香港 Xocat Forum 討論區 - Powered by Discuz! Board

標題: 札鉄工友必需有兩手準備 [打印本頁]

作者: big138 時間: 2007-8-14 02:48 標題: 札鉄工友必需有兩手準備

事情發展到今時今日，札鉄工友應冷靜諗下飯碗問題，以下是本人小小意見：
1.其實商會同工會之前一直有計傾，工友如果能夠團結一致，俾足面兼俾足壓力工會，擺工會上檯，肯傾但唔讓步，迫佢地D頭頭嘅頭頭出黎，同香港各大地產發展商傾掂佢，其實一D都唔難。
2.如今發展，工友已被分化咗，無啦啦有部份人走去支持工聯會死對頭職工盟，兼唔開工遊行封路低招盡出，唔好以為班有錢佬咁就怕鬼左你地，你阻嘅係地盤，唔係佢屋企，對有錢佬一D影響都無。就算大家真係搞到個地盤開唔到工，D發展商百份之九十九都係上市公司，佢地大不了開個股東特別大會，交待下件事，公司股票最多趺小小，呢D又係廣大小股民嘅錢。有錢佬繼續打高球飲紅洒，各位工友就繼續罷工支持職工盟，手停口停，頂得幾多日。
3.而家俾左個機會扎鉄工會(工聯會)掤尾拉箱，佢地而家一口咬定職工盟搞亂檔，工會極有可能已利用今次事件，分辨出邊個工友係自已人，邊個係敵人，份名單清清楚楚，如果班判頭，以後祗聘用工會推廌嘅工友(分分鐘淨係請工联会會員)，甘今次浦頭罷工班工友，以后重有無機會做番呢行，實不敢樂觀。(呢點我睇極有可能，工會為左穩住支持佢地嘅工友，有能力，亦好大機會出呢招，有錢佬亦樂意甘做，一方面可以表示自已支持工會兼保持良好關係，做俾祖國睇佢地幾愛國愛港，另一方面就係工會D人冇咁易搞罷工)
4.事到如今，各罷工工友應實事求事，立即要求職工盟表態，係唔係堅持落去，保証有工開，如果搞鍋左無得撈，職工盟點安頓班工友，俾津貼丫，借住生活費丫，還是其他？如果個答案係教你攞公援，咁就.............
5.本人唔會理咩政治立場取態，最緊要喺大家有得撈有得加人工可以養妻活兒可以有小小餘錢去深圳揼骨輕鬆下。以目前形勢分折，信職工盟死硬，除冇人工加外分分鐘入埋黑名單以后冇人請，睇住人地開工。如今之計，應立即搭路入工會做會員兼扮支持扮積極，另一方亦唔好得罪職工盟，自已早日開工，工業行動內心支持其他人去繼續。甘就公死婆死都有肉食。
6.重有一點提醒各工友，地盤各項開支，包括紥鈇部份工程，D大公司幾年前已經做好"筆直"，菫事局股東會晨早通過預算，而家話要即刻加，邊個擺錢出黎，其實職工盟大把錢，(好似話李卓人在立法局人工津貼成十幾皮一個月，重未計職工盟份糧)，大家可要求職工盟"殿"住D争取中嘅人工，職工盟成功争取后，大家唔好托水龍，還番俾佢。我都認為等一年太耐，其實中間落墨，大家都可以落台。
奉勸工運中人，投身其中，應以工友真正、最終、可行利益為依歸，一味點人去死，最后有工友為你落得失業窮途，你會肩負，你有能力支援他們嗎？

(本人出此貼袛在小男人賺錢養妻活兒為出發點，不懂、亦無興趣用社會、政治角度探討本次工業行動，中心思想講到明有奶便是娘，雖然可悲，但冇辨法，靠對手養妻活兒揾兩餐的我等勞苦大眾，有能力犧牲小我嗎？)

[ 本帖最後由 big138 於 2007-8-14 13:44 編輯 ]

作者: keibeast 時間: 2007-8-14 04:35

打交要打人痛的地方...

作者: big138 時間: 2007-8-16 00:34 標題: 話知你淒涼

今晚睇電視新聞報道扎鉄工友消息時，又睇到職工盟個肥仔係度嗌咪，叫D工友繼續罷工、罷工、罷工
呢個世界真係悲情，聽講個肥仔每個月幾皮人工(好似三皮幾，遲D查清楚講俾大家聽)，而佢個工作竟然係叫人唔好開工，亦即係話，肥仔份工收個幾皮係建基於工友唔開工無入息上面。
正是"我有我出糧，話知你淒涼"。
工友們，甘頂落去，是為了自己，還是被人??????

