Board logo

標題: 【 阿標 搵 嘢食 】 [打印本頁]
作者: billchan    時間: 2007-9-6 15:45     標題: 【 阿標 搵 嘢食 】

  為食的阿標 經常在「飲飲食食」版東拉西扯，言不及義！嘻嘻，在繁忙工作中，倒算是尋得心靈與口福的小樂土，與版友們暢談聊天，既能增廣飲食見聞，又可交換吃喝資訊，不亦快哉！

  不過，阿標不敢不認，自己的胡言亂語，經常文不對題
    所謂：離題十萬丈，拉扯三千里！   阿標的寫照也！

如此一來，不但阿標經常找不回還未說完的話題，其它版友也無從得知題內說的已是其它東西

阿標諗諗下，不若開番一題【 阿標 搵 嘢食 】，拉扯一下阿標在揾食路途上的尋尋覓覓，得得失失，雖然有點像拉高自已件衫，公開地亮出胖胖的肚腩與肚臍，總有些羞怯怯的別扭感覺 ，不過，反正阿標在別版已有【 阿標 睇 電視 】，早把個人十大私嗜之一曝光，所以，這裏也不怕把其二繼續獻醜了！


【 阿標 搵 嘢食 】開始，請為食版友們多多賜教！

[ 本帖最後由 billchan 於 2010-12-4 17:14 編輯 ]
作者: billchan    時間: 2007-9-6 16:07     標題: 【 阿標 搵 嘢食 】

   阿標在另題與版友 moxfactor 聊得高興，結果又是離晒題  ，仲玩埋貼相，自己都唔好意思！

  故此動念開左呢題，搬返黎呢度，嘻嘻，不如貼埋果次的其它相先！

[ 本帖最後由 billchan 於 2007-9-6 16:19 編輯 ]
作者: 何去何從    時間: 2007-9-6 19:22

等我第一個入黎先 !!!!

post 多d 相出黎分享呀 !!!
作者: alphagirl@    時間: 2007-9-6 20:58

SUPPORT!!
作者: billchan    時間: 2007-9-7 11:10

引用:
原帖由 何去何從 於 2007-9-6 19:22 發表

post 多d 相出黎分享呀 !!!
   果次係自己安排的自由行，訂了數晚不同住宿地方的和式「一泊二食」，
在另題手痕痕貼了幅烤活鮑照片，是其中一晚的房內晚餐，嘻嘻，而家再貼多兩幅晚餐照片，睇番都想再食 ：

[ 本帖最後由 billchan 於 2007-9-7 12:06 編輯 ]
作者: billchan    時間: 2007-9-7 11:56

引用:
原帖由 alphagirl@ 於 2007-9-6 20:58 發表
SUPPORT!!
  一時忘記你不大吃魚生和刺身，阿標貼多幾幅午餐照片給你看看，因為住宿地方祇包一泊二食，故此午間要另行覓食，當時時值淡季，清靜的海旁小鎮遊人稀少，阿標信步而行，随意所之，光顧了一間由一對日本夫婦經營的小鰻魚店：

[ 本帖最後由 billchan 於 2007-9-7 12:06 編輯 ]
作者: HJ2127_ATR1    時間: 2007-9-7 12:10     標題: 回復 #1 billchan 的帖子

就黎食午飯，睇見都流口水。　
作者: billchan    時間: 2007-9-7 12:30

引用:
原帖由 HJ2127_ATR1 於 2007-9-7 12:10 發表
就黎食午飯，睇見都流口水。　
  我都係！
作者: 何去何從    時間: 2007-9-7 15:01

引用:
原帖由 billchan 於 2007-9-7 03:10 發表


   果次係自己安排的自由行，訂了數晚不同住宿地方的和式「一泊二食」，
在另題手痕痕貼了幅烤活鮑照片，是其中一晚的房內晚餐，嘻嘻，而家再貼多兩幅晚餐照片，睇番都想再食 ：
咁我想請問，你 "訂了數晚不同住宿地方的和式「一泊二食」"，
但係日本好難用英文溝通，你訂房至到達住宿地方，哩個過程你地點溝通既呢 ？
作者: 利記    時間: 2007-9-7 15:23

一早就要咁早啦

你啲資料好難搵架

作者: billchan    時間: 2007-9-7 15:41

引用:
原帖由 何去何從 於 2007-9-7 15:01 發表

咁我想請問，你 "訂了數晚不同住宿地方的和式「一泊二食」"，
但係日本好難用英文溝通，你訂房至到達住宿地方，哩個過程你地點溝通既呢 ？
  「係日本好難用英文溝通」，呢句說話真係珍珠都無咁真！  特別是離開了東京的周邊渡假温泉區，愈有氣氛特色和古老情調的和式宿所，通常房數愈少，他們根本不用做外國人生意，所以真係好難用英文溝通！但偏偏，這些和式温泉店子的住和食，都是某些人如阿標等覺得最好玩，最值得去的！

  嘻嘻，你真是問得到題到肉！阿標除了不想跟旅行團和不要訂旅行社的行貨住宿外，既想浸私人風呂，又不想食遊客餐，於是，曾花了些時間和精神去研究，如何在不懂日文情况下，去訂這些店子的最簡單方法！
作者: billchan    時間: 2007-9-7 15:46

引用:
原帖由 利記 於 2007-9-7 15:23 發表
一早就要咁早啦

你啲資料好難搵架

   利記你同我講還是同千千講呀？ 乜野「要咁早」呀？

做乜扑人呀？
作者: billchan    時間: 2007-9-7 17:00

引用:
原帖由 何去何從 於 2007-9-7 15:01 發表

咁我想請問，你 "訂了數晚不同住宿地方的和式「一泊二食」"，
但係日本好難用英文溝通，你訂房至到達住宿地方，哩個過程你地點溝通既呢 ？
   根據阿標經驗，如何在不懂日文情况下，訂這些和式住宿酒店的簡單方法，機票、接駁交通、語言溝通和覓食方法稍後有需要可再說說：

第一種方法，是最簡單的，也算可靠，但自己的選擇和控制程度較低，可能訂到較行貨的，以及可能在酒店內踫口踫面很多香港人。

這方法就是在香港找這種日式露天溫泉旅館的專門店，尖沙咀美麗華大厦606室的 NTA 是其中之一，資料頗多！其實日航天地也算有些資料，其餘的熱門大旅行社反而少做這類旅館。
作者: billchan    時間: 2007-9-7 17:57     標題: 繼續 #13 billchan 的帖子

第二種方法，嘻嘻，也是阿標喜歡用的方法，就是自己找資料，自己直接訂！

   先到坊間書店，銅鑼灣 Sogo 後的二三樓書店最多，找那些台灣出版的大開本旅遊專題雜誌，會有三數本名稱如「日本十大溫泉旅館」、「十大秘湯」、「日本名湯」等等的圖文並荗彩色雜誌，可買下一兩本細看，因為有相有圖有價格列出，可依自已心水選出提供「一泊二食」的温泉旅館，嘻嘻，想有私人浸溫泉空間，要選那些註明有「貸切」的，要有自已房內露天風呂的，更要不惜腰上錢！日本旅館這方面頗公道，一分錢一分貨，級數分明，那些附帶的懐石晚餐也如此，貨真價實！

選出旅館和排列好日子後，便可根據書內電話資料直接以長途電話致電訂房！

這方法其實要有最關鍵最先决的一點，阿標先前未有提及，就是你先要有一個懂英文的日本友人在香港！

阿標識得一個從日本到美國讀大學，先後在紐約和香港工作的女性朋友，故此可以帶晒雜誌資料和手機找她，由她即時致電各旅館酒店訂房，她會替阿標向酒店講好晒姓名、日期和要求等，再以英日文詳列在咭紙上給阿標随身帶備作必要時溝通用！訂店時，通常留下信用咭資料便可，有些古老店不收咭的，甚至不用落訂，日本老店仍有一套講信用的傳統，方便可靠得很！
作者: moxfactor    時間: 2007-9-7 22:34

agree, 搵台灣書籍係最方便方法去日本非大城市地區.  有時仲有d "小peppo" 可以唔洗亂洗錢, 又可以玩得好開心.
作者: 何去何從    時間: 2007-9-7 23:33

引用:
原帖由 billchan 於 2007-9-7 09:57 發表
第二種方法，嘻嘻，也是阿標喜歡用的方法，就是自己找資料，自己直接訂！

   先到坊間書店，銅鑼灣 Sogo 後的二三樓書店最多，找那些台灣出版的大開本旅遊專題雜誌，會有三數本名稱如「日本十大溫泉旅館」、 ...
方法一，較早前我亦曾係網上搵到有關資料，正如你所講，相對上選擇，自由較少，但對於唔識日文既人黎講，都係一個方法

方法二，我無日本朋友既話，香港又有無朋友識日文的話，咁可以點解決哩個語言問題呢 ？但哩個方法我較鍾意呀 !!!

