今次菲律賓馬尼拉之旅,見識過菲律賓人既生活文化.好黑暗.
我地第二日夜晚自由行時,係Baywalk比一駕馬車車伕叫左過去影相,
當時我地一行3人都好想影下相留念,所以過左去問下影相既價.
我地同佢講好影相價錢,並唔係諗住坐上去兜圈,但馬伕開出極吸引既價錢要我地一試,
所以我地三個人就上左馬車,係上車之前講好晒價錢.每人5披索,
我以為佢真係冇生意所以開咁低價,不過馬車行到一半我都知道不妙,
因為又上多一個大漢,呢個大漢都係馬伕,一駕咁細小既馬車坐左5個人.坐左20-30分鐘,
佢地停左係一堆馬車當中,然後叫我地比錢,咁我地先講點解唔番去原先我地上車既地方,
點知要落車時並唔係呢個價,仲要比兩個大漢夾住我地唔比我地落車,一定要比左錢先比落車,
佢地要求我地每人支付50美元或2000披索,我地當然唔肯比呢個價啦,
佢地話要拉我地去差館,我地話好,但反而佢地唔敢去,
我地3個人即刻打電話比導遊求救,好彩佢岩岩係我地附近食晚飯.
即刻黎同班馬伕講數,係導遊未到之前,佢地一路兇我地叫我地比錢,
而且個價錢都愈黎愈低,可能佢地都怕我地嘈到去差館,我地一於唔比,等導遊黎,
導遊一到,佢即刻好有氣勢大大聲鬧佢地,並Show出一個好勁既証件,我當時以為係導遊証.
係佢地指手畫腳,嘈完一輪之後,我地每人只係比左100披索.然後導遊同我地一齊坐的士護駕我地番酒店.
真係有驚無險,我夜晚訓覺發夢都仲見到呢件事.....
第二日再講起呢件事,先知導遊係國際警察,專捉d人走私犯毒.今次遇到佢真係好彩喇!
最後一日.我地去到機場過檢既時候,果d關員搜袋既時候,同時會打開你銀包叫你比錢比佢,
唉....咩世界呀...真係太黑暗喇...光天化日,政府人員做埋d咁既事,以後我地都唔想再去菲律賓.

[ 本帖最後由 貓宇川 於 2007-3-9 10:10 編輯 ]

引用:

原帖由 貓宇川 於 2007-3-9 09:43 發表
今次菲律賓馬尼拉之旅,見識過菲律賓人既生活文化.好黑暗.
我地第二日夜晚自由行時,係Baywalk比一駕馬車車伕叫左過去影相,
當時我地一行3人都好想影下相留念,所以過左去問下影相既價.
我地同佢講好影相價錢,並唔 ...

l菲律賓既貪污真係聞名已久, 小川子你今次都好好彩, 因為無警察黎屈埋你一份, 佢地d警察好多都貪污, 實行有錢齊齊搵既態度

今次有驚無險真係要還神

引用:

原帖由 芝華士女朋友kay 於 2007-3-10 07:25 AM 發表

l菲律賓既貪污真係聞名已互做L警察黎屈埋你一份, 佢地d警察好多都貪污, 實行有錢齊齊搵既態度

今次有驚無險真係要還神

你講得好岩~

真係好黑暗喎．
好彩我上次去冇搜我銀包咋，如果見到我仙都唔仙下咁就仲大鑊．

引用:

原帖由 貓宇川 於 2007-3-10 09:44 發表

你講得好岩~

出外要小心, 我記得好耐之前去泰國旅行, 果陣我第一次去泰國, 跟見聞旅遊, 個領隊要比錢d海關, 如果唔係每個團友都要搜行李, 當然而家無呢支歌仔啦...

呢d都要講好唔好彩, 有心埋黎屈你, 好難避...
每個國家都有呢d衰人, 所以唔好灰心, 旅行只求開心, 用錢搞得掂當破財消災!

引用:

原帖由 niki 於 2007-3-10 05:26 PM 發表
真係好黑暗喎．
好彩我上次去冇搜我銀包咋，如果見到我仙都唔仙下咁就仲大鑊．

老實講.臨走前我只係淨番20披索,不過我都收埋佢,唔想益左呢班人渣.

仲有,今次我係報油麻地旅遊三天團,單章上寫明航班時間架嘛,點知回程時間最少提早左4個鐘頭,有咩可能航班會提早架,最多都係延遲既o者,我懷疑旅行社一早都知航班時間,只係故意比人睇落係晚機返就想吸引多d人報名o者.真係唔投訴唔得呀 !

引用:

原帖由 貓宇川 於 2007-3-11 11:11 發表
仲有,今次我係報油麻地旅遊三天團,單章上寫明航班時間架嘛,點知回程時間最少提早左4個鐘頭,有咩可能航班會提早架,最多都係延遲既o者,我懷疑旅行社一早都知航班時間,只係故意比人睇落係晚機返就想吸引多d人報名o者 ...

唉, 佢咁做生意架 下次唔好幫襯

引用:

原帖由 貓宇川 於 2007-3-11 11:04 發表

老實講.臨走前我只係淨番20披索,不過我都收埋佢,唔想益左呢班人渣.

菲律賓請你都唔敢再去

引用:

原帖由 芝華士女朋友kay 於 2007-3-11 04:39 PM 發表

菲律賓請你都唔敢再去

哈哈~咁又唔係咁講呀,有人出晒錢包我去,我會考慮去架 !係咪好冇骨氣呀??

引用:

原帖由 貓宇川 於 2007-3-11 22:17 發表

哈哈~咁又唔係咁講呀,有人出晒錢包我去,我會考慮去架 !係咪好冇骨氣呀??

唔係既, 唔好比一小撮衰人令你覺得菲律賓唔好, 我相信每個地方都有d敗類...
下次去小心d囉~~

咁行程表去程既時間又啱唔啱呀,有冇遲左呀??

引用:

原帖由 monmon267 於 2007-3-13 11:12 AM 發表
咁行程表去程既時間又啱唔啱呀,有冇遲左呀??

因為佢話班機提早,攪到我地早左好多時間出發,最想去既地方因我地太早去到未開門

引用:

原帖由 jacky. 於 2007-3-14 11:50 AM 發表


究竟係國際警察兼職導遊，抑或是導遊兼職國際警察呀

應該係前者,不過我相信佢仲貪得勁...嘻嘻 !

你只要扮唔識英話，聽唔明就得，佢地係無你辦法的