Board logo

標題: 再罷工落去札鉄工友贏左都冇用 [打印本頁]
作者: big138    時間: 2007-8-16 22:54     標題: 再罷工落去札鉄工友贏左都冇用

再次呼籲工友們馬上開工，邊做邊争取，以免消耗時間值。
現時資方同意明年8月1日加薪至$950,即是話與現時工資，祗差$100一日。
如果工友每月開工20日，在未來一年總共相差(20天x12月x$100)總共$24000
即係話如果工潮即日勝利每年多收二萬四
但而家罷工，每日冇左$850，如工潮拖足28日先成功，甘就加左人工都得啖笑(24000除850=28)。
呢條數同炒股票窩輪損失時間值一樣，好易計。
職工盟班友，你地放過班扎鉄工友啦，人地一双手養妻活兒，而家暑假又要買書交書部費，好惨架。
李卓仁兄，民生同港大都有教你做真君子架，點解而家要騎住班可憐工友上位，假小人都不如啊。

[ 本帖最後由 big138 於 2007-8-16 23:04 編輯 ]
作者: 糧地官    時間: 2007-8-16 23:06

提示: 作者被禁止或刪除 內容自動屏蔽
作者: ngtungsee    時間: 2007-8-16 23:13

冇工開冇飯食果個又唔係仁哥.贏咗仁哥啲選票又有著落,輸咗受苦果個又唔係仁哥.對仁哥來說何樂而不為.
作者: albtkl2006    時間: 2007-8-16 23:23

引用:
原帖由 big138 於 2007-8-16 22:54 發表
如果工友每月開工20日，在未來一年總共相差(20天x12月x$100)總共$24000
記住，係要足工20日才有以上的人工！
作者: albtkl2006    時間: 2007-8-16 23:28

引用:
原帖由 ngtungsee 於 2007-8-16 23:13 發表
冇工開冇飯食果個又唔係仁哥.贏咗仁哥啲選票又有著落,輸咗受苦果個又唔係仁哥.對仁哥來說何樂而不為.
唔怪得有工聯會背景的工會一見職工盟出手就縮沙走人啦！輸咗受苦果個又唔係有工聯會背景的工會的事，仲可以將失敗的責任卸落職工盟，果個工會真係何樂而不為啦！
作者: payboy    時間: 2007-8-16 23:56     標題: 支持工人罷工!

支持工人罷工! 妥恊系短視, 建築工人根本末能分亨地產行業成果, 做一世都買唔起樓, 可悲! 官商勾結惡果......我覺得950元日都唔系高, 又唔系長工, 又冇福利, 又辛苦(夏天), 又危險....
作者: big138    時間: 2007-8-17 00:23

哥哥仔，空喊口號講支持冇用架，
交租開飯交學費緊要D呀，
爭取加人工有好多方法，最緊要唔"蝕章"呀
响度嘈圈巴閉煽動工友罷工班人請聽一言，
男人養妻活兒好緊要架，
唔好再煽風點火啦。
作者: big138    時間: 2007-8-17 00:30

引用:
原帖由 payboy 於 2007-8-16 23:56 發表
支持工人罷工! 妥恊系短視, 建築工人根本末能分亨地產行業成果, 做一世都買唔起樓, 可悲! 官商勾結惡果......我覺得950元日都唔系高, 又唔系長工, 又冇福利, 又辛苦(夏天), 又危險....
呢位仁兄連工友們最起碼嘅生存都唔考慮，
而家罷一日蝕一日，
扮曬正氣，點人去死，
工友嘅損失，你賠番俾人地呀
作者: payboy    時間: 2007-8-17 00:33

你都話人哋要養妻活兒, 咁緊要都拋開一邊要爭取合理待遇, 你咁大個人你都唔埋解仲柴佢台? 鬼唔望你下世去印度札鉄...
作者: albtkl2006    時間: 2007-8-17 00:33

引用:
原帖由 big138 於 2007-8-17 00:23 發表
哥哥仔，空喊口號講支持冇用架，
交租開飯交學費緊要D呀，
爭取加人工有好多方法，最緊要唔"蝕章"呀
响度嘈圈巴閉煽動工友罷工班人請聽一言，
男人養妻活兒好緊要架，
唔好再煽風點火啦。
係囉！香港建造業紮鐵職工會就醒啦，唔會"蝕章"呀！你地工人要激嘛，我地紮鐵職工會立刻拉隊走人，第日衰咗又唔會關我地紮鐵職工會的事，點都狼着數，唔會死錯人！
作者: 漁 童    時間: 2007-8-17 00:44

引用:
原帖由 albtkl2006 於 2007-8-16 23:23 發表

記住，係要足工20日才有以上的人工！
笑咩? 如果1個月只係得15日工開, 即係差$18,000, 咁停工21日以上已經輸左.

無論如何, 希望佢地盡早達成協議啦.
作者: albtkl2006    時間: 2007-8-17 00:49

引用:
原帖由 漁 童 於 2007-8-17 00:44 發表

笑咩? 如果1個月只係得15日工開, 即係差$18,000, 咁停工21日以上已經輸左.

無論如何, 希望佢地盡早達成協議啦.
我笑樓主的假設太理想化啦！
而且那個自稱可代表工人同商會談判的扎鐵職工會已拒絕再談，又何來達成協議呀！
作者: 漁 童    時間: 2007-8-17 01:33

引用:
原帖由 albtkl2006 於 2007-8-17 00:49 發表

我笑樓主的假設太理想化啦！
而且那個自稱可代表工人同商會談判的扎鐵職工會已拒絕再談，又何來達成協議呀！
乜職工盟唔掂咩?
作者: big138    時間: 2007-8-17 02:19

引用:
原帖由 payboy 於 2007-8-17 00:33 發表
你都話人哋要養妻活兒, 咁緊要都拋開一邊要爭取合理待遇, 你咁大個人你都唔埋解仲柴佢台? 鬼唔望你下世去印度札鉄...
我問你會唔會分擔人地嘅損失啫，
你居然唔答兼講第二樣野。
我下世去唔去印度札鉄唔駛你關心，唔駛甘惡毒，
我而家最關心嘅係工友們嘅生活。
相信各位看官睇睇文章內容，己判斷到行文者嘅水平同情操。

再問你一次，你點人罷工，工友D損失你幫補下制唔制。
制就講俾工友聽點聯絡你，
唔制就唔好扮晒X啦
悲情D講句，我祗係想工友不要無謂犧牲，
你就........唉........

