香港 Xocat Forum 討論區 - Powered by Discuz! Board

標題: 從盜照門事件看中國人文化 [打印本頁]

作者: 露哂先機 時間: 2008-2-14 14:42 標題: 從盜照門事件看中國人文化

有人問點解咁多人都傾向於指責相中人,只有少數會同情他們?
理由可以好複雜,關係到幾千年的中國醬缸文化,講天光都未講完,市面有好多講分析中國人性格文化的書,睇過一兩本就明!

好簡單咁講,就係因為中國人一向對性的禁忌,以及另一特質是很多事都可以做,但不可以講比人知!
中國人要面子,舉世聞名!情願自己響屋企捱餓,但係擺酒請客送禮回禮就一定唔可以寒酸!

試細味以下幾句中國人常掛在口邊的話,當能明白箇中一二 :
[萬惡淫為首],[寧被人知,莫被人見],[家醜不出外傳],[被人知道我以後仲有面既?][你咁做唔止失禮你自己,仲失禮埋我,失禮哂所有中國人!]

即使中國經濟如何發達,人民如何富起來,但是仍不能擺脫五千年來封建帝制底下的文化烙印!

我們都仍然停留在封建農村社會的集體道德審判制,一個村民做了一些有違其他村民觀念的事,誓必要全村抵制直至該人消失為止!
現在大家在公審相中人時,不就是火舞黃沙式的點天燈嗎?

呢個討論區就有村民問停風會點諗?應該點樣處理事件?
好多人都回應 : [梗係休左百之佢啦,男人最忌戴綠帽!].....[個仔都唔知係唔係佢添呀!該煨囉!]

村夫村婦,數千年來的話題口氣有改變過嗎?

只要事件中人一日還在生,大家都仍然會繼續鞭撻他們,除非他們作古,那時侯才會因為另一塊更大的中國人道德牌匾 [死者異矣]的出現,人們才會作罷!
他們要面對的是比法律制裁更可怕的龐大村民集團組成的理事會的長期鬥爭!

作者: ericwong4362 時間: 2008-2-14 14:45

道理太深奥，唔识点答你…不如你讲先啦！

作者: 屎太濃 時間: 2008-2-14 15:01

提示: 作者被禁止或刪除內容自動屏蔽

作者: 露哂先機 時間: 2008-2-14 17:06

引用:

原帖由 屎太濃 於 2008-2-14 15:01 發表

呢幾句其實冇咩! 中國人常掛在口邊的話,你知我知! 但法國人, 意大利人, 德國人, 西班牙人..........常掛在口邊的話, 大家又知唔知! 我就唔知!

說中國人要面的民族, 難道外國人都是不要面的???

中國人要面的具體表現是不論背後實情如何,都不可以在人前說出來或表現得令人看不起!

只舉一例,稍作概論 : 例如外國人很少會充大頭鬼,更不會怕忌諱直認自己無錢,甚至主動認窮,排隊等拿救濟!
中國人則寧願餓死,都不想被人笑死!

中國人,無論家裡多窮,都不會在人前認窮,縱使人人心裡其實都知誰家境差,但出席公開場合,不能寒酸,你常見到中國人爭埋單,但很少見過有外國人這樣做.
中國人喜歡爭埋單不是因為喜歡鬥豪氣,是因為每個人都怕不爭的話會被人瞧不起,會被別人講閒話,說他沒錢,說他窮,說他寒酸沒家教!

中國人很多禮數都不是發自於推己及人的同理心,而是基於怕被人看扁,怕被人講閒話的自保原則!
同坐一架公車,中國人會在親戚朋友面前表現得相當謙讓,你讓給我坐,我讓給你坐,但在陌生人前卻例必拼過你死我活,原因是甚麼?
因為不讓座給自己認識的人,就有機會被人講你自私,但陌生人間互不相識,真面目就不怕拿出來給人看了!

正因如此,所以我覺得在盜照門事件中,網民們最不應該罵的就是罵阿嬌虛偽!
論虛偽,論要面子,中國人堪稱世界第一!

同樣的事發生在你身上,你敢公開對人講我就是那個相中人嗎?
在全民講面子的社會中,這樣做等於是自絕後路,永無翻身之日,你會嗎?

