香港 Xocat Forum 討論區 - Powered by Discuz! Board

標題: 奪帥 [打印本頁]

作者: 8366 時間: 2008-2-25 05:47 標題: 奪帥

演員：洪金寶、任達華、李修賢、吳京、恬妞
導演：羅守耀
上映日期︰2008-02-28
「忠信義」頭目連浩龍(洪金寶飾)事業如日中天，手下猛將如雲：其妻SOSO(恬妞飾)、其弟連浩東(任達華飾)、阿發(張兆輝飾)、天虹(吳京飾)、阿污(盧惠光飾)、阿亨(向佐飾)個個忠心為主，行事果斷，心狠手辣。因此「忠信義」的實力在香港黑幫中獨領群雄。
在凶險黑社會世界裏，爾虞我詐、弱肉強食。江湖因怨每每以血腥暴力解決。一次三億元毒品交易卻被反黑組廖sir(李修賢飾)搗破，其後「忠信義」的幕後老闆四叔(許紹雄飾)又被綁架。至使「忠信義」元氣大傷。
「忠信義」接連發生事件，龍、SOSO、東走頭無路，發動大規模的反擊行動，以血還血，結果錯路一走再走，「忠信義」終於走上絕路。是籠裏雞作反？是敵人奸計得逞？又或是警方的天羅地網？「忠信義」在一幕幕腥風血雨的大戰之下，正一步一步走向違抗天命的絕路…

《奪帥》官方網站
[url]http://www.fatalmove.com/[/url
預告片
[youtube]5qx-udtUXoI[/youtube]

作者: runaway 時間: 2008-2-25 21:29

三個字...舊,舊,舊....出碟都唔會睇

作者: 賴依芙 時間: 2008-2-26 15:05

引用:

原帖由 runaway 於 2008-2-25 21:29 發表
三個字...舊,舊,舊....出碟都唔會睇

是嗎?

好似唔錯喎!

作者: ktwu2005 時間: 2008-2-26 23:22

今日, 睇東張, 原來三級片的原因,
係(姚)美琪露點.
唉! 比我係導演, 我會想恬妞露囉!

作者: runaway 時間: 2008-2-27 12:01

下!唔錯,請問有冇睇過條預告片?故事內容乜都唔講,就係不停開槍同打...20年前就可以呃到人,今時今日一睇就知乜野貨式, 當然如果閣下真心喜愛[黑拳].我亦冇你辦法...

作者: kenny01 時間: 2008-2-27 15:19

引用:

原帖由 runaway 於 2008-2-27 12:01 發表
下!唔錯,請問有冇睇過條預告片?故事內容乜都唔講,就係不停開槍同打...20年前就可以呃到人,今時今日一睇就知乜野貨式, 當然如果閣下真心喜愛.我亦冇你辦法...

呢位師兄好似一聽到羅守耀個名就非常唔喜歡喎,我就唔知電影圈內幕既,個人覺得呢個有錢佬係真心喜愛電影,因為佢響呢個巿道仲肯投資電影...

係咪純掛名我唔知,不過我覺得要公平地以一個新導演咁睇佢0羅

作者: bondwell2003 時間: 2008-2-27 17:56

thank very much

作者: runaway 時間: 2008-2-27 22:31

對於kenny版主既睇法,如果唔回應就好似好唔禮貌, 所以於此講多兩句對羅大導既睇法...

首先...請問有冇睇過羅大導既作品先?我親身入場睇完了[戀爰初歌]同[黑拳]...觀後感係非常非常唔識欣賞. 在於唔想再浪費時間再講d兩部戲.我覺得佢有冇錢同有冇才華係兩回事...人地一部[神探]收我比60大元入場睇完我心甘命抵,而家要我又比60大元入戲院,睇個有錢佬打飛機,點解先?有錢投資又如何?都係滿足自已既私慾...戲有時唔好睇係因為一d外來因素,有時係唔夠錢, 演員期唔夠又或者係題材本身係小眾品味...etc, 羅大導既戲一向走商業路線,話佢既冇錢拍,好似睇少人, 起碼佢比左成億章小蕙炒樓, 人地輸晒都痛事. 佢既戲難睇我本人覺得係佢既個人一手搞成,全套戲係佢一個人自編自導仲有搞埋宣傳...所有一切[功]都係歸佢一個人.

