標題: 神奇四俠和跟踨觀後感 [打印本頁]

---

作者: seindeld    時間: 2007-6-17 19:33     標題: 神奇四俠和跟踨觀後感

本週睇左兩套新片，神奇四俠: 銀魔現身同埋跟踨既優先場。

4俠係講銀魔諗住消滅地球，4俠無乜計時，末日博士走番出黎幫手對付銀魔。點知原來末日博士幫手只係為左搶銀魔既力量，而銀魔之所而要消滅地球亦係有苦衷。最後4俠將各自既力量集中係霹靂火度，打低左擁有銀魔力量既末日博士，而銀魔亦同真正要消滅地球既元凶同歸於盡，解救左地球。
由於片長比較短，得個半鐘，所以成套戲好緊湊，特技方面亦好精采，所以雖然故事簡單，但都無悶場。片中雖然加左少少4俠各自既煩惱，例如隱形女俠唔想咁出名、霹靂火雖然溝女無數但係好寂寞、同埋4俠拆伙等問題，但係全都輕輕帶過。但正如之前所講，由於節奏去得好快，你跟本無時間諗咁多。
除左特技唔錯，片中亦不乏笑料，純以娛樂指數，其實唔錯。

跟踨則由於係優先場，到真正上話唔知會唔會有好大改動。套戲以警方狗仔隊為主角，同賊人周旋。由於講狗仔隊既戲比較少，所以有一定新鮮感。片中講任達華以老帶新咁帶住徐子珊去跟賊，慢慢跟到梁家輝同佢班同黨，最後將佢地一網打盡。戲中除左徐子珊屬新人，其他全部都係老戲骨。大肚腩既任達華、賊頭梁家輝當然好有戲味，其餘邵美琪、張兆輝、吳延燁等，綠葉得黎都好有表現。即使被評為做戲誇張既徐子珊，今次都算中規中距。最後新狗仔經訓練後成為老練狗仔，薪火相傳意味濃。另外成日拎刀仔插人條勁既梁家輝，俾個釣釣到條勁死，亦有天理循環味道，頗有說教味。雖然套戲無偶像無特技，但一黎支持港產片，二來本片質素亦高，各位應入場支持。

---

作者: 出火仔    時間: 2007-6-18 01:09

我都睇左神奇四俠，開頭都好慢喔，因我知套戲短所以成日諗做唔做得切
總觀都ok既，霹靂火臨尾揹無飛合四人力量打到末日博士飛起，但又打佢唔死跌落海，實有續集啦
銀魔死後條屍同滑版係太空飄浮，有喻意啦應該，特技比上集更見進步
不過比較少，第一集多好多

---

歡迎光臨 香港 Xocat Forum 討論區 (http://p.xocat.com/p/)

Powered by Discuz! 6.0.0