[ 本帖最後由露哂先機於 2008-2-14 17:15 編輯 ]

作者: maezono 時間: 2008-2-14 17:52

你好似阿嬌d粉絲

作者: fatyin168 時間: 2008-2-14 18:04

引用:

原帖由 maezono 於 2008-2-14 09:52 發表
你好似阿嬌d粉絲

佢係阿嬌d外國粉絲

絕非中國人,唔係嘅話,又點會講則到中國人咁差！

作者: Rubber 時間: 2008-2-14 18:20

有很多人係不滿佢地明知o的相係真,
去報假案,
累及鍾亦天被囚二個月..
真係有幾多人話柏芝, bobo.. 同其他女仕 ?

中國文化講身教, 君子不欺暗室, 唔好斷章取義, 是但咁就賴落中國文化.

作者: burgundybabies 時間: 2008-2-14 18:31

引用:

原帖由 露哂先機 於 2008-2-14 14:42 發表
好簡單咁講,就係因為中國人一向對性的禁忌,以及另一特質是很多事都可以做,但不可以講比人知!
中國人要面子,舉世聞名!情願自己響屋企捱餓,但係擺酒請客送禮回禮就一定唔可以寒酸!

我覺得問題唔係咁簡單。

Paris 的祖父，聞說最近都因為Paris太放浪，而決定將大部份身家捐至家族名下的基金。

我覺得，哩件事唔係咁表面。亦唔單止中國人民族性云云....

作者: burgundybabies 時間: 2008-2-14 18:45

引用:

原帖由 露哂先機 於 2008-2-14 14:42 發表
呢個討論區就有村民問停風會點諗?應該點樣處理事件?
好多人都回應 : [梗係休左百之佢啦,男人最忌戴綠帽!].....[個仔都唔知係唔係佢添呀!該煨囉!]

關於哩一點，其實可以參考簫若元所引的演化心理學觀點，有哩種疑問/見解/關注，係十分正常的。並非單在中國人社會才有的問題。

作者: 露哂先機 時間: 2008-2-14 19:01

引用:

原帖由 maezono 於 2008-2-14 17:52 發表
你好似阿嬌d粉絲

嘩!乜咁睇得起我?

唔係好似,直頭唔係!

同埋如果佢的粉絲真係呢度d人講到咁低能,無知的十三四靚妹,要你地搖先醒,又點會響到同你講咁多道理?

引用:

佢係阿嬌d外國粉絲絕非中國人,唔係嘅話,又點會講則到中國人咁差！

我無貶低中國人,只是形容中國人要面子呢種特質之下的社會點解會特別嚴以律人,寬以律己,另外,在這種社會下犯眾怒,尤其是與性禁忌有關,真係無乜可能翻到身!性禁忌例如女子張開雙腿拍照,即使當時只是對著一個人做,仍然不可能為人認同!

作者: 八皇爺 時間: 2008-2-15 00:27

光明頂經常講中國大陸係未開化的小農社會，睇見香港網民也有點類似，發覺村中有一女子淫蕩不守婦道，好象令全村的人丟臉，馬上群起圍攻，要將其趕盡殺絕，就好象非要將女子拉出來遊街浸豬籠不可，你想想今時今日國際大都會香港出現這樣的事係唔係好荒謬。

[ 本帖最後由八皇爺於 2008-2-14 16:30 編輯 ]

作者: saltiwet 時間: 2008-2-15 04:20

我完全唔覺得佢地有嘜丟臉, 只係佢地以後要走的路要改變而已. 假如發現予老曾的性愛圖片在internet 上流傳, 你估佢會唔會繼續做特首 ?

閒言閒語呢家野唔單止中國人會咁做, 如果發生在外國, 一樣會有類似的後果, 不同的是, 佢地冇咁出位的執法部門, 同埋佢地政府唔會亂黎干預, 因為他們政府做了愚蠢的事, 就會比opposition parties 有機可乘, 傳媒也會咬著不放.

可惜是香港opposition parties 的質數太弱, 有機會亦唔會把握.

作者: huangjielin 時間: 2008-2-15 06:24

奴性十足,,我地有我地既文化,,点解一定要用西方做标准?

作者: kenny01 時間: 2008-2-15 13:50

引用:

原帖由 huangjielin 於 2008-2-15 06:24 發表
奴性十足,,我地有我地既文化,,点解一定要用西方做标准?

你呢句說話....就等於你承認中國人只有小農文代...