睇到你既精彩之旅，又令我都想起一次頗特別既旅程~~

我有次買左 package 去日本，當然係 book 好晒酒店啦 ! 其中一日，我地去富士山，突然我朋友話想係富士山 stay 一晚，咁我又陪佢傻下啦， 落左巴士就梗係即去tourist information center羅少少資料，就搭巴士去搵旅館喇，搵左好多間，唔係話已爆，就係唔識同我地溝通，擾攘左一段時間，去左馬路旁間 coffee shop 醫肚，咁左低左再同 waitress 講，我地想搵旅館，希望佢可以幫我地打電話 book 個房，不過都係"雞同鴨講 "，係極失望之際， coffee shop 內唯一另一"台"既日本人(已退休夫婦)，走過黎用流利英文問我地需要甚麼，可以幫我地，咁我地就講左個情況佢知，出乎意料，佢話佢好得閒，可帶我地遊覽富士山，我地兩個當時真係"膽生毛"，竟然"say yes"~~咁當日，佢就車左我地兩個去遊覽，坐快艇遊湖，去 hotel 望住富士山全景食 cake ，仲車左我地去佢湖邊間" house"坐，傾下計，老人家同我地用英文閒談，講講下，講起大家既工作，佢就羅左份報紙，打開左某一頁，乜咁細粒字既，又排得咁齊既，0下，財經版 原來佢係某日本上市公司主席，佢話市值同 TOYOTA 一樣，不過D生意都比晒個仔打理，只係一個星期返去開會一次，仲比埋名片我地添~~~真係估唔到，更估唔到"主席"做左我地兩個即日"伴遊" !!夜晚，佢帶我地去左食日燒，全晚都係牛，岩晒我，生牛肉，燒牛 & 燒牛舌，果晚既牛舌真係好好味，好爽脆，唔乾，味道剛好唔過鹹 !!!! 跟住食完左仲帶我地去左浸溫泉，果間溫泉只招待日本人，但佢話跟住佢地入就無問題架喇，原來只招待"自己人"既溫泉係特別靚架 !!!!享受完一個整整晚上，佢車我地去搵旅館，佢請旅館負責人第二日車我地返 BUS STATION，安頓好一切，大家就係旅館道別喇 !!! 返到香港，我地係網上訂左束花，SEND 去佢地名片上公司地址，表示我地既感激 & 心意 !!!

事隔差唔多 8年，仍然好記得 !!!
作者: billchan    時間: 2007-9-7 23:40

引用:
原帖由 moxfactor 於 2007-9-7 22:34 發表
agree, 搵台灣書籍係最方便方法去日本非大城市地區.  有時仲有d "小peppo" 可以唔洗亂洗錢, 又可以玩得好開心.
  台灣熱門的旅遊雜誌  “MOOK 自遊自在”內容圖片和資料都不錯，售價不貴，旅行前以之作参考選訂旅館頗有幫助，旅行時攜帶則嫌開本太大！
作者: 何去何從    時間: 2007-9-7 23:45

引用:
原帖由 billchan 於 2007-9-7 07:41 發表


  「係日本好難用英文溝通」，呢句說話真係珍珠都無咁真！  特別是離開了東京的周邊渡假温泉區，愈有氣氛特色和古老情調的和式宿所，通常房數愈少，他們根本不用做外國人生意，所以真係好難用英文溝通！但 ...
"特別是離開了東京的周邊渡假温泉區，愈有氣氛特色和古老情調的和式宿所，通常房數愈少，他們根本不用做外國人生意，所以真係好難用英文溝通！但偏偏，這些和式温泉店子的住和食，都是某些人如阿標等覺得最好玩，最值得去的！"

我都係好鍾意哩類旅館架，感覺上無咁大既商業味道，更富人情味，而且休閒氣色更濃呀  !!!
我想知道，當你係香港成功 book 到房，去到旅館你地點溝通呢 ？
等我都了解多d，我可以參考你既方法，下次試用喇 !
每次我去到都係靠"身體語言"多，而只係勉強令對方明白咋!!!!!
作者: billchan    時間: 2007-9-8 00:09

引用:
原帖由 何去何從 於 2007-9-7 23:33 發表

睇到你既精彩之旅，又令我都想起一次頗特別既旅程~~

我有次買左 package 去日本 .......

事隔差唔多 8年，仍然好記得 !!!   
  嘩！你呢個真係精彩之旅，最難得去可以去純日本人去的高級非遊客地方！真係即興旅遊奇遇記，是有錢也買不到的經驗！

   講番阿標的第二個方法，其實我係先諗到呢個方法，再四圍向朋友打聽有無人直接間接識得在香港的日本人，阿標當時好快就問到有舊同學識得呢個在香港投資銀行工作的日本妹，send 個 email 給她便爽快答應幫我，既樂意又十分仔細熱心，後來還交了朋友，可惜後來她先後去了曼谷和紐約工作，不在香港了！  其實我地平日可能少留意，身邊朋友中可能不乏識得懂英文的日本友人！  嘻嘻，可以先踫彩地向朋友們問問，阿標心中還有最後未祭出的一招，就是上銅鑼灣日本人俱樂部貼紙求助！
作者: billchan    時間: 2007-9-8 00:43

引用:
原帖由 何去何從 於 2007-9-7 23:45 發表

我想知道，當你係香港成功 book 到房，去到旅館你地點溝通呢 ？
等我都了解多d，我可以參考你既方法，下次試用喇 !
每次我去到都係靠"身體語言"多，而只係勉強令對方明白咋!!!!! ..
  其實去到旅館，阿標除左幾句日常招呼的禮貌日本話外，都係要靠"身體語言"來溝通！

不過，有三幾個幾乎是女侍必問的問題，可以事先以(中英)日文寫定答案在卡紙，適當時搶先出示    ，就是：


我們想在房中吃晚飯/早餐  (或不想  可否安排在食室)

我們想在 6：00 pm （或填你想的其它時間）吃晚飯

我們明早想在  7：00 am （或填你想的其它時間）吃早餐

請問風呂在那裏？

請問有沒有貸切風呂？

請問有沒有附近的景點和步行地圖？

我們現在結賬離館了

你們有車子載我們到返東京的車站/火車站嗎？

可以代召的士到返東京的車站/火車站嗎？


  嘻嘻，日本人是安靜客氣的民族，日式旅館內大家除了互相鞠躬外，他/她們衹需要知道我們期望的吃飯和吃早餐時間，以作預備，此外，就不會随便打攪我們這些外國人了！
作者: 何去何從    時間: 2007-9-8 13:02

引用:
原帖由 billchan 於 2007-9-7 16:43 發表
阿標心中還有最後未祭出的一招，就是上銅鑼灣日本人俱樂部貼紙求助

哩招好呀 !!!! 係香港反而遇到既日本人，有時都可以用英文溝通架 !!!!

如果未搵得切"日本通"幫手，日航天地都有溫泉美食自助遊，都可以諗諗呢 !!
見過好多人去過特色溫泉旅館，睇到就想即刻飛去喇 !!
想問，哩類旅館有無分淡旺季呢 !!


一向我都係 backpack 去旅行，而因為好多時都會即興隨意玩，所發生既事，有精彩 & 驚險
但係，無論邊樣，都係另一種體驗黎既，我好 enjoy ，而且好難忘!!
不過近年少左哩d 經歷 lu ，因為我少左去長 trip，多數都係幾日，stay resort，
純粹差電 !!!
我知 bill 兄你係個心寬既人，我先夠膽踩去你條 thread 講自己既少少"驚歷" !!
相比你既 "食歷" ，我都係唔算得咩經歷 lu !!!
作者: 利記    時間: 2007-9-8 13:17

引用:
原帖由 billchan 於 2007-9-7 15:46 發表



   利記你同我講還是同千千講呀？ 乜野「要咁早」呀？

做乜扑人呀？
當然同你講啦

你一早就要咁做啦

唔扑,唔通想我咩
作者: billchan    時間: 2007-9-9 01:47

引用:
原帖由 利記 於 2007-9-8 13:17 發表

當然同你講啦
你一早就要咁做啦

唔扑,唔通想我咩
   
作者: billchan    時間: 2007-9-9 02:28

引用:
原帖由 何去何從 於 2007-9-8 13:02 發表
...... 一向我都係 backpack 去旅行，而因為好多時都會即興隨意玩，所發生既事，有精彩 & 驚險
但係，無論邊樣，都係另一種體驗黎既，我好 enjoy ，而且好難忘!!
不過近年少左哩d 經歷 lu ，因為我少左去長 trip，多數都係幾日，stay resort，
純粹差電 !!!
我知 bill 兄你係個心寬既人，我先夠膽踩去你條 thread 講自己既少少"驚歷" !!
相比你既 "食歷" ，我都係唔算得咩經歷 lu !!!
  嘻嘻，我地追求既旅行體驗和樂趣大致都相同 ，先先是求見聞，求新奇，求圓心願，求滿足好奇，也求設計行程完滿落實，求過程中有意外之喜！  行程中，通過解决突發事件和困難，將自已的個人應變能力淋漓發揮，全心全力在旅行短期時間內的投入，使我地事後能竊竊暗喜地肯定自已與世界互動的能力    ，途中所遇的每事每物，或偶有所感所得，都可成為不足為外人道的終身喜悅！

   所以，阿標認為，旅行經歷，是人生中難得的美好事物   ， 千千肯將個人"驚歷"拿出來分享，阿標實在開心榮幸之至！  如果你再諗起其它有趣或有感的旅行飲食見閒，請千萬不用客氣，要隨時講黎聽聽，嘻嘻，讓阿標又可以身代其中，神遊物外，在白日夢中平添見聞和樂趣，謝謝！  
作者: billchan    時間: 2007-9-9 02:43

引用:
原帖由 何去何從 於 2007-9-8 13:02 發表

我知 bill 兄你係個心寬既人 .....
  嘻嘻，阿 bill 以「 肚寬 」見稱於朋友之間 ......
作者: billchan    時間: 2007-9-10 11:07

   近日有友人向阿標提起，說聽說過粉嶺聯和墟一帶，有很多好嘢食，什麽豬手、炒賣、糖水等等，聽到阿標食指大動   ，恨不得立即前往試試！

但苦於阿標一向沒有在該區出沒，手上沒有資料，不知如何着手策劃！

未知有沒有為食版友，可以提供資料一二呢？ 先謝謝！
作者: 何去何從    時間: 2007-9-10 11:27

引用:
原帖由 billchan 於 2007-9-10 03:07 發表
粉嶺聯和墟一帶，有很多好嘢食，什麽豬手、炒賣、糖水
你係咪講緊 "群記"呢，係投注站旁 !!