拜托職工盟唔好玩D工友啦，大家耍揾食架。

[ 本帖最後由 big138 於 2007-8-16 00:56 編輯 ]

作者: 港奸剋星 時間: 2007-8-16 08:26

工聯會早就成為現代中國共產黨的附庸,特色就是勾結資本家,共同破壞工人基本利益。
今次事件,擺明係工聯會勾結資方,大家睇下,人家所謂工人良心的陳婉嫻都唔敢出聲,就知事件根本就係工聯會破壞.
職工盟今次能夠先聯繫群眾,支持群眾,係真正的民主陣營,代表工人利益。香港整體市民都是支持民主的,絕對不會支持共匪任何在香港的破壞行為。所以,職工盟今次及時救民,為民請命,是有足夠民意支持.工聯會純粹是見成果未吃到,借機攻擊職工盟,撈政治本錢而已.
實事求是,應該支持多數的真理,支持民主群眾的真理,而不是少數害人不淺資本家的歪論.

作者: big138 時間: 2007-8-16 12:22

你講呢D野三歲朋友仔都識講啦。冇用架。
我關心嘅係工友要開飯，手停口停呀，大佬。
職工盟班友自已出幾雞野糧，點人唔好開工，可唔可恥呀！
我又唔信罷工喺爭取利益嘅唯一方法呀？
我就主張班工友邊開工邊争取，起碼唔減低收入，兒女書部費有着落先。
點人罷工容乜易，要全盤考慮，好多外國工會有個"分"，派水俾D工友頂住生活，呢D咪真正嘅工會，真正同行業做野。
職工盟做緊乜，有冇諗過工友餐揾餐食，有冇諗過每年暑假嘅書部費幾甘金。
再勸職工盟，唔好點班工友去死啦！！

[ 本帖最後由 big138 於 2007-8-16 12:24 編輯 ]

作者: Newnam 時間: 2007-8-16 13:02

引用:

原帖由 big138 於 2007-8-16 12:34 AM 發表
今晚睇電視新聞報道扎鉄工友消息時，又睇到職工盟個肥仔係度嗌咪，叫D工友繼續罷工、罷工、罷工
呢個世界真係悲情，聽講個肥仔每個月幾皮人工(好似三皮幾，遲D查清楚講俾大家聽)，而佢個工作竟然係叫人唔好 ...

李卓仁 o丫嗎，使乜叫肥仔喎，電影都影左出黎，條粉皮除左叫人搞對抗，有乜叉好野做過，廿多年來佢在香港就係咁，叫叫下就有錢收。挑撥離間。

佢老婆仲衰呀，睇下果年世衛。

作者: 八皇爺 時間: 2007-8-16 14:37

飲飲食食工聯會，吵吵鬧鬧職工盟。

李卓人再次遇見血染的風彩，極度興奮。

作者: 糧地官 時間: 2007-8-16 15:26

提示: 作者被禁止或刪除內容自動屏蔽

作者: denny 時間: 2007-8-16 16:22

李卓人再次聞到血腥，極度興奮。

作者: 飛毛腿 時間: 2007-8-16 17:11

引用:

原帖由 Newnam 於 2007-8-16 13:02 發表

佢老婆仲衰呀，睇下果年世衛。

係 "世貿" 香港會議
佢個冚家 x 老婆搞個 "民間關注世貿 " .... :bird:
世貿散 band 之後就無影無蹤
關注佢條毛 :bird::bird:

作者: 飛毛腿 時間: 2007-8-16 17:15

引用:

原帖由 糧地官 於 2007-8-16 15:26 發表

呢條肥仔人最叻叫人去死，89 年都重話帶錢上去，被人捉住扮死狗咁返來。

今次重衰，淨係識得叫人罷工，口惠而實不至，分分鐘攪唔掂就留低篤蘇州屎便走人。

呢亭人渣都被封為民主派 :bird:
所以我一聽到所謂民主派就好似踩到狗屎咁噁心

作者: Newnam 時間: 2007-8-16 17:29

引用:

原帖由 飛毛腿 於 2007-8-16 05:11 PM 發表

係 "世貿" 香港會議
佢個冚家 x 老婆搞個 "民間關注世貿 " .... :bird:
世貿散 band 之後就無影無蹤
關注佢條毛 :bird::bird:

無錯，關注佢兩公婆下陰（唔係民間）.........條毛。

作者: Dr.Evil 時間: 2007-8-16 17:49

引用:

原帖由 big138 於 2007-8-16 12:22 發表
你講呢D野三歲朋友仔都識講啦。冇用架。
我關心嘅係工友要開飯，手停口停呀，大佬。
職工盟班友自已出幾雞野糧，點人唔好開工，可唔可恥呀！
我又唔信罷工喺爭取利益嘅唯一方法呀？
我就主 ...