唔好一見到到西方兩個字就起曬"肘"先得架

作者: 露哂先機 時間: 2008-2-15 15:38

為免又被人扣上洋奴或漢奸等無厘頭帽子,讓我再說清楚一些 :

性禁忌,中外皆有,差別在於程度上的不同!
美國人對性愛的禁忌,尤其是住在遠離大城市的州份的美國人,比歐洲人要保守很多很多!

但在盜照門事件上,從對女受害者的攻擊中明顯看到;的確有一些只有中國才獨有的道德觀念 :

1. 重男輕女
2. 房事只能做不能講,更不能給人知給人見!即使是夫婦行房敦倫,仍然要避忌
3. 一旦有人試圖超越這些既知固有避忌,定必會被揪出來鞭撻至體無完膚,永不超生!

作者: 露哂先機 時間: 2008-2-15 15:46

以上觀念,由來已久,不能以一兩句說話定其對錯!
我個人只能說,在以前資訊不發達,凡事只靠口耳相傳的時代,在人口密集而分族聚居的中國......個人名聲直接影響到家族聲譽,所以名聲甚至比性命更重要!
在以前,分族聚居的鄉鎮裡,能讀書寫字的十分少,有事發生時,找遠方的衙門定斷是十分困難,所以由村長及德高望重的長老去定斷是比較合理的做法!

而所謂德高望重,通常是指年紀老邁,而一生克己恪守,不敢越雷池半步,要他們去判斷新一代所犯的事,則一定不能輕易饒恕!

除了因為要保護家族利益外,最重要是因為父老們守了一生規則,如果輕易把違規者放過,那代表自己守了一生的規矩是白守了!

[ 本帖最後由露哂先機於 2008-2-15 17:06 編輯 ]

作者: burgundybabies 時間: 2008-2-15 15:47

引用:

原帖由 露哂先機 於 2008-2-15 15:38 發表
2. 房事只能做不能講,更不能給人知給人見!即使是夫婦行房敦倫,仍然要避忌

強烈建議參考以下連結

http://202.67.151.86/radio/Shiu/20080131/20080131a.mp3

http://202.67.151.86/radio/Shiu/20080131/20080131b.mp3

作者: 飛毛腿 時間: 2008-2-15 17:40

引用:

原帖由 Rubber 於 2008-2-14 18:20 發表

中國文化講身教, 君子不欺暗室, 唔好斷章取義, 是但咁就賴落中國文化.

呢句野好熟口面 .....

小弟先排好似......

作者: 毛球 時間: 2008-2-15 17:47

引用:

原帖由 露哂先機 於 2008-2-15 03:38 PM 發表
但在盜照門事件上,從對女受害者的攻擊中明顯看到;的確有一些只有中國才獨有的道德觀念 :

1. 重男輕女
2. 房事只能做不能講,更不能給人知給人見!即使是夫婦行房敦倫,仍然要避忌
3. 一旦有人試圖超越這些既知固有避忌,定必會被揪出來鞭撻至體無完膚,永不超生!

真係冇野搵野黎講, 砌得就砌.

作者: 飛毛腿 時間: 2008-2-15 18:04 標題: 回復 #1 露哂先機的帖子

高論 !

不過
保守同所謂 " 五千年來封建帝制底下的文化烙印 " 唔知有咩直接關係 ?
歐洲何嘗唔係封建帝制
到今日西班牙, 大英帝國, 瑞典, 比利時......都仲有皇帝
反而中國就冇皇帝

講到保守
如果呢壇野發生响中東 , 回教國家
怕者阿陳仔, 阿轎, 拍之...通通命仔不保

至於話 " 中國獨有的道德觀念
1. 重男輕女 -唔好講話回教國家,
就講日本, 韓國, 印度呢 d 亞洲國家都比中國尤甚

2. 房事只能做不能講,更不能給人知給人見!即使是夫婦行房敦倫,仍然要避忌
我唔知邊度咁開放房事可以 " 給人知給人見 "

而夫婦行房敦倫可以 anytime, any place, 百無禁忌 ?

與其話咩文化烙印
不如話兩岸三地中國佬劣根性 -
口是心非, 喜歡進佔道德高地去滿口仁義道德

作者: 露哂先機 時間: 2008-2-15 18:05

講道理冗長累贅,不如講故事 :

某女藝人前陣子在更衣室失竊,被盜去了少量金錢及貴重物品,而個賊原來係個記者.....

