http://orientaldaily.on.cc/cnt/n ... ml?pubdate=20111229
政情：社民連會慶「襯家」齊撐場
社民連成立五周年，十月一日「生日」撞正區議會選舉，延至尋日先補擺番五十六圍慶祝，仲順便訂咗個蛋糕同壽包幫內地政治犯劉曉波慶祝生日。
尋日佢哋仲搞咗個拍賣環節，包括有一幅特首選舉參選人梁振英今年喺保釣聚會捐出嘅清明上河圖，同埋一幅由疑似立法會議員、長毛梁國雄女朋友繪畫嘅紮鐵工人畫。
尋日阿牛曾健成介紹幅紮鐵工人畫像時一時口快，話幅畫係長毛嘅女朋友所畫，但之後佢又更正，原來係長毛嘅「階級抗爭兄弟姊妹」兼好朋友陳清華所畫嘅，佢哋話希望今次活動至少籌到十萬蚊，幫補下社民連嘅經費啦。
旅遊界立法會議員謝偉俊尋日亦有拉埋老婆白韻琹出席，社民連嘅麥國風啱啱就係喺區選中輸咗畀白姐姐。民主黨主席何俊仁尋日都包咗一圍，鐵頭仁話自己同社民連一直都係朋友，雖然社民連嘅作風有時唔係咁成熟，又唔係咁理性，但都只係人生嘅一個階段喎。
============================
人民力量扮小丑踩場
2012年01月09日
【本報訊】反對泛民主派參加特首小圈子選舉的社民連及人民力量，昨天分別到泛民多個初選票站踩場抗議，有社民連成員扮成小丑，戴上何俊仁和馮檢基的面具，諷刺他們當民主小丑陪跑。人民力量更故意刁難票站的工作人員，又直斥投票的市民「戇居」，有市民一度與他們爭執。
立法會議員「長毛」梁國雄等社民連成員昨趁泛民初選啟動禮時，到灣仔港鐵站外的票站抗議，高叫反對泛民參加小圈子選舉的口號。
人民力量則兵分多路到多個泛民初選票站踩場，他們大多掛上擴音器，與泛民呼籲市民投票的錄音聲帶「鬥大聲」，又反覆要求票站職員解釋如何確保其身份證號碼不會外洩，且厲聲批評前往票站投票的市民是「戇居」。
市民反擊：關你乜事
泛民票站職員對人民力量的刁難問題大多啞忍，有些則與對方理論。在銅鑼灣百德新街票站，有女職員因受不住人民力量成員大聲指罵，一度淚灑當場。有投票的市民不齒人民力量行為，反擊「我投票，關你乜事？」
有網民則在 Facebook留言，指人民力量在旺角站「搞局」方法包括不停排隊，另一些人則配合與排隊的市民稱「要等好耐」，令有心投票的市民不耐煩下走人，或到旁邊的「偽冒」票站投票，擾亂選舉。該網民大鬧：「你要搞局唔該光明正大搞，唔好搞埋晒啲偏門陰濕嘢呃小市民。」馮檢基昨批評人民力量阻礙市民投票是獨裁行為。
[
本帖最後由 屍屠華 於 2012-1-9 12:52 編輯 ]
