香港 Xocat Forum 討論區 - Powered by Discuz! Board

標題: 轉貼 : 黎智英惡鬥弱女子 [打印本頁]

作者: 露哂先機 時間: 2008-2-14 10:54 標題: 轉貼 : 黎智英惡鬥弱女子

黎智英惡鬥弱女子 14/02/2008 文：周紹興

中國的國民性有一條是「極端」。一九三三年我這麼寫：「我中華民族雖然常常的自命為愛中庸，行中庸的人民，其實是頗不免於過激的。譬如對於敵人罷，有時是壓服不夠，還要『除惡務盡』，殺掉不夠，還要『食肉寢皮』。但有時候，卻又謙虛到『侵略者要進來，讓他們進來。也許他們會殺了十萬中國人。不要緊，中國人有的是，我們再有人上去』。這真桝人會猜不出是真癡還是假呆。而女人的腳尤其是一個鐵證，不小則已，小則必求其三寸，寧可走不成路，擺擺搖搖。」
香港所謂特別行政區最近冒出了「除惡務盡」、「食肉寢皮」的輿論，黎智英《蘋果日報》頭版大字標題：「高呼捉拿陳冠希」，又發表社論大罵「阿嬌虛偽」。我只想問：陳冠希有罪乎？阿嬌有罪乎？罪大惡極乎？應該捉拿乎？答案只能是香港人的口頭禪，三個字：「得啖笑！」

如果時光倒流回「文化大革命」，青年男女尋歡作樂即使越軌也只是「人民內部矛盾」，還不是「敵我矛盾」。女子若脫得一絲不掛，更說不上「虛偽」，反而襟懷坦蕩，真實無飾。壹傳媒曾派狗仔隊到馬來西亞偷窺偷拍阿嬌更衣，全城怒吼，但特區政府對其放任縱容，也就導致今日「黎智英咒罵小女子阿嬌」的一幕。

始作俑者記仇欲置阿嬌死地
中國人說：「好男不與女鬥。」黎智英鬥阿嬌，是好男麼？俗話說：「君子不記小人仇」，黎智英牢記小女子之仇，是君子麼？而且偷拍事件造成的仇恨並不是阿嬌引發的，恰恰相反，黎智英是始作俑者。是好漢不應與弱女子多計較，黎智英圖謀在這次床照風波中將阿嬌置於死地，這是任何人都看得出來的。我魯迅若寫社論，只會寫美國的希拉妮這個大人物，不會寫阿嬌這個小人物，人有大小，事有輕重。說穿了，也是三個字：「得啖笑！」

《蘋果日報》去年鼓吹做野豬，今年誓言要做老鼠。老實說，我很看不起想做老鼠的人，請看中國成語若干：鼠腹雞腸、鼠肝蟲臂、鼠目寸光、鼠目獐頭、鼠竊狗偷、鼠牙雀角……香港特區長年鼠輩橫行，洋奴漢奸况應外合、藉口民主攪亂社會，然後渾水摸魚、亂中取栗。這回阿嬌在記者會上說了兩分鐘話，本屬言論自由範疇，卻被黎智英一夥大罵「虛偽」。另外，有晚年婦人陳方安生卻被黎智英吹上了天，說是「良知」。

我忽發奇想，若陳方安生和阿嬌進行比賽，你的神聖一票投給誰？若選美，我一定投票給阿嬌，但黎智英卻會投給被他吹捧為有「四萬笑容」的陳太；若選議員，我當然選陳太，因為她的嘴巴比阿嬌發達千倍。我的《狂人日記》最後一句話：「救救孩子！」阿嬌也是孩子，市民都應救她！

作者: 露哂先機 時間: 2008-2-14 11:14

有人成日都好擔心,話阿嬌會教壞細路.......

但到底是誰把事件掛在口邊,日講夜講,大講特講?是事件中人還是廣大網民?

看了那麼多照片,當有新人新相時,又急欲一覽無遺,看完了,又說照片中人賤!
要看是為求真相?捍衛言論自由?
報紙雜誌一屋都係,卻把教育下一代的責任退回給那些相中人?

到底是誰虛偽?

真正教壞細路的是那些給肥佬泥牽著鼻子走,甘心情願把錢奉獻給以出版業為幌子的傳媒毒瘤!

那些在此日夜留言誓要將阿嬌置諸死地的所謂正義網友們,請先想一想你們給傳媒愚弄擺佈時的蠢相,掏腰包買週刊,坐在屏幕前等相片的傻樣!

你們又聰明得過阿嬌的歌迷幾多呢?

作者: kenny01 時間: 2008-2-14 12:05

d網民而家有一個logic就

娛樂圈既人係要打不還手,罵不還口

係邊個要將佢地變成聖人,要守規條呢?

虛偽?? 娛樂圈人已經連食煙都唔比,何為食得鹹魚??條規矩咪又係你地加上去既....
邊個人唔要形象??公開買你有冇曾經叫過雞,有幾多人可以大聲公開答...有呢...

有個低能既仲得意,話我響網上乜都得,因為佢唔係公眾人物...用唔同既尺度自己同人地,你估佢點教佢既下一代

作者: IT人 時間: 2008-2-14 13:41

同意! 虛偽? 是扮清高之士講！

食色性也, 人地私照冇必要公開比人睇 (雖然我好想睇!) 但你偷拍係犯法!

