香港 Xocat Forum 討論區 - Powered by Discuz! Board

標題: 雞寮 [打印本頁]

作者: saddam1 時間: 2008-3-23 01:06 標題: 雞寮

早三四十年前,若有人問九龍區最 '雜' 的地方, 雞寮必定榜上有名。

我不住在雞寮,卻住在俯瞰整個雞寮的和樂村,而我童年歲月的快樂畤光,亦多數發生在這個 '雜'的地方中。

先來看看下面的轉載相片喚起大家的回憶

有沒有人記得那些天臺小學的名字呢?我記得佷清楚

作者: 天九 時間: 2008-3-24 01:17

這圖片確實喚起我的回憶.......

巴士總站.....80年代......在前的是 11B 往九龍城碼頭

後的是 11C 往橫頭磡

站頭在第五座

作者: 理魯竇 時間: 2008-3-24 02:28

鷄寮是否在官塘附近？

多年前雞寮發生山泥傾卸活埋多人慘劇，有無街坊可以講下。

作者: 天池上人 時間: 2008-3-24 04:06

引用:

原帖由 理魯竇 於 2008-3-23 18:28 發表
鷄寮是否在官塘附近？

多年前雞寮發生山泥傾卸活埋多人慘劇，有無街坊可以講下。

六一八雨災

作者: dorothytiffany 時間: 2008-3-24 05:23

<引述> 1972年6月18日中午，九龍雞寮（現觀塘翠屏道）一幅填土山坡，因填土未有充分壓實，加上排水欠佳。在連綿大雨下，填充物在水分飽和情況下大幅滑動，數以噸計的山泥迅速地覆蓋了山坡下的秀茂坪安置區，將區內的70多間木屋淹沒，活埋了71人。

消防處、民安隊、醫療輔助隊、駐港英軍、香港童軍參與救援，連日搜索死傷者。

同日晚上8時許，香港島半山區寶珊道亦發生山泥傾瀉，一幅受強烈風化的火成岩山坡，在連綿大雨下滑動，首先沖毀了寶珊道一座兩層高的洋房，並順勢把干德道一座六層高的樓宇沖塌，洪水及山泥混和樓宇瓦礫，形成土石流，衝向位於旭龢道20號，樓高12層的旭龢大廈。大廈即時應聲折斷並倒塌，並波及在山坡下的景翠園，該廈最高四層被撞毀。

在旭龢大廈內，大部分住客未能及時逃生，被埋在瓦礫之下。駐港英軍奉召到場救災，其後交由消防員接手處理。經過日以繼夜的挖掘，搜救人員成功拯救不少生還者，其中包括前大法官列顯倫，消防員依循他收音機的歌聲而將他救出。旭龢道事件共造成67人死亡。

有關文件可參考:
http://www.grs.gov.hk/ws/tc/reso ... nd_Accident_14.html

作者: saddam1 時間: 2008-3-25 02:24

其實山泥傾瀉的地方不在徙置區,在近秀茂坪那邊,有錯請指正。

其中一間天台小學是'至明小學', 另有一間像是叫 '愛明', 都是教會辦的學校,雖然簡陋,但不要小看這些學校, 有畢業生上了中學後當上了九優狀元呢!

在下不是在那裏讀書,但每逢星期曰一早便會陪同兄長到小學上主日學,上了幾年,聖經故事耳熟能詳,但奇怪的是我們都不是真的信主耶穌, 說穿了原來是－班細路為了聚在一起,待主曰學完了便－起在天臺開波。天臺中間的部份是我們的球場,兩邊只是鐵絲網圍著,大約六尺高,一個不小心大腳一踢,我們便要從天臺跑到地下去拾回那個 " 西瓜波 ", 我也不知拾了多少遍。

童年樂趣真多!

