(即是以上照片左方)貼上了兩條黑色、深色像膠貼紙的物體，而另一方就被兩條"木咀"阻擋所以不能百分百去判斷有沒有膠貼紙。  而在最右方的膠貼紙的較遠右方(即是以上照片左方)，機身下方似有一小洞。  不知是否故佈疑陣或刻意去增加玩味性，不明白他們為何不讓起落架去曝光？  

[ 本帖最後由 Das Reich 於 2011-12-14 13:40 編輯 ]

引用:

原帖由 Das Reich 於 2011-12-14 13:39 發表
Brother 飛毛腿：坦白地說，從以上單一照片和電視上僅數秒的畫面去看，根本就很難去看出真偽 。  但不知為何，機首的右方(即是以上照片左方)貼上了兩條黑色、深色像膠貼紙的物體，而另一方就被兩條 ...

呢度條片有2分幾鐘
http://gizmodo.com/5866347/iran-reveals-captured-american-super-drone-and-its-completely-intact?tag=rq_170

周不時有人話見到UFO，其實係滷味係上空偵探。

引用:

原帖由 Das Reich 於 2011-12-14 13:39 發表



Brother 飛毛腿：坦白地說，從以上單一照片和電視上僅數秒的畫面去看，根本就很難去看出真偽 。  但不知為何，機首的右方(即是以上照片左方)貼上了兩條黑色、深色像膠貼紙的物體，而另一方就被兩條 ...

鏡頭所見架機係真定係模型我哋無法證實
美國佬可以證實﹐但佢哋粒聲唔出
但有件事一定係真 ~~ 架無人機俾伊朗佬 "劫" 咗落嚟
呢架機 RQ170係美國佬軍事神話之一 - 比 B2 隱形戰機更先進
無論事實係俾伊朗佬打成碎片又好﹐成隻捉落嚟又好
總之就打破美國神話
而令美國、以色列徬徨係伊朗嘅防空力量超出佢哋想像

引用:

原帖由 無神論狂徒 於 2011-12-14 07:49 發表
早排睇到個分析指可以向無人機射個假gps signal。等佢出錯。但詳細我唔多清楚。

我雖然唔係軍迷
但判斷呢個可能極微
法國佬傳媒質疑過美國話機件失靈
呢架唔係普通遙控模型飛機
有實時遙控、實時資料訊息回饋控制中心、自毀裝置
每個環節都尖端精密﹐冇可能全部失靈
架機接收假 GPS 定位/ 高度信息而俾人騎劫
控制中心會即時知道﹐控制唔到就引爆自毀裝置

引用:

原帖由 Das Reich 於 2011-12-13 23:31 發表
矣咦，不是被導彈擊落，難道是被人家入侵了互"亂"網奪去控制能力，然後被人搖控去急降 ?

中國人社會有時好似睇武俠小說咁
人人以為少林掌門、武當掌門、華山派....係絕頂高手
但一個雜貨店老板或者山谷耕田阿叔原來係隱世高人﹐武功深不可測
你去放狗或者擺渡一下 : 破解密碼  王小雲

引用:

原帖由 ali 於 2011-12-14 17:42 發表
呢度條片有2分幾鐘
http://gizmodo.com/5866347/iran-reveals-captured-american-super-drone-and-its-completely-intact?tag=rq_170
周不時有人話見到UFO，其實係滷味係上空偵探。

Brother Ali:謝謝你的提供 。  我倒希望它是真的更希望我國有份參與其中。  不過，我並不希望有"人"再看錯地圖而去錯炸我國的海外領事館 。

最新消息指中俄的情報人員正在和伊朗商討軍事科技交換，伊朗想要核技術導彈技術仲有一大堆技術。
個人睇法係一架隱形機未必值咁多技術，但係比個核技術佢哋作交換，可能迎合中國需要。
一來可以得到隱形機，二來伊朗得到核武技術，有助伊朗做中東大佬，因為伊朗得到核武器，周邊國對佢投鼠忌器，向佢交好，而且老美對中東多一份顧忌，如果同伊朗再交好，與其成為盟友，一可以牽制美國最近在中東的動作，減少佢在中東插旗的動作。而中伊友好，即中國的石油路線更有保證。
問題只是伊朗有核武器，佢會否作為實戰上武器。咁就大鑊。

引用:

原帖由 飛毛腿 於 2011-12-14 17:50 發表 鏡頭所見架機係真定係模型我哋無法證實美國佬可以證實﹐但佢哋粒聲唔出但有件事一定係真 ~~ 架無人機俾伊朗佬 "劫" 咗落嚟呢架機 RQ170係美國佬軍事神話之一 - 比 B2 隱形戰機更先 ...

有分析指，個干擾技術來自俄國。係俄國泊來品。
不過我都認為中國有呢個技術係好重要，可以研究反隱藏雷達，把老美手上的超貴隱形機成為超貴搖控玩具。

美國佬除左船堅炮利之外,另加上面皮厚就真係可以橫行天下無敵手.自己隻野跌 q 左落人家地方,冇句鎖他不特止,重聲大大叫人執番過佢.即如薩達姆番生鼠左入白宮妖 q 左奧巴馬個老婆之後,第日重好意思同奧先生講話 : 尋晚 do 野心急左 dd ,甩左個 condom 唔記得拎番,你拍硬檔同我送番過黎俾我,因為我好環保架,你話奧巴馬又點睇呢下?

引用:

原帖由 飛毛腿 於 2011-12-14 18:10 發表
中國人社會有時好似睇武俠小說咁
人人以為少林掌門、武當掌門、華山派....係絕頂高手
但一個雜貨店老板或者山谷耕田阿叔原來係隱世高人﹐武功深不可測
你去放狗或者擺渡一下 : 破解密碼  王小雲

Brother 飛毛腿:多謝你的提供。  但小弟已很久沒去放狗、擺渡了，連"士啤令"也都忘記了 。  

都是我的錯

上星期﹐華盛頓郵報報導...引用一個不願透露姓名 "知情人士" 話 :
以 CIA 帶頭調查結果顯示﹐架先進隱型無人機係因 "機械故障" 而落入伊朗手中
而唔係咩高科技電子技術擒獲架無人機
美國手頭上有呢架無人機完整無損嘅照片 (即係同伊朗示眾一樣？)
但懷疑架機內部零件已經晌墮地時震到散哂
~~ 美國佬技術真係堅﹐架機跌到內傷﹐外表竟然完好無缺  

而早兩日前﹐眾議院情報委員會主席斬釘截鐵咁話 :
架無人機落入伊朗手中係技術問題﹐呢D 係我哋嘅問題﹐唔係人哋嘅問題

世人真係有眼福
從未見過美國佬咁謙虛
呢次死口咬定係自己嘅錯 - 機械故障
唔關人哋事 -  絕對唔關伊朗事   

美國佬認衰仔,好可能佢地係以退為進,否定波斯佬已經有技術打巢佢隻無人機,總之現今世界美國佬講既野比起共產黨講既重信唔能過!