今次[奪帥]單睇預告去話人地唔好,好似好唔公平,不過羅大導[佳作]在前,加上小弟睇戲30年,聞到陣味心中有數...

我職業關係成日都要睇戲,新導演係特別留意,近期對黃修平既[魔術男]有一定既喜愛,畢國智既[戰豉]同佢舊作[海南雞飯]既覺得十分不俗.就算本人對彭浩翔個人有成見,但對佢既作品捧場之餘亦十分欣賞. 但羅大導....唉, 你若果係真心鍾意睇佢既戲亦冇你辦法...呢個唔係偏唔偏見既問題...

作者: kenny01 時間: 2008-2-29 14:09

大家討論唔使講得咪版主既,(更何況我唔係呢版既版主)...
更加唔使有火藥味,因為最起碼大家都係喜歡看戲之人!!

戀愛初歌同埋黑拳我都有睇,當然唔算一套好戲,(尤其前者)
但作為一個新導演,我都覺得收貨,
(我都有睇魔術男,不過唔響戲院睇...睇dvd未到半個鐘定左...)

從runaway之前的文章,我覺得你比較偏愛學院派出身既導演多點
會唔會係你覺得有理想既電影人,就唔應該拍商業片呢

作者: bbtbb 時間: 2008-3-1 00:52

睇見兩位討論得咁"興高采烈", 我都有d忍唔住

觀乎兩位都有入場睇"魔術男", 就知道大家都唔只支持"香港電影", 直頭係熱愛, 不過我想講0下一d感想

唉.....小弟都曾經係一個影癡, 一天睇兩場或三場既日子都出現過, 不是工作關係, 又不只是為娛樂, 是興趣, 觀影這麼多年, 心目中最愛依然是"香港電影", 有一段時間亦非常不滿, 批評香港電影差的人, 說什麼荷里活大製作, Come on B級片當係寶, 不過你當電影是娛樂, 我也沒話好說.......(有興趣可另作討論)

"香港電影"近十年正正式式可說少之又少, 香港電影點解咁吸引我地, 兩位師兄, 可以分享或交流0下嗎?

作者: runaway 時間: 2008-3-2 01:08

唔好意思,唔好意思...因為近日雜務多,而回應兩位brother既說話都要細心思考...所以希望明晚有比較到肉既回應....

作者: icac 時間: 2008-3-3 13:25

黑拳

我有睇,個人覺得不錯wor

作者: kenny01 時間: 2008-3-3 14:57

引用:

原帖由 bbtbb 於 2008-3-1 00:52 發表
睇見兩位討論得咁"興高采烈", 我都有d忍唔住

⑼N男", 就知道大家都唔只支持"香港電影", 直頭係熱愛, 不過我想講0下一d感想

唉.....小弟都曾經係一個影癡, 一天睇兩場或三場既日子 ...

以前港產片全盛時代
金公主院線有新藝成,嘉禾有成龍洪金寶,邵氏有錢後期德寶亦有洗杞然等一班幕後人材,重加上南洋線上中國或二線戲

每個院線老細都係有心有錢咁投資,當然有保証,好似細過每逢大節旺角麗聲戲院都係大大個招牌上新藝城既戲,無一套大家唔係睇完開開心心咁返屋企既

我覺得係有三個問題(不提而家娛樂多左,因為唔係電影本身問題)

1. 地產價格飛漲,戲院既空間,就算坐滿都唔及放租,所以紛紛轉到樓上(好似商場頂樓),人少睇戲,果種感染力真係差好遠,無得同屋企睇dvd相比,大戲院睇戲真係笑片更好笑片,悲劇更悲哀架

2.最重要個原因都係錢...以前院線連發行一條龍,拍左戲回到本,而家拍一套蝕一套,誰願意做老闆

3.教育高左,扮野既人亦多左,睇xxx搞大左笑係高級,張家輝搞鬼就係低級...純娛樂既導演亦減少,偏偏最容易吸引人就係呢類戲..以下有兩個舉例

a.睇日睇三岔口,戲想唔錯喇呱,但係唔係傳統既drema,有一代既電影人寫劇本(呢個係金像編劇)既通病,唔再用起承轉合,改用主角心態,呢套劇變左一班主角個人經歷,高潮低潮位不清,小說就好睇,電影就有問題,如果係一套半套都無所謂,但大部份大片都係就......

