1#
大 中
小 發表於 2014-5-5 03:00 只看該作者
不打•短評84：雙生靈 (有內容)
不打評價：正場價 $57
不打總評：唔係鬼片係懸疑片，將「分身」題材發揮極至，結局出人意表
韓風肆虐，韓國偶像、電視、電影紛紛抬頭
近年神作【陽光姊妹淘】、【戇爸的禮物】、【超級巨猩】、【我愛瘋Sex】、【言葉之庭】、【盜賊門】
有say有heart有風格，票房收得，口碑載道！
相對日本，香港片商近年逐漸減少日本電影，一年只有十數部
雖然上年有套所謂佳作【誰調換了我的父親】，但我完全唔認同
文藝片既角度去評，完全忽略子女既角度，幾場關鍵場口拍唔出細膩動人，係好普通既平庸之作
日本藝能界失陷，都仲有AKB48；日本電影雖然沉寂多年，但往往拍出類型電影既嶄新風格
偵探片，去到日本可以加入心理學元素，刻劃人性探討道德：【嫌疑犯X 獻身】
愛情片，去到日本可以加入超現實元素，動物變情人探討真愛的核心價值：【寵愛情人夢】
驚慄片，去到日本可以加入社會學元素，成年人懼怕青少年立法互相廝殺：神作【大逃殺】
而呢套【雙生靈】一樣，加入左神秘學耳熟能詳既「分身」元素，扭出懸疑片另一破格作品
電影Poster累事，影住連體公仔，令觀眾錯誤以為係類似垃圾【詭嬰】果類寄生鬼片
其實公仔只係象徵物，套戲完全唔係鬼片，甚至乎唔算係驚慄片，介乎懸疑片和劇情片之間
套戲本質上冇打算驚嚇觀眾，好直接咁交代分身的出現、經過、衍生既問題
刻劃出「世上如果還有另一個我」「我不再是唯一的存在」令觀眾反思，反而越睇越心寒！
套戲將「分身」呢個題材和人既「怨念」結合，帶出幾個刻劃人性既例子
有暴力傾向既警察、照顧重病兒子既媽媽、努力投稿參賽既畫家
分身視為人類劣根性：暴力、逃避責任、執著既解放，透過分身殺本體既大橋推進故事
將「身份混淆」玩到極致，殺分身殺錯本體、掉返轉分身係忠本體係奸、仲有分身本體合作等等
到最後解謎，紅窗簾綠窗簾、向左走向右走、背會員名、點解要有一個會員冇分身？
穿返之前回家遠鏡、走廊搭膊頭、差佬之前果句：你係邊個？三條伏線，又講得通
觀眾先恍然大悟，點解女主角成日要漱口？點解男主角一定要弱視？
還以為完，仲有成套戲最精髓既比賽公佈，睇埋幅畫，先明白導演原來最想講呢D
分身殺本體、本體殺分身，之前既鋪排都只係伴菜
導演係想利用「分身」題材去探討「不同人生」，世上如果還有另一個我，是誰活得更好？
正正亦回應返會長用盡方法避免既結局，分身比本體活得更好，層層緊扣，佈局精巧
最神來之筆既係，導演加多一幕本體及分身攤牌，分身自願犧牲由本體承繼一切
結局講講下突然喊，窗外有野跌過，再前後呼應返呢句：「無論發生咩事，唯一肯定既係，我愛你」
非常有意思有味道既悲劇結局，我老婆即刻喊！
當然套戲說穿了只係一條橋：原來分身先係主角
瑕疵亦唔少，中段劇情太拖太散，大學生條線冇時間刻劃佢點解會有分身，白白晒左
但相對之前同係一條橋玩到尾、北川景子X深田恭子既【同屋喚命日記】
自然明白【雙生靈】既神，和【同屋喚命日記】既爛
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
www.youtube.com/cheungsecond
www.facebook.com/cheungsecond
|
