1#
大 中
小 發表於 2014-11-13 01:24 只看該作者
不打•短評103：咒怨死結的開端 (有內容)
不打評價：租碟價 $6
不打總評：冇左清水崇既咒怨，新導演落合正幸抄足導演風格，但淪為垃圾！
其實【咒怨】系列真係睇到有D滯，正傳兩集外傳兩集荷里活翻拍三集
睇住果位白臉小朋友俊雄睇左足足十年，如果佢會長大，都應該讀大學啦
同一模式拍完又拍再拍仲拍，同港產片一樣，唔爛都拍到爛
【午夜凶鈴】系列Reboot【貞子】系列，沒有好下場，日本票房慘淡，呢套一樣
入場前仲以為係原導演清水崇事隔十年再拍，所以仲有少少期望入場
諗住淨係睇攝影擺位同氣氛營造已經有野學
點知越睇越唔對路，濫用近鏡，又預早轉主觀鏡驚死冇鬼出
恐怖驚嚇位拍得好求其，濫粗伸隻手拉大個口、擰轉個頭，核突多過恐怖，佈局好粗糙好低手
有條女仲離譜，俾對鬼手隔空就咁拉左入雪櫃就唔見左，全場嘲笑
出左戲院睇返資料先知係新導演落合正幸執導，模仿清水崇
但只係抄其形，不具其韻，更枉論有任何驚喜或破格之處
咒怨招牌啞啞聲冇左，卻換來畫輪迥眼，只不過畫黎唔知為乜，劇情冇交代，斷晒線！
咒怨招牌以不同角色為主既章回式拍法保留，但今次明顯為拍而拍，佈局非常刻意
前作清水崇往往將同一天或同一件事從不同角色的角度表述，而且有伏線和懸念層層互扣
但呢集只係好單純咁分幾個受害者點死法，東併西湊支離破碎，將一套戲斬開幾幕咁拍
而女主角與俊雄和媽媽伽椰子呢條線，只係和作死三個學生妹果條線
冷係拍到平行時空，刻意fake觀眾，最後由地產佬講出原來事隔十幾年，故弄玄虛
其實睇穿左根本上只係柒剪，求九其將時序調亂，為扭而扭
今集貴為死結的開端，相信大部份觀眾都想知鬼屋既由來和俊雄既過去
但坦白講，可唔可以加多少少創意？！唔好行貨到俊雄餓死→屋有鬼仔→再上不育中女借肚還魂
橋段hea到爆炸，老土到想嘔，最粗糙係日記明講都未夠
仲要睇舊錄影帶，仲要拍埋成隻俊雄跳入阿媽肚？！WTF！當觀眾白痴嗎！？
老公出差又冇工人，自己瞓左係鏡頭前，仲邊有人揸機錄影？！真係搵鬼拍？
其實呢類型鬼片，劇情真係好多舊魚，前因後果恩怨情仇沒完沒了，坦白講任你點講都得
觀眾唔會太在意你D因果報應輪迴，藤能瓜瓜能藤既關係
總之拍得好睇，恐怖位夠驚嚇就可，但呢套冇！
而且驚嚇既定義，係有估佢唔到既驚，令觀眾心寒既嚇
唔係呢套形象化到成隻長髮鬼爬出黎怪物咁追人
唔係呢套形式化到貼滿晒膠紙叮噹時空機咁係櫃桶伸隻手出黎
綜觀近期驚嚇片，【兒凶】系列、【詭娃安娜貝爾】、【貞子】系列
都將驚嚇片當劇情片懸疑片咁拍，強調鬼魂怨靈既前因後果，無限駁故，自圓其說
其實由一開始已經行錯路！完全錯能晒！！
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
www.youtube.com/cheungsecond
www.facebook.com/cheungsecond
|