有時好多人，佢地賣完就算架喇

不過，我自己覺得佢既牛丸唔係真係太凸出，不過就係我細個時
係大窩口食過既細細粒架，一粒一啖，者係平常既一半 size 既
口感算合格，但味道我覺得一般，但如果你入開去，可以去試既
尊登的話，你可能會有失望架，而且有時佢會唔開門，
我試過撞過幾次門釘，先成功試到一次咋
但豬手我無試過，睇到隔離試，
豬手無咩添加 "色水"既，較平常坊間既一般"豬手色"
係好唔同，因我無試，都唔能夠話好唔好啦

通常我去完上水廣成食"好味紅豆冰"
先會過去群記既，但試過一次，我都無再去過 lu

無試過，去試下又無妨，因每人口味唔同嘛 !!
作者: 何去何從    時間: 2007-9-10 11:39

群記牛肉圓豬手
粉嶺聯和墟聯昌街5號豐景樓地下 (近聯和道)，投注站旁
每日5:45收
其 他 資 料 : 馳 名 牛 丸 , 鹵 水 豬 手 , 及 家 鄉 炸 卷


隨群記附送既
廣成冰室
上水石湖墟新成路10號
三角碎冰柱，多紅豆好味紅豆冰，蛋治
sun 超多人，2pm後先有紅豆冰賣呀
我試過一次 12點去到排左15 mins 隊，跟住食唔到紅豆冰，真係唔開心囉 !!
賣既食物同澳洲牛奶差唔多，但出品就好慢，因為人手唔足啦
但去食既人都好有耐性等既 !!
作者: billchan    時間: 2007-9-10 11:49

引用:
原帖由 何去何從 於 2007-9-10 11:27 發表


你係咪講緊 "群記"呢，係投注站旁 !!

有時好多人，佢地賣完就算架喇

不過，我自己覺得佢既牛丸唔係真係太凸出，不過就係我細個時
係大窩口食過既細細粒架，一粒一啖，者係平常既一半 size 既 ...
  謝謝咁多資料！

  我不知是否講“群記”，因為是間接聽來的，也可能講緊幾間不同的店子，嘻，我要去間接問一下！ 豬手方面，佢地好似提過係“清湯豬手”，仲話係賣得好快，中午一早賣哂就無的！是“群記”嗎？炒賣方面說好吃的還提過鮮墨魚汁炒飯/麵(?)，也是“群記”的出品嗎？
作者: billchan    時間: 2007-9-10 11:50

引用:
原帖由 何去何從 於 2007-9-10 11:39 發表
群記牛肉圓豬手
粉嶺聯和墟聯昌街5號豐景樓地下 (近聯和道)，投注站旁
每日5:45收
其 他 資 料 : 馳 名 牛 丸 , 鹵 水 豬 手 , 及 家 鄉 炸 卷


隨群記附送既
廣成冰室
上水石湖墟新成路10號
三角碎冰 ...
    正！正！正！ 謝謝！
作者: 何去何從    時間: 2007-9-10 12:05

引用:
原帖由 billchan 於 2007-9-10 03:49 發表


  謝謝咁多資料！

  我不知是否講“群記”，因為是間接聽來的，也可能講緊幾間不同的店子，嘻，我要去間接問一下！ 豬手方面，佢地好似提過係“清湯豬手”，仲話係賣得好快，中午一早 ...
群記豬手係地區好出名，就係成日一早賣晒既
可能係你朋友所講果間喇 !!
佢所提既清湯豬手，都真係似群記出品，因為真係無"色水"添加架
你試左豬手話我知好唔好食丫 !!!

鮮墨魚汁炒飯/麵，就應該唔係群記 lu
因為群記係賣粉麵
作者: billchan    時間: 2007-9-10 12:27

引用:
原帖由 何去何從 於 2007-9-10 12:05 發表

群記豬手係地區好出名，就係成日一早賣晒既
可能係你朋友所講果間喇 !!
佢所提既清湯豬手，都真係似群記出品 ...
  除群記的豬手外，我查到另一間是“新漢記”，聯和墟聯和道5號，鮮墨爆炒的應是“紅蔥爆連墨鮮吊桶”！嘻嘻，之前我聽錯了！
作者: 細摩    時間: 2007-9-10 14:49

引用:
原帖由 何去何從 於 2007-9-7 23:33 發表
方法二，我無日本朋友既話，香港又有無朋友識日文的話，咁可以點解決哩個語言問題呢 ？但哩個方法我較鍾意呀 !!!
咁近城堭廟都唔入黎求支簽~~~
作者: billchan    時間: 2007-9-10 17:35

引用:
原帖由 細摩 於 2007-9-10 14:49 發表

咁近城堭廟都唔入黎求支簽~~~
......  原來近來眼前，細摩兄係日語人？   
作者: 色即是空    時間: 2007-9-10 17:35

引用:
原帖由 何去何從 於 2007-9-10 12:05 發表



群記豬手係地區好出名，就係成日一早賣晒既
可能係你朋友所講果間喇 !!
佢所提既清湯豬手，都真係似群記出品，因為真係無"色水"添加架
你試左豬手話我知好唔好食丫 !!!

鮮墨魚汁炒飯/麵，就 ...
星期五晚響旺角泉章居門口見到妳兩公婆, 仲想搵妳地去食糖水添
作者: 何去何從    時間: 2007-9-10 18:30

引用:
原帖由 細摩 於 2007-9-10 06:49 發表



咁近城堭廟都唔入黎求支簽~~~
咁就簡單啦，快d 整幾張 "日中對照" 貓紙比我地先啦 !!!
作者: 何去何從    時間: 2007-9-10 18:33

引用:
原帖由 色即是空 於 2007-9-10 09:35 發表


星期五晚響旺角泉章居門口見到妳兩公婆, 仲想搵妳地去食糖水添
果晚我收好夜，放工即返屋企
你係咪睇錯呀 !!!


知你掛住我地，但係，哩排農曆7月呀
唔通你撞 "x"
作者: 細摩    時間: 2007-9-10 20:04

引用:
原帖由 billchan 於 2007-9-10 17:35 發表



......  原來近來眼前，細摩兄係日語人？   
我有一要好女朋友, 日語ichiban!!!!!!!!
作者: 細摩    時間: 2007-9-10 20:05

引用:
原帖由 何去何從 於 2007-9-10 18:30 發表


咁就簡單啦，快d 整幾張 "日中對照" 貓紙比我地先啦 !!!
我打左比個fd, 你真係要出黎請我地食飯with your sister~~~
作者: 何去何從    時間: 2007-9-11 11:51

法國其中一站~馬賽 Marseille (簡說)

