我一路好喜歡食雲吞麵，但近一年，魚旦粉又成為心頭愛。我人生第一碗魚旦粉是在大窩口山上的大排檔，依家已係明日黃花了，當時覺得魚旦粉真是好好食，但後來唔知乜原因，沒有一間可以讓我重溫這味道的店子，所以一路以來我還是在想，可能是我第一次食，細路仔唔識食啫，可能魚旦粉就係這麼不濟。
後來很少食魚旦粉，因為唔認為好食，後來一次一年前左右有機會食過尖沙咀厚福街果條食街，一間叫樂園的魚旦粉，覺得好好食。我又改變觀感，原來魚旦粉係好好食，只係坊間大多數出品不濟，所以令我未能尋回兒時美味記憶。原來我白白浪費了無數年嘗鮮品味機會。我開始留意魚旦粉這玩意，但除了樂園同翠華，其他魚旦粉，冇一間入流，直至有一位潮州人介紹我去銅鑼灣鵝頸穚下的江仔記，一食吓驚為天人，重尋兒時美味。好吃得沒話說。

  狂徒兄又有好介紹，阿標對呢間一向失覺，未食過，一於快快去試番碗先，謝謝推介！

版主對魚旦粉有冇介紹？
等我去試吓。

謝謝樓主推介，也會去試番碗。

魚蛋粉店舖，本人沒有其他好介紹，但賣潮州魚蛋的小檔，間中會去天后歌頓道的輝記買自家制魚蛋、魚片和魚皮回家煮來吃，味道也不錯﹐有機會不妨一試。

真係撞得好啱先得，一來好少自已做飯，二唔住果頭亦小去果頭。
但有機會要試吓。

好吸引!!!!!!!!!!!

係喎﹗記起中環九如坊都有間江仔記﹐食過佢地嘅魚蛋粉都係唔錯，唔知同銅鑼灣呢間有無關係呢？

有冇關係就真係唔知。
昨天再去江仔記，發現內部裝修，暫停營業。大家唔洗去。如果佢復業，第一時間通知大家。

提一提， 有間叫潮興魚旦粉，好多分店。有恨食過次。
永無回頭，最基本的功夫都冇做，食到一口魚碎骨。坊間有啲魚旦冇味都算嘞，成口骨，真係唔用垃圾去形容都搵唔到第二個字。

引用:

原帖由 無神論狂徒 於 2012-3-29 22:21 發表 有冇關係就真係唔知。昨天再去江仔記，發現內部裝修，暫停營業。大家唔洗去。如果佢復業，第一時間通知大家。

網上搜尋得知中環九如坊是總店，銅鑼灣鵝頸橋為分店，裝修期間，就腳的話可去中環店食。

Good! 又有好嘢食。

銅鑼灣江仔記早四五日復業了。大家可以去囉。