香港 Xocat Forum 討論區 - Powered by Discuz! Board

標題: 玉皇朝鹿鼎記~ [打印本頁]

作者: 元朗躉 時間: 2007-6-14 04:50 標題: 玉皇朝鹿鼎記~

話說上期我睇到話咩60期堂堂小結局~
我真係打o左個突，初初仲以為可能係休一休書，等一輪出新一章~
點知見到韋小寶幅草圖度有句「很不捨得你們哦」~真係有d不祥o既感覺~

今期，o岩o岩買o左，頂..........真係大結局!
睇o左10幾年港漫，第一次睇結局睇到媽媽聲，媽足成本書~
佢第一期時，我仲諗緊玉記今次咁好死，終於肯試下出d非100%打打殺殺打到成套star war o既書(試諗番大唐同天子五=.=係咁易都打到d太陽呀、土星呀之類o既野出o黎，人o黎咋大佬=.=)
點知頭幾期咩兀爾魔無敵我已經O晒咀，好啦，陳陀地o個場夾硬o黎o既打鬥終於完o左，個故事都開始冇咁離罩了~

點知個公主o岩o岩去雲南，七個老婆只係亮過下相(韋小寶只係溝o左雙兒同公主咁大把)，就話結局!?有冇攪X錯!?

個結局先離譜，韋小寶發發下夢，見到隻龜帶佢去「通吃島」，七個老婆o係晒度，之後個夢醒o左，咁就結局!?本野叫鹿鼎記，韋小寶都未封為鹿鼎公就結局!?我肯定如果冇睇過原著，一定冇人知本野點解叫鹿鼎記!!!韋小寶連台灣都未打，邊處得o黎有個「通吃島」呀!?

明明公主去雲南之後o既劇情越o黎越好睇and有神髓，佢竟然草草一段文字交待晒!?

我真係好想問下，港漫係咪唔打打殺殺就一定收得皮?有冇邊位知情人士可以話比我聽，究竟鹿鼎記o既銷情有幾慘淡?攪到要咁樣腰斬法!?
我真係好唔明，如果係要腰斬o既話，點解唔斬射鵰?講真，一來射鵰o既劇情人人都熟晒、冇新鮮感、二來港漫打鬥書仲唔夠多咩、三來畫功方面我真係覺得佢同李志清版冇得揮、四來佢轉得做雙周刊，都知咩事了~

好燥~~鹿鼎記咁樣比人cut書，真係好慶!

作者: kenny01 時間: 2007-6-14 12:02

我就唔知佢銷幾多....

但係一本書期期都蝕本,你係老細會點...
上一個年代話唔出就唔出.....突然消失添呀

作者: sammy20072007 時間: 2007-6-14 14:16

我都係咁話，我昨晚見到話咩 “堂堂小結局”都以為係一章段落完結啫，好奇下買嚟睇吓，睇完之後真係衝口而出盡展平生所學嘅粗口嚟向玉皇朝上下同仁致敬，我諗金庸會覺得係奇恥大辱，話須期期蝕本要我都好睇諒，但佢點解唔諗好D策略對正下葯好嚟好去呢，小說嘅情節事實係你睇小說文字會覺得劇情推進ＯＫ嘅，但係變成漫畫版每個星期得嗰30幾頁百零格畫，春咁耐先有一段高潮，加上玉記嘅慣性拖穚緩慢推進，真係會感覺太慢，但如果改成出潮華版應該會好Ｄ，話晒每個星期有百幾頁，如果格數密些小我估會好好多，起碼我地睇得流暢Ｄ同埋有珍藏價值，總好過家吓草草了事，仲要响最後一頁用文字(約幾佰字)嚟講埋未完嘅幾十期內容，真係頂佢個肺！不過老黃腰斬漫畫都唔係第一次，當日老黃決定腰斬大聖皇都係咁，臨尾無啦啦神、妖、人群抽幾期跟手話大結局經都未取呀大佬，(咩雷暗之匙又無講)之後又响最後一頁用文字講埋未完嘅劇情，咩悟空會經歷一段刻骨銘心嘅愛情，三師徒又會如何如何云云，真係仆街到爆！

作者: 不平凡人 時間: 2007-6-14 21:07

引用:

原帖由 sammy20072007 於 2007-6-14 06:16 發表
我都係咁話，我昨晚見到話咩 “堂堂小結局”都以為係一章段落完結啫，好奇下買嚟睇吓，睇完之後真係衝口而出盡展平生所學嘅粗口嚟向玉皇朝上下同仁致敬，我諗金庸會覺得係奇恥大辱，話須期期蝕本要我都好睇諒，但 ...

大聖王好似係幅龍冇MOOD畫先完...

作者: 亞佳佳 時間: 2007-6-15 13:59

睇本書由粉紙變做普通紙,再加上上危鬼咁核突就知道幣啦..........

作者: kenny01 時間: 2007-6-15 15:19

想補充一下....響日本...幾有名既作家
都會被要求響三期內cut書...係講緊少年jump
十幾廿頁果d喎...

作者: 利記 時間: 2007-6-15 15:27

引用:

原帖由 元朗躉 於 2007-6-14 04:50 發表
話說上期我睇到話咩60期堂堂小結局~
我真係打o左個突，初初仲以為可能係休一休書，等一輪出新一章~
點知見到韋小寶幅草圖度有句「很不捨得你們哦」~真係有d不祥o既感覺~

今期，o岩o岩買o左，頂..........真係 ...

睇左頭幾期
覺得佢既表現手法好低能
所以後尾都無買了

作者: sammy20072007 時間: 2007-6-15 18:28

引用:

原帖由 不平凡人 於 2007-6-14 21:07 發表

大聖王好似係幅龍冇MOOD畫先完...

所以咪話福龍仆街囉，開頭係威係勢，後來無MOOD畫就草草了事，對讀者一Ｄ都唔負責，我地唔係睇單元本呀，睇咗幾十期後先唔妥，你叫我睇唔睇好！

作者: sammy20072007 時間: 2007-6-15 18:30

引用:

原帖由 kenny01 於 2007-6-15 15:19 發表
想補充一下....響日本...幾有名既作家
都會被要求響三期內cut書...係講緊少年jump
十幾廿頁果d喎...

如果係咁ＯＫ喎，每期十幾廿頁，有乜唔妥三期內cut書，大家都無咁傷吖

作者: kenny01 時間: 2007-6-15 19:05

連載左幾年既都會係咁喎........

作者: 不平凡人 時間: 2007-6-15 21:30

引用:

原帖由 kenny01 於 2007-6-15 07:19 發表
想補充一下....響日本...幾有名既作家
都會被要求響三期內cut書...係講緊少年jump
十幾廿頁果d喎...

冇記錯./.係讀者連續3期投票最低..就會CUT書...
和月伸宏(浪客劍心)...畫O個套<西澳搶火>...畫到1/10就要CUT...之後套<武裝錬金>又係咁(聽講話呢套漫畫O個陣一CUT...即刻有好多讀者投訴.....集英社先叫和月畫多2話結局...最後畫多話大結局先完咋~~~)

作者: dickylhl 時間: 2007-7-8 13:44

諗住睇下鹿鼎記裡面d靚女，點知......

作者: bobbyyang 時間: 2007-7-11 18:58

原来真系CUT左······可惜啊
讲到CUT书，漫画蓝龙都结局喇，又系被CUT

歡迎光臨香港 Xocat Forum 討論區 (http://p.xocat.com/p/)