作者: dorothytiffany 時間: 2008-3-25 07:08

引用:

原帖由 saddam1 於 2008-3-25 02:24 發表
其實山泥傾瀉的地方不在徙置區,在近秀茂坪那邊,有錯請指正。

其中一間天台小學是'至明小學', 另有一間像是叫 '愛明', 都是教會辦的學校,雖然簡陋,但不要小看這些學校, 有畢業生上了中學後當上了九優狀元呢!

...

對的, 實際上山泥傾瀉的地方遠離徙置區, 乃秀茂坪道.

作者: mandy 時間: 2008-3-25 12:48

引用:

原帖由 dorothytiffany 於 2008-3-25 07:08 發表

對的, 實際上山泥傾瀉的地方遠離徙置區, 乃秀茂坪道.

其實並非遠離徙置區,而是在徙置區的後方山坡(照片一),而山腳就是木屋區,
大量的山泥瀉下覆蓋木屋區,拯救困難,做成嚴重之傷亡情況。
早年有朋友曾參加救援,說當時塌泥沒先兆及迅速,而且當時還下著雨,所以木屋區留有很居民,有的正攻打四方城(走不及還在桌邊),有的正在吃飯(掘出時還一口飯)。

當年聽收音機報導說有山泥傾瀉,初時還以為只是旭禾道,沒想到還有秀茂坪。

作者: saddam1 時間: 2008-3-25 18:20

這兩張相真的第一次見, 諗起有點心寒。
同一曰的天災, 一方死了窮人,－方死了富人,冇野好講

作者: 理魯竇 時間: 2008-3-28 01:14

引用:

原帖由 saddam1 於 2008-3-25 18:20 發表
這兩張相真的第一次見, 諗起有點心寒。
同一曰的天災, 一方死了窮人,－方死了富人,冇野好講

呢度都死左好多有錢佬。

作者: saddam1 時間: 2008-3-28 01:49

引用:

原帖由 理魯竇 於 2008-3-28 01:14 發表

呢度都死左好多有錢佬。

呢到直情不可思議, 住高層, 山泥傾瀉又關佢事

作者: choihung 時間: 2008-3-28 12:30

引用:

原帖由 理魯竇 於 2008-3-28 01:14 AM 發表

呢度都死左好多有錢佬。

天災與大自然力量固然厲害，不過我在想：會不會樓宇的結構也是不及格呢？那個年代貪污嚴重，很多“咸水樓”，會不會受災的樓宇也是呢？

作者: m2a2 時間: 2008-3-30 02:24

引用:

原帖由 理魯竇 於 2008-3-24 02:28 發表
赉寮是否在官塘附近？

多年前雞寮發生山泥傾卸活埋多人慘劇，有無街坊可以講下。

有個中學同學住在雞寮，佢話當時睇住D山泥由山上沖落翠屏道，好彩佢地無事。
事發地點後來建了一條長梯，由秀茂坪下邨落雞寮好方便。

到八十年代初，事發地點高一D，在中秀茂坪屋邨辦事處後面同下秀茂坪中間都有一幅斜坡發生山泥傾瀉，山泥沖左入一個單位，死左幾個人，不過就無六一八咁嚴重，事後該處亦建了一條長梯。(建築期間有一女童被殺伏屍此處)

我中學時在觀塘讀，每天就在這些死了這麼多人的地方走路返學(有時夜晚會行返屋企)，當時又無乜感覺，而家諗起，都幾恐怖。

作者: 理魯竇 時間: 2008-3-30 16:12

引用:

原帖由 m2a2 於 2008-3-30 02:24 發表

有個中學同學住在雞寮，佢話當時睇住D山泥由山上沖落翠屏道，好彩佢地無事。
事發地點後來建了一條長梯，由秀茂坪下邨落雞寮好方便。

到八十年代初，事發地點高一D，在中秀茂坪屋邨辦事處後面同 ...