[ 本帖最後由 big138 於 2007-8-17 02:30 編輯 ]
作者: kykyky121212    時間: 2007-8-17 05:19

引用:
工友們馬上開工，邊做邊争取
好野有腦。
D扎鐵佬同D商會邊有得玩。D商家佬講錢有錢、講腦有腦、講幾賤有幾賤、
同D扎鐵佬權衡利害又得，同你玩消耗戰又得。同你玩民意輿論又得。
罷工系手段同姿態。罷工就要消耗。罷工是談判基礎。否則就等如弱國無外交一樣。班扎鐵佬一D返一D吾返就表示吾團結，吾團結就玩完。繼續比班地產仆街玩。連爭取應有待遇的機會都無。
作者: big138    時間: 2007-8-17 12:42

引用:
原帖由 kykyky121212 於 2007-8-17 05:19 發表

好野有腦。
D扎鐵佬同D商會邊有得玩。D商家佬講錢有錢、講腦有腦、講幾賤有幾賤、
同D扎鐵佬權衡利害又得，同你玩消耗戰又得。同你玩民意輿論又得。
罷工系手段同姿態。罷工就要消耗。罷工是談判基 ...
長線斗爭最緊要立於不敗位置，再等侍機會來臨，才會勝利。
但職工盟都好似冇為工友着想過，凈係識得自已出位，
香港自由社會，有錢佬唔中意李卓仁，認為佢沽名鈞譽底牌係自已撈政治本錢目的要搞Wow搞大鑊，所以唔同職工盟傾你吹佢唔脹，亦可以理解。
時至今日，工友可考慮飛開職工盟，自已選幾個代表，
五五十十傾掂佢，大家都落到台，甘就very good啦。
作者: saimei1962    時間: 2007-8-17 12:56

引用:
原帖由 big138 於 2007-8-16 14:54 發表
再次呼籲工友們馬上開工，邊做邊争取，以免消耗時間值。
現時資方同意明年8月1日加薪至$950,即是話與現時工資，祗差$100一日。
如果工友每月開工20日，在未來一年總共相差(20天x12月x$100)總共$24000
即 ...
我覺得師兄你個theory有的問題，每件事唔能夠只單從成本去計，
今日如果地產商用你呢條數要工人減薪又得唔得呢？
作者: kykyky121212    時間: 2007-8-17 15:43

引用:
工友可考慮飛開職工盟，自已選幾個代表，
五五十十傾掂佢，大家都落到台，甘就very good啦。
班扎鐵佬識同D商會拆得掂，就吾使做扎鐵，去做師爺。
到時D商會私底下搞掂幾條代表。
另轉面就暴D代表出賣工友利益。總之掂到班扎鐵佬自鬨。大家互不信任就一哄而散。紛紛復工。班仆街商會就遮住半邊咀大笑！
作者: payboy    時間: 2007-8-17 16:52

再次呼籲工友們馬上開工，邊做邊争取，以免消耗時間值。
現時資方同意明年8月1日加薪至$950,即是話與現時工資，祗差$100一日。
如果工友每月開工20日，在未來一年總共相差(20天x12月x$100)總共$24000
即係話如果工潮即日勝利每年多收二萬四
但而家罷工，每日冇左$850，如工潮拖足28日先成功，甘就加左人工都得啖笑(24000除850=28)。
呢條數同炒股票窩輪損失時間值一樣，好易計。
職工盟班友，你地放過班扎鉄工友啦，人地一双手養妻活兒，而家暑假又要買書交書部費，好惨架。
李卓仁兄，民生同港大都有教你做真君子架，點解而家要騎住班可憐工友上位，假小人都不如啊。
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
如果你老豆老母當年同你咁唸, 根本唔會生你!
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
作者: 熊魔鬼    時間: 2007-8-17 20:15

引用:
原帖由 albtkl2006 於 2007-8-16 23:28 發表

唔怪得有工聯會背景的工會一見職工盟出手就縮沙走人啦！輸咗受苦果個又唔係有工聯會背景的工會的事，仲可以將失敗的責任卸落職工盟，果個工會真係何樂而不為啦！
工會真係好精,
如果支持班工友罷工成功而爭取到加薪的話,
就會得失班商家.
而家有職工盟自願出黎做爛頭卒,
佢地就可以鬧完職工盟有政治目的之後就乘機縮沙,
有乜後果都唔駛自己攬上身.

作者: 至尊豪庭9    時間: 2007-8-17 21:41

提示: 作者被禁止或刪除 內容自動屏蔽
作者: Rainybreeze    時間: 2007-8-18 03:15

950太少喇, 1,600喇, 回服97水平嘛。 跟住, 釘板, 石屎, 舖喉, 拉線, 裝門窗, 一同上。

打橫o黎就得架喇, 合約, 樓價, 社會問題完全唔洗考慮。

總之打倒pk商家佬, 打倒官商勾結, 打倒資本主義, 打倒共產主義。
作者: keibeast    時間: 2007-8-18 06:03

外國擺工唔會一直擺的, 停幾日做幾日, 因為佢地唔係要殺雞取卵, 做工程拖一拖, 好多 projects都係 finance 黎做,  利息可能會好金架. 到時攪到一鑊熟咪仲死.
作者: ivan99    時間: 2007-8-18 11:07