係2000年12月法國之旅
黎到馬賽哩站，都已過左旅程既大半喇，由於馬賽係法國一個重要魚港，黎到梗係要食餐飽啦

而馬賽最出名既 seafood 係 Bouillabaisse，魚湯 !! 哩個湯係馬賽先可以叫 Bouillabaisse，因某d魚類只有馬賽先有，其他地方只能叫 fish soup !! 經當地人極力推介左一間海鮮店，入到去我地就叫左個 Bouillabaisse，當仲想 order 其他食物之際，老闆叫我地食完個湯先再叫啦，因為哩個湯已經係 main course 黎架喇 !! 等待之際，有個人走黎竟然叫我地 order dessert ，真係奇怪，心想哩個"waiter"一定攪錯左，我地咪話佢知只係剛 order main course咋，佢就介紹自己係 dessert chef，因為佢既 dessert 製作需時，每個都要 30 mins 以上，所以先 order 左，到我地個 main course 差唔多食完就即為我整囉 !! 當時，已覺得哩間餐廳好"細心"，而且眼見哩個 dessert chef 係每個客人 order 完 main course 都細心為大家解釋，心已喑喜 !!! 不久魚湯黎到，上"台"時係湯還湯，魚還魚既，d 魚多到差d 望唔到我對面既朋友 ~~ haha !!個湯有幾多，我相信大家都會估到喇 !!! 老闆走黎教我地點食，先羅起 garlic & 一舊好鬼硬既法飽，把 garlic 係上面擦擦擦，再塗上mustard，哩個 mustard 係佢地自家調味既，因為同平時食既味有出入，整好晒，就放係個湯到，等佢浸下，就食得架喇，個湯既顏色好似 lobster bisque，再杰少少添既，不過好老實講，都真係幾鹹，比係香港所飲既 lobster bisque 鹹更多，但成個湯都好濃 !! 只可以講，唔係我口味喇，又或者我當時既"食齡"太淺未懂欣賞 !! 緊接住既就係我既真正 "main course" dessert 喇，雖然個 dessert menu 好似得 only 4 款揀，但其中 3款聽都未聽過，我就梗揀d 未聽過既黎食啦，我朋友就揀左 souffle，上 dessert 既時候，老闆走埋黎，都未睇得切 souffle 旁個杯仔裝住咩，佢就 " 嘩喇" 一聲，一倒已盡，我地聞到係酒香，果然 mix 埋又真係幾好味呀 !! 我果個係咩，就真係唔識形容，只係記得非常好味 !! 而當晚所見其他客人既食物，淨係睇食物個樣，就覺得好好味喇，所以第二晚，我地決定再食多餐，當然唔係飲個Bouillabaisse啦 !! 第二晚， order 完個 main course，照例個 dessert chef 走出黎幫我地 order dessert，我地同佢講，琴晚既 dessert 好好味，其實我地係為左佢既 dessert 再返黎架，佢聽到，都比我地 "tum" 到好開心呢 !!

下次我講下係 Leon 比人"點"既一次!!!!

[ 本帖最後由 何去何從 於 2007-9-11 03:55 編輯 ]
作者: billchan    時間: 2007-9-11 14:05

引用:
原帖由 何去何從 於 2007-9-11 11:51 發表
... 馬賽最出名既 seafood 係 Bouillabaisse，魚湯 !! 哩 ...

魚湯黎到，上"台"時係湯還湯，魚還魚既，d 魚多到差d 望唔到我對面既朋友 ~~ haha !!
       呵呵呵 ~~~   又是難得經驗！    雖然你話鹹左啲，但地道美食，阿標都覺得適逢其會時，一定要試吓！

等住聽埋如何被人“點”的故仔！
作者: 利記    時間: 2007-9-11 15:10

引用:
原帖由 billchan 於 2007-9-11 14:05 發表
  




       呵呵呵 ~~~   又是難得經驗！    雖然你話鹹左啲，但地道美食，阿標都覺得適逢其會時，一定要試吓！

等住聽埋如何被 ...
Agree !!!!  
作者: 何去何從    時間: 2007-9-13 10:52

引用:
原帖由 billchan 於 2007-9-11 06:05 發表
  




       呵呵呵 ~~~   又是難得經驗！    雖然你話鹹左啲，但地道美食，阿標都覺得適逢其會時，一定要試吓！

等住聽埋如何被 ...
但我地都等緊睇睇你既 ~和式「一泊二食」~ " 遊食"之旅呀 !!!
咪偷懶啦 !!!!!

作者: billchan    時間: 2007-9-13 12:36

引用:
原帖由 何去何從 於 2007-9-13 10:52 發表

但我地都等緊睇睇你既 ~和式「一泊二食」~ " 遊食"之旅呀 !!!
咪偷懶啦 !!!!!

   嘻嘻， 剛剛貼果 d 和式「一泊二食」係年前舊相，我見 moxfactor 兄貼北海道烤雪場蟹相才跟着找出來貼！ 最近有在北京揾食數天，懶完之後就貼出黎！

你得閒時不如繼續講下故仔！
作者: super720a    時間: 2007-9-17 22:12

，估唔到標哥哥對於祭五臟廟呢個極為重要 o既任務都咁有研究，小弟認真孤陋寡聞

小弟要認真向各位學習學習
作者: billchan    時間: 2007-9-18 01:21

引用:
原帖由 super720a 於 2007-9-17 22:12 發表
，估唔到標哥哥對於祭五臟廟呢個極為重要 o既任務都咁有研究，小弟認真孤陋寡聞

小弟要認真向各位學習學習
  阿標自知面對自已喜愛的事物時，心志從來軟弱，對耳目口腹之慾，電影電視飲飲食食之類，更是難以自控自律，唉！經常多吃少睡，對身體絕不是好事！     不過積習既成，嘻嘻，如倪老匡近期格言話齋：「 順其自然！」 一切隨心也罷！


   阿標上週依食友題內指示，唔聲唔聲，已靜靜雞完成部份 粉嶺 尋食任務，試了「四眼仔腸粉」，「群記牛丸豬手」等，不過「新漢記客家菜」仍未有着落！

  嘻嘻，期間亦曾偷空往境外作為食之旅，此處先按下不表，不過，境內新試的「魯一居」( MegaBox 的山東菜 ) 和 「El Mundo」( 電視名氣西厨 Ricky 主理的創意西班牙菜新店)，有空時倒可一談！  
作者: billchan    時間: 2007-9-18 01:48

引用:
原帖由 super720a 於 2007-9-17 22:12 發表
，估唔到標哥哥對於祭五臟廟呢個極為重要 o既任務都咁有研究 .....
   嘻嘻，我知你對睇電視都好有研究，不過唔知你有幾為食？ 如果你好似阿標咁為食，一定會留心去年有線電視 Channel 54 有兩集節目，是為食仔必看的！

  唉！這兩集節目，介紹兩所餐廳，一歐一美，觀之令人徒生何日有緣能會之嘆！   阿標把這兩個的電視節自燒錄下來，反覆觀之不下多次，真是把為食阿標折騰透了！


   兩集電視節目，分別介紹「 El Bulli 」和「 French Laundry 」！  唉 ~~~~~  
作者: moxfactor    時間: 2007-9-18 05:49

引用:
原帖由 billchan 於 2007-9-18 01:48 發表


   嘻嘻，我知你對睇電視都好有研究，不過唔知你有幾為食？ 如果你好似阿標咁為食，一定會留心去年有線電視 Channel 54 有兩集節目，是為食仔必看的！

  唉！這兩集節目，介紹兩所餐廳，一 ...
Discovery Travel and Living 真係多野睇.  只不過我喺香港時間少, 有幾會睇電視會搵party planner同miami ink來睇.  (如果anthony bourdain既話)
作者: billchan    時間: 2007-9-19 12:41

引用:
原帖由 moxfactor 於 2007-9-18 05:49 發表

Discovery Travel and Living 真係多野睇.  只不過我喺香港時間少, 有幾會睇電視會搵party planner同miami ink來睇.  (如果anthony bourdain既話)
   阿標以前最喜歡悠悠閒閒、懶懶怠怠地收看【 A Cook's Tour 】及【 Nigella Bites 】！

一個是風塵客，領你饞遊四海；另一位是美嬌娘，侍你淺食㕑旁！嘩 ~ 這是為食仔如阿標的白目夢，嘻嘻！   
作者: moxfactor    時間: 2007-9-19 17:29

Nigella 真係幾正, 算食界入面既 Monica Belucci.  ^_^

Jamie Oliver 有d睇悶咗...須然見親佢煮野都仲好有男人味...

希望 Wolfgang Puck 或 Mario Batali 有佢地自己既 show... 超愛佢地既煮食風格
作者: billchan    時間: 2007-9-29 00:18

   阿標呢排一味掛往食，食食食！     中秋節更亂日夜咁食，都幾過份！  


   今晚本來想過番呢幾個月 d 食物相出黎貼下，點知家中 PC 認唔到我在公司用開果隻新買的 Card Reader（ 讀我條 8G SDHC ）！       奇怪！ 公司是行 Window2000 的，家中用 XP 照計 SDHC 是新野，無理由 Window2000 得而 XP 唔得？  


  暫時無辦法！
作者: 可愛老頑童    時間: 2007-9-29 09:12

引用:
原帖由 billchan 於 2007-9-19 12:41 發表



   阿標以前最喜歡悠悠閒閒、懶懶怠怠地收看【 A Cook's Tour 】及【 Nigella Bites 】！

一個是風塵客，領你饞遊四海；另一位是美嬌娘，侍你淺食㕑旁！嘩 ~ 這是 ...
I like best Anthony Bordane's "No Reservations".   
作者: princess_f    時間: 2007-9-30 11:14

很想吃魚生...
作者: moxfactor    時間: 2007-9-30 14:27

近排工作太忙, 都冇乜時間影自己相...but, 尋日上午去灣仔carinna食潮州菜, 見佢地近門口架車仔上有清湯腩就叫咗份.  唔錯喎...  其他食物都過得去, 服務態度都ok.  係d滷水唔係好夠味同冇得食鵝腸...
作者: billchan    時間: 2007-9-30 21:52

引用:
原帖由 可愛老頑童 於 2007-9-29 09:12 發表

I like best Anthony Bordane's "No Reservations".   
  "No Reservations"  又一個好的電視節目！

  Anthony  的節目好看處是：永遠不是一個煑食示範節目咁簡單！總比別人的多了一點點東西！
作者: billchan    時間: 2007-9-30 22:00