b.發展到而家,連觀眾真係有被騙既感覺,好似今年聖誔上既破事兒,呢類戲唔係話唔好,但係唔係大節頭輪大片,只係小眾戲,上百老匯電影中心可能更有好評,而家聖誕上,連過年過節先睇戲既觀眾都趕走埋,重比人覺得呃錢添.....港片點會唔大鑊

p.s. 諗住聽日睇套師,睇完再講

作者: tigerpaul 時間: 2008-3-4 10:23

好期待.

作者: hkman713 時間: 2008-3-5 18:24

套戲只係一般黑社會爭地盤你劈我，我劈你橋段，無新意。

男人只負責打打殺殺，無其他野做；起初以為李修賢會有D睇頭，點知係「大大喱啡」。

女角方面，恬妞做得幾搶鏡，幾好戲。邵美琪所謂暴露其實只係噱頭，不值一提。

總的來說，如果喜歡純官能刺激會接受多D，因為套戲已經無其他野。

作者: 阿寶 時間: 2008-3-7 22:42

有以前果套"殺破狼"既影子

作者: bbtbb 時間: 2008-3-9 01:06 標題: 回復 #13 kenny01 的帖子

港產片的低落......我覺得係一個雞蛋與雞的問題

1) 荷里活製作真係有一流水準, 就算B, C級片製作都有水準, 因為佢夠專業有制度
   **港產片唔專業咩? 有時偏偏唔專業, 雜亂無章又好好睇......
2) 觀眾質素問題, 唉....都唔知點講好, 有人話喜歡睇戲, 但問佢喜歡什麼戲, 嘩.....
嚇親你(本人乜類型都喜歡由"兩生花"到"殺出個黎明"或"反收數特遣隊")
3) 資金問題, 拍戲係老闆俾錢, 所以拍什麼戲, 好多時都係老闆意思, 但亦觸及到觀
   眾口味問題, 哈哈.....老闆話觀眾先係主導....你知啦香港咁多人鍾意睇"溏心風
   暴"又鍾意睇無線, 你話.......我都唔敢講......

作者: runaway 時間: 2008-3-9 23:33

真係時日如飛,唔經唔覺又過左6,7日…

對於kenny01兄既說話:
基本上我敬佩羅大導身為裕泰興集團董事總經理,佢的確係真心愛電影,仲時不時落拍攝現場去學習,一部戲去睇十幾日一留就係十幾個鐘,呢d熱誠一d都唔簡單. 所以我絕對唔懷疑佢對電影既理想同熱誠…不過愛還愛,有冇才華同自知之明又係兩回事. 羅大導既戲….真係嘥[戲]. 佢既世界觀同現實脫軌, 講故事手法陳舊, 心底一句我真係睇唔到佢有任何做導演既天份. 拍左三部戲啦…就算再唔成熟都唔會冇進步. 佢既戲完全係自瀆之作, ok…有人話彭浩翔同好多導演都係一樣, 不過人地起碼係有橋有計去包裝佢地既作品, 就算鐘少雄之流都起碼都想搞d唔同既野(得唔得一回事). 回應kenny01兄, 有理想既電影人如果冇能力,就唔好扮導演拖衰個市.

我覺得佢正路就應該將佢對電影理想同熱誠變成一個基金之類去支持其他導演開戲.(好過而家政府乜叉基金,講就兇狠結果永遠一事無成…呢個又係另外一個話題) 而家個電影市道已經係唔好, 佢仲將佢既玩完顏射既玩具拋出市面上戲院,收普羅大眾60大元….唔好啦. 我入場睇[黑社會],[放遂]又係比60大元,睇[黑拳]又收我60大元…唔係嘛. 佢有冇睇[鋼之錬金街師]~~~世界既法則係等價交易呀.

