香港 Xocat Forum 討論區 - Powered by Discuz! Board

標題: 醫院夜話之1【可愛的老伯伯.】 [打印本頁]

作者: 8366 時間: 2007-6-2 15:36 標題: 醫院夜話之1【可愛的老伯伯.】

妹妹在醫院工作也有一段時間,對於異事也抱著我是救人
的心態,原來妹妹不同的ward都做過,我都唔知道,有時她
返到黎太攰都唔想打擾她,據說曾經在老人科做過一排,
有個老伯伯好好人成日同姑娘開玩笑,又成日勸告其他老病人,
我地要乖唔好另姑娘難做,伯伯對阿妹特別好,又好傾成日話
自己好滿足,笑笑口講:『我呀做左80幾年人賺晒架啦,如果個天真要我走,
我都好願意呀.』阿妹話伯伯你會長命百歲架,伯伯遙頭..咁老咪做死你地
..哈哈,伯伯的家人好忙唔會成日黎,有日d家人黎探佢即問家人攞左d錢,
見到阿妹就叫住姑娘..姑娘,咩..野事呀伯伯,『比你架,姑娘比你買糖食咖,
乖啦攞住啦,要買糖食呀.』阿妹當然拒絕唔要得咖,你想我比ICAC拉咩,伯伯
『喚..都唔過限額要得咖.』阿妹同D家人即時大笑道:『你又知?』伯伯用手指一指
表示你們都唔識野,仲更加比佢笑死好可愛的伯伯.
到第二日阿妹返中班,同事叫住阿霖阿霖(妹個名)個伯伯走左啦,吓!!點解會走(死)?
『仲係VIP房(WARD裡暫放遺體的房)佢雙手緊握住D野,連家人都攪唔掂,你去試吓.』
妹妹懷著沉重感覺行入去,見到傷心家人們,點一點姑娘佢雙手,妹妹看到躺在床上
伯伯的樣子好安詳舒服,但手緊握權頭,妹妹深呼吸的對著伯伯遺體講,『伯伯平時你最
乖的我現在幫你慢慢鬆開雙手,』伯伯雙手竟然慢慢鬆開左,家人們也愕然,.......
原來伯伯緊握的是一張20元的紙幣,妹妹即時忍住眼淚,我真係唔可以要病人d錢呀伯伯,
大家都明白伯伯的心意,其中有個家人說:『我現在去買D糖返黎,就拿起伯伯張20元出去.』
再望伯伯時樣子竟然面帶笑容.原來伯伯一早知道自己大限到,所以要請阿妹食糖!

作者: dirtypig718 時間: 2007-6-2 17:38

好感動~~~有時心願....未了!就會係咁~~~

歡迎光臨香港 Xocat Forum 討論區 (http://p.xocat.com/p/)