香港 Xocat Forum 討論區 - Powered by Discuz! Board

標題: 筆論天下：李嘉誠的啟示 [打印本頁]

作者: statesman 時間: 2008-3-20 10:49 標題: 筆論天下：李嘉誠的啟示

蘋果日報專欄

筆論天下：李嘉誠的啟示

最近出席聚會，見到一名多年不見的舊同學阿牛。

阿牛人如其名，做事充滿幹勁。記得當年讀大學時，出身寒微的阿牛視李嘉誠為偶像，誓言要學習李超人，實現白手興家的「香港夢」。

我：「阿牛，咁耐冇見，環境如何？你間房係咪仲貼滿李嘉誠的海報？」

阿牛：「你唔好再提李嘉誠喇，佢已經唔係我偶像。」

我：「喂，你當年三句唔埋就大讚李超人，因乜解究依家離棄你偶像？」

阿牛：「唉，當年真係傻，以為香港大把發展機會，只要肯做肯搏，就會有機會出頭。出到來做野，先知香港今時唔同往日，依家除非你係做金融，否則都幾難發達。好似我咁打份牛工，日日做足十個鐘，畢業咁多年，都仲係得兩萬幾蚊人工。依家香港係有錢佬世界，有錢人可以炒股炒樓，大商家更可以壟斷巿場、上下其手。李嘉誠已經唔再係香港人的偶像，只係官商勾結的代名詞。」

政經氣候逆轉

回家途中，我反覆思量阿牛的說話，雖然他的講法略嫌偏激，但無疑反映了現時不少小巿民的心聲。

97年前，李嘉誠是香港人偶像，是因為當時的香港，被描繪成一個充滿機會的城巿，李超人白手興家的傳奇故事，標誌著不論出身、人人也有機會出頭的「香港夢」，小巿民從李家誠身上，看到了希望；但97年後，政治及經濟氣候逆轉，社會流動性不斷萎縮，「官商勾結」若隱若現，小巿民感到香港的競爭環境不再像以往那麼公平及開放，香港人亦由崇拜李超人，變成批判李嘉誠。

過去幾十年，香港經濟百花齊放，有多少人憑著拼搏精神，開創了屬於自己的生意；有多少人透過努力工作，逐步攀升為管理階層、「打工皇帝」。

香港發展不平衡

回歸以後，金融服務業一枝獨秀、其他行業則停滯不前。沒有人會否定金融業作為香港經濟火車頭的重要性，但「獨沽一味」發展金融業，只會令我們的經濟體系日趨狹窄，進一步惡化現時貧富兩極化的趨勢。在現時不平衡的發展模式下，只有少數高學歷、擁有專業資格的精英能夠從中得益，大多數的低下階層及普通中產，卻有搵食越來越艱難之歎。

貧富懸殊是每一個社會都有的現象，但如果社會流動性夠強，窮人看到只要努力工作，就有機會翻身，則社會的怨氣就不會積累；相反，如果階級流動變得閉塞，窮人看不到「向上爬升」的希望，貧富懸殊問題就可能引發社會矛盾。不幸地，香港現時正向著後一個方向發展。

社會流動性不斷下降，是香港當前最大的計時炸彈。終日把紐約、倫敦掛在口邊的政府高官，幾時才會醒覺？

網誌：http://penandsky.blogspot.com

作者: keith3300 時間: 2008-3-20 10:54

時勢造英雄,.................

作者: COO 時間: 2008-3-20 11:01

部份超市及街市豬肉買手被指出現聯手造市，托高豬肉價。

如果係真既話，香港真的需要引入公平競爭法！

作者: 飛毛腿 時間: 2008-3-20 17:48

引用:

原帖由 COO 於 2008-3-20 11:01 發表
部份超市及街市豬肉買手被指出現聯手造市，托高豬肉價。

如果係真既話，香港真的需要引入公平競爭法！

托高豬肉價
如果係真既話，香港真的需要引入......
回教法則 !

