人妻告白17
想嫁個有錢男人或者入豪門嘅港女要記住，男人唔會因為你同佢上過床，愛過佢，佢就會鍾意你或者咩都買俾你，有好多女仔以為自己識到個醫生律師就好威，以為自己好幸福。事實係佢地通常有幾個女仔揀緊，睇吓邊個對自己最好先至俾佢坐正，當然樣靚身材正就梗㗎啦，如果唔係俾隔離阿Benny 笑咪大鑊，帶你出街乜叉都唔識，笑大人個口呀，屌幾嘢都仲ok 嘅。所以車呀，酒呀，錶呀，電話apps 呀，男人名牌呀，打機呀，踢波呀，甚至連AV 都要識。(唔係你估李嘉欣咁易做呀。)除非，你同佢由細玩到大啦，不過我怕你分分鍾因為溝咗過佢連朋友都冇得做。(聽過唔少case，條女俾個富豪食完，以為上咗岸，點知趙完鬆，去搵佢咩?人地有一隊保鏢。唱衰佢?咪玩啦，多你一個唔多啦。)
開始食嘅時候都一個一個咁，未試過同一時間date 兩條仔，其實係佬。
喺skout 見到有好多用車相做profile 嘅男人，我敢話大部份我都hi 過，而大部份都放張相上去，唔係真係有嗰部車。終於，俾我見到條友話: 係，啲車全部都係我嘅，唔駛再問我!
嘩咁正?有大林寶LP700，R8，大Benz，Porsche 911。(就係冇Maserati，唉!)梗係hi 吓佢先啦。
LP700 48歲 偏肥 離咗婚 家住西貢獨立屋 古董店老闆 收入: 不詳
不過過咗成個禮拜先有啲反應，仲要係講得一兩句，連wechat 都要兩個禮拜之後先俾我。之後都叫做見過一次面，食過high tea，不過冇乜下文，我見等得咁悶，咪諗住搵吓有冇其他仔先囉。同一時間又有架新款Z4，仲要係多間酒吧嘅老闆今次正。我記得同自己講過，唔好一見面就上床，因為食完好快就走咗，完全唔浪漫。
Z4 42歲 ok 型 大隻得嚟好斯文 離咗婚 收入: 唔知(對港女嚟講，一個月賺30萬同100萬有咩唔同)
第一次見面佢好斯文，又特登車我去深井食飯，好鬼浪漫。傾計嘅時候只係會問我喺skout 見過咩人，佢地係點，啲人好唔好咁，完全唔會好似其他仔咁一嚟就借啲咦摸吓你。好可惜我一路同佢食飯，LP700又冇啦啦wechat 我，攪到我冇心機同Z4傾計，LP700不停問我幾時得閒，又問我今晚嚟我附近車我好唔好咁，攪到我心郁郁。終於夜晚點幾鐘，正當Z4車到我返屋企嘅時候我已經見到有架R8喺屋企樓下，我心諗，唔係呀嘛。同Z4 say good bye 之後，以9秒9嘅速度衝入樓下個門口，然後打俾LP700: 喂!到咗喇?
LP700: 你再未到我走㗎喇。
我: 等等，我落緊嚟。你揸咩車呀?(梗係confirm 吓先!)
LP700: 有架黑色R8等緊你呀!(好在行得快，佢睇唔到我落車啫。)
