香港 Xocat Forum 討論區 - Powered by Discuz! Board

標題: [原創] 新著龍虎門的問題 [打印本頁]

作者: mattlkyuen 時間: 2007-8-28 00:48 標題: 新著龍虎門的問題

新著龍虎門其實幾好睇, 但始終難擺脫格鬥漫畫普遍有既問題...........

1) 主角打極都唔死, 特別係故事開頭小虎等人內力不高果陣, 有咩理由可以打嬴王海蛟既7重天, 根本無可能.......

2) 內功好悶, 唔係冰就係火, 唔係火就電.......邪拳冰火, 離火玄冰功根本就一q樣.........九陽神功, 陽世奇經, 聖火神功同火焰神功睇落去同畫出黎都相差不大.....邪神既易筋經好好地, 但偏偏同樣愛玩火, 真係好無聊......唯一較特別既, 只有金甲神功同金鐘罩o係畫功上較別樹一格.........

3)招名又係, 降龍18掌又分做正宗同祖傳, 又再整多套降龍18腿, 悶都悶到痴肺.......內功名更悶, 淨係九字頭既內功都有幾種: 九陽神功, 九陰真經, 九霄真經, 九幽逆經, 九陰遺缺, 九死邪功........救命........

4) 人名又係, 唔係龍就虎, 唔係虎就鷹, 王家4兄弟頭2個叫降龍同伏虎, 但細果兩個偏偏又變番動物, 叫海蛟同飛鷹, 會唔會有d自打咀巴呢......

5) 劇情拖得太長, 支線又多.......其實格鬥漫畫就應該似番本格鬥漫畫至係, 我相信大家唔會介意睇多d好似東方無敵vs火雲邪神, 金羅漢vs金如來等既激戰........嘍囉果d其實真係唔使講咁多......

6) 3皇武功實在太弱, 幾乎每次打絕頂高手時都要人多蝦人少.......除左小龍叫做強d之外, 小虎仍停留o係6陽階段, 黑龍只有8關功力, 一同勁人鬥內力根本無得打.........事實上故事到到最後佢地亦無可能強得過火雲邪神同東方無敵, 除非好似風雲咁, 講到佢地30, 40歲啦, 咁又唔同.....與其佢地一直都咁弱, 不如俾多d邪派絕頂高手出場好過啦.......特別係好多人講緊既金羅漢, 我都好想睇佢可以去到11關, 甚至12關........唔係中意佢, 只係想睇到金鐘罩既極限力量者, 唔通旨意石黑龍咩.....

歡迎光臨香港 Xocat Forum 討論區 (http://p.xocat.com/p/)