我正想問這一單山泥頃卸事件。

據聞事發單位為一地舖，前舖後居，事發時戶主五個仔係屋裏玩耍，山泥突然湧至，五個
小孩全被活埋，戶主欲救無從，實人間慘事。

但後來有聽聞兩夫婦埋頭苦幹，生翻幾件，若然屬實，則亡羊補牢，未為晚也。

作者: m2a2 時間: 2008-3-30 22:37

引用:

原帖由 理魯竇 於 2008-3-30 16:12 發表

我正想問這一單山泥頃卸事件。

據聞事發單位為一地舖，前舖後居，事發時戶主五個仔係屋裏玩耍，山泥突然湧至，五個
小孩全被活埋，戶主欲救無從，實人間慘事。

但後來有聽聞兩夫婦埋頭苦幹，生翻幾件， ...

當年我只係中一，又唔識果家人，都只係靠新聞聽返黎。反而兄台記得仲詳細過我~~
以前果輩遇到咩事都只會努力奮鬥，唔同而家乜都賴政府，要政府幫。
如果如兄台所言，呢對夫婦又確實令人敬佩！

作者: c618 時間: 2008-3-31 15:36

我舊時住雞寮24座，好懷念以前ga生活。

作者: ada1128 時間: 2008-3-31 22:42

去完觀塘泳池遊水，都會幫襯出面的車仔檔

作者: m2a2 時間: 2008-4-1 02:13

以前游完水，泳池出面都係手推車，可以食到飽飽至走人~~

作者: saddam1 時間: 2008-4-1 16:20

引用:

原帖由 m2a2 於 2008-4-1 02:13 發表
以前游完水，泳池出面都係手推車，可以食到飽飽至走人~~

泳池那邊, 最記得有一檔炸方包加砂糖

相片中2-7 座那一段亦相當多野食, 碗仔翅細碗二毫,大碗三毫

綠色既鐵皮屋係'舖頭',亦有麵檔(當時吾興叫車仔麵), 兩個麵餅四毫, 加豬紅,豬皮,魚旦,剛好一元。當年阿媽話落街食飯,就係食呢d,幾兄弟洗左佢幾蚊,巳經牙痛咁聲

作者: ada1128 時間: 2008-4-1 22:10

有無租過單車踩呀

作者: saddam1 時間: 2008-4-1 23:20

有,生平第－次踩單車,就係雞寮波地,結果跌穿頭,阿媽問附近潮州賣米咾借來生油,係咁卒

生平第一次游水,亦係雞寮既泳池,結果亦係浸親,

作者: ada1128 時間: 2008-4-3 09:32

引用:

原帖由 saddam1 於 2008-4-1 23:20 發表
有,生平第－次踩單車,就係雞寮波地,結果跌穿頭,阿媽問附近潮州賣米咾借來生油,係咁卒

生平第一次游水,亦係雞寮既泳池,結果亦係浸親,

雖然係慘d，但超碼有經歷

作者: gg2008 時間: 2008-4-7 14:25

hk木屋區係80年代尾拆哂,香港樓價就坐火箭係咁升

作者: bio2com2 時間: 2008-4-9 22:43

提示: 作者被禁止或刪除內容自動屏蔽

作者: ada1128 時間: 2008-4-10 00:09

車仔麵﹑魚肉加碗仔翅，正正

作者: saddam1 時間: 2008-4-11 00:01

引用:

原帖由 bio2com2 於 2008-4-9 22:43 發表
我最懷念就是: 3座(or 4座)的車仔面 (現在的簡直不知所謂), 煎九菜餅, 晚上的糖水 ...

Those good old days ...

記吾記得有間茶樓叫做"新明華"

作者: saddam1 時間: 2008-4-11 00:07

引用:

原帖由 m2a2 於 2008-3-30 02:24 發表

有個中學同學住在雞寮，佢話當時睇住D山泥由山上沖落翠屏道，好彩佢地無事。
事發地點後來建了一條長梯，由秀茂坪下邨落雞寮好方便。

到八十年代初，事發地點高一D，在中秀茂坪屋邨辦事處後面同 ...

