企响度個件木咀應該係英國佬.

整 set 139 模型.

媽打三既 139 算係講完勒,咁就到同系既 138 .

呢款媽打三由於用左兩個唔同既 38 坦克底盤,底盤有咩唔同呢?哦 ~~~ 原來係佢地既發動機有 d 擺中間,有 d 又擺响車尾,咁為左方便平日檢修副鬼起見,作戰部唔可以軋住副車頭,於是作戰部就因應引擎位置而安裝响車中間或者係車尾勒.

咁中間車頭既 138 就將條炮仔移到車尾去勒,佢既大名就叫 Panzerjäger 38(t) mit 7.5cm PaK40/3 Ausf M.意思係  : 捷克製中置引擎底盤 38 式坦克配 7.5cm 40 年 3 式反坦炮既反坦克戰車.而番噱就叫 Sdkfz 138 Ausf M .

而另一款車尾 engine 既 138 就叫 7.5cm PaK40/3 auf PzKpfw 38(t) Ausf H ,今次唔講佢地中文意思勒 ~~ 唉.佢地番號就係 Sdkfz 138 Ausf H .

138 H 既外型同我地上面討論過既媽打二 131 好鬼似,因為佢地既作戰部都係置中,又係用 75 炮.而要分開佢地兩條友仔既方法就係睇路 ~~~ 輪.


媽打二 131 既路輪有 5 隻,可以見到佢地既避震彈弓 .




媽打三 138 H 就得 4 隻路輪,同埋冇見避震.

電影入面出現過又令人睇到肉緊到要自己咬大睥既媽打三鏡頭,我估下面呢幾個 shot 都應該係佢認左第二就冇人敢認第一果隻勒.


鄧鄧鄧鄧鄧 ~~~ Here comes his marder!

冇錯,你地全部都估岩晒,各得 Beatles 原版黑膠唱片一張,請衣咪爐我地亞 d 拿哥登記再安排領獎.

呢個 shot 就係來自 Saving Private Ryan 最最啦史果個橋頭保衛戰,當時喼頓咪拿帶住自己幾兩友再加埋十幾件 101 空降兵頂住德國佬既坦克同媽打三.

而家係美國佬响二樓裝亞媽打經過,唔係裝沖涼.

既然冇得裝沖涼就一於整個莫托洛夫雞尾彈你地炭下啦 ~~~ 咦,又會咁準既,好野!

呢個時候媽打後面出現左隻老虎,老虎上面有兩個人响度咬耳仔 ~~~~ 喂 ~ 佢地好似搞巴畢橋播.

老虎話咁大件燒叉過晒火應該好柴口既,唔好食既.