香港 Xocat Forum 討論區 - Powered by Discuz! Board

標題: 林燕妮寸男人撞車 [打印本頁]

作者: clearman 時間: 2008-1-17 10:15 標題: 林燕妮寸男人撞車

新報 D04 觀點角度
林燕妮2008-01-17

男人撞車比女人多，每天打開報紙，總有變成廢鐵的汽車一輛，司機通常是男性。女性撞車事件比男人少，即使撞，亦罕見那麼嚴重。

男人常常嘲笑女人駕駛技術差，顯然技術高低與撞車無關，而與男人不能輸的天性有關。

男人讓超車扒頭，便馬上心頭火起，怎麼都要跟另一輛車火併。其實超車祇不過勝了十尺而已，快不了二十秒。

無事開快車亦是男人逞英雄的動作，一個不小心便撞死人，撞石躉，撞一輛突然出來的車子，這些意外無日無之。

矛盾的是，那種拼勁不見得在工作上發揮。上班時是大懶蟲一條，事情做不好算數，工作上讓同事超前毫不關心，祇愛在開車時逞英雄，拼得連命都不要了。

坐在車上的朋友可不想死，但是開車的那個卻在戰鬥狀態，你越勸他開慢點，他便越火上加油，再開快一點。那個時候，他不會念及車子裏面的朋友的。

女人少撞車，因為搶着扒頭她沒需要，亦不當被人超車是一回事，根本不會生氣。女人開車，祇為去到目的地，心態跟男人完全不同。何況女人開車通常是接送子女上學和下課，母性即是保護性，她怎會讓孩子們冒險？

安全帶是必定要繫上的，那麼簡單的事，幾乎一上車便順手做了。再不怕死的女人都會繫上，左死右死都不想撞車死吧。

撞死還罷了，最怕是撞成傷殘，沒有了一隻眼睛，沒有了一條腿，沒有了一條胳膊。更駭人的便是變成植物人，累家人一輩子。

如果撞倒途人，令致人家終身傷殘，那是終身難贖的罪過，那有甚麼英雄可言？

作者: WURTH 時間: 2008-1-17 11:13

女士駕車比男士較穩定, 較少出錯, 係事實.
但開車時逞英雄的, 都有d係事業有成.
男人不能輸, 其實對於山羊座男士就係, 好多人男士只係輸唔起.
開快車其實仲可能係基於害怕, 由於害怕駕駛壓力, 所以想盡快完成過程, 所以揸快車係無guts.
仲有, 成日以為揸快車好有型, 其實其他人認為你偷車, 要走佬炸.

作者: mingfai 時間: 2008-1-17 14:21

引用:

原帖由 WURTH 於 2008-1-17 11:13 發表
女士駕車比男士較穩定, 較少出錯, 係事實.
但開車時逞英雄的, 都有d係事業有成.
男人不能輸, 其實對於山羊座男士就係, 好多人男士只係輸唔起.
開快車其實仲可能係基於害怕, 由於害怕駕駛壓力, 所以想盡快完成過 ...

睇你用邊一個角度去睇.......!比著我坐成車人有老有幼..我都唔會撩事鬥非
女士駕車係比較小心係事實....但係路面駕車..唔係一味小心就可以...有時
真係膽大心細.....一係心細..但唔夠膽都係唔得...

我聽過好多師兄講...(只係如是我聞..聽返黎..冇祈視成份)

女人駕車...分兩種..

一.....係唔識渣
一.....係唔識死

作者: WURTH 時間: 2008-1-17 14:51

女人揸車唔係冇弱點, 女人一般距離感較弱. 所以有時可以行唔行, 但係唔行得照行.
但係講長期駕駛, 女士集中力較持久, 男士就冇咁好.
女士忍耐力又比男人好.
如果女人小便可以有男人咁方便, 我估女性更勝任做職業司機.
你聽過師兄講既, 我都明. 因為好多女仔揸下又唔揸, 三五年後又揸翻.
我見好多師姐手車都唔錯. 宜且係揸大車. (巴士, 貨車)
但係又好多師兄明明手車唔得, 又唔認, 仲要同人鬥.
女人就實際好多.

作者: Japan 時間: 2008-1-17 15:32

響依家呢個時代林燕妮會唔會有性別歧視呢

駕駛技術、輸唔輸得同性別唔大關係 lor.......

我識得有 D 女人手野好過好多男人 (火氣都大過男人)

又見過有 D 女人比男人更豪

都見過有 D 男人零氣量 <-------頂級小器鬼

用性別黎寫文章確有趣，睇既人唔係男就係女一定容易有迴響

作者: WURTH 時間: 2008-1-17 15:45

引用:

原帖由 Japan 於 2008-1-17 03:32 PM 發表
響依家呢個時代林燕妮會唔會有性別歧視呢
駕駛技術、輸唔輸得同性別唔大關係 lor.......
我識得有 D 女人手野好過好多男人 (火氣都大過男人)
又見過有 D 女人比男人更豪
都見 ...

如果報章題材, 就有點兒無謂...
但係如果汽車保險, 從性別分析意外率同性別既關係.
咁男女有別, 駕駛習慣真係會唔同.
技術好壞又另作別話.
外國有專針對女性既車保公司架.

[ 本帖最後由 WURTH 於 2008-1-17 15:50 編輯 ]

作者: saltiwet 時間: 2008-1-18 19:42

哈哈, 有保險業人士講過某年某國某保險公司推出女士保金用excess平過男人. 之後女人撞車的case數目急升, 保險公司計過條數冇化算, 做左一年promo就冇左, 仲炒左個推廣經理.

以前好多女人都係用老公名買保險, 出事老公出面. 但如果女人自己買, 有的無的都 claim, 小意外都 claim, 唔會計ncb.

歡迎光臨香港 Xocat Forum 討論區 (http://p.xocat.com/p/)