事件發生後,女藝人得到很多藝人支持,開左個記招,聲討賊仔,其間聲淚俱下,狀甚可憐......

一段時間後,某男藝人的私照被盜外洩,內裡原來正巧有該女藝人的相片,相中女藝人全部是有關她瘋狂花錢的照片,包括很醜樣的食相,更有拍下購物時的猴急樣子,更翻開部分戰利品例如手袋皮包的底部,更捧著珠寶首飾狂吻!

照片出現後,網民紛紛嘩然,說女藝人真面目被揭穿,其中最主要的指控是 :
1. 當日唔見少少錢就扮哂可憐無辜,今日終於証明佢其實大把錢,根本不是如她平時所說的守財奴!
2. 教壞細路 : 身為年青人心中的偶像,私生活不檢點,令細路有樣學樣!

故事說完

作者: 毛球 時間: 2008-2-15 18:13

引用:

原帖由 露哂先機 於 2008-2-15 06:05 PM 發表
講道理冗長累贅,不如講故事 :

某女藝人前陣子在更衣室失竊,被盜去了少量金錢及貴重物品,而個賊原來係個記者.....

事件發生後,女藝人得到很多藝人支持,開左個記招,聲討賊仔,其間聲淚俱下,狀甚可憐......

一段時間後,某男藝人的私照被盜外洩,內裡原來正巧有該女藝人的相片,相中女藝人全部是有關她瘋狂花錢的照片,包括很醜樣的食相,更有拍下購物時的猴急樣子,更翻開部分戰利品例如手袋皮包的底部,更捧著珠寶首飾狂吻!

照片出現後,網民紛紛嘩然,說女藝人真面目被揭穿,其中最主要的指控是 :
1. 當日唔見少少錢就扮哂可憐無辜,今日終於証明佢其實大把錢,根本不是如她平時所說的守財奴!
2. 教壞細路 : 身為年青人心中的偶像,私生活不檢點,令細路有樣學樣!

砌得好差.

作者: 露哂先機 時間: 2008-2-15 18:13

我講呢個故事的目的, 正是想說,成件事如果沒有"性愛"這個原素,根本就是雞毛蒜皮,不徝一提!

平時說自己很節儉不亂花錢,但真相她是個大花筒,奢侈揮霍!
相信唔會有人因為咁而話佢賤,唔會有人話佢前後表現不一係虛偽,更無可能會教壞細路!

盜照門事件,之所以受最多數人攻擊的既不是偷相賊,更不是食女如食菜的男藝人,而偏偏是女受害者,為甚麼?

是因為 "性" 這個字!

千百年來,中國人仍然認為女人最大的罪行不是"偷呃拐騙,而是"不守婦道"

在男尊女卑,視性為禁忌的中國人眼中 :

男人表示他享受性愛最多可以說他是自大口臭,
但女人說喜歡做愛,或在相片中表照得很享受性愛,就是淫蕩!是賤格!

而其他男女攻擊她的最深層的心理原因 :
是因為如果說她無錯,則平時心目中所信奉的道德教條便全盤崩潰,那即代表平時自己的壓抑是何等愚笨多餘!

在以前的農村,姦夫可能有機會不用死而減刑為放逐,但淫婦則一定要死,因為淫婦一日存在,戴綠帽的男人就一日都會給人恥笑!

淫婦的存在更是對所有同村婦女的最大威脅,尤其那些守著貞節牌坊幾十年的老女人,更痛恨不已,因為淫婦其實是做了她們心底最想做但又不敢做的性解放,自己老了,再沒機會做,所以一定要除去這粒用行動來反諷自己的淫婦眼中釘!

作者: 飛毛腿 時間: 2008-2-15 18:21

引用:

原帖由 露哂先機 於 2008-2-15 18:13 發表
我講呢個故事的目的, 正是想說,成件事如果沒有"性愛"這個原素,根本就是雞毛蒜皮,不徝一提!

...

我認為成件事如果主角係阿炳門同好姨....
或者係路人甲同 OL 乙性愛慾照
報紙佬, 網民, 學者, 口水佬....啋你都傻

作者: 露哂先機 時間: 2008-2-15 18:40

引用:

原帖由 飛毛腿 於 2008-2-15 18:21 發表

我認為成件事如果主角係阿炳門同好姨....
或者係路人甲同 OL 乙性愛慾照
報紙佬, 網民, 學者, 口水佬....啋你都傻

名氣一定是重點!正因公眾對藝人有各種預設先會有咁多話題!

