香港 Xocat Forum 討論區 - Powered by Discuz! Board

標題: 民建聯自由黨互責未盡力 [打印本頁]

作者: 港奸剋星 時間: 2007-12-4 08:40 標題: 民建聯自由黨互責未盡力

民建聯自由黨互責未盡力
【本報訊】前任保安局局長葉劉淑儀得到民建聯及自由黨強勢支持下，最終仍然落敗，選舉結束後，葉太及民建聯主席譚耀宗均說要檢討落敗原因。有左派人士則把矛頭指向自由黨，質疑自由黨拉票「放軟手腳」；自由黨即炮轟有人挑撥離間，更質疑是否民建聯地區人士拉票不力。
葉太周日拉票，民建聯一眾港島區核心成員都有現身；可是同樣支持葉太的自由黨巨頭未見影蹤，也不見自由黨區議員為葉太拉票。有左派中人質疑自由黨根本不想為葉太助選，只是放軟手腳，因為葉太一旦在港島區坐大，首先威脅到的政黨必定是自由黨。

質疑民建聯留了一手
自由黨立法會議員周梁淑怡昨日強烈地反駁有關指控，否認自由黨對葉劉淑儀的支持不足夠，她說自由黨一直有參與葉太的競選活動，並非刻意保持距離，周太不希望這些傳聞引起誤會、分化和挑撥離間，又指葉太以高票數落敗，雖敗猶榮。
自由黨中人則認為，地區工作一向不是自由黨的強項，自由黨的港島區區議會席位不多，拉票作用不大，他反而質疑民建聯在今次區議會選舉大勝，又在港島區建立了不少地區網絡，若民建聯真的全力為葉太助選，沒理由連 04 年民建聯與立法會主席范徐麗泰名單合共取得的 14 萬票也保不住，加上民建聯在區選得票有增長，今次補選得票卻不升反跌，令人質疑民建聯是否留了一手，未有全力拉票。

作者: fya 時間: 2007-12-5 01:25

掃把頭選唔到
点同阿爺交代
兩隊啦啦隊互抽意料中事
不過我信民建聯留一二手
傳统左仔要企一边做啦啦隊
糸我都唔順！

作者: tonywong3838 時間: 2007-12-5 06:50

班左仔收左痾打焗住,富貴黨幫你個咀藐藐

作者: KELIP 時間: 2007-12-5 08:02

提示: 作者被禁止或刪除內容自動屏蔽

作者: 熊魔鬼 時間: 2007-12-5 08:53

<自由黨中人則認為，地區工作一向不是自由黨的強項>

老細黨差在未講到出口,
人地班大老細點同你地民建聯識咁多cheap招冧班師奶同阿婆呀?
更加唔會好似蔡素玉咁帶住班爛鬼去同記者嘈啦.

作者: FXO 時間: 2007-12-5 08:59

佢地真係咁FRIEND?

當年二十三條唔過, 其中一大罪人係邊個? 自由講主席係邊個?

作者: 熊魔鬼 時間: 2007-12-5 09:38

引用:

原帖由 FXO 於 2007-12-5 08:59 發表
佢地真係咁FRIEND?

當年二十三條唔過, 其中一大罪人係邊個? 自由講主席係邊個?

田少當年跣老董,過民建聯一棟,
你估佢地真係當冇件事呀?
但係葉劉為左贏,
都冇辦法唔跪地啦,
宣佈參選之前都要厚住面皮上自由黨叩拜田少,
田少見對方俾自己玩完都仲扮唔嬲,
咁冇理由拒絕對方誠意嘛?
咪"係咁倚"應承幫佢囉.

作者: auriga00 時間: 2007-12-5 09:47

兩黨都只係收北大人柯打先去撐葉太，但如果葉太今次真係選到，雖則兩黨都有功勞，但最大一份梗係歸葉太。兼且從此以後，葉太好大機會成為一統保皇派既話事人，兩黨直達天庭既中間人。

所以有時都唔好話蔡菜子冇料到，可能佢「亨」個記者頭殼呢野係特登架

作者: 熊魔鬼 時間: 2007-12-5 10:30

引用:

原帖由 auriga00 於 2007-12-5 09:47 發表
兩黨都只係收北大人柯打先去撐葉太，但如果葉太今次真係選到，雖則兩黨都有功勞，但最大一份梗係歸葉太。兼且從此以後，葉太好大機會成為一統保皇派既話事人，兩黨直達天庭既中間人。

所以有時都唔好話蔡菜子冇 ...

如果胡溫繼續保住政權,
可以直達天庭既仍然只係曾蔭權一個,
葉劉只會同民建聯一樣,
幫中央班老左做事,
所唔同既係民建聯繼續做佢地既爛頭卒,
永遠做唔到大事,
只係負責喺香港搞小動作既狗奴才,
但葉劉就可能搖身一變成為老左向胡溫爭取處理香港事務既籌碼.

歡迎光臨香港 Xocat Forum 討論區 (http://p.xocat.com/p/)