各位大佬:
最近大陸大肚婆問題搞到滿城風雨. 之但係在下港燦一名, 老婆係大陸人, 依家大左肚, 我唔想佢返香港生, 又貴又唔方便照顧, 想留係東莞生, 唔知點同個bb入籍? 有咩手續同程序? 係咪一定要有準生證? 聽講無準生證要罰一大舊錢? 重有, 醫院係點開出生證明? 使唔使做DNA測試?

東莞有邊間醫院好介紹? 東華得唔得?

請各大佬幫幫手, 感激不盡!

港燦

你可以參考筆版主既"＜轉載＞東方日報新移民信箱"


http://forum.timway.com/f/thread-786-1-1.html

引用:

係咪一定要有準生證?

一定要有！一般政府醫院順產既話，生完住3-4日，連產前檢查，3k-5k就可以，醫院會發出生醫學証明。
BB出世之後，會跟媽媽户籍，直至BB既單程証批出。
無準生證既話，一般政府醫院未必會接受。
婚生子女係唔需要做DNA測試。

邊間醫院好就唔知喇!

[ 本帖最後由 anakin 於 2007-3-1 19:58 編輯 ]

始終個仔女都跟母親,所以有戶口比較好
另外,安全之計,驗DNA比較好,因為依家太多唔吻合案件

引用:

原帖由 anakin 於 2007-3-1 19:57 發表
一定要有！一般政府醫院順產既話，生完住3-4日，連產前檢查，3k-5k就可以，醫院會發出生醫學証明。
BB出世之後，會跟媽媽户籍，直至BB既單程証批出。

係呀！准生證係必須及一定要。不單響合法醫院（太多假醫院，所以要咁講）分娩時必須有，小孩上戶口（一日未黎香港一日都要有個身份！一來又唔係唔見光，二來要申請黎香港必須有戶口），連未生之前媽媽亦需要攜帶准生證！

有ｄ媽媽即使係第一胎、持有准生證，但因為留咗響老家，落街買嘢時俾如狼似虎的計生打胎隊見到，出示唔到准生證都一律當佢係無證黑胎，捉返去監生打胎／引產！即使七、八個月都一樣！

唔該晒甘多位大佬!
之但係, 我早兩年結婚果陣, 己經即刻去申請準生證, 結果@#%r#ey#yu#i, d村鎮狗官(湖南), 知道小弟係香港人就諸多阻滯, 又話要我羅出香港所居住既什麼街道辦證明, 你話係香港去邊度搵街道辦? 重有咩證明? 大佬我結婚證書都有啦, 同佢解釋話香港無街道辦, 無村委會, 佢又唔信, 包封利是又唔敢要, 把幾火, 我嬲起上來咪唔搞準生證.... 結果家下真係要生勒, 又無! 依家有咩辦法? 請大家再幫幫忙, 諗諗佢, 謝晒謝晒!

人家計生會話要點先???

引用:

原帖由 港奸剋星 於 2007-3-3 19:35 發表
人家計生會話要點先???

淮生証係去計劃生育辦事處辦的
唔明去咨詢東莞啲醫院啦

引用:

原帖由 一棍鎮神州 於 2007-3-3 17:23 發表
唔該晒甘多位大佬!
之但係, 我早兩年結婚果陣, 己經即刻去申請準生證, 結果@#%r#ey#yu#i, d村鎮狗官(湖南), 知道小弟係香港人就諸多阻滯, 又話要我羅出香港所居住既什麼街道辦證明, 你話係香港去邊度搵街道辦? 重 ...

乜咁衝動呀，你老婆而家粗身大細，點同你返老家攪準生証?
試下叫大舅岳父先去當地計生辦探聽下，解釋下香港係冇街道辧(順便摸下佢想點)，再唔掂就要揾民政律師(雖然On 9左D)，你老婆生得之前，準生証務必耍到手!

明白晒! 唔該甘多位大佬指點. 睇黎最實際都係搵錢搞掂佢, 一了百了.
話時話, 個村官要求既香港街道辦證明, 居然係要證明我呢個麻甩佬未生個仔!
真係俾佢吹脹! 完全唔make sense, 你話點證明一個大男人無生過仔呢?

