香港 Xocat Forum 討論區 - Powered by Discuz! Board

標題: 唉,而加香港報紙日日拿澳門來唱（轉貼） [打印本頁]

作者: 根理厘亞 時間: 2007-11-11 19:52 標題: 唉,而加香港報紙日日拿澳門來唱（轉貼）

天天見到一d 香港報紙係度寫澳門,笑澳門.感覺佢地找娛樂新聞找到呢度

唉........好醜......

http://forum.cyberctm.com/forum/ ... &extra=page%3D1

作者: allure 時間: 2007-11-11 21:16

呢位會員... 係唔係ctm太少用戶呢??? 成日黎呢度賣廣告既??

你走黎香港既論壇講香港既傳媒去你地個forum度搵澳門既醜事黎講...
其實... 你地唔係係自己個forum唱自己D衰野... 人地又點知道你地有醜事丫???

咁你其實係想人地去你地個forum睇下你地點唱衰自己... 定係想人地去你個forum睇你既好事.. 唔準講你地唔好既事呢??? 定係為左D咩呢????

作者: Garfield 時間: 2007-11-12 16:14

根理厘亞版友直到今日有18個 post, 當中有10個 post 係澳門版開 thread 而且絕大多數係轉貼其他 forum 或者網頁既 post, 內容都係負面意見或報導...!!　作為澳門版一部份都想講講感想
一個 forum 應該接受各方面意見，的確澳門版開版以來有好多版友分享飲食貼士，旅遊經驗同喜與樂，當中 post 既精彩相片而更加不計其數！共通既一點係舒發感覺同分享，實無需刻意或煞有介事搬弄是非，Timway 有時事版可以討論大是大非，如此可以留澳門版一點耳根清靜罷!!!

澳門可以係銷金窩英雄地，亦可以係文化遺產旅遊勝地，分別只係每個人既心！世界上可有一個地方盡善盡美？嘉菲希望澳門版可以令版友開心分享，有更多人了解澳門文化近貌，希望大家了解支持~~

都係時候聽聽大家意見......

作者: allure 時間: 2007-11-13 00:08

引用:

原帖由 Garfield 於 2007-11-12 16:14 發表
根理厘亞版友直到今日有18個 post, 當中有10個 post 係澳門版開 thread 而且絕大多數係轉貼其他 forum 或者網頁既 post, 內容都係負面意見或報導...!!　作為澳門版一部份都想講講感想
一個 forum 應該接受各方面 ...

幾多個post都知... 心水清呀下...

ps. 我等出左張新藍卡就會正式返澳門開工喇... 到時call你食lunch喇..

作者: 根理厘亞 時間: 2007-11-13 00:56

引用:

原帖由 allure 於 2007-11-11 21:16 發表
呢位會員... 係唔係ctm太少用戶呢??? 成日黎呢度賣廣告既??

你走黎香港既論壇講香港既傳媒去你地個forum度搵澳門既醜事黎講...
其實... 你地唔係係自己個forum唱自己D衰野... 人地又點知道你地有醜事丫 ...

我一直以為閣下係香港人，就會胸襟廣闊過一般澳門人，點知又係小小家家，講明係澳門討論區，就梗係凡係有關澳門任何事都可以自由發言，包括你講所謂唱衰自己又或者醜事，唔通社會有所謂醜事就應該當無野唔可以講，真係唔明你講物野叫唱衰自己，你估係封閉國家、白色恐怖呀，一話呢度淨係可以講聲色犬馬，淨係唱好澳門又或者講你想聽的說話，咁呢度應該叫〝聲色犬馬澳門版〞，又或者〝一言堂澳門版〞至對，澳門唔係好似你想象咁淨係得酒色財氣，係重有好多其他可能同香港息息相關的事情發生緊，你寫出D咁不知所謂既野，絕對就係香港部份人無知同膚淺現實寫照，真係令人失望，重影衰晒我地香港人。

作者: Garfield 時間: 2007-11-13 01:10

再次重新表明，澳門版歡迎一切意見，但係請避免無謂既爭議，絕對相信討論同發表意見亦無需針鋒相對！

作者: anakin 時間: 2007-11-13 21:37

引用:

原帖由 根理厘亞 於 2007-11-13 00:56 發表

我一直以為閣下係香港人，就會胸襟廣闊過一般澳門人，點知又係小小家家，講明係澳門討論區，就梗係凡係有關澳門任何事都可以自由發言，包括你講所謂唱衰自己又或者醜事，唔通社會有所謂醜事就應該當無野唔可以 ...