作者: 億萬豪情 時間: 2008-2-14 20:33

引用:

原帖由 露哂先機 於 2008-2-14 03:14 發表
有人成日都好擔心,話阿嬌會教壞細路.......

我依然係果句，細路教得好與唔好，並非藝人、傳媒的責任。

要教好細路，乃父母、老師及學校的責任。

作者: FXO 時間: 2008-2-14 22:57

拍左淫照就有責任好好保管啦, 而家出晒街, 有意好無意好, 唔關佢事呀?

作者: kenny01 時間: 2008-2-15 10:04

有意無意唔同被偷,唔好偷換概念啦

去桑拿放locker唔見左錢,又係自己唔0岩,鬼見你咁唔好彩呀...係咪咁諗法先0岩???

不過見到你,今時今日將個指責轉到去唔小心保管,你既為人都可想而之,都係果句積下口德啦

作者: CAB 時間: 2008-2-15 12:46

舊聞一則：

1月28日

「壹傳媒」集團主席黎智英位於旺角的豪宅外，被歹徒投擲最少兩枚燃燒彈，殃及一棵大樹，警方重案組仍在展開追查（見小圖）...　前晚十時半，屋內一名菲傭發現大樹起火，通知保安用水撲滅，無人受傷。警方聯同消防員到場調查，檢獲兩個沾有易燃液體氣味的膠樽，懷疑有人投擲燃燒彈縱火，但為何要燒大樹則有待調查。

作者: kenny01 時間: 2008-2-15 12:58

我覺得太陰謀化不是一件好事

作者: 好天真同埋好傻 時間: 2008-2-15 13:39

父親是隱君子，把美沙酮，安放於瓶子內，在放在冰箱內，兒子好奇喝光死了，是喝的有罪還是保管的人有罪?(美沙酮不能藏有這的暫不提)

淫照放電腦，錢放LOCKER，毒品放冰箱，三者根本不能比較，沒絕對的對或錯!

作者: kenny01 時間: 2008-2-15 20:01

引用:

原帖由 好天真同埋好傻 於 2008-2-15 13:39 發表
父親是隱君子，把美沙酮，安放於瓶子內，在放在冰箱內，兒子好奇喝光死了，是喝的有罪還是保管的人有罪?(美沙酮不能藏有這的暫不提)

淫照放電腦，錢放LOCKER，毒品放冰箱，三者根本不能比較，沒絕對的對或錯!

問題係來自出發點,法庭定案都係咁,三者當然係可以用來比較的

但記住...頭兩個point都有偷竊成分....你個舉例係無既,所以你個example真係比喻不合...想想吧

作者: FXO 時間: 2008-2-16 16:39

引用:

原帖由 kenny01 於 2008-2-15 10:04 發表
有意無意唔同被偷,唔好偷換概念啦

去桑拿放locker唔見左錢,又係自己唔0岩,鬼見你咁唔好彩呀...係咪咁諗法先0岩???

不過見到你,今時今日將個指責轉到去唔小心保管,你既為人都可想而之,都係果句積下口德啦

拍左淫照唔小心保管外洩左, 佢原來無責任既, 高見! 有朝一日你屋企的大人唔小心保管的葯物, 俾的細路食左哀哉烏呼, 記住的大人都係無責任架.

至於講到積陰德, 你最好就叫大版主摺埋呢個網, 重有, 你都唔見得好積陰德丫. 講兩句好話叫積陰德呀?

作者: kenny01 時間: 2008-2-16 19:49

都係果句啦....多謝對號入座

我諗d細路仔一做錯野,就會話,而家你好好咩,你好乜乜呀咁...
可能就因為有咁既大人,就有咁既新一代

至於果個例子,都講左啦,睇動機,另外最重要既係當中有犯罪行為(偷竊),所以唔可以比喻....

作者: FXO 時間: 2008-2-17 07:57

引用:

原帖由 kenny01 於 2008-2-16 19:49 發表
都係果句啦....多謝對號入座

我諗d細路仔一做錯野,就會話,而家你好好咩,你好乜乜呀咁...
可能就因為有咁既大人,就有咁既新一代

至於果個例子,都講左啦,睇動機,另外最重要既係當中有犯罪行為(偷竊),所以唔可 ...

犯罪行為係人地既, 無盡責保管係佢自己既, 咁都要混而一談, 可見閣下決心護短, 高見高見.

至於是否對號入座, 都唔使你多謝, 唔入座既又未必好得去邊. 彼此彼此啦.

作者: kenny01 時間: 2008-2-17 12:48

而家係因為犯罪而保管唔到喎....什麼護短???

真係要罵就乜都講得出...

作者: 流料 時間: 2008-2-17 22:20

引用:

原帖由 CAB 於 2008-2-15 12:46 發表
舊聞一則：

1月28日

「壹傳媒」集團主席黎智英位於旺角的豪宅外，被歹徒投擲最少兩枚燃燒彈，殃及一棵大樹，警方重案組仍在展開追查（見小圖）...　前晚十時半，屋內一名菲傭發現大樹起火，通知保安用水撲滅 ...

呢次件淫照事件令我諗起 [新鐵金剛之明日帝國]

歡迎光臨香港 Xocat Forum 討論區 (http://p.xocat.com/p/)