泛民搞「四角擂台」　CY冷對　唔瞅唔睬

今年聖誕得十度，但「雙英鬥」愈鬥愈熱，兩個陣營都冇假放，馬不停蹄四出活動，最開心係傳媒，唔怕假期冇新聞。不過「雙英」對泛民主催的特首競選「四人大擂台」，就相當冷淡，特別係振英哥，一直唔瞅唔睬，冇厘反應，睇�蟑禶Q同仁哥基哥同台對打。

線人回報，泛民各路人馬上個月傾特首選舉，達成共識搞一次特首參選人論壇，搵晒唐唐、CY、仁哥、基哥齊齊上台，泛民兩個大佬當然冇問題，但「雙英」肯唔肯上擂台，就要問過至知。於是泛民特別叫湯家驊向兩人作出口頭邀請，唐唐初步表示願意，但形式要再傾，CY曾經表示可以諗，但到泛民決定十二月搞，湯再聯絡CY，佢老哥就一直都唔覆，結果論壇要延期。

唐營今次搵到民主黨前阿姐夏詠援加盟，以她在泛民之淵源及人脈，相信有助唐唐同泛民政黨（特別是民主黨）溝通。過往唐唐同班友一直有來往，關係唔差，起碼可以坐低傾，反而CY路數較難捉摸，所以泛民中部分人傾向唐唐多�齱C政治講到尾是一場交易，今日如幫唐唐一把，如果他上到台，日後應有某種回報。


http://eastweek.com.hk/index.php?aid=17037


多左泛民兩個人頭分薄票源, CY愈黎愈冇so, 梗係少做少錯為妙啦