引用:
原帖由 moxfactor 於 2007-9-30 14:27 發表
近排工作太忙, 都冇乜時間影自己相...but, 尋日上午去灣仔carinna食潮州菜, 見佢地近門口架車仔上有清湯腩就叫咗份.  唔錯喎...  其他食物都過得去, 服務態度都ok.  係d滷水唔係好夠味同冇得食鵝腸...
   我都有食過佢地 d 清湯腩，真係算唔錯！    不過我最鍾意佢地 d 特價抵食紅燒潮洲翅，滑膩夠身，當然是有豬油的，嘻嘻，怕豬油者勿試！
作者: billchan    時間: 2007-9-30 22:02

引用:
原帖由 princess_f 於 2007-9-30 11:14 發表
很想吃魚生...
  等我攪惦個 Card Reader 之後，過番 d 近期相去黎再引下你！
作者: 何去何從    時間: 2007-10-1 11:01

Bill 兄，又等我借借你既地方，講下 2000 法國既難忘之旅
作者: billchan    時間: 2007-10-1 11:19

引用:
原帖由 何去何從 於 2007-10-1 11:01 發表
Bill 兄，又等我借借你既地方，講下 2000 法國既難忘之旅


  快 d  快 d ！  
作者: 何去何從    時間: 2007-10-1 12:07

法國 Lyon  最後一站 ( Paul Bocuse )


尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都唔會再比人掉低架喇 !!! (暫不講 Nice 所遇到既事)

由 Nice搭火車到 Lyon，到達大約 6pm左右，火車站 tourist office 關左喇，我既"孤獨天書"又係同伴度，算啦，唯有自己拖住個行李行去人多既大街搵左酒店先，行左好耐，好幾條街，酒店都無房~~~ 再繼續向前行，好彩終於搵到 !!! 係火車既幾個鐘都無野落過肚，放好行李，就即刻去醫肚先啦，醒起先前經過一間壽司店，岩晒我一個人食 dinner 啦 !!! 點知，就係酒店樓下個街口，撞番我既 "同伴"，當時大家係街對望幾秒& 笑，哩個笑，係估唔到會咁岩咁都會撞得番 !!!! 咁我地就返去我住果間酒店大堂，問酒店職員想去Lyon 出名既3星米芝蓮 Paul Bocuse 餐廳，但對方話我地去唔到架，因為唔係 city，要渣成個鐘車出去，仲要預早 booking 添，而且會係一早 book 爆晒 !!!!不過，有一間係附近，雖然唔係 Paul Bocuse ，但係都由佢既徒弟主理，所以唔差既，仲推介左幾道菜寫低埋比我地添 !!! (又有貴人喇) 咪拿拿聲行去啦，都係 15 mins 路程，終於去到喇，坐低即刻點菜，當時我超級肚餓啦，有9個鐘未食過野喇 ~~~~ 我地即刻比張紙個 waiter 睇，話想要邊幾道菜，點知，個 waiter 話餐廳就無去錯，但就無供應紙上提及既菜式，我心諗，是但啦，就係 menu 點野食啦，有得食就得喇，因已餓到我胃痛囉 !!! 但當時心感不妙喇 !!!! 食物黎到，真係，唔好食，或者我已胃痛提唔起胃口，但我既同伴都覺得唔好食喎 !!! 個 waiter 又照例問問食物對唔對胃口，我竟然話，唔太ok !!!! 都唔知點解當時會咁講，可能都係唔多唔少係發洩之前被掉低時既心中不快，火車上遇到既唔開心，比酒店職員點左一間唔好食既餐廳 & 餓到胃痛呱 !!!! waiter 當時又大為緊張，硬係要我講邊度唔好食， 好唔好食都好主觀架嘛，而且言語又不通，要我點講嗟 !!!! 食完，行番酒店，個職員又轉變左態度，無左之前推介餐廳既熱情，好 cool 下 !!! 算啦，我都無諗住講番，佢介紹果間餐廳，根本無佢講既菜式 !!!! 當時食左咩，真係已經忘記得一乾二淨喇 !!! 經過哩晚，我決定第二日 lunch ，一定要搵間好味既黎食，就試有名特色 Lyon 既 Bouchon 啦 !! 當晚大家講番 Nice 所遇既人 & 事，其他野都無深究喇 !!

(點解大家都會去 Lyon，因為哩個係尾站，我地要係 Lyon 飛去 Zurich ，轉機返香港 )

哩個post，反而缺乏左食物，多左記錄果幾日既旅程
正如之前講，哩次都係講番"被點"既一次
而食物，反而變成整篇既配角

留番好味 Bouchon 下次講 !!!!

[ 本帖最後由 何去何從 於 2007-10-1 04:35 編輯 ]
作者: dejavu2003    時間: 2007-10-1 17:59

引用:
原帖由 何去何從 於 2007-10-1 12:07 PM 發表
法國 Lyon  最後一站 ( Paul Bocuse )


尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都 ...
How about this Paul Bocuse joint in Berlin.

[ 本帖最後由 dejavu2003 於 2007-10-1 18:01 編輯 ]
作者: dejavu2003    時間: 2007-10-1 18:00

引用:
原帖由 dejavu2003 於 2007-10-1 05:59 PM 發表


How about this Paul Bocuse joint in Berlin.
How come the picture I tried to attach didn't show up here?????

[ 本帖最後由 dejavu2003 於 2007-10-1 18:09 編輯 ]
作者: dejavu2003    時間: 2007-10-1 18:15

引用:
原帖由 dejavu2003 於 2007-10-1 06:00 PM 發表



How come the picture I tried to attach didn't show up here?????
I know why.  The file size is too big - 4.01 MB.  Any chance I can reduce the file size by reducing the resolution?
作者: billchan    時間: 2007-10-2 01:49

引用:
原帖由 dejavu2003 於 2007-10-1 18:15 發表

I know why.  The file size is too big - 4.01 MB.  Any chance I can reduce the file size by reducing the resolution?
  You might resize your pictures first. Most of the picture viewing softwares would do！
作者: billchan    時間: 2007-10-2 02:26

引用:
原帖由 何去何從 於 2007-10-1 12:07 發表
法國 Lyon  最後一站 ( Paul Bocuse )

尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都唔會再比人掉低架喇  ...
   謝謝分享，未繼續講食物之前，阿標都要搭口講下旅行同伴的問題，唉，原來大家都曾經此苦！

    純個人經驗和感受，我覺在大都會作文化/景點觀光，若不是有當地人導遊招待，衹是自已手持“天書”，半依粗畧計劃半隨遇而安的，最好是自已一個人單身闖蕩，因為每個人興趣都不同，願意花時間的地方也不同，而且途上往往有些突現景點，會令喜愛者捨不得錯過，但外遊時每天時間寶貴，同遊者實在遷就不了那麽多，反之亦然，故此衝突和不滿常會在友好間發生！  所以計阿標話，此類旅遊，最好一人獨闖！

另一類悠閒美食團，四人一團，一車可戴，而且點食物時種類的可試範圍大一點，就最理想了！若擴大人數至兩車之眾，淨係交通安排都煩死了，其間必有閃失 ！

  嘻嘻，第三類！兩人拍拖團 當然無以上的問題，若爭取相聚時光是最優先項目，其它的那用管他娘！
作者: billchan    時間: 2007-10-2 02:32

引用:
原帖由 何去何從 於 2007-10-1 12:07 發表
.... 問酒店職員想去Lyon 出名既3星米芝蓮 Paul Bocuse 餐廳，但對方話....有一間係附近，雖然唔係 Paul Bocuse ，但係都由佢既徒弟主理，所以唔差既，仲推介左幾道菜寫低埋比我地添 !!! (又有貴人喇) 咪拿拿聲行去啦 ...
   呢個 酒店職員 都老點得過份  ， 你仲以為係貴人添！
作者: billchan    時間: 2007-10-2 02:57

引用:
原帖由 何去何從 於 2007-10-1 12:07 發表
..... 哩個post，反而缺乏左食物，多左記錄果幾日既旅程
正如之前講，哩次都係講番"被點"既一次
而食物，反而變成整篇既配角

留番好味 Bouchon 下次講 !!!!   
   大家都預備聽「好味 Bouchon 」！       

  嘻嘻，阿標未聽已經口水流流，有點餓添！   剛剛試左直接由 DC 用 USB 過相入 PC，又得喎！ 所以而家先貼 阿標自弄小食上黎，醒一醒神，解解饞先！
作者: billchan    時間: 2007-10-2 03:21

引用:
原帖由 dejavu2003 於 2007-10-1 18:15 發表

I know why.  The file size is too big - 4.01 MB.  Any chance I can reduce the file size by reducing the resolution?
  I just had my pictures resized by Picasa and uploaded in my previous post. You might google and download “Picasa” which is a very useful tool.  
作者: lafite2004    時間: 2007-10-2 11:57

引用:
原帖由 billchan 於 2007-10-1 18:57 發表


！ 所以而家先貼 阿標自弄小食上黎 ...
Eventhough I cannot taste it , .   It looks nice.   

Can you tell us what ingredients you are using.  