引用:
原帖由 Rainybreeze 於 2007-8-18 03:15 發表
950太少喇, 1,600喇, 回服97水平嘛。 跟住, 釘板, 石屎, 舖喉, 拉線, 裝門窗, 一同上。

打橫o黎就得架喇, 合約, 樓價, 社會問題完全唔洗考慮。

總之打倒pk商家佬, 打倒官商勾結, 打倒資本主義, 打倒共產主義。
最好500，______________________________時薪；社會問題，社會考慮。
作者: hi1234    時間: 2007-8-18 16:29

引用:
Originally posted by 至尊豪庭9 at 2007-8-17 21:41

你都十下十下,二萬四?你估淨係做一年呀?而家唔罷係賺多二萬四,但往後十年廿年可能損失二十四萬到四十八萬或以上,你識唔識計數呀死蠢??
綜觀香港而家仲有班中世紀奴隸制度擁護者,香港人如果再奴性不改, ...
喂!你條數点計呀点樣計到噉多錢呀 人地都係遲一年加到950 計條數出黎俾大家睇吓
作者: hi1234    時間: 2007-8-18 16:36

既然職工盟噉同情D工人 叫佢地繼續罷工 應該精神上及財政上支持D工人
作者: 至尊豪庭9    時間: 2007-8-18 18:19

提示: 作者被禁止或刪除 內容自動屏蔽
作者: 熊魔鬼    時間: 2007-8-18 18:37

引用:
原帖由 hi1234 於 2007-8-18 16:36 發表
既然職工盟噉同情D工人 叫佢地繼續罷工 應該精神上及財政上支持D工人
你既邏輯真係有d問題,
既然勞工處幫手斡旋,
不如叫政府直接貼夠果100蚊俾扎鐵工人仲實際啦.
作者: Newnam    時間: 2007-8-18 19:28

引用:
原帖由 kykyky121212 於 2007-8-17 03:43 PM 發表

班扎鐵佬識同D商會拆得掂，就吾使做扎鐵，去做師爺。
係呀！叫班扎鐵佬去再培訓，由廿六個英文字母學起，根住就可以去做大狀啦！
唔 o岩叫佢地去英國示威，抗議唔頒法律學位俾佢地啦！記得搵埋李卓仁兩公婆做領隊呀。
作者: Rainybreeze    時間: 2007-8-18 22:30

講時講, 地盤工作真係好辛苦, 個市好翻d, 人工係應該提高。坐低傾下偈, 講下數, 四四六六拆掂去, 咪開心囉。 去到尾, 公道自在人心。

幾多對眼望住, 如果打橫o黎就得, 釘板, 石屎, 舖喉, 拉線, 裝門窗, 連清潔阿嬸都照板煮碗, 唔好講商家, 商會, d大判, 二判, 判頭仔, 點做?  唔使做喇。

講數係應該, 但係, 如果為左自己道氣, 自己執著, 就唔顧全大局, 點帶人, 做咩大哥? 咩叫搵食? 求財定求氣?

明明要求人工提高係合理。但係, 走去問下有幾人覺得依家咁做係o岩?

最乞人憎就係, 搞到一鑊粥之後, 就話係政府錯, 社會錯, 唔入共產黨屣晒。
作者: 八皇爺    時間: 2007-8-19 01:37

扎鐵佬玩野，建築業工人齊齊冇工開，不如齊齊罷工好過啦！
作者: big138    時間: 2007-8-19 02:07

今日睇新聞話職工盟要求政府頒佈冷靜期叫D工友番去開工，然後再同商會慢慢傾。
唔係明眼人都睇得出李卓人呢鋪孭唔起，想夾政府鋪下台階俾職工盟同班工友下台。
如以是非黑白而論，政府實無需要在長毛、李卓人等亂點工友唔開工，搞個大頭佛出黎、而家俾班罷工工友怨到講粗口嘅時候出手相肋，但為左班工友嘅真正利益、我係度呼籲政府工友為重，從速頒佈冷靜期，同時呼籲工友們，保留實力，出糧緊要，立即復工。
其實李卓人唔駛揾政府出面呀，你都可以叫D工友立即復工架！
作者: 練 肉    時間: 2007-8-19 02:16

提示: 作者被禁止或刪除 內容自動屏蔽
作者: 練 肉    時間: 2007-8-19 02:19

提示: 作者被禁止或刪除 內容自動屏蔽
作者: hi1234    時間: 2007-8-19 02:27

引用:
Originally posted by 熊魔鬼 at 2007-8-18 18:37


你既邏輯真係有d問題,
既然勞工處幫手斡旋,
不如叫政府直接貼夠果100蚊俾扎鐵工人仲實際啦.
我想信有問題嗰個係你 而家唔係政府叫工人罷工 而家又唔係政府請呢D工人 目前双方發生問題 政府只係一個中間人角色 居中調停 点解要政府俾錢  俾 錢嗰個係李卓人 係佢大大聲叫人唔好開工 累人無錢開飯
作者: hi1234    時間: 2007-8-19 02:37

引用:
Originally posted by 至尊豪庭9 at 2007-8-18 18:19

喂,商家佬講野你都信??到出年現在罷工地盆大部份扎鐵都起晒貨啦,其他新地盆到時又話冇應承過,0個陣比個神仙你都得o籮!

本帖最後由 至尊豪庭9 於 2007-8-18 18:22 編輯 ]
唔信就轉行 做第二份工 米飯班主唔信 唔通信蠶蟲李 噉你等乞食囉
作者: 熊魔鬼    時間: 2007-8-19 09:52

引用:
原帖由 hi1234 於 2007-8-19 02:27 發表

我想信有問題嗰個係你 而家唔係政府叫工人罷工 而家又唔係政府請呢D工人 目前双方發生問題 政府只係一個中間人角色 居中調停 点解要政府俾錢  俾 錢嗰個係李卓人 係佢大大聲叫人唔好開 ...
你唔單止邏輯有問題,
原來連先後次序都搞亂埋,
係班工人罷工在先,
職工盟後再加入聲援,
李卓人有叫政府重開談判之門.

