架佬近日食咗春藥咁﹐攞釣魚台島同老共玩沙蟹
唔知係咪食咗咩定心丸︰你放心去單挑老共﹐我哋會照住你
( 架佬信唔信就唔知嘞﹐但野田佳彥個民主黨內鬨﹐民望跌到跟當年陳死扁差不多﹐橫死掂又死﹐搏一舖？ )
家陣老味個局似乎係利用三隻棋子玩連環套 -
慫恿匪劣笨、北豆洞奶、架佬去騷擾老共﹐晌老共屋企門口搞亂檔
其中匪劣笨舔契爺舔得最落力
去黃岩島附近喊拉喊鎖大陸漁船 – 呢種事以往做慣做熟﹐事後中國外交部最多抗議交涉一下
點知今次就踩屎﹐老共佈定個局請君入甕
咪睇大陸漁船爛身爛勢﹐其實好多都有衛星導航﹐衛星通訊 – 北斗系統已經覆蓋亞洲
出事漁船通知中國漁政船自己俾笨記軍艦圍
早晌附近等�H漁政船立即衝上嚟圍住笨記軍艦﹐唔放人就咪想走
講起上嚟笨記就一殼眼淚﹐同老味買隻二手老爺海岸防衛艇
老味先將 d 雷達大炮拆走﹐笨記收隻船殼改成軍艦卻連 work �H雷達都冇
茫茫大海﹐用肉眼望附近乜都冇﹐根本就唔知水平線外有幾隻漁政船等佢上釣
人哋蛋家佬一個衛星電話就通知救兵﹐幾隻漁政船飛撲而至
家下冇理由為拉人哋隻漁船而開火搏命卦？點知肉眼望唔到�H地方仲有冇大孖沙跟尾？
甚至連呢幾隻漁政船有咩火力都未清楚﹐就算講噸位都大你幾倍…唔駛開火撞都撞沉你
於是灰頭土臉頭耷耷鬆人﹐但阿基佬仲未識死﹐叫隻軍艦掛起白旗再去紮馬… 輸勢不輸人﹐輸人不輸陣
( 嗱﹐我掛起白旗﹐你唔好開火呀... )
事情發展到今日﹐阿基佬先知道請神容易送神難﹐自己捐咗入個甕﹐揼袋揼到爆
家下老共順勢派漁政船、海監船去黃岩島巡來巡去
所謂連環套就係
架佬望老共先暴打笨記﹐睇下老味有咩表示
北豆洞奶就睇下如果老共打笨記﹐架佬曾經大大聲話跟笨記聯防﹐到時老味同架佬會唔會圍毆老共？
又如果老共竟然先打架佬﹐老味又會點？
如果老味真係幫手打﹐自己又唔怕落場趁火打劫﹐搶得幾多得幾多
不過....如果老共先打�H係自己....咪福街？
北豆洞奶處境同卡達菲差唔得好遠﹐俾人毒打的話﹐邊個肯為佢出頭？老味為佢出頭？講下笑就得
所以近日北豆洞奶就收咗聲﹐無謂俾老共攞嚟祭旗