咁煩！在深圳生左先番去俾錢買番個戶口啦！

引用:

原帖由 一棍鎮神州 於 2007-3-5 09:54 發表
明白晒! 唔該甘多位大佬指點. 睇黎最實際都係搵錢搞掂佢, 一了百了.
話時話, 個村官要求既香港街道辦證明, 居然係要證明我呢個麻甩佬未生個仔!
真係俾佢吹脹! 完全唔make sense, 你話點證明一個大男人無生過仔呢?

可以試吓去民政處宣誓並無在港生育。呢樣嘢應該work，因為識人咁搞，掂咗。

公務員心理全世界一樣，大陸ｄ芝麻綠豆官一樣驚做錯揩嘢，尤其係涉外婚姻，如果當地少有呢ｄ項目真係唔識搞，怕咗你，係要搵返個對口官府share佢個鑊至安心。

引用:

原帖由 一棍鎮神州 於 2007-3-5 09:54 發表
睇黎最實際都係搵錢搞掂佢, 一了百了.

唔好咁做呀！香港人成日都有誤解，以為個個大陸官都貪，其實非也。如果遇著個牛逼的官，以為你睇小佢，玩嘢起黎分分鐘監都有得你坐！


尤其而家ｄ官有大把正路（但灰色）方法搵大錢，財大氣粗，駛貪你ｄ一千幾百！

（本人響大陸辦事從來唔花一個仙黑錢，從未耽誤任何正事。）

[quote]原帖由 [i]中式食肆有座位[/i] 於 2007-3-6 01:17 發表

可以試吓去民政處宣誓並無在港生育。呢樣嘢應該work，因為識人咁搞，掂咗。

公務員心理全世界一樣，大陸ｄ芝麻綠豆官一樣驚做錯揩嘢，尤其係涉外婚姻，如果當地少有呢ｄ項目真係唔識 ... [/quote]


呢位大佬有道理, 呢招似樣, 應該得, 試試佢! thank you 晒!

難怪咁多人想香港生
買戶口?點買?可否過兩招?

引用:

原帖由 港奸剋星 於 2007-3-9 20:04 發表

難怪咁多人想香港生
買戶口?點買?可否過兩招?

最正路手法：買樓。不少商品房係包埋入戶口的。

我自己反覆再想
買樓最可行,可以令到老婆由外省女變成廣東姑娘
到時去唔去香港,根本就唔重要
但依家要買樓入戶,以依家樓市,沒有一百萬,根本不可行
謝謝您
真係要努力加餐飯

引用:

原帖由 Butt 於 2007-3-12 15:02 發表



最正路手法：買樓。不少商品房係包埋入戶口的。

唔知其他省市仲有冇，但係深圳、東莞都好似冇呢支歌仔唱好耐囉。

九十年代中後期或者仲有。

引用:

原帖由 港奸剋星 於 2007-3-12 21:48 發表
但依家要買樓入戶,以依家樓市,沒有一百萬,根本不可行

星仔，你唔好玩我啦，你要買幾大間同邊度買呀，「沒有一百萬,根本不可行」！你要對正皇崗口岸四房三廳就梗係啦！

引用:

原帖由 中式食肆有座位 於 2007-3-12 23:49 發表

唔知其他省市仲有冇，但係深圳、東莞都好似冇呢支歌仔唱好耐囉。

九十年代中後期或者仲有。

東莞公安局關於購樓入戶的網頁
2003年之後，東莞都已經冇呢支歌仔唱啦。

我見廣州既樓一般都好貴
所以咁講咋
唔好見怪

引用:

原帖由 中式食肆有座位 於 2007-3-12 23:49 發表

唔知其他省市仲有冇，但係深圳、東莞都好似冇呢支歌仔唱好耐囉。

九十年代中後期或者仲有。

仲有......三毛

買戶口,
一了百了!

还是到香港生，现在麻烦，但以后能避免很多问题。

引用:

原帖由 港奸剋星 於 2007-3-12 21:48 發表

但依家要買樓入戶,以依家樓市,沒有一百萬,根本不可行
謝謝您
真係要努力加餐飯

你咁有米
不如去澳門買樓等你老婆做投資移民
大陸方面
買樓入戶不如考慮中山, 順德....
樓價都平 D , 環境比東莞好得多