較後期那附近起了－座私家樓(印象中係秀茂坪唯－一座私樓), 聽講果度.............................好猛

作者: corychan 時間: 2008-4-12 03:12

全部都不見了，　發展真快

作者: wilsonkkchan 時間: 2008-4-19 23:09

請問有冇聖巴拿巴小學學生以前,d老師現在還在嗎!我記得!大約六十年代

作者: 1pointheart 時間: 2008-4-20 10:32

提示: 作者被禁止或刪除內容自動屏蔽

作者: missballball 時間: 2008-4-20 14:03

嘩..你地咪鬼嚇我啦~ 我遲D就係搬去呢度...(上圖)

不過聽D風水師講, 過左咁耐果度都已經無乜 yuen氣... 唔駛太擔心喎

作者: 1pointheart 時間: 2008-4-20 17:51

提示: 作者被禁止或刪除內容自動屏蔽

作者: saddam1 時間: 2008-4-21 01:37

引用:

原帖由 missballball 於 2008-4-20 14:03 發表
嘩..你地咪鬼嚇我啦~ 我遲D就係搬去呢度...(上圖)

不過聽D風水師講, 過左咁耐果度都已經無乜 yuen氣... 唔駛太擔心喎

傳說泥姐,吾好上心

不過果幢樓地勢高,成曰比雷劈中就係事實,可能產生左呢個傳說la

作者: 1pointheart 時間: 2008-4-21 06:49

提示: 作者被禁止或刪除內容自動屏蔽

作者: missballball 時間: 2008-4-21 23:23

哈哈, 唔屎sorry喎！　雖則我驚都未驚到咁
俾雷劈中？　乜大廈唔係會裝公用避雷針架咩？

作者: m2a2 時間: 2008-4-23 01:51

引用:

原帖由 saddam1 於 2008-4-1 16:20 發表

泳池那邊, 最記得有一檔炸方包加砂糖

相片中2-7 座那一段亦相當多野食, 碗仔翅細碗二毫,大碗三毫

綠色既鐵皮屋係'舖頭',亦有麵檔(當時吾興叫車仔麵), 兩個麵餅四毫, 加豬紅,豬皮,魚旦,剛好一元。當年 ...

綠色鐵皮屋.... 我八十年代中都係果度食唔少紅豆沙~~ 好味~~
睇價錢，Saddam1兄應該比我早成十年啦~~
今日睇返第一個post，Saddam1兄住X安樓？新安定居安？再過去我就唔熟啦~
以前係新安樓下面既閱覽室都度過唔少日子啦~~

作者: m2a2 時間: 2008-4-23 01:53

引用:

原帖由 bio2com2 於 2008-4-9 22:43 發表
我最懷念就是: 3座(or 4座)的車仔面 (現在的簡直不知所謂), 煎九菜餅, 晚上的糖水 ...

Those good old days ...

哈哈~~ 我記得有隻煎餅！不過唔記得係咩餡！原來係煎韮菜餅！太耐無食啦~~
九十年代初係新蒲崗返工，行過大磡村都有買過韮菜餅係懷念一下~~

作者: m2a2 時間: 2008-4-23 01:56

引用:

原帖由 saddam1 於 2008-4-11 00:07 發表

較後期那附近起了－座私家樓(印象中係秀茂坪唯－一座私樓), 聽講果度.............................好猛

曉光閣吧？中間仲隔左富華閣，要猛都未輪到金茂坪啦~~瑪利諾唔猛過佢？

作者: saddam1 時間: 2008-4-23 01:57

引用:

原帖由 m2a2 於 2008-4-23 01:51 發表

綠色鐵皮屋.... 我八十年代中都係果度食唔少紅豆沙~~ 好味~~
睇價錢，Saddam1兄應該比我早成十年啦~~
今日睇返第一個post，Saddam1兄住X安樓？新安定居安？再過去我就唔熟啦~
以前係新安樓下面既閱覽室都度過 ...