保證超市及街市豬肉買手揸兜

作者: 飛毛腿 時間: 2008-3-20 17:50 標題: 回復 #1 statesman 的帖子

唉, 呢篇狗屎垃圾內容犯駁, 語無倫次
真係要爛果呢亭爛報先有呢種水平嘅寫手
好心出多個錢搵 d 好寫手啦

作者: kykyky121212 時間: 2008-3-20 23:18

我最支持李家誠。李奸誠系我偶像。條友賤夾狗。有錢佢賺晒，有野佢食埋。條友最叻系扮野。自己正奸商就扮能晒善長仁翁，澤心仁厚。仲教人家做人道理。咁「能」虛偽既仆街，搵筠全世界都搵吾倒。物以罕為貴。李奸誠是罕中之罕，所以最巴閉。
李奸誠好野！

作者: COO 時間: 2008-3-21 10:19

引用:

原帖由 飛毛腿 於 2008-3-20 17:50 發表
唉, 呢篇狗屎垃圾內容犯駁, 語無倫次
真係要爛果呢亭爛報先有呢種水平嘅寫手
好心出多個錢搵 d 好寫手啦

君子報仇，十年未晚！

比較起當年， adMart 俾百佳、惠康、長實、聯同超市供應商、Swire (Coke)、Comqac 電腦、抽廣告、停止 / 減少供貨…攪到 Jimmy Lai 虧成10億。

依家寫少少野，相對黎講，都係濕濕碎

作者: 飛毛腿 時間: 2008-3-21 16:59

引用:

原帖由 COO 於 2008-3-21 10:19 發表

君子報仇，十年未晚！

比較起當年， adMart 俾百佳、惠康、長實、聯同超市供應商、Swire (Coke)、Comqac 電腦、抽廣告、停止 / 減少供貨…攪到 Jimmy Lai 虧成10億。

依家寫少少野，相對黎講，都係濕濕 ...

肥佬搞直銷就係跟百佳、惠康競爭
直接威脅所有超市
唔通 TVB 會去 CABLE 賣廣告 ?
波音會賣零件俾空中巴士 ?

2000年科網熱潮
肥佬借百樂門個殼上市炒科技熱
早就賺到盤滿缽滿
佢同當年一眾科技狂熱 IT佬一樣
對網上買賣過份樂觀
所以攬住隻蘋果直銷以為獨食
到頭來蝕十億八億都只係獲大利回吐些少啫

作者: ali 時間: 2008-3-22 03:44

引用:

原帖由 飛毛腿 於 2008-3-20 17:48 發表

托高豬肉價
如果係真既話，香港真的需要引入......
回教法則 !
保證超市及街市豬肉買手揸兜

戇居！
回教地方食豬肉聽被人打！

作者: COO 時間: 2008-3-22 11:05

引用:

原帖由 飛毛腿 於 2008-3-21 16:59 發表

肥佬搞直銷就係跟百佳、惠康競爭
直接威脅所有超市
唔通 TVB 會去 CABLE 賣廣告 ?
波音會賣零件俾空中巴士 ?

2000年科網熱潮
肥佬借百樂門個殼上市炒科技熱
早就賺到盤滿缽滿
佢同當年一眾科技狂熱 ...

當年因為網上直銷經營手法，引起百佳、惠康注意。
令百佳、惠康封殺 adMart 的導火線是 adMart 進行減價戰。
之前已有家樂褔被百佳、惠康玩謝，係2000年 (or 2001年)
正式全面退出香港市場。

百佳、惠康打既，係多市場多層面既封殺戰。邊個想入黎開檔，
都會死。

作者: amythin 時間: 2008-3-25 15:55

華潤未死..........
adMart賣假貨,肥佬黎真賤格...

作者: COO 時間: 2008-3-25 16:41

引用:

原帖由 amythin 於 2008-3-25 15:55 發表
華潤未死..........
adMart賣假貨,肥佬黎真賤格...

講到賤格，就唔止肥佬黎 lu。你睇下股票市場經上有 right issues 既公司就可以搵到好多。再唔係既，就上走 Webb 個 web 處睇。

歡迎光臨香港 Xocat Forum 討論區 (http://p.xocat.com/p/)