現時由皇崗到常平及樟木頭，已經再無平價大巴坐了。

轉貼自「壹周刊」(07年4月19日)：

引用:

惡霸陰招趕絕中港巴
  
過去兩週，有港人乘搭的湛江長途巴士，疑因巴士公司互搶生意，兩度被數十惡漢當街襲擊，事件令常搭內地巴士的港客提心吊膽。

除了圍攻巴士，不少港人常用的內地線近期飽受滋擾，包括巴士不准在旺區落客、警察扣車罰款等，月初一條行走香港至樟木頭的巴士線就終於停辦，原因倒是因為生意太好，月入至少百萬，惹來地方勢力垂涎，希望取代。

港粵直通巴士協會秘書長周慶旺直指，港資公司不敵地頭蟲，六條皇崗開的巴士線已有兩條停辦，他預計不久將有兩條被蠶食，屆時港客唯有「焗坐」質素不佳的大陸巴。

上週四早上九點，深圳皇崗口岸往樟木頭的巴士站頭，人龍長長，乘客黃先生埋怨：「依家等好耐先有車。以前有永東和逸東兩間公司一齊做，會將班次排密?，皇崗開?車費鬥平到五蚊都有；但依家剩番逸東，巴士唔靚又唔準時，最慘係車費貴到卅蚊。」另一乘客陳太亦大彈：「永東?車係由香港司機?，安全意識都好?；逸東用?係國產巴士，又搵大陸人?車，我次次坐完佢?車後，條頸連背脊都痛。」

這條本由港資永東直巴管理有限公司經營的樟木頭線，利潤豐厚，香港總站開每人收一百，每架巴士四十五個座位、每半小時一班車，永東每月至少收入過百萬。永東經營這條線兩年多，但一年前，由東莞市裝運汽車運輸有限公司營運的巴士公司（簡稱逸東巴）加入競爭，永東巴自此受到許多「規管」。

影相扣車趕絕永東

乘客林女士亦證實永東受針對：「我有幾個朋友試過搭永東巴，?『小雨天』（樟木頭市中心一間食肆）落車，幾個交警即刻衝上車影司機和我朋友?相，嚇餐死！不過就冇罰乘客，事後聽講永東要俾幾萬蚊贖車。但逸東巴就無聽過發生呢?事。」

永東司機小黃（化名）說：「我有同事因應乘客要求，在市中心落客，被扣了幾次車，他們專等週五捉我們，一扣就是兩三日，等週六、日搭車高峰期過?，才俾我?以五萬元贖車。人?係地頭蟲，我?點夠人玩呀。」永東要付昂貴贖車費，又少了車做生意，此陰招可謂一石二鳥。

「以往永東可以在樟木頭最旺的地方包括百佳、皇朝閣停車落客，但近半年就唔批牌俾永東，搞到永東只可停?遠離市區五分鐘車程的汽車客運站。但逸東巴就可以自由上落客，你話公唔公平？」一位業內人士指，逸東巴與樟木頭地方領導熟稔，獲得特別優待。

永東樟木頭線終於月初停辦，記者致電永東總經理連忠輝，他一聽見樟木頭線便似有隱衷：「我唔係咁想評論呢件事，我?公司仲有好多車?上面（大陸）營運緊，唔方便講太多。」

然後記者再找逸東巴的母公司東莞市裝運汽車運輸有限公司，發言人否認公司後台跟政府有關，但熟悉國內運輸機構的法律人士說，該公司是市屬國有控股有限公司，董事會成員由鎮政府提名，鎮委書記張俊陽是最終決策人。

兩條新線岌岌可危

永東樟木頭線停辦之外，業內人士說，另一條由香港金旅直通有限公司經營的常平線，生意不俗，兩年前亦被東莞裝運以類似方法「打沉」。港粵直通巴士協會秘書長周慶旺批評：「大陸公司就可以埋站，我?香港公司就唔俾落客，你話呢?係咪包庇？」

本來，由皇崗開往廣東各處的巴士線中，有六條是中港合資，但自從樟木頭和常平線停辦，只剩四條，而周慶旺更擔心，其中往東莞塘廈及廣州兩條快速增長的新線，生意愈做愈好，遲早會被吞併，屆時港客的乘車安全未必會受到周全保障。

周說：「我?大部分用香港司機，所以印象中最近一宗涉及中港車的交通意外，已是三年前；而且香港車必須要買齊中港保險，先?到營運證，反映香港直通巴的安全程度好高。但單睇湛江事件，已反映搭大陸巴幾咁唔安全！」深圳交通事故律師事務所表示，在國內坐長途巴士，一旦有意外，申索不一定有門：「雖然國家規定所有客運巴士必須要買保險，但相信偏遠地區的巴士公司不一定會遵從。」

就算內地巴士商買了保險，如在廣東，保額也只要求二十萬元的機動車交通事故責任強制保險，相反不少港商經營的巴士均自願提高保額至一百萬，保障相形見拙。而且索償也不容易，據新華網報導，深圳寶安區一名市民一年前遇上車禍，雖經鑑定為三級傷殘，但保險公司拒賠，最後今年三月告上法庭，事件反映在內地申索困難重重。

約兩年前, 皇崗 ==> 常平大巴 RMB20 ( 有兩間 大巴 公司)

現在只有一間 RMB35, 又貴又 唔好座 ( 國產大巴), 座位又窄!!