依你既邏輯,
如果職工盟叫人罷工就倒不如貼錢俾佢地,
咁政府從中斡旋,
目的都一樣係唔想班工人繼續罷工,
咁咪代發展商補貼囉.

職工盟既身份同你所講政府既身份都同樣係中間人既角色,
你話政府呢個中間人角色唔應該負責埋補貼,
咁職工盟又一樣係中間人角色囉.

[ 本帖最後由 熊魔鬼 於 2007-8-19 09:54 編輯 ]
作者: FXO    時間: 2007-8-19 10:47

引用:
原帖由 練 肉 於 2007-8-19 02:19 發表

最好班老粗晌罷工盟英明領導底下遊遊下連路人都打傷咁就一天都光晒喇,,,,,,,,,,,,,,,,
你呢的人就係唯恐天下不亂, 職工盟籌劃帶領下既罷工遊行幾時試打人?

想咁滶, 不如叫番得大屎乾分章楊光出黎啦, 放火燒死人, 放炸彈的鈎當佢全都做過.

係啦, 楊光係咩會架, 我都忘記左添.
作者: albtkl2006    時間: 2007-8-19 11:39

引用:
原帖由 FXO 於 2007-8-19 10:47 發表


你呢的人就係唯恐天下不亂, 職工盟籌劃帶領下既罷工遊行幾時試打人?

想咁滶, 不如叫番得大屎乾分章楊光出黎啦, 放火燒死人, 放炸彈的鈎當佢全都做過.

係啦, 楊光係咩會架, 我都忘記左添.
楊光？果個咩嘢左派工聯會嘛！
作者: hi1234    時間: 2007-8-19 11:55

引用:
Originally posted by 熊魔鬼 at 2007-8-19 09:52


你唔單止邏輯有問題,
原來連先後次序都搞亂埋,
係班工人罷工在先,
職工盟後再加入聲援,
李卓人有叫政府重開談判之門.

依你既邏輯,
如果職工盟叫人罷工就倒不如貼錢俾佢地,
咁政府從中斡旋,
目的都一 ...
唉！黒白不分　政府調停係叫双方和解工人開工　蠶蟲李有理無理首先叫工人罷工先再傾　最後攪咗個大頭佛出黎　人地唔同佢傾　又賴政府唔幫手　真係要改叫佢蠶蟲賴　買野都講吓價　又罷工又要企硬無商量　噉傾乜呀而且工會與資方亦傾咗個方案出黎　職工盟硬要插手唔接受攪大佢　今次睇你点收科　　　　政棍嘴面表露無遺　
作者: Geisha    時間: 2007-8-19 12:28

啲人成日質疑班地盤工人『係咪打橫嚟就得』, 用腦諗諗啦, 要班工人齊齊唔開工, 無糧出嚟爭取加薪, 係咪咁容易團結到班工人, 商界越提高工人工資, 就會有越多的工人妥協, 如果工資真係合理, 會唔會有咁多人甘願冒無錢養妻活兒之險, 團結一致罷工?

所以唔係話打橫嚟就得, 因為在越合理的條件下, 越少人會罷工, 越少人罷工, 罷工的影響就越低。

[ 本帖最後由 Geisha 於 2007-8-19 12:30 編輯 ]
作者: 至尊豪庭9    時間: 2007-8-19 16:32

提示: 作者被禁止或刪除 內容自動屏蔽
作者: 練 肉    時間: 2007-8-19 16:48

提示: 作者被禁止或刪除 內容自動屏蔽
作者: 練 肉    時間: 2007-8-19 16:49

提示: 作者被禁止或刪除 內容自動屏蔽
作者: hi1234    時間: 2007-8-19 17:45

引用:
Originally posted by 至尊豪庭9 at 2007-8-19 16:32

米飯班(主人)??好一條走狗呀!!
閣下有係乜野 你只不過係一只縮頭龜
作者: FXO    時間: 2007-8-19 20:26

我唔知的扎鐵佬有無同的米飯班主簽約呢?

如果無, 咁自由市場, 人地絕對有權唔開工0架.
作者: 熊魔鬼    時間: 2007-8-19 20:47

引用:
原帖由 Geisha 於 2007-8-19 12:28 發表
啲人成日質疑班地盤工人『係咪打橫嚟就得』, 用腦諗諗啦, 要班工人齊齊唔開工, 無糧出嚟爭取加薪, 係咪咁容易團結到班工人, 商界越提高工人工資, 就會有越多的工人妥協, 如果工資真係合理, 會唔 ...
冇錯,
工資合唔合理,
只有業界自己最清楚,
扎鐵工人有權為爭取自己利益而抗議,
而發展商亦有權唔妥協,
如果發展商認為呢一大班扎鐵工人打橫黎,
佢地有權請第二班人做.
作者: ngtungsee    時間: 2007-8-19 21:03

發展商都肯加到$950只不過有人堅持唔讓步,重要拖咪政府出來壓班發展商.....目的何在????
有人孭唔起就拖政府落水,把個波拋畀政府.有人個如意算盤打得幾響.
作者: Rainybreeze    時間: 2007-8-19 21:14

引用:
原帖由 Geisha 於 2007-8-19 12:28 發表
啲人成日質疑班地盤工人『係咪打橫嚟就得』, 用腦諗諗啦, 要班工人齊齊唔開工, 無糧出嚟爭取加薪, 係咪咁容易團結到班工人, 商界越提高工人工資, 就會有越多的工人妥協, 如果工資真係合理, 會唔會有咁多人甘願冒無錢養妻活兒之險, 團結一致罷工?

所以唔係話打橫嚟就得, 因為在越合理的條件下, 越少人會罷工, 越少人罷工, 罷工的影響就越低。
講得真精彩, d邏輯無得頂, 最精彩個句 “用腦諗諗啦”.

