香港 Xocat Forum 討論區 - Powered by Discuz! Board

標題: [原創] 往日公屋情懷 [打印本頁]

作者: 平方公尺 時間: 2007-11-10 01:52 標題: 往日公屋情懷

從小在公屋長大 , 從前每晚十點多鐘 , 總有一個大肥婆 , 用檐挑或手推車在走廊叫賣糖水 , 有紅豆沙 , 綠豆沙 , 芝麻糊 , 花生糊 , 豆腐花........只要兩蚊或個半便有交易 , 無須像現在要走落街去 7-11 買那些又貴又假的消夜小吃
現在公屋規條有如恆河沙數 , 這樣不許 , 那些不可以.....不不不............!
難道中國人總喜歡用很多堂而皇之的道理來欺負自己人 , 永不能像以往英治時代叫人活得開心又有尊嚴 , 唉........不知 7-11 有沒有 "自由" 賣作消夜呢

作者: princess_f 時間: 2007-11-10 12:15

如果有相看看就好了

不過,我最愛香港的時候就是97前.

[ 本帖最後由 princess_f 於 2007-11-10 12:16 編輯 ]

作者: KidHung 時間: 2007-11-21 19:25

公屋以前是好熱鬧的！好多小朋友，年青人！
農曆新年，利是有好多，每年都有幾千進帳，不過１０歲前都係家人保管，所以．．．當冇收過啦！

中秋節．．．幾個住同一層的小朋友一齊煲蠟，燒人地燈籠！

平時返學嘛．．．可以一齊返，多數都係同學校的！
多幾個人，大人都放心小朋友自己返學啦～！

當然都冇人夜晚叫賣宵夜的，不過．．．我倒是記得雪糕車，音樂好大聲，
每次見到總會”哎”家人俾我去買的！

當時高空擲物好勁的，不過冇現在咁恐怖，以前都係玩水袋而已！

唯一唔好的是．．．好多要自殺的人都選擇在公屋跳樓！

作者: dave702 時間: 2007-12-5 20:37

英國佬時代，無事就濶佬嬾理，出事后就一朝被蛇咬，十年怕草繩。
公屋管嚴d，住客放心d。現在的社會比以前雜得多

作者: 大隻西 時間: 2007-12-6 01:07

不知是那地方的公共樓！！

作者: keve0223 時間: 2007-12-6 02:04

引用:

原帖由 平方公尺 於 2007-11-10 01:52 發表
從小在公屋長大 , 從前每晚十點多鐘 , 總有一個大肥婆 , 用檐挑或手推車在走廊叫賣糖水 , 有紅豆沙 , 綠豆沙 , 芝麻糊 , 花生糊 , 豆腐花........只要兩蚊或個半便有交易 , 無須像現在要走落街去 7-11 買那些又貴 ...

年代唔同現在咩都講法律，　如果肥婆Ｄ粥出事以現今既人唔嘈到乜咁，　政府點擔當！　呢個係社會進步既問題但副作用係少左好多特色野唔關英治既問題！　大陸周街都有小販賣食物，　反而香港要做國際大都市點都要執正Ｄ

作者: up3up4 時間: 2007-12-6 04:44 標題: 係呀﹐ 好熱鬧

係呀﹐ 樓梯位成日有班亞伯係到打牌