1#
大 中
小 發表於 2013-10-21 01:59 只看該作者
不打•短評51：特殊身份(有內容)
不打評價：正場價$50
不打總評：宇宙最強再現MMA綜合格鬥術，打得仔細精彩
每套戲都有所謂「觀眾預期」，呢套千奇唔好預期睇神作【殺破狼】既心態入場
【殺破狼】導演係葉偉信，【特殊身份】係霍耀良，完全唔同層次
霍耀良係前輩，入行超過三十年，資深編劇導演監製，但拍落膠片一大堆
【急凍奇俠】【紅場飛龍】【少年衛斯理】【黑豹天下】【新喋血雙雄】等等，一睇都知為生活
最響既已經要數到【赤裸羔羊】【龍在邊緣】【絕色神偷】，一睇都知爛膠底
近年再度活躍，前作【在一起】丹爺硬配陳妍希玩cool玩失憶，係今年情人節最差愛情作品
所以劇情我完全唔會有任何期望，什麼特殊身份，玩唔玩臥底扭唔扭橋，總之埋牙打獲金就算
加上以丹爺而家既身價，肯拍呢類小型製作，全因佢自己有份投資出錢兼任監製
所以霍耀良拍【特殊身份】，我會理解為實際係丹爺指揮
結果完全冇令觀眾失望，套戲亦只係sell丹爺一個
一個由頭打到落尾，麻雀館困獸鬥、火鍋店混戰、狙擊手追撃、飛車追逐、尾場死鬥
每場打鬥有質也有量，有隻DUG有一對十有追逐戰，有徒手對打有揸架餐
動作設計睇得出丹爺盡現MMA綜合格鬥術既精髓，拳、腳、肘、膝之外，仲有摔、投、絞、固
立技對寢技，飛踢對地鎖，突出關節技既威力，更有多場固技地鎖互相解拆，睇得非常過癮
頭場隻揪盧惠光，果招肩固地鎖拍得佢好型，反鎖盧惠光左手再坐係佢背上四圍望再一拳拳打頭
之後滾地防守，地技對立技，以腳制腳，亦係一般動作片唔會有既招式，拍得相當精彩
獨愛火鍋店混戰，丹爺刻意鋪排以一敵十，編排他邊走邊打再用不同方法隔開敵人逐個K.O.
而且唔係一拳一腳普通打低就算，個個出晒擒抱、騎乘、制壓，再按住係地一拳拳係咁打
拍到佢以一敵百亳不畏懼，幾幕鎖住人時既堅定神情，就算劣勢都冷靜一招反擊，好型！
結局和安志杰死鬥，盡用十字固、三角絞、四方固、膝十字，關節技既不同解拆睇得非常肉緊
重點佢唔係一鎖一絞就嬴，又唔係淨係拍住兩個男人扭埋角力，而係一鎖一解不停變招再拆招
如果純以動作場面黎評，絕對好睇過【激戰】！
女主角景甜個樣真心甜，雖然身材冇乜，但都搏得好盡，安排一場雨中隻DUG袈裟固
仲有場飛車困獸鬥，打晒一字馬SHOW柔軟度，又肯化到塊面眼腫面腫，叫做唔算係花瓶了
以動作電影黎講，呢套既分鏡和鏡頭擺位絕對可以用黎教學，武打動作拍得清楚俐落節奏緊湊
唔該王家衛虛心D學下正式動作片係點拍，唔係分SHOT加特寫再慢鏡囉
唔係拍下雨水就叫表達招式既勁度同速度囉，你唔識拍動作就認，唔好扮晒武戲文唱啦
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
相關搜索目錄: 投資
www.youtube.com/cheungsecond
www.facebook.com/cheungsecond
|