咩叫合理? 今日950? 後日1,600? 下星期時薪500?

咩叫打橫嚟? 我要求咁就咁, 理你死, 達唔到我要求, 就唔妥協。其他人照板煮碗點樣挾你喉嚨與我無關. 後面引伸問題與我無關。 之前定下合約、合同與我無關. 法治社會與我無關。

咩叫講數? 個地球圍住一個人轉架?

人工要求提高係應該、係合理。 問題係件事應該點處理, 大家點傾。

依家一鑊粥, 要搬政府上台, 處理得唔好就係班庸官錯。D大哥, 政客完全無責任。

件事唔係指係影響商家。係有無良商家, 但係有好多判頭仔做到狗咁, 都係為左養家活口。
作者: ngtungsee    時間: 2007-8-19 22:25

成日話要回復到97前的人工.幾多行業的人工都無法回到97前的人工,咁係唔係要全部去罷工要求回復到97前的人工呀??阿人哥究竟去協調定係去慫恿的工人唔讓步,要求咁就咁.阿人哥重話啲工人會繼續罷工直至達到佢地的要求為至.重話所有後果政府負責.嘩,不愧為民主派雄風,十足十總指揮咁.唔怪得昨日咁多市民打電話去電台度鬧佢囉.
作者: kwchan    時間: 2007-8-20 14:53

引用:
原帖由 kykyky121212 於 17-8-2007 05:19 發表
好野有腦。
D扎鐵佬同D商會邊有得玩。D商家佬講錢有錢、講腦有腦、講幾賤有幾賤、
同D扎鐵佬權衡利害又得，同你玩消耗戰又得。同你玩民意輿論又得。
罷工系手段同姿態。罷工就要消耗。罷工是談判基礎。否則就等如弱國無外交一樣。班扎鐵佬一D返一D吾返就表示吾團結，吾團結就玩完。繼續比班地產仆街玩。連爭取應有待遇的機會都無。
我也同意。
作者: zxcvbnm737    時間: 2007-8-21 17:10

support !!!!!!!!!!!!!!!!!!!
作者: 至尊豪庭9    時間: 2007-8-21 18:52

提示: 作者被禁止或刪除 內容自動屏蔽
作者: Jeff9394    時間: 2007-8-22 14:11

引用:
原帖由 keibeast 於 2007-8-18 06:03 發表
外國擺工唔會一直擺的, 停幾日做幾日, 因為佢地唔係要殺雞取卵, 做工程拖一拖, 好多 projects都係 finance 黎做,  利息可能會好金架. 到時攪到一鑊熟咪仲死.
佢 地 點 會 明 架
作者: Rainybreeze    時間: 2007-8-23 21:17

團結? 有無睇過戰狼300? 每個人都會保護身邊o既人, 等o既係一聲號令,  共同進退。

團結最基本元素係團體內部目標同埋利益衝突得到協調性o既一致。

唔係完全性, 係協調性。 一個團體一定有d激進, 保守, 怕事, 固執, 或者有難處o既成員, 仲有利益衝突。 罷工係手段同姿態, 適當o既時候係要用。但係d大哥同埋政客有無處理好呢d問題, 就要出來楂旗。

地盤工作流程, 扎鐵之後, 要上電線水管位, 跟住再釘板, 落石屎, 之後再釘外層板, 扎鐵先再有工開. 本身已經唔係日日都有工開, 但係老婆仔女日日都要食飯。

手段同姿態唔係話用就用, 依家有人打人, 有人復工.  呢d大哥同埋政客唔好話佢地無責任, 唔好話佢地無諗過佢目前局面會發生。

仲有, 響電視我都睇到有d政客比扎鐵示威人士, 淋水推撞, 係唔開心, 但係咁就走咗去, 話退出, 就點講都講唔通。 點帶人, 叫人以後點信你。

依家連班泛民, 自由政客都出o黎, 唯恐天下不亂, 真折墮。
作者: 港奸剋星    時間: 2007-8-25 16:02

偽政府出名與商家勾結
他們有種的話
可以一晚就輸入外勞
再唔係叫解放軍出馬
鎮壓兼做扎鐵
睇下邊個硬
偽政府擺明唔敢沾
作者: 至尊豪庭9    時間: 2007-8-25 20:49

提示: 作者被禁止或刪除 內容自動屏蔽
作者: 至尊豪庭9    時間: 2007-8-26 21:59

提示: 作者被禁止或刪除 內容自動屏蔽
作者: JACKY6237    時間: 2007-8-27 09:44

引用:
原帖由 devilsadvocate 於 2007-8-25 10:38 發表
今次工潮，反映工人不知甚麼是集體談判，只有事事企硬。無得傾。
擺出「你要聽晒我話」姿態。根本就不是談判，根本就無心談判，
一蚊都唔減，我係要咁多，就要你同意畀咁多，咁點談判？
於是引發商會更加不滿。 ...
根本商會都冇諗過要同罷工工人談判,佢地到依家都只係認住扎鐵工會.所以呢件事都幾濕滯.罷工既就冇份談判,有份談判就唔係代表罷工果班工人.你話點收科.我睇商會果邊要放開成見,同罷工既工人對話.咁事情先可以有望解決.你連傾都唔同人傾,一味話人企硬,攪事.唔好忘記工人所提既要求係o係工聯會協助工人果時已定下來既目標.唔係而家先加上去架.要討價還價,商會都要重開談判之門先有得傾加麻.
作者: JACKY6237    時間: 2007-8-27 16:33