電影在我眼中祇有好戲同壞戲, 同樣道理商業片,小眾片,同志片,文藝片…etc其實都係一樣祇要好睇,類別對我係冇乜野分別. 記得早幾年既所謂商業片,由香港既[春田花花],[天脈傳奇],[見習黑玫瑰],[虫不知]到國內既[夜宴],[無極],[黃金甲],真係睇到本人投晒降…製作大小不一,人力物力落左唔少…商業片又如何…唉

對於點解行業息微? 我既個人睇法係一個字~~~[錢]. 好戲係需要製作費,人材同時間, 簡單講就係錢啦. 通脹年年加,電影人既人工就每年加少少,仲要間唔中比人走數又唔係成日有工開. 所以有能力之電影人轉行既轉行,上位既上位…結果係~~精英走得就已經走, 淨番既人就搏命想上位. 夠唔夠料都上位…做成比較好少少既編劇,美術指導,武術指導同攝影師又話去做導演,而d導演又去做監制搞行政. 上左位又話做唔番轉頭, 如果個個有能力就當然係百花齊放, 但係睇番結果,近年既電影出產量, 票房收入同質素, 大家心中有數…

當然我睇另外一個原因係出品人成日貪國內發行既錢, 盲目迎合國內市場口味同文化局時時變動既指標同標準. 由早期[失憶界女王],[河東獅吼],[老鼠愛上猫],[煎壤三寶]到近期[龍虎門],[猛龍],[天堂口],[霍元甲]之類, 基本上成績強差人意居多. 因為國內市場所以而家香港唔會再有[殭屍先生],[鬼打鬼],[刀馬旦],[等待黎明],[表姐,你好野]等等

至於有人鍾意睇[黑拳]...well, 呢個世界上總有人鍾意睇黃玉郎同邱福龍,多過睇王無邪,趙無極,同張大千既畫...人有自由,無野好講

作者: kenny01 時間: 2008-3-10 10:20

引用:

原帖由 runaway 於 2008-3-9 23:33 發表
真係時日如飛,唔經唔覺又過左6,7日…

當然我睇另外一個原因係出品人成日貪國內發行既錢, 盲目迎合國內市場口味同文化局時時變動既指標同標準. 由早期[失憶界女王],[河東獅吼],[老鼠愛上猫],[煎壤三寶]到近期[龍虎門],[猛龍],[天堂口],[霍元甲]之類, 基本上成績強差人意居多. 因為國內市場所以而家香港唔會再有[殭屍先生],[鬼打鬼],[刀馬旦],[等待黎明],[表姐,你好野]等等

至於有人鍾意睇[黑拳]...well, 呢個世界上總有人鍾意睇黃玉郎同邱福龍,多過睇王無邪,趙無極,同張大千既畫...人有自由,無野好講 ...

先回應呢兩點...再講戲

1. 我非常認同....仲有什麼小白龍...一連串中國星既電影,亦係佢地票房失利既電影,但係十億中國夢,邊個唔想發,吳宇森都想啦,但係我覺得一套好戲,其實唔同語言既人都可以分享,亦其是香港最擅長的是動作片,但係...連香港人自己都唔支持,就無可能成功

2. 我反對...你覺得王無邪,張大千畫唔畫到福龍既畫,i　ｄｏｎ’ｔ　ｔｈｉｎｋ　ｓｏ　０羅，玉郎三十年前果ｄ小流氓就可能得，我都可以話無見過張大千既話有三點以上透視點，亦無噴墨同埋精細點，至於靈氣既野，個個睇法都唔同，誰高誰得真係可以由各人自己判斷　（當然我係覺得ｒｕｎｗａｙ兄係用左負面既形容先至咁講）

作者: kenny01 時間: 2008-3-10 10:31

睇左....呢套戲其實好多野可以睇...

有時間再寫.............

作者: rioq 時間: 2008-3-14 13:39

thank very much

作者: 介吾賭 時間: 2008-3-15 13:00

引用:

原帖由 8366 於 2008-2-25 05:47 發表
演員：洪金寶、任達華、李修賢、吳京、恬妞
導演：羅守耀
上映日期︰2008-02-28
「忠信義」頭目連浩龍(洪金寶飾)事業如日中天，手下猛將如雲：其妻SOSO(恬妞飾)、其弟連浩東(任達華飾)、阿發(張兆輝飾)、天虹( ...

刀會睇下

作者: 4543 時間: 2008-3-31 16:36

thanks for sharing

歡迎光臨香港 Xocat Forum 討論區 (http://p.xocat.com/p/)