[ 本帖最後由 lafite2004 於 2007-10-2 03:58 編輯 ]
作者: 何去何從    時間: 2007-10-2 15:11

引用:
原帖由 dejavu2003 於 2007-10-1 09:59 發表


How about this Paul Bocuse joint in Berlin.
Berlin ？ 咁我又唔清楚呀 !!
作者: 何去何從    時間: 2007-10-2 15:15

引用:
原帖由 billchan 於 2007-10-1 18:57 發表



   大家都預備聽「好味 Bouchon 」！       

  嘻嘻，阿標未聽已經口水流流，有點餓添！   剛剛試左直接由 DC 用 USB 過相入 PC，又得喎！ 所以而家先貼 阿標自弄小食上黎 ...
嘩，好好味呀 !!

不如你講下，白色係咩，黃色又係咩，淨係知黑色係caviar咋 !!!!
作者: 何去何從    時間: 2007-10-2 16:40

法國都係一個飲食文化歷史國家，唔同地區食唔同既食物，就好似我地祖國咁
但好彩既係，法國細好多，所以，對我哩個為食鬼黎講，又真係幾方便既
搭幾個鐘火車就食都唔同既野啦嘛 !! haha

Lyon - Bouchon 係家庭小店，cosy & friendly !! 最大特色係，當日 chef 煮咩就食咩，者係去到只係比一個價錢，就有頭盤食到dessert 架喇 !! 真係既方便又特色 !! 其實就好似香港既"私房菜" !!Lyon 主要食既係肉，尤其豬肉 & 內臟 !! 而食物既presentation，都無咩賣相可言，但唔討厭 !!

係舊城既小街，招牌唔多顯眼，幸好經過無數次既"搵路實習"，好快就搵到 !!! 入到去，樓底好高，上面掛滿左好多各式各樣既 salami，但多數都外面白白地，似係發"毛"個隻 !!!老闆安排左我地去一個木卡位，地方乾淨 & cosy，周圍既人，都係輕鬆交談，感覺好舒服 !! 因為知道 Bouchon 係 chef 煮咩食咩，諗住咁哩餐終於唔使又"身體語言"搭夠喇 ，佢比咩就食咩啦!!點知，都唔知佢係老闆，還是老闆&chef 合體喇，走黎用佢好簡單但難明既英文，問我地主菜要咩，當然，佢都即刻又扮豬，又扯面，等等令我地明白今日有咩主菜啦 !!!我"同伴"要左豬肚，因為望到隔離table 既，望落好唔錯咁，而我，見佢咁落力扯自己塊面，就揀佢個豬面啦，者係我地既肉青 !!先黎一碗 mustard 味既綠豆，一碗燻魚，仲有飽，我一睇，咪我地成日食開既綠豆，煮到仍然係一粒粒無散開起沙既，個汁唔係好多，只係濕濕地咁，老闆叫我地放係個飽度一齊食，味道岩我，因為我好鍾意 mustard 既，個味mustard又無搶晒，但係仲有咩味，真係唔記得又食唔出喇，不過，哩個mustard綠豆至今好難忘 !! 當時，我地已不斷提住大家，唔好食咁多，一定要留肚，仲有其他野食呀 !!個燻魚係切粒上，我朋友對煙燻野有少少抗拒，我就剛剛相反，又係岩晒我胃口既野，但係，我同伴見我食度唔停口，就開始制止我喇 !! 跟住黎既係 salami，一碟有4-5款唔同味既，又係非常對我胃口既食物(其實除左睇落唔靚既食物，多數我都唔會唔喜歡既) !! 可能我地真係細食，份量又十足，又食得比佢地快，全部頭盤我地都食淨一半，真係非常浪費 !!! 或者食得慢d，我地兩個都可以食度 2/3既 !!! 無耐，我地既主菜老闆羅出黎喇，我同伴既豬肚同我地食開既牛腩檔既金錢肚，個樣係一樣架，老闆係原個豬肚上，放到碟上，先幫我同伴切開少少，睇到老闆切，都估都已煮得好淋，而我既豬面，係成個細鐵煲上，有d 似我地食煲仔飯個煲既 size，黎到，老闆只係幫我放左一舊豬面係我隻碟度，其餘既，就成個煲放左係我table 度等我自助喇 !! 我朋友望到我個豬面，佢既表情話左我知，佢睇到就唔開胃喇，因為個汁色確實 ~~~幾難睇下，似我地新年盤菜個汁，者係"混汁"食，啡啡灰灰咁，而個豬面係鵝蛋形黎架，唔係一塊架，哩個真係估唔到，估唔到法國豬塊面咁圓，中國豬塊面咁扁!!! 仲有既係，幾舊切到同豬面一樣鵝蛋形既 potato !! 我心諗，食過之前既野都唔錯，麵飽又咁好味，無理由我哩個豬面會難食架，雖然我都係一個絕對重"外表"既人黎，但都叫左喇，我點都要試，我同伴望住我試，睇我反應~~~~食落，好味呀，食得出有加酒去煮，個汁既色雖然唔討好，但有內涵呀 !!不過，之前食左唔少頭盤，所以我個煲豬面只能勉強食左兩粒咋 !! 講番我同伴個豬肚，係用醋去整既，但唔會太酸，因為食左唔少野，哩時候個頭盤如太濃味就真係食唔到喇，好彩酸酸地，我地兩個都可以食到一半，唔係既話，會徙得仲多 !! 哩個酸味豬肚 & mustard 綠豆，哩兩個調味都係剛好，唔會太重手，配合埋真係剛好 !!! 其實，食完主菜都飽到不得了，但係，我倆都係 dessert 狂黎，所以點飽都會食埋既，因為無 dessert 既話，果餐我覺得 incomplete 架 !! 最後，竟然 dessert 有幾個揀，但係老闆既英文仲有限過我，而且哩次佢同我還既"有口難言" ，我又真係估唔到佢講咩，係又唔知點算之際，隔離 table 既靚姊姊過黎幫我地，話比我地知有咩 dessert 揀~~ haha，好多餐都係最後關頭又有貴人出手幫忙既 !!! 我記得點左 chestunt ice cream，而我同伴係咩，就唔記得 lu !!! 食左幾耐，我都唔記得喇，但我淨係記得，我地去到既時候，多數既人都係頭盤，但到我地食完走喇，佢地都仲係食緊 dessert 咋 !!! 佢地真係識慢慢享受喇 !!! 最後，老闆送我地出去，say 完 goodbye，就結束左一頓難忘 lunch !!

[ 本帖最後由 何去何從 於 2007-10-2 08:42 編輯 ]
作者: billchan    時間: 2007-10-2 18:00

引用:
原帖由 何去何從 於 2007-10-2 16:40 發表
法國都係一個飲食文化歷史國家，唔同地區食唔同既食物，就好似我地祖國咁
但好彩既係，法國細好多，所以，對我哩個為食鬼黎講，又真係幾方便既
搭幾個鐘火車就食都唔同既野啦嘛 !! haha

Lyon - Bouchon 係家 ...
  謝謝你的精采攪笑“食歷”分享！

食野食到要賓主一齊「又扮豬，又扯面」！哈哈哈，笑得我！ 「而我，見佢咁落力扯自己塊面，就揀佢個豬面啦，即係我地既肉青！」    不過我諗諗下，都記起自己以前都試過，點菜時我都扮過雞呱呱叫，在日本叫豬扒飯時想吃帶肥的部份時，也指過其它遊伴的肚腩 ..... 哈哈！又試過出紙出筆，畫雞泡魚！   

睇你寫內容的，Lyon - Bouchon 這類店子真的十分吸引， 睇到我心往神馳，恨不得快快有得去食！這麼大的份量，正適合人多一點，多叫幾個主菜和甜店，慢慢 ~ 慢慢 ~ 的吃，試過不亦樂乎！
作者: billchan    時間: 2007-10-2 18:02

引用:
原帖由 lafite2004 於 2007-10-2 11:57 發表

Eventhough I cannot taste it , .   It looks nice.   

Can you tell us what ingredients you are using.  
引用:
原帖由 何去何從 於 2007-10-2 15:15 發表

嘩，好好味呀 !!

不如你講下，白色係咩，黃色又係咩，淨係知黑色係caviar咋 !!!!
  其實呢個自製小食配料十分便宜，做法簡單！

阿標某天假期獃在家中，在埋首於電腦電視書本雜誌之間的數個幾分鐘空檔，在厨房張張羅羅，不一會便把小食弄了出來，簡單得很！

配料：      黄色白色的：蛋黃粒 與 蛋白粒
               綠色紫色的：香葱末 與 洋葱末

用法：      淡味鮮奶麵粉自烤小餅，先抹上薄薄 sour cream，再將配料與主角傾鋪其上


主角：     Russian Beluga Caviar！


  可惜的是，阿標眼窄肚濶，一口一塊，三兩秒間已把小食報銷！ 唉 ~ 食完都唔知乜味！    
猶幸吃前忍了一忍，還記得順手拍下照片數幅，現在還總算有得憑弔憑弔！

這正是： 多口自古空遺恨，此味綿綿無絕期！      幾時有得再食呀？  
作者: 何去何從    時間: 2007-10-2 22:04

引用:
原帖由 billchan 於 2007-10-1 18:26 發表


   謝謝分享，未繼續講食物之前，阿標都要搭口講下旅行同伴的問題，唉，原來大家都曾經此苦！

    純個人經驗和感受，我覺在大都會作文化/景點⑵馬C個人興趣都不同，願意花時間的地方也不同，而 ...
哩個同伴，其實係當時既"男朋友"黎架 !!

哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!

如果我選擇同朋友旅行，就多數少出聲少意見，免得意見太多就麻煩多多，而且可以同朋友一齊去既地方，又多數都係 hea 下，休閒下既 trip，所以都無咩所謂，者係去少個地方都唔會覺得損失 !!!

但當我要去一個咁"serious"既 trip 時，我只會同最親密既另一伴同遊，話晒哩d 旅程太多突發，太多改變，太難就晒大家既喜好 lu !!!

咁你被同伴掉低既經歷又係點既呢 ？
作者: 何去何從    時間: 2007-10-2 22:20

引用:
原帖由 billchan 於 2007-10-2 10:00 發表



  謝謝你的精采攪笑“食歷”分享！

食野食到要賓主一齊「又扮豬，又扯面」！哈哈哈，笑得我！ 「而我，見佢咁落力扯自己塊面，就揀佢個豬面啦，即係我地既 ...
最衰我文筆太差 !!! 如果哩個係你既經歷，由你寫出黎，一定比我吸引好多 !!!

不過如果你去法國既話，一定要多留幾日，因為哩個地方真係有好多好好味既食物好岩我地哩d "為食鬼" !!! 喜歡旅遊又喜歡食既，都一定試過唔同既"身體語言"，因為我地一定會為左"食"一餐，不惜扮雞又扮豬既 !!! 所以我相信你既笑料一定比我多呀 !!!!

[ 本帖最後由 何去何從 於 2007-10-2 14:27 編輯 ]
作者: billchan    時間: 2007-10-3 03:14

引用:
原帖由 何去何從 於 2007-10-2 22:04 發表
引用:
原帖由 何去何從 於 2007-10-1 12:07 發表

尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都 ...
哩個同伴，其實係當時既"男朋友"黎架 !!

哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!

如果我選擇同朋友 ...
   吓，同男友旅行，攪到在途上「又因小事，要再一次分道揚鑣，分開玩 ~~~~ 」  咁都可以一再發生，嘻嘻，服了你了！      而家事過境遷，這當然衹不過是在回憶中的難忘事件之一，但其實當時，若不是因為有倔強性格和脾氣作祟，怎會捨得由兩人旅行變成獨闖異鄉，連乘火車吃飯和投店都各自進行，哈哈，難明！難明！

  我倒沒有這般戲劇性，跟遊伴們作遊歷為主的旅行時，若明知大家興趣不同的，於抵埗落腳後，我會勇於提出約定再聚吃飯時間，然後分頭活動，各式其適，大家各自修行，舒服自在！   在歐洲時，我最喜歡花時間看古蹟名勝，行博物舘，逛食物市場，找地道美食小吃，看聽不明白的電影，拍一大堆照片 ..... 遇上電車巴士渡輪上山吊車等若有時間必隨遇而安地即興跳上，嘻嘻，這種方式最適合獨行獨闖的人，反正也不會悶，每日在旅館早餐地方開始，一路下來，總很容易有同道中人搭訕，言淺者交換資料，言深者交換平生，不亦樂乎！

  至於在與女友同行的兩個人旅途上，女友使使小性子，半玩半真，鬧鬧別扭，於酒店附近商場旺地分道揚鑣，各自逛街後回酒店，亦有在安全的東京發生過，不過未試過好似你講果種在歐洲各自搭火車各自揾酒店！  真是佩服佩服！


   講返用身體語言點菜，我想起有一次在東京銀座炸豬扒老店「練瓦亭」，明知豬扒有肥有瘦可分點的，但與女侍應言語不通，結果阿標先要站起來，再彎身「乙乙」兩聲，讓女侍明白阿標已變身為一隻豬，再以手刀虛切一塊肩肉給女伴，之後再切自己腩肉虛放自已碟上，幾經比劃，才令日本女侍明白我們要什麽，嘻嘻！    又有一次日本侍應始終弄不明白我想要的，結果她在厨房拉出一位從遼寧到日本半工半讀的中國少女，替我以普通話落單，結果又傾談了老半天中國近况，最後還嚐試了她的好介紹！
作者: 癲巴    時間: 2007-10-3 14:33

提示: 作者被禁止或刪除 內容自動屏蔽
作者: billchan    時間: 2007-10-3 15:57

引用:
原帖由 癲巴 於 2007-10-3 14:33 發表

標兄, 小弟係brasco(巴士),

你講呢間飯店, 小弟食咗好多年, 大時大節多數去呢度食, 所以同老細好熟.
我先唔講佢有幾好食, 我最欣賞o既反而係佢對呢間食店嘅執著.
佢一直都踏踏實實咁做好d菜式, 唔賣花巧,  ...
   brasco兄你好，近來少見你出現，原來都係要阿標係呢度自說自話 講飲講食先至引到你出黎，哈哈！       原來你與呢間飯店咁熟，又有咁多好評， 令阿標對它更有信心！嘻嘻，若阿標下次組織為食團出征時，定要事前再多多請教！ 謝謝你先！
作者: 癲巴    時間: 2007-10-3 16:08

提示: 作者被禁止或刪除 內容自動屏蔽
作者: billchan    時間: 2007-10-3 16:51

引用:
原帖由 癲巴 於 2007-10-3 16:08 發表

真係講起就羞家, 其實我係俾人ban咗, 係不受歡迎人物, 所以無謂出聲啫....:
   春有百花秋有月，
       夏有涼風冬有雪；
       若無閒事掛心頭，
       便是人間好時節！



  brasco兄，一切所謂是是非非，閒事而已，那值掛心頭！

   阿標話不如多講風花雪月，覓食尋歡，不負人間好時節！
作者: 癲巴    時間: 2007-10-3 17:10

提示: 作者被禁止或刪除 內容自動屏蔽
作者: 利記    時間: 2007-10-3 17:20

引用:
原帖由 何去何從 於 2007-10-2 22:04 發表



哩個同伴，其實係當時既"男朋友"黎架 !!

哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!

如果我選擇同朋 ...
飛得好啦
去到一個陌生既地
都可以話走就走
都唔係男人黎
作者: billchan    時間: 2007-10-3 18:18

引用:
原帖由 billchan 於 2007-10-3 03:14 發表

   講返用身體語言點菜，我想起有一次在東京銀座炸豬扒老店「練瓦亭」，明知豬扒有肥有瘦可分點的，但與女侍應言語不通，結果阿標先要站起來，再彎身「乙乙」兩聲，讓女侍明白阿標已變身為一隻豬，再以手刀虛切一塊肩肉給女伴，之後再切自己腩肉虛放自已碟上，幾經比劃，才令日本女侍明白我們要什麽，嘻嘻！    
  睇番呢段，忽然醒覺「練瓦亭」個「練」字似乎有錯，應該是「煉瓦亭」，是一間經常都要排隊等上成個鐘頭才能入座的歷史悠久老店，吃洋式炸豬扒，燒汁牛脷，蛋包飯等日本西餐！ 價錢以東京水準一點也不算貴， 地點頗方便就腳，阿標每到東京總心思思去排番一次隊！因為它的帶少少肥炸豬扒實在很好吃！ 牛脷是阿標的飛佛食物之一，惜此店的燒汁稍偏甜，不介意者亦可試試！


   講起排隊，印象中，東京凡好吃的食店都差不多要排隊！
作者: billchan    時間: 2007-10-3 20:22

引用:
原帖由 癲巴 於 2007-10-3 17:10 發表

受教, 受教!!~~~
    不敢不敢， basco 兄面前，阿標豈敢言教，一時失言，折煞阿標了！   

    
作者: 何去何從    時間: 2007-10-3 22:53

引用:
原帖由 billchan 於 2007-10-2 19:14 發表
若不是因為有倔強性格和脾氣作祟，怎會捨得由兩人旅行變成獨闖異鄉，連乘火車吃飯和投店都各自進行，哈哈，難明！難明
絕對係我既倔強性格問題 !! 接受唔到因小事又再一次被掉低 !!!
當係街撞番時，真係覺得，好唔底 !!! 我真係諗住係機場先會再見嘛 !!
就比我繼續 " 有性格" 落去啦 !! 亦都等我用行動證明，我都好多野都得既 !!

講番食，去到日本，見到唔少拉麵店已改用"自動販賣拉麵機"，要係個機到揀麵，粗幼&爽淋，湯底，等等，哩個"販賣機"，就真係搞到我都無晒辦法，見門不能入 !!

你係東京銀座炸豬扒老店「練瓦亭」，未食都笑飽左喇 !!! 有無留意到，你碟豬排好可能係大碟d 架 !!!
作者: 何去何從    時間: 2007-10-3 22:56

引用:
原帖由 利記 於 2007-10-3 09:20 發表


飛得好啦
去到一個陌生既地
都可以話走就走
都唔係男人黎
當時我都係同你一樣咁諗架，有無搞錯呀
掉低我，所以我連"孤獨天書"都唔要，比番佢 !!!
作者: 癲巴    時間: 2007-10-4 00:45

提示: 作者被禁止或刪除 內容自動屏蔽
作者: billchan    時間: 2007-10-4 02:56

引用:
原帖由 癲巴 於 2007-10-4 00:45 發表

點會呢!??....