引用:
原帖由 devilsadvocate 於 2007-8-27 11:13 發表
你唔好忘記那些所謂「協助工人」時所提出的要求，其後相方已經達成協議啦！只係d政客唔認數，玩抽水，先搞到今日咁！如果我係商會代表，我會話：點解重要同你傾姐？都達成咗協議啦！
咁又重開談判？咁如果 ...
果日明明係話談判破裂過o番,d工人唔收貨.果時職工盟都末介入.如果唔係而家邊有咁多人參加罷工丫.好明顯係未傾掂就話達成恊議.工人唔同意,就攪成今日咁o勒.
作者: Rubber    時間: 2007-8-27 18:16

職工盟派三百元支援工人, 工聯會又唔知做緊乜呢 ?  但係開會又有份, 真吊詭...
作者: JACKY6237    時間: 2007-8-28 18:05

引用:
原帖由 devilsadvocate 於 2007-8-28 09:19 發表
工聯會已經同商會達成協議啦！
D 人咁都唔心足？
有好多清潔工人，日曬兩淋，都搵唔到$200一日啦！
畀人講幾句，就為𠴱一百幾十擺工，D工人真係 ... 唔識講！
工聯會一廂情願話達成恊議,一開始工人都已經係講緊要求$950架啦,並唔係工人反口.老兄,$850同$950係咪冇分別先.如果要工人接受呢個條件都要好聲好氣丫同工人力陳利害,希望工人接納,係咪?一句唔接受就擘炮唔理,大佬呀,咩叫談判呀,咁係唔係冇得商量,唔做就罷.咁點算係代表工人利益呀.工聯會係咪恃住獨家代理工人冇佢唔掂,咁就同商會扯貓尾.而家現眼報啦,抵死.比職工盟攞哂分.
作者: Rubber    時間: 2007-8-28 18:22

引用:
原帖由 devilsadvocate 於 2007-8-28 09:19 發表
工聯會已經同商會達成協議啦！
D 人咁都唔心足？
有好多清潔工人，日曬兩淋，都搵唔到$200一日啦！
畀人講幾句，就為镧一百幾十擺工，D工人真係 ... 唔識講！
當奴又係托, 工人又係托, 點解當奴揾咁多? 又要加公務員人工 ?  
作者: JACKY6237    時間: 2007-8-29 09:01

引用:
原帖由 devilsadvocate 於 2007-8-28 19:29 發表


大佬呀，你知唔知乜嘢係談判呀？
工人一開始就要件$950，一D問題都無。
談判開始時，你叫價幾多都得。
但工聯會作為一個多年來都代表工人的工會，
在談判時有讓步，有乜問題，
唔通好似依班友咁， ...
我諗9你都唔係好明咩係談判,工聯會一定在談判時知道工人係要求$950.若果唔係佢憑咩去同商會傾.好喇,老細話你痴線架$950發夢呀,咁工聯會敢再出聲咩.問題就係$850~$950係有一個談判空間加麻.工人同商會口頭上就緊係話唔會讓步,呢D咪談判技巧囉,只要肯傾,冇咩野係傾唔掂既.塔利班都應誠放人質啦..當初話要殺哂佢地漆.根本上工聯會唔敢得罪D老細.最好你地唔好多多事實,等佢少D麻煩.咁既工會,唉!!!!
作者: ivan99    時間: 2007-8-29 09:30

我認識好多工人陸逐復工，佢地話佢唔食，佢老婆仔女都要食飯，佢地話職工盟愈幫愈忙。
作者: JACKY6237    時間: 2007-8-29 10:03

引用:
原帖由 devilsadvocate 於 2007-8-29 09:16 發表
問題只在大家立場不同…
究竟係$850~$950係唔係仲有空間談判，定係談判技巧問題？
大家都唔係工聯會，只有佢哋先知有乜做過。
有乜限制，同點解讓步。
但係達成協議後又反口，點搞？其本互信都無！
我 ...
工聯會自己話同商會達成恊議,你都要好好咁同工人解釋同安撫下,事實唔係話你傾到$850佢地先要求加到$950丫麻,始終都係D工人去做.唔係工聯會D理事去開工呀兄弟...咁怕得罪權貴就唔好代表工人爭取利益.
作者: kwchan    時間: 2007-8-29 16:51

引用:
原帖由 devilsadvocate 於 28-8-2007 09:19 發表
…有好多清潔工人，日曬兩淋，都搵唔到$200一日啦…
請問devilsadvocate你當過紮鐵了沒有？
作者: 威廉泰爾2    時間: 2007-8-29 22:26

不如我地估0下結果如何？

我話......
880元收貨！
8小時15分工作！
長工及尼泊爾工之人工不了了之，

之後一年....
去番800！
去番8小時30分工作！
長工及尼泊爾工之人工650及400

之後兩年....
去到750！
都係8小時30分工作！
長工及尼泊爾工之人工600及450

之後N年....
得番500！
都係8小時30分工作！
全部都係尼泊爾或印巴工人，人工500

而李卓人依然是立法會議員。

[ 本帖最後由 威廉泰爾2 於 2007-8-30 08:49 編輯 ]
作者: 車_長    時間: 2007-8-30 09:06

提示: 作者被禁止或刪除 內容自動屏蔽
作者: kwchan    時間: 2007-8-30 11:19

引用:
原帖由 devilsadvocate 於 30-8-2007 09:54 發表
點失當呢？我係話：「D 人咁都唔心足？有好多清潔工人，日曬兩淋，都搵唔到$200一日啦！」我用低收入人士來比喻扎鐵工人咁都唔心足姐！
懂得做家務的人也懂得當清潔工種。devilsadvocate你只是清潔、保安等工種來比較已顯得很失當。
作者: Rubber    時間: 2007-8-30 12:03

引用:
原帖由 威廉泰爾2 於 2007-8-29 22:26 發表
不如我地估0下結果如何？

我話......
880元收貨！
8小時15分工作！
長工及尼泊爾工之人工不了了之，

之後一年....
去番800！
去番8小時30分工作！
長工及尼泊爾工之人工650及400

之後兩年....
去 ...
政府不能創做就業環境理應下臺, 管冶不應單從一羣既得利益者角度出發..
作者: 車_長    時間: 2007-8-30 12:24