言論自由，我絕對尊重；你想表達你既睇法，只要係適當既分版同埋同本論壇版規無抵觸，閣下大可以暢所欲言，要討論要辯論都無任歡迎。
但係閣下發帖時同時張貼其他論譠既連結，的確係違反本論壇既版規；兩位版主己經多番勸喻，閣下身為本論壇會員，希望閣下尊重本論壇版規同理兩位版主既意見；係閣下再次發表之時，將大是大非、社會問題在政治版發表，而吃喝玩樂、旅遊經驗則在澳門版發表。多謝合作。

作者: allure 時間: 2007-11-14 01:43

引用:

原帖由 根理厘亞 於 2007-11-13 00:56 發表

我一直以為閣下係香港人，就會胸襟廣闊過一般澳門人，點知又係小小家家，講明係澳門討論區，就梗係凡係有關澳門任何事都可以自由發言，包括你講所謂唱衰自己又或者醜事，唔通社會有所謂醜事就應該當無野唔可以 ...

絕對歡迎閣下繼續守規地發表言論, 無論係澳門版定係其他版...
你話我小家&影衰香港人既野... well... i've no comments...
Anyway無論我係香港人又好, 澳門人都好...
我都會從善如流... 去努力實踐做一個胸襟廣闊既人...一句半句氣話.. 算喇...
只希望閣下亦同樣接納大家既善意提醒... 唔好再post 其他forum既link喇.. thanks!

作者: mike925 時間: 2007-11-14 11:58

提示: 作者被禁止或刪除內容自動屏蔽

作者: Garfield 時間: 2007-11-14 13:55

引用:

原帖由 mike925 於 2007-11-14 11:58 發表
嘉菲!你心水真係清,其實我呢排見到澳門版好鬼悶,都冇咩人發post,但係今日一上黎好多post,精神為之一振,最緊要有講食嘛,至於講啲咩,我其實都冇咩特別意見,但係你地上黎討論區係抱住啲咩野想法,我就希望 ...

正正講出嘉菲既心情，只係大家都要包容每一方面既意見，鍾意飲飲食食既繼續發掘新天地，而想討論時事新聞既亦都可以發表意見！但係無意義既轉貼而又冇任何獨特見解者似乎容易令人費解其用意?!! 加上仲要係10次!!

正如之前所講，從來唔相信世界上有盡善盡美既地方，有睇嘉菲條 thread 既都會了解嘉菲既睇法！當然有版友提出議題比大家討論可以加深大家對澳門既了解或者興趣，更希望可以令 forum 人流增加，只係當中需要大家成熟客觀而理性討論，久而久之或者可以改變某ｄ人既諗法！所以嘉菲一直未有設定只歡迎某幾種話題，總相信只要有質量既內容就會有人捧場......!而吃喝玩樂就會係最容易令大家提起興趣啦！

睇住左澳門版建立到而家一年有多，的確想聽下大家對澳門版既意見，再諗諗之後既方向，又或者有人有興趣接手都歡迎，只要對個版有建設性既都係好事！

作者: 根理厘亞 時間: 2007-11-14 18:49

我係一個僑居澳門多年香港人
經歷澳門由衰變盛各個年代
近年澳門經濟起飛
引起世界注目
近年由香港到澳門工作定居的香港人
由當初600人至現在16000人
未來日子相信有更多香港人到澳門工作或定居
現在我把澳門社會一些傳媒忽略新聞借助貴版貼上
就是希望香港人可以更深入了解澳門現況
以便將來有機會到澳門工作定居能更正確作出應對
而連同澳門網址亦同時貼上
就是希望能證明言論真實性
但是結果真是令人失望
感覺到香港人胸襟狹隘及小人之心一面
如果單純討論澳門吃喝玩樂網站
相信多的事
現在貴網因此事而作出各種阻攔及批評
倒不如不談也罷

歡迎光臨香港 Xocat Forum 討論區 (http://p.xocat.com/p/)