巴士其實好欣賞你與世無爭, 享樂人間嘅態度. 反之, 我有太多無謂嘅堅持, 又不懂禮貌. 所有結果都係自己一手做成.....

就連食嘢我都過份執著....
集團式, 連鎖式食肆唔食, 因為冇靈 ...
     靜靜話你聽，阿標處身的行業與歴來服務的公司機構，出晒名公認是殺戮森林，此間爭分奪秒，成王敗寇，朝夕爭功！       阿標唔好彩地誤墮此間地獄多年，嘻嘻，而家卒之好彩地練就一套分身功夫！    工作搏殺時是一個人，放下工作時卻變身成另一個人，分得清清楚楚，這兩個世界很小心很着意地不讓交叠！

  嘻嘻，巴士兄看到我筆下「與世無爭， 享樂人間」的態度，其實這正正是我追求的理想和生活方式！    這個理想，我而家在工作時未能做得到，工餘時梗係希望掌握得到啦，嘻嘻，所以講到工餘吃喝玩樂，個人的嗜好的滿足，我一向都率性而為，十分積極和儘量投入架！

    阿標也認為食嘢有原則是大好事！    衹不過有時會麻煩朋友親人遷就而己！ 阿標自己這方面可能久經訓練，有個神仙肚，吃多吃少甚至不吃是一餐，吃好吃壞也是一餐，遷就食友亦從沒所謂，不過，嘻嘻，當有時間有機會 嚐新 或以美食獎勵自已時，一定為食不甘後人！

   此乃為什麽 阿標成日都話 揾嘢食，做出一個咁為食形像的前因後果也！


   巴士兄，嗱，阿標已自揭底牌，講清楚自已其實是個苦哈哈，所以阿標若網上不變身做個開心人，專職求開心，又何苦尤來呢？  


  阿標廢話講完，跟住又講番下食嘢先！
作者: billchan    時間: 2007-10-4 03:33

引用:
原帖由 何去何從 於 2007-10-3 22:53 發表

絕對係我既倔強性格問題 !! 接受唔到因小事又再一次被掉低 !!!
當係街撞番時，真係覺得，好唔底 !!! 我真係諗住係機場先會再見嘛 !!
就比我繼續 " 有性格" 落去啦 !! 亦都等我用行動證明，我都好多野都得既 !!
  倔強硬頸人我都見過不少，好似你咁在異地揾呢樣嘢黎堅持證明自己真係 .... 嘻 ... 唔識形容嘞！    不過我有點不明白，你是被動的“被掉低”，還是半主動的“分道揚鑣”呢？  前者如利記所言，是絕不能原諒的，不單是風度問題，更是男人要照顧女伴路上安全的責任問題！
引用:
原帖由 何去何從 於 2007-10-3 22:53 發表

你係東京銀座炸豬扒老店「練瓦亭」，未食都笑飽左喇 !!! 有無留意到，你碟豬排好可能係大碟d 架 !!!
  揾番其中一次未到 11:00 am 就到「煉瓦亭」門口等開門啲相出黎比你睇下，當日衹拍下店子和豬扒，其它食物原來無拍下：

[ 本帖最後由 billchan 於 2007-10-4 03:51 編輯 ]
作者: 何去何從    時間: 2007-10-4 10:31

引用:
原帖由 billchan 於 2007-10-3 19:33 發表


  倔強硬頸人我都見過不少，好似你咁在異地揾呢樣嘢黎堅持證明自己真係 .... 嘻 ... 唔識形容嘞！    不過我有點不明白，你是被動的“被掉低”，還是半主動的“分道揚鑣”呢？  前者如 ...
再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事，佢話要先改機票返香港，當時只係旅程既第一個星期，仲有兩個幾星期，我就覺得唔應該話走就走既，兩人一齊去旅行應該互相遷就下嘛，有咩野講清楚佢，唔好放係心裡，所以我決定羅出黎講清楚，大家都要多點體諒對方 !!! 而且，我都唔想咁樣就放棄左個 trip !! 到第二次對方再話要"分道揚鑣"既時候，我覺得，再接受唔到喇，並激起左我既倔強性格，到左 Nice 已好夜，是但找間酒店落腳，當晚大家都無講其他野，第二朝訓醒左 check out 大家就分開走 lu !!! 我有性格到，lonely planet 都唔要，比番佢 !!!


我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!

你相中既炸豬排，睇落唔油膩，又唔會炸到乾身，仲好似好鬆軟添，等我有機會下次日本試試先得 !!! 仲有，見到有個汁，哩個汁係咪都係自家製架，味道係點架 !!

[ 本帖最後由 何去何從 於 2007-10-4 02:33 編輯 ]
作者: 利記    時間: 2007-10-4 11:42

引用:
原帖由 何去何從 於 2007-10-4 10:31 發表


再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事 ...
我上次同佢去台灣

又係因為言語上既事而佢發皮氣

當時兩個人都臉左左,而佢就自己一個人行先

但我點都跟住佢後面行,唔係因為唔識路

而係出於男人點都要保護女人既心態

係陌生地方,如果有乜野事,點陪返個女比人呀!!!!

最多返到酒店先發爛炸
作者: billchan    時間: 2007-10-4 12:13

引用:
原帖由 利記 於 2007-10-4 11:42 發表

......我點都跟住佢後面行,唔係因為唔識路
而係出於男人點都要保護女人既心態
係陌生地方,如果有乜野事,點陪返個女比人呀!!!!
最多返到酒店先發爛炸
   男兒好漢（ 講得唔好聽就是 大男人 ），有所必為！  
作者: 利記    時間: 2007-10-4 12:22

講返食先

我唔係咁鐘意食炸豬扒

我好怕一咬落去就成口油

其實近這幾年,已經對啲要炸既野興趣麻麻

作者: 癲巴    時間: 2007-10-4 12:57

提示: 作者被禁止或刪除 內容自動屏蔽
作者: billchan    時間: 2007-10-4 14:28

引用:
原帖由 何去何從 於 2007-10-4 10:31 發表

再簡略講少少，當時係由........

我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!

你相中既炸豬排，睇落唔油膩，又唔會炸到乾身，仲好似好鬆軟添，等我有機會下次日本試試先得 !!!  仲有，見到有個汁，哩個汁係咪都係自家製架，味道係點架 !!


  嘻嘻.....阿標聽過你的分道揚鑣故事和感慨，大概明白和知道你有多少倔強和執着了！  


   講番煉瓦亭果個配炸豬扒醬汁，你果然好眼，確是他們的招牌賣點之一，味道不易形容，以之淋上白飯同吃啱啱好  ， 豬扒就不用淋太多，因為熱呼呼的豬扒本身已經有好好肉香味  ，你去食時可以試真下！ 呀，仲有佢地既燴牛脷都要試下，稍偏甜的燒燴汁其實都不錯！


剛剛又找到另一次去東京的煉瓦亭照片，真係好多好多人排隊㗎 ......
作者: billchan    時間: 2007-10-4 15:14

引用:
原帖由 何去何從 於 2007-10-4 10:31 發表

...... 我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!
...
  一語中的！阿標十分同意，出色又成功的日本既餐廳，很多只係誠意地做好一道菜，再好好地賣這道菜！

  嘻嘻，原來你也鍾意好食的 tempura，我曾在東京找到和食過一些相當好而特別的 tempura，有機會再分享下！  
作者: kenzo1111    時間: 2007-10-4 22:22

引用:
原帖由 何去何從 於 2007-10-4 10:31 發表


再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事 ...
好一個揚眉女子!! 大家下次wine gathering  我們誠邀妳出席

日本餐廳 我都好認同, 所以我到日本甚少去個d 類似 笑笑 的居食屋!!
作者: 何去何從    時間: 2007-10-4 22:36

引用:
原帖由 利記 於 2007-10-4 03:42 發表

我上次同佢去台灣

又係因為言語上既事而佢發皮氣

當時兩個人都臉左左,而佢就自己一個人行先

但我點都跟住佢後面行,唔係因為唔識路

而係出於男人點都要保護女人既心態

係陌生地方,如果有乜野事,點陪返個女比人呀!!!!

最多返到酒店先發爛炸  
咁哩d 情況，男仔又真係要蝕底少少既
不過，同自己愛既人出 trip，都係盡量以"開心"為先
咁盡量去 enjoy 每一刻，就下對方，比佢咋下嬌，
都係情趣黎既 !!
再講，真係發生事，就大家都唔想喇
男仔，係哩d 情況真係唔好為啖氣掉低女仔呀 !!!

所以你既做法真係好岩，好理智架 !!!
作者: 何去何從    時間: 2007-10-4 22:39

引用:
原帖由 利記 於 2007-10-4 04:22 發表
講返食先

我唔係咁鐘意食炸豬扒

我好怕一咬落去就成口油

其實近這幾年,已經對啲要炸既野興趣麻麻

做得好既炸物，係唔會食到你成口油架

試過好既，你會改觀



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0