香港 Xocat Forum 討論區 - Powered by Discuz! Board

標題: 禮金問題 (請幫手俾d意見) [打印本頁]

作者: victor_517 時間: 2008-3-10 16:41 標題: 禮金問題 (請幫手俾d意見)

我同我未婚妻agree 左個禮金的 amount, 我叫佢問下佢父母接唔接受，結果佢地話ok, 我未婚妻話禮金只係我出，所以唔多，佢阿媽就問佢點解我父母一d 都唔出，要我出晒，係唔係我父母唔鐘意呢頭親事，唔鐘意我未婚妻。
我話我畢業之後就唔用父母錢，借左都要還(佢話我地HK人現實)，而家我娶老婆，點解要我父母出錢呀。我講極佢都唔信我地HK男人娶老婆俾禮金係自己出錢 (我未婚妻係大陸人)，佢話佢身邊d 親戚朋友都係男家父母俾錢，我父母唔出就係唔尊重呢頭親事，唔鐘意佢咁話。

我係度想問下大家：
1 我地HK男人普遍來講，娶老婆俾禮金係唔係自己出錢？

2 大家認為我父母唔出錢，就係唔係唔尊重呢頭親事，唔鐘意佢？

作者: 貓女 時間: 2008-3-13 00:05

1. 本人覺得禮金應該係男仔自己出, 冇乜問題, 除非好想買樓, 咁後生仔儲唔夠首期問父母借, 或父母俾D都OK, 咁算唔算禮金一部份?

2. 我覺得禮金CONFIRM左, 唔駛理係邊個俾呀, 總之有舊錢俾佢地收咪得囉, 除非佢地想你父母俾係因為佢地想要多D錢~~

否則都唔駛理究竟邊個出, 若佢咁介意就唔好結婚啦, 免得將來多ARGUE.
(大家認為我父母唔出錢，就係唔係唔尊重呢頭親事，唔鐘意佢？===>家陣只係嫁個男人, 唔係嫁俾男家父母喎, 駛乜咁介意對方父母鍾唔鍾意自己者, 最緊要係男家唔反對頭親事就得架啦, 仲要搞清楚既係: 唔係俾錢就叫尊重!!)

作者: anakin 時間: 2008-3-13 10:06

引用:

原帖由 victor_517 於 2008-3-10 16:41 發表
我同我未婚妻agree 左個禮金的 amount, 我叫佢問下佢父母接唔接受，結果佢地話ok, 我未婚妻話禮金只係我出，所以唔多，佢阿媽就問佢點解我父母一d 都唔出，要我出晒，係唔係我父母唔鐘意呢頭親事，唔鐘意我未婚妻 ...

正面D睇，
只係大家既家庭觀念唔同，
表達方式唔同，
嫁到個女咁遠，
佢地擔心你父母唔鍾意你女朋友，
可以理解的。

有時做個好女婿都要兩頭瞞.......

作者: 巴治奧 時間: 2008-3-15 15:35

提示: 作者被禁止或刪除內容自動屏蔽

作者: robberken 時間: 2008-3-17 15:17

1) 我都預左禮金自己比, 之前同女友講左過價錢, 佢家人應該無乜問題.

2) 父母唔出錢唔代表佢地唔尊重呢頭婚事, 佢地應該會送對龍鳳手鐲比你老婆.

歡迎光臨香港 Xocat Forum 討論區 (http://p.xocat.com/p/)