問題係你依家收手,D工人以後仲有冇機會抬頭?長痛定短痛睇下你點選O者!!

作者: 至尊豪庭9 時間: 2007-8-16 18:52

提示: 作者被禁止或刪除內容自動屏蔽

作者: 港奸剋星 時間: 2007-8-16 19:54

只有共匪聽到民主二字就怕怕
只有共匪聽到民主派三字就怕怕怕

作者: JACKY6237 時間: 2007-8-18 09:40

引用:

原帖由 big138 於 2007-8-14 02:48 發表
事情發展到今時今日，札鉄工友應冷靜諗下飯碗問題，以下是本人小小意見：
1.其實商會同工會之前一直有計傾，工友如果能夠團結一致，俾足面兼俾足壓力工會，擺工會上檯，肯傾但唔讓步，迫佢地D頭頭嘅 ...

好似傾左好耐都唔埋欄,d工人先搵職工盟個o番.工聯會d談判...不提也罷,小弟當年都領教過,好似死狗咁.咩都以和為貴,最好唔好提(條件),話法例係咁咁咁,我地盡量啦...你話o喇,咁樣談判,你可以得到d咩野.工潮之所以發生,內裹一定係有d唔公平既野發生左...至令到工人要同資方談判既.

作者: FXO 時間: 2007-8-20 06:19

又無簽約, 幾時鍾意唔開工都得0者.

正苦夠膽咪用屍扒, 放的大陸人落0黎做囉.

作者: kwchan 時間: 2007-8-20 14:47

引用:

原帖由 JACKY6237 於 18-8-2007 09:40 發表
好似傾左好耐都唔埋欄,d工人先搵職工盟個o番.工聯會d談判...不提也罷,小弟當年都領教過,好似死狗咁.咩都以和為貴,最好唔好提(條件),話法例係咁咁咁,我地盡量啦...你話o喇,咁樣談判,你可以得到d咩野.工潮之所以發生,內裹一定係有d唔公平既野發生左...至令到工人要同資方談判既.

我也同意。

作者: JACKY6237 時間: 2007-8-21 09:14

引用:

原帖由 kwchan 於 2007-8-20 14:47 發表
我也同意。

多謝閣下認同,尋晚o係電台聽到d聽眾打電話去電台支持d扎鐵工人,證明都有市民係明事理既.工聯會同商會傾左咁耐都冇一個令工人滿意既結果,呢個同佢地既談判手段有關.我始終覺得工聯會一開始就求和格,多一事不如少一事,求其攞到少少進展就叫工人開工.唔好攬咁多野,呀爺話要和諧麻.工人既素求被漠視,所以先咁興o者.而家形勢都幾監尬,要睇工人既持久力,同跟住落黎既抗爭行動.唔好再有過激行為,招人話柄,由其是工聯會......

作者: Rubber 時間: 2007-8-21 10:29

引用:

原帖由 JACKY6237 於 2007-8-21 09:14 發表

多謝閣下認同,尋晚o係電台聽到d聽眾打電話去電台支持d扎鐵工人,證明都有市民係明事理既.工聯會同商會傾左咁耐都冇一個令工人滿意既結果,呢個同佢地既談判手段有關.我始終覺得工聯會一開始就求和格,多一事不如少 ...

睇個勢似係商家佬開始手鬆, 肯多俾些少...

作者: zxcvbnm737 時間: 2007-8-21 17:10

yes i think so~~~~

作者: 至尊豪庭9 時間: 2007-8-21 18:51

提示: 作者被禁止或刪除內容自動屏蔽

作者: JACKY6237 時間: 2007-8-22 15:23

引用:

原帖由 Rubber 於 2007-8-21 10:29 發表

睇個勢似係商家佬開始手鬆, 肯多俾些少...

我覺得呢單野應該要及早解決.商會方面快d重開談判會議,咁重可以討價還價,我諗850~950中間重有一個談判空間既.大家攞d誠意出黎,冇咩係傾唔掂.......

作者: 飛毛腿 時間: 2007-8-22 17:18

引用:

原帖由 Rubber 於 2007-8-21 10:29 發表

睇個勢似係商家佬開始手鬆, 肯多俾些少...

根本就唔係為果一百幾十而企硬
地盤工最講求供求關係
趕工人手不足時, 莫講 950, 1200 都肯俾
冇工程果時你收 500 都唔會請你

作者: 至尊豪庭9 時間: 2007-8-22 19:18

提示: 作者被禁止或刪除內容自動屏蔽

歡迎光臨香港 Xocat Forum 討論區 (http://p.xocat.com/p/)