提示: 作者被禁止或刪除 內容自動屏蔽
作者: 車_長    時間: 2007-8-30 12:27

提示: 作者被禁止或刪除 內容自動屏蔽
作者: j.o.lai    時間: 2007-8-30 17:56

引用:
原帖由 devilsadvocate 於 2007-8-28 01:19 發表
工聯會已經同商會達成協議啦！
D 人咁都唔心足？
有好多清潔工人，日曬兩淋，都搵唔到$200一日啦！
畀人講幾句，就為𠴱一百幾十擺工，D工人真係 ... 唔識講！
Hey guy, I am willing to pay you HKD950.00 to  扎鐵. NIne to Five, 30 min for lunch. Only one day, ifyou are strong enough, may be you can alive. God bless you if you want this 1200HKD.
作者: ut    時間: 2007-8-31 23:28

就880啦,一人行一步.大家都要開飯.
作者: 八皇爺    時間: 2007-9-1 00:22

商會真係唔夠誠意，聽我講拿出誠意，紮鐵佬每月八萬五，明日保證所有工人開工。
作者: 熊魔鬼    時間: 2007-9-1 01:04

引用:
原帖由 JACKY6237 於 2007-8-29 09:01 發表

我諗9你都唔係好明咩係談判,工聯會一定在談判時知道工人係要求$950.若果唔係佢憑咩去同商會傾.好喇,老細話你痴線架$950發夢呀,咁工聯會敢再出聲咩.問題就係$850~$950係有一個談判空間加麻.工人同商會口頭上就緊係話唔會讓步,呢D咪談判技巧囉,只要肯傾,冇咩野係傾唔掂既.塔利班都應誠放人質啦..當初話要殺哂佢地漆.根本上工聯會唔敢得罪D老細.最好你地唔好多多事實,等佢少D麻煩.咁既工會,唉!!!! ...
工聯會都好難做架,
你睇上次立法會辯論最低工資制,
嫻姐搞到流馬尿就知啦.

作者: 港奸剋星    時間: 2007-9-1 01:43

乾脆輸入外勞
到時人工非平不可
作者: Rubber    時間: 2007-9-1 07:21

引用:
原帖由 港奸剋星 於 2007-9-1 01:43 發表
乾脆輸入外勞
到時人工非平不可
不如立即共匪治港, 廢除基本法, 所有不做奴隸者打成反革命..
股市 PE 平均值立即升到 500 以上..  
作者: 港奸剋星    時間: 2007-9-1 08:20

到時都唔應該再存在股票
乾脆由百姓分左李某四五六叔既身家
作者: JACKY6237    時間: 2007-9-1 09:17

引用:
原帖由 熊魔鬼 於 2007-9-1 01:04 發表


工聯會都好難做架,
你睇上次立法會辯論最低工資制,
嫻姐搞到流馬尿就知啦.

工聯會又點會難做呢,即刻變面咪得囉.記得呢度有位仁兄話工人唔心足,達成恊譏又反口.而家唔知工聯會算唔算反口呢?當日d 恊議呢?君不見尋晚o係電視果個黃某同扎鐵工會果個什麼代表,幾慷慨激昂,什麼商會冇誠意,大叫繼續罷工,真係好玉酸.簡直係工會之聇.當初閙職工盟扇動玨工人罷工,依家不惜反口,仲大大聲叫工人繼續罷工,什麼爭取到底.唉,咁既工會.當初肯同工人多d溝通,就唔使而家畀人左一巴(商會),右一巴(扎鐵工人)咁打啦.政治小醜,莫過於此.
作者: ivan99    時間: 2007-9-1 09:22

香港偽民主推倒所有大型基建，令工人冇足夠地盤開工，商家自然壓價，陷工人生活於水深火熱，我一早已講，偽民主係令香港經濟永不超生。
作者: ivan99    時間: 2007-9-1 09:30

一個大地盤創造萬二個新生職位，如果多幾個大地盤開工，市場調節，最少1500元一工；以前，澳門只有一個賭場，派牌5000元一個月，現在18000元一個月，站在經濟角度，香港被班低能民選議員，環保友攪死。
作者: 熊魔鬼    時間: 2007-9-1 11:19

引用:
原帖由 JACKY6237 於 2007-9-1 09:17 發表

工聯會又點會難做呢,即刻變面咪得囉.記得呢度有位仁兄話工人唔心足,達成恊譏又反口.而家唔知工聯會算唔算反口呢?當日d 恊議呢?君不見尋晚o係電視果個黃某同扎鐵工會果個什麼代表,幾慷慨激昂,什麼商 ...
冇辦法啦,
果位王國興議員係工聯會既身份,
點都要睇住前港進聯班老細頭,
未得民賤聯幾位大佬同意又點敢玩得咁大?
直至職工盟介入之後,
王議員率領既工會盡顯窩囊無能既一面,
工聯會果塊乜野為工人爭取福利既爛七招牌,
繼上次最低工資制令到嫻姐落淚之後,
呢單又俾人潑水,
今次仲唔做返場好戲,
藉住談判失敗扮發爛渣,
乘機攞返個彩咩?
工人話過880-900可接受,
而家商會出到875蚊,
好明顯某些人士已經傾掂晒數,
不過梗係要大鑼大鼓做一場前奏先,
如果唔係大家點知道原來最後出黎攞威果個係自己呢?