但我還是想問 :

為什麼被拍的女性會受鞭撻過事件中的男性?

同埋,究竟鍾小姐衰咩呢?點解係虛偽?

為什麼公眾對玉女/女歌手/女藝人的要求會那麼高?

點解咁多假道德佬日日在追看淫照,不說自己淫,但卻將把道德尺定得仲嚴過明光社的閹患,要把女藝人打落十八層地獄?

最奇的是,呢班對女性的裸體評頭品足,但卻反過來罵人是淫婦的假道德佬,竟然會說替藝人辯護的人是扮有道德?

誰在一邊低俗地看淫相,一邊卻扮有道德地對相中女人說三道四?

作者: Rubber 時間: 2008-2-15 19:13

十字軍東征時代發明貞操帶, 部份非洲同阿拉伯人將少女奄刀割, 都係將女性當附屬品嘅不文明表現.
同中國人無得比 o者.
咁父權社會要進步, 達致兩性平等, 我地就要經常自我反省行為.

男性女性都係一樣, 問題係阿嬌講一套做一套呀嗎.
都話知果唔係講一套, 做一套, 都唔會有人插佢, ( 插佢係提緊佢唔好講一套做一套而已 )

作者: kenny01 時間: 2008-2-15 19:45

引用:

原帖由 Rubber 於 2008-2-15 19:13 發表
十字軍東征時代發明貞操帶, 部份非洲同阿拉伯人將少女奄刀割, 都係將女性當附屬品嘅不文明表現.
同中國人無得比 o者.
咁父權社會要進步, 達致兩性平等, 我地就要經常自我反省行為.

男性女性都係一樣 ...

你係一個講道理既人,可惜唔係個個都係咁
所以果位露先,我諗好難剩係到你

睇左兩日post,我諗你既意思係....同男朋友口交可以,拍照就不可以
還是純情就不能和男友造愛? 或者係既然同男朋友咁都拍得,比其他人偷拍就唔應該咁大反應呢??

希望妳唔係因為曾經喜歡呢位藝人而有咁既反應啦?

有句老土話,睇到人地眼入面條針,其實見唔見到自己眼入面條柱呢

我用左幾次呢個比喻,一個男人公開比人問, 有冇曾經叫個雞...有幾多會答..."有"呢?

我個人體驗就係...我份人比朋友既感覺出名係直,有乜講乜,但係我都覺得自己響工作上面都有"假"既地方,好聽就係適者生存,唔好聽就係虛偽,我相信99%以上打工仔都係咁....咁又何苦要娛樂圈中人做聖人呢

當然,如果再有相影到佢係同一個上左年紀既人,又或者幾p既話,咁呢d指責就合理得多,男女朋友兩個人響房做乜野,其實點可以用淫..賤...變態..來形容呢,用呢角度既野既人...可以想像佢對佢自己既女人睇法係乜野.....

作者: 八皇爺 時間: 2008-2-16 00:39

引用:

原帖由 Rubber 於 2008-2-15 11:13 發表
男性女性都係一樣, 問題係阿嬌講一套做一套呀嗎.
都話知果唔係講一套, 做一套, 都唔會有人插佢, ( 插佢係提緊佢唔好講一套做一套而已 )

玉女形象是阿嬌的搵食工具，公司要求她扮玉女，除非你唔做，要做就算是蕩婦都要扮處女啦！你感覺受騙，那是她的演技好，或者是你笨。

作者: 露哂先機 時間: 2008-2-16 01:15

引用:

原帖由 八皇爺 於 2008-2-16 00:39 發表

玉女形象是阿嬌的搵食工具，公司要求她扮玉女，除非你唔做，要做就算是蕩婦都要扮處女啦！你感覺受騙，那是她的演技好，或者是你笨。

唔好意思,我個人認為阿嬌演技不算好........感覺受騙或者係其他原因

作者: Rubber 時間: 2008-2-16 01:50

引用:

原帖由 kenny01 於 2008-2-15 19:45 發表

你係一個講道理既人,可惜唔係個個都係咁
所以果位露先,我諗好難剩係到你

睇左兩日post,我諗你既意思係....同男朋友口交可以,拍照就不可以
還是純情就不能和男友造愛? 或者係既然同男朋友咁都拍得,比其 ...

