調教自己(02)
姓名?
Penny Poon
姓別?
F
年齡?
32
是否有一份穩定職業?
是
已婚?
剔
婚姻狀況? 1∼10(1係最差)?
求其啦, 2
小朋友?
未有
盼望開展另一段更充滿愛與恩典的感情生活? 1~10?
um…, 8啦
之後仲有幾十條問題,填填下,我以為自己填緊器官轉移既表格,好在佢冇問我呢六個月內有冇進行過危險既性行為,因為我同我老公,呢半年,個個月都喺危險期嗰幾日先搏老命,我驚我唔識答呢題.
其實只係個普通Gathering,點解會有咁多問題㗎!
個Gathering喺灣仔駱克道一間西餐廳入面搞,要我陪佢去Gathering既姊妹,同埋我填咗張Form之後,比兩個搞手帶咗我地入去.
入到去入面,有三十張凳,圍咗個圓圈,唔講以為係去緊教會團契.
似乎最遲都係我地兩個,因為現場已經得返三張空凳,其他都坐曬人,係咁易望一望,男女比例大約係4:3,女仔少啲.
不過男仔多冇用,望落去最似樣,同最有自信,應該都係做搞手嗰兩個.
個情況有少少似山長水遠走去唔知點度睇傢私,有時行曬成成間鋪頭,結果只係睇中個茶几,點知原來仲要係非賣品添.
其實嗰廿幾個人入面,真係咩人都有,由西裝到保安叔叔Look,由著Suit到師奶都有.
如果淨係計40歲樓下既男男女女,連我同個姊妹,大約都係5+5,其實都算平均既.
唔知係咪都係以返開教會既人為客戶群,個Gathering一開始搞到成個教會聚會咁,然後例牌都係整兩個破冰遊戲,比大家互相認識下,先係拋豆袋介紹自己個名同做咩,之後就係唔準講野但要按返每個人既生日,既月同日排返前後次序....
破咗幾粒冰之後,就係食飯時間.
um….例牌會有一兩個才俊,會喺呢啲有紅酒飲既情況下,表現一下自己對酒既認識,其實遠高於對女人既認識,呢點我喺之後既輪流傾談時間得以證實到.
淨係餐飯就已經食咗個半鐘,幾位才俊竟然可以講足70分鐘,其餘時間就由幾位四十幾歲既男士,加入吹水行列填捕埋.
食完飯之後,又開始玩遊戲.
我一見阿搞手放咗幾張A4紙落地,我就知道呢個係我最憎玩既Game-就係分組,鬥快將十個定八個人企曬喺張紙上面,但只準A4紙面積既地方可以掂到地下.
玩過呢隻Game就知道,無論幾多個人玩,總之就一半人要騎另一半人膊馬,下面既人圍圈企,然後手拉手,最後就用腳趾尖掂住張紙,因為人太多但紙就得好細張,所以腳趾可以掂到紙既地方其實好細,總之唔足以支撐自己同背住一個人既力,所以大家要手拉手凌空向後訓,總之只用好小既地方就可以企到.
我憎呢隻Game,係因為次次都係我騎人膊馬,但次次都要跌幾次先過關,但因為真係幾難先成功Hold到一個位,所以跌親都真係次次都大大鑊,當年O Camp跌嗰次仲要跌到”於”左半個背脊.
我被分配到其中一個才俊嗰組,都唔知係咪既,竟然冇人玩過,才俊真係才俊,都唔知係咪有心整蠱我地呢啲女仔,最衰我又首規矩,玩過呢隻Game係唔可以開估呢個不成文規定,竟然搞到我真係冇出聲.
總之攪到最尾,係先搵兩個男仔踩住張紙先,其他男仔再踩上去,最後就女仔自己用力爬上班男仔身上.
So Funny.
老老實實,真係有幾多個女仔夠力攀石,仲要有老有嫩,有個師奶搏命踩個男仔又搏命笑,一路話冇力一路又係咁踩踩踩.
至於我同我個姊妹呢,著住條長裙,都真係唔知點兼顧到儀態.
到我地幾經辛苦爬到上去,我先發覺原來我爬到上去,係因為有位男士已經托住我PatPat,我條裙既料好薄,唔知點解我覺得佢似乎唔止托主,慢慢仲有少少揉下搓下咁.
嗰一刻我本能反應,已經係即刻捉住佢隻手,然後想啤住住位男士,點知我一望,都分唔清楚係因為我爬上去嗰時,動作太大,條裙揭起咗,定係呢位男士有心借啲易.
呢位男士望一望我,嗰一刻,實在覺得有少少唔好意思,我唔敢同佢有眼神接觸,我迴避咗佢既眼神,不過佢應該留意到我呢個怕羞既動作.
唔知點解,我覺得由嗰一下開始,好似比呢個人睇穿咗我,佢好似知我唔夠膽出聲,雖然我係禁住佢隻手,但佢隻手冇停過,一路借啲易將我條裙慢慢褪高,一路偷偷摸我PatPat.
即係咁,我覺得,如果我OK,而且我覺得如過對方係一個可以對住佢Open既話,冇問題,但偷偷摸摸咁既行為我唔OK.之後我鼓起勇氣,以一個都唔細既聲量同佢講:唔該你隻手唔好再郁啦,你掂住我條under啊!
我覺得,真係唔好信返教會既人一定會斯文啲.呢次其實調教唔到自己,可能我真係唔夠Open啦.
um…我自己都返緊教會,嘻,所以我都未必係個斯文既女仔.
[ 本帖最後由 ppislandhk02 於 2013-10-12 10:13 編輯 ]
相關搜索目錄: 茶 紅酒 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.
