政情：公民民主黨收聲放生《爽報》?
十八個團體前日走去立法會，齊聲炮轟壹傳媒旗下免費報紙《爽報》大肆宣淫，內容不雅，荼毒青少年。雖然呢個聯席會議有二十四個議員出席，但當中只得六個議員舉手發言，唯一代表公民黨發言嘅余若薇，發言時避談《爽報》二字，只係一味九唔搭八，而代表教育界嘅民主黨張文光更加係「齋坐」冇出過聲，莫非兩黨因為受過黎智英大筆捐款，所以收口唔鬧《爽報》？


立法會教育事務委員會和資訊科技及廣播事務委員會前日召開聯席會議，有多達十八個團體矛頭直指影視及娛樂事務管理處（影視處），以及累積廿三項不雅物品評級紀錄嘅《爽報》。大多數代表連珠炮發譴責《爽報》渲染色情暴力，荼毒青少年，同時又向影視處發炮，炮轟現時嘅淫審機制一塌糊塗及形同虛設、影視處執法歎慢板、對屢犯不改嘅「積犯」懲罰過輕等。



雖然有廿四個議員出席聯席會議，但只得六人舉手發言，包括民建聯李慧琼及譚耀宗、人民力量黃毓民、專業會議梁美芬、新民黨葉劉淑儀及余若薇，其他民主黨及公民黨議員均清一式封口。至於剛加入民主黨嘅馮偉華，亦只以教協會長身份批評《爽報》含不雅內容，不適宜派去學校，亦話現時制度由排期評級至提出覆核期長達十天，猶如讓無良出版商利用漏洞鑽空子。

余若薇張文光死撐
反觀代表教育界嘅張文光，就一直無出過聲，而余若薇雖然有發言，但隻字唔提《爽報》，只係以「某一份免費報紙」來形容，又將話題扯到互聯網都有好多免費資訊含淫褻和不雅內容，就算預防同執法都好難撳得晒喎。佢跟住仲將問題扯到去大西洋，話連特首參選人都有誠信問題，依家真係好難教細路，甚至問依家夠唔夠老師向青少年灌輸正確性知識喎。

諗番轉頭，淫賤黎曾經被踢爆喺○六年至去年，分別捐款一千三百多萬及一千多萬畀民主黨同公民黨，唔通咁就可以塞住兩黨議員把口唔鬧《爽報》？我哋事後致電余若薇，佢就矢口否認同捐款一事有關，又話自己已經講咗檢控制度形同虛設喎。至於張文光就話自己有事趕住離開，又話自己要發表嘅言論，已交咗畀馮偉華去講喎。到底係咪咁嘅原因，佢哋至知喇！

http://orientaldaily.on.cc/cnt/news/20120216/00176_079.html

[ 本帖最後由 屍屠華 於 2012-2-16 17:08 編輯 ]

引用:

原帖由 屍屠華 於 2012-2-16 10:49 發表
政情：公民民主黨收聲放生《爽報》?
十八個團體前日走去立法會，齊聲炮轟壹傳媒旗下免費報紙《爽報》大肆宣淫，內容不雅，荼毒青少年。雖然呢個聯席會議有二十四個議員出席，但當中只得六個議員舉手發言，唯一代表公 ...

一班淫賊 、淫男賤女、姦夫蕩婦
當然企淫媒個邊