我係想講,影都無問題.
但係
1. 唔小心保管, 引致有人受傷害, 係大問題.
2. 一出嚟就話係合成, 去高調報假案, 累及他人, 係問題
3. 重喺度撐, 唔正經地承認, 仄仄膊,我就唔順

所以我係很同情鍾亦天, 有些小同情柏芝, bobo 等人, 係唔認同冠希同阿嬌嘅做法之嗎..

作者: kathywonder 時間: 2008-2-16 10:35

引用:

原帖由 露哂先機 於 2008-2-14 14:42 發表
有人問點解咁多人都傾向於指責相中人,只有少數會同情他們?
理由可以好複雜,關係到幾千年的中國醬缸文化,講天光都未講完,市面有好多講分析中國人性格文化的書,睇過一兩本就明!

好簡單咁講,就係因為中國人一向對 ...

作者: kathywonder 時間: 2008-2-16 10:44

引用:

原帖由 huangjielin 於 2008-2-15 06:24 發表
奴性十足,,我地有我地既文化,,点解一定要用西方做标准?

首推奴性思想第一的, 非日本人莫屬; 從中國隋朝時期有"遣隋使"來中國學習; 至明治維新學習西方, 到現在 step behind 美國文化, "奴性"這個形容詞可能有點 Insult, but 西方真的有他們可以達及的標準, 所以..., 有何不妥呢!!

作者: 飛毛腿 時間: 2008-2-16 17:10

引用:

原帖由 露哂先機 於 2008-2-15 18:40 發表

名氣一定是重點!正因公眾對藝人有各種預設先會有咁多話題!

但我還是想問 :
為什麼被拍的女性會受鞭撻過事件中的男性?

同埋,究竟鍾小姐衰咩呢?點解係虛偽?

為什麼公眾對玉女/女歌手/女藝人的要求會 ...

據近日各傳霉評論態度
被針對得最勁係 " 鍾小姐" 一位

我又唔多覺有人針對張小姐, BOBO....

>>>究竟鍾小姐衰咩呢 ?
最致命傷係害到肥佬黎本雜誌一本大便受公眾強力鞭撻而收皮

最 "慶" 係當日記者招待會佢喊苦喊忽
扮晒純情玉女遭文化淫媒強暴咁款
此仇不報非君子

作者: Rubber 時間: 2008-2-16 17:59

引用:

原帖由 飛毛腿 於 2008-2-16 17:10 發表

據近日各傳霉評論態度
被針對得最勁係 " 鍾小姐" 一位
我又唔多覺有人針對張小姐, BOBO....

>>>究竟鍾小姐衰咩呢 ?
最致命傷係害到肥佬黎本雜誌一本大便受公眾強力鞭撻而收 ...

阿嬌被針對同成龍話者李+X 都係咁上下原因.. 虛偽.

作者: peninsula 時間: 2008-2-16 18:22

引用:

原帖由 Rubber 於 2008-2-16 17:59 發表
阿嬌被針對同成龍話者李+X 都係咁上下原因.. 虛偽.

Many stars are!

作者: 飛毛腿 時間: 2008-2-16 20:26

引用:

原帖由 Rubber 於 2008-2-16 17:59 發表

阿嬌被針對同成龍話者李+X 都係咁上下原因.. 虛偽.

我真係唔知道原來 " 虛偽 " 係罪

要全港最有良心最熱愛民主大報用社論去鞭笞一個 "虛偽 " 偽人

作者: 飛鳥 時間: 2008-2-16 21:12

希望泛民主派盡快推動就『虛偽罪』立法，犯『虛偽罪』者最高判入獄八週。

作者: Rubber 時間: 2008-2-16 22:14

引用:

原帖由 飛毛腿 於 2008-2-16 20:26 發表

我真係唔知道原來 " 虛偽 " 係罪
要全港最有良心最熱愛民主大報用社論去鞭笞一個 "虛偽 " 偽人

虛偽唔o係罪, 所以無得贖罪, 祇有不斷做好事, 祈望別人改觀或者要不斷被人笑.

歡迎光臨香港 Xocat Forum 討論區 (http://p.xocat.com/p/)