係最遠對正三、四座既恒安

你都係和樂村人?

作者: m2a2 時間: 2008-4-23 02:20

引用:

原帖由 saddam1 於 2008-4-23 01:57 發表

係最遠對正三、四座既恒安
你都係和樂村人?

唔係呀，只係係閱覽室蒲左好多年姐~~
由雞寮第七座旁邊既鐵皮屋到拆晒重建，都過左唔少日子啦~~
講起，我出世時家住雞寮第七座，不過據說一歲左右就搬左上中秀茂坪啦~~

作者: 1pointheart 時間: 2008-4-23 09:58

提示: 作者被禁止或刪除內容自動屏蔽

作者: saltiwet 時間: 2008-4-23 20:56

引用:

原帖由 理魯竇 於 2008-3-24 02:28 發表
赉寮是否在官塘附近？

多年前雞寮發生山泥傾卸活埋多人慘劇，有無街坊可以講下。

好似是秀x坪下邨才對.

作者: saddam1 時間: 2008-4-24 00:01

引用:

原帖由 m2a2 於 2008-4-23 01:56 發表

曉光閣吧？中間仲隔左富華閣，要猛都未輪到金茂坪啦~~瑪利諾唔猛過佢？

瑪利諾就正正係活埋既地方隔離,不過又未聽過有咩古怪野喎,有就講泥八下la

另外,雞寮清拆時,我印象都好深刻,屋企騎樓對住雞寮個街市,佢係由無數木檔、木臺一檔連－檔,縱橫交錯,長約二百米,覆蓋－大片面積既地檔組成,賣雞鴨,鮮肉,衣著鞋襪,以至曰用品, 甚至飛髮,乜都有。當寮仔部清拆開始,大災難發生la, 就係成千上萬既蛇蟲鼠蟻開始逃亡,當時既情景,非我筆墨所能形容

但我－直記得－件有趣事: 當時興之所至,專登買了一個烏蠅拍,同細佬在家中鬥快拍烏蠅,結果我隨隨便便拍了一百隻放入透明膠袋中,只消二十多分鐘

作者: m2a2 時間: 2008-4-25 01:34

引用:

原帖由 1pointheart 於 2008-4-23 09:58 發表

快d講黎聽聽但係好中意聽

我又唔係讀瑪利諾，點會有故仔講？不過邊間學校無鬼古呢？
我只係想當然姐，當年山泥傾瀉就係瑪利諾旁邊，差少少就入埋去，如果有怨氣，瑪利諾既怨氣肯定大過當年未起樓，離成五到十分鐘腳程既金茂坪啦~~

作者: m2a2 時間: 2008-4-25 01:36

引用:

原帖由 saltiwet 於 2008-4-23 20:56 發表

好似是秀x坪下邨才對.

上面都講過，六一八(7X年)係雞寮，80年果次先係下秀茂坪。

作者: m2a2 時間: 2008-4-25 01:41

引用:

原帖由 saddam1 於 2008-4-24 00:01 發表

瑪利諾就正正係活埋既地方隔離,不過又未聽過有咩古怪野喎,有就講泥八下la

另外,雞寮清拆時,我印象都好深刻,屋企騎樓對住雞寮個街市,佢係由無數木檔、木臺一檔連－檔,縱橫交錯,長約二百米,覆蓋－大片面積既 ...

對唔住，無野聽~~ 呵呵~~
好彩我無見到呢種場面......

作者: missballball 時間: 2008-4-25 16:48

講起我又諗起一件事喎...

瑪利諾隔離咪係果個秀茂坪紀念公園既?
因為我都成日有機會夜媽媽行果條路落翠屏方向的, 所以見到果度黑炆炆之餘, 又要有D白街燈同埋座廟, 感覺都幾恐怖

以前未知有山泥傾瀉呢單野時, 行過都覺得心驚 (可能純綷因為佢黑...)
反而知道左之後, 行過無果種心驚感覺...
有時望入去, 仲成日見D情侶向度攬攬鍚鍚...(佩服..)

另早幾日經過, 見到瑪利諾門口果個聖母像開左支低射燈射住...
我印象中以前好似無架...我指無開燈...
唔知做乜又開燈呢~~~

作者: fukada333 時間: 2008-4-26 21:15

以前去雞寮真係好雜，同黃大仙上下邨齊名。

作者: 朱飛 時間: 2008-4-26 21:40

E處曾是巴士總站
唔睇唔知

作者: m2a2 時間: 2008-4-27 00:58

引用:

原帖由朱飛於 2008-4-26 21:40 發表
E處曾是巴士總站
唔睇唔知

真係無乜印象~~

作者: saddam1 時間: 2008-4-27 01:44

雞寮清拆後的大批居民,很多都是被編配到沙田新建成的公屋居住,當中以新翠村最多。不知新翠的"翠"是否指 "翠屏道" 呢?

作者: 舊丁 時間: 2008-5-10 20:31

小弟未住過東九龍，但由於89-91年時入讀觀塘ＴＩ，所以都有兩年時間經常出入雞寮，當時近泳池一帶的七層大廈尚未清拆，記得有段時間經常去果度幫趁一間叫做”垣記”既餐室食飯，重食到佢地座樓清拆老闆光榮結業添。

作者: lht6969 時間: 2008-5-17 12:39

我以前住第一座, 80年搬去沙田!

作者: L800 時間: 2008-5-20 05:13

到八十年代初，事發地點高一D，建築期間有一女童被殺伏屍此處.
我都有記憶, 那姝是姓鄭的

作者: L800 時間: 2008-5-20 05:16

引用:

原帖由舊丁於 2008-5-10 20:31 發表
小弟未住過東九龍，但由於89-91年時入讀觀塘ＴＩ，所以都有兩年時間經常出入雞寮，當時近泳池一帶的七層大廈尚未清拆，記得有段時間經常去果度幫趁一間叫做”垣記”既餐室食飯，重食到佢地座樓清拆老闆光榮結業添。

兄弟,同我同期! TI門口有個男人，成個徐錦江咁！記得冇？

作者: ajizanmai 時間: 2008-5-20 13:49

引用:

原帖由 saddam1 於 2008-3-23 01:06 發表
早三四十年前,若有人問九龍區最 '雜' 的地方, 雞寮必定榜上有名。

我不住在雞寮,卻住在俯瞰整個雞寮的和樂村,而我童年歲月的快樂畤光,亦多數發生在這個 '雜'的地方中。

先來看看下面的轉載相片喚起大家的回 ...

請問相中的地方是否現在翠屏道望番上觀塘瑪利諾書院的轉灣位呢？而618的山泥傾瀉位置是否就在這轉灣位旁呢？

作者: m2a2 時間: 2008-5-20 22:44

引用:

原帖由 ajizanmai 於 2008-5-20 13:49 發表

請問相中的地方是否現在翠屏道望番上觀塘瑪利諾書院的轉灣位呢？而618的山泥傾瀉位置是否就在這轉灣位旁呢？

翠屏道直去個彎位既建築就係瑪利諾，瑪利諾上面見到既係聯合醫院。圖中瑪利諾右手邊就係618現場，其實618現場未到彎位，不過都緊貼架啦。

作者: ajizanmai 時間: 2008-5-20 23:37

引用:

原帖由 m2a2 於 2008-5-20 22:44 發表

翠屏道直去個彎位既建築就係瑪利諾，瑪利諾上面見到既係聯合醫院。圖中瑪利諾右手邊就係618現場，其實618現場未到彎位，不過都緊貼架 ...

Thanks! 完全明白了!

真的變化很大啊！現在相右手面的明渠已經不見了！ｄ屋都完全唔同晒．
咁又知唔知呢張相大約係邊年影呢