[ 本帖最後由 熊魔鬼 於 2007-9-1 11:30 編輯 ]
作者: 威廉泰爾2    時間: 2007-9-2 00:53

880  同 875 都係爭 5 蚊。

5 蚊可以買六合彩，可以去星際打老虎，可以搭巴士地鐵幾個站。

其實勞資雙方都是想 (才羅)彩，而且勞方好多都係判頭，利益千絲萬縷。

工駢會同職工盟都會係今次工潮失分，因為好多香港人都會用腦分析。

工駢會蔡振華今次做錯了。
作者: Rainybreeze    時間: 2007-9-5 10:36

引用:
原帖由 熊魔鬼 於 2007-9-1 11:19 發表


... ...
王議員率領既工會盡顯窩囊無能既一面,
工聯會果塊乜野為工人爭取福 ...
窩囊無能?  廢? 又真係幾廢。

首先, 工人之中有幾個最大聲, 講到話要加人工, 就自以為是, 諗住其他工友都目標一至, 不惜一切達到目的為止. 要為民請命。

跟住工聯會, 又要做工人政黨阿頭, 但係又無法協調工人團結一至. 點代表工人?

然後, 職工盟都未掌握到重點同理處理方法就加把勁推d工人去死. 真係威到盡。

仲有, 其他斑所謂代表香港自由民主o既政黨响立法會前得啖笑搬鐵做show? 咩叫肉酸? 嘔心?

如果真係要做好件事, 最基本首要就係團結, 有料到o既就好好利用傳媒, 民意, 政府。 單憑罷工同大聲唔係好o既施壓手段, 尤其是响香港。 最後見好就要識得收。

搞到依家咁o既場面, 真係幾廢。
作者: 糧地官    時間: 2007-9-5 13:42

提示: 作者被禁止或刪除 內容自動屏蔽
作者: ivan99    時間: 2007-9-5 14:01

引用:
原帖由 糧地官 於 2007-9-5 13:42 發表
quote
然後, 職工盟都未掌握到重點同理處理方法就加把勁推d工人去死. 真係威到盡。
unquote

一如所料
個條肥仔李卓仁將 d 工人推向暴力
然後大鬧警方干預
挑撥離間
咁樣做法係死路一條
呢條友正 PK
偽民主議員造成今日窮人打窮人。
作者: 全軍盡    時間: 2007-9-5 18:05

提示: 作者被禁止或刪除 內容自動屏蔽
作者: 飛毛腿    時間: 2007-9-5 18:30

有班食飽等屙口水佬成日自吹自擂成熟, 理性社會喎.... :bird:
作者: 飛毛腿    時間: 2007-9-5 18:36

引用:
原帖由 全軍盡 於 2007-9-5 18:05 發表

屌！厘個世界乜撚都「有陳太就搞掂」喇........

...,,,,,,,,
唔怕四萬, 只怕....
萬一香港娘心輸俾個千奴所指嘅掃把頭...
一係以後出親街都要戴住個口罩, 唔好俾人認到
一係去整容   
作者: 至尊豪庭9    時間: 2007-9-5 18:52

提示: 作者被禁止或刪除 內容自動屏蔽
作者: Rainybreeze    時間: 2007-9-5 21:07

咁樣講喇, 如果係一般政治show, 示威, 抬棺材, 保育, 皇后碼頭, 遊下行, 咪當係搞下function, 發洩下, 留個美好回憶, 然後曲終人散。

但係如果真係要做野, 為工人爭取, 手底有幾多功夫, 有幾多料, 即刻現形。 無一朝一夕。
作者: albtkl2006    時間: 2007-9-5 21:08

引用:
原帖由 Rainybreeze 於 2007-9-5 21:07 發表
咁樣講喇, 如果係一般政治show, 示威, 抬棺材, 保育, 皇后碼頭, 遊下行, 咪當係搞下function, 發洩下, 留個美好回憶, 然後曲終人散。

但係如果真係要做野, 為工人爭取, 手底有幾多功夫, 有幾多料, 即刻現形。  ...
不過有消息指有部份承建商怕罷工延誤工程而被罰款，已向扎鐵工人加薪到９５０元兼８小時工作，相信這情況會越來越多出現！
作者: 至尊豪庭9    時間: 2007-9-5 21:15

提示: 作者被禁止或刪除 內容自動屏蔽
作者: hi1234    時間: 2007-9-5 21:27

引用:
原帖由 至尊豪庭9 於 2007-9-5 21:15 發表

扎鐵工人堅持向商家佬抗爭到底!!
大佬呀 又要食飯 又要養妻活兒 噉点攪呀 得把口講支持無能用喎 攞住十萬八萬黎頂住吓嗰雞頭先啦
作者: JACKY6237    時間: 2007-9-6 09:42

引用:
原帖由 Rainybreeze 於 2007-9-5 10:36 發表


窩囊無能?  廢? 又真係幾廢。

首先, 工人之中有幾個最大聲, 講到話要加人工, 就自以為是, 諗住其他工友都目標一至, 不惜一切達到目的為止. 要為民請命。

跟住工聯會, 又要做工人政黨阿頭, 但係又無法協 ...
同意閣下既論點,可能香港太耐冇攪大單工潮.兩個工會都進退失據.d工人又唔團結.而家一便一班人再加冇份罷工既工人,真係三分天下.唔知幾時先可以埋欄.棠哥早排露既口風,都係錯估形勢.以為重新介入就可以解決.點知商會班資本家唔肯讓步....
作者: 全軍盡    時間: 2007-9-6 10:44

提示: 作者被禁止或刪除 內容自動屏蔽
作者: kcpw0n    時間: 2007-9-6 11:58

支持罷工自由,但更反對罷工工人暴力干預番工工人上班之自由.
作者: JACKY6237    時間: 2007-9-6 17:23

引用:
原帖由 全軍盡 於 2007-9-6 10:44 發表

真實形勢係「市面樓宇供應量極充足」，私樓起早3個月同起遲3個月都冇壞，所以冇人同你急加薪......

就停你3個月，睇下邊個死先囉......

起事係因為天氣，天面36度都有！點頂呀.....

於是， ...
你講都有道理,若果唔係就唔會攪咁耐都埋唔到欄啦,but d 工人又真係比人食水食得好深...唉!總之今次就真係濕熱,有排煩.希望大家比d誠意,4466chat(傾) 掂佢.



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0