亮點：

1.挾住八十年代神作【靚妹仔】延續篇，剪返部份片段向佢致敬，仲搵返溫碧霞演返同一角色，有heart！

2.溫碧霞食左防腐劑，48歲仲係咁脆，風韻猶存，我呢輩八十前情意結，淨睇佢都值得入場！

3.除左溫碧霞外，仲搵到當年響晒朵既長樂街Peter仔麥德如演出，想當年既佢真心講型過陳冠希，始終男人歲月更催人，樣已走，但霸氣未收，演活過氣古惑仔同時，更另有一份鐵漢柔情，對溫碧霞既義氣，和關鍵角色妓女之間既曖昧感情，反而成為全片印象最深刻既亮點

4.Super Girls Heidi條仔，新人，夠放又夠地，so far演繹有d似梁烈唯，令人眼前一亮



打位：

1.挾住八十年代神作【靚妹仔】延續篇，斃在當時既靚妹仔都變晒花師奶啦掛，冇奶油揭自己瘡疤帶自己個女入場那些年掛？！

2.對新一輩黎講，可能識【官人我要】多過【靚妹仔】，佢地唔會有任何品牌效應

3.【靚妹仔】係當時麥當雄離開麗的電視第一套電影作品，以反傳統既半記錄片拍法，大膽拍攝當時離家出走未成年少女既沉淪墜落，引起社會極大迴響，亦開創左社會寫實既電影潮流，用佢同呢套譁眾取寵既【微交少女】相比，完全係侮辱！

4.誇張又失實既情節堆砌埋一齊，呢個年頭仲有人為左搵返個姊妹而去做雞！？

5.角色設定太over，又聾又啞做援交、單親家庭家姐要湊細妹仲要照顧埋吸毒媽、有錢女夜場破處玩true love，完全唔係寫實路線，錯能晒！

6.最關鍵既敗筆，當年麥當雄係精挑細選先搵到新人林碧琪、溫碧霞、麥德如，林碧琪更係首次拍戲就勇奪金像獎最佳女主角；反之【微交少女】果三位女主角，蔚雨芯、李靜儀與許雅婷完全冇戲，成場做返自己當演技，完全破壞晒成套戲既觀感，好多悲慘或衝突場口，個個木口木面冇晒戲味

7.蔚雨芯，點解要用替身？！果場如果係真，三級片黎講就值回票值



一句：

當【喜愛夜蒲】少女版咁睇就算，和神作【靚妹仔】比完全唔係果班



Youtube：港產不打

http://www.youtube.com/cheungsecond

Facebook：港產

http://www.facebook.com/cheungsecond

Weibo：港產不打_微博

http://weibo.com/cheungsecond
************************
港產不打

全職非牟利網絡打手

100%支持本地製作

乜戲都打，淨係唔打港產

************************

如果會睇呢套戲既最大原因都係因為溫BIG下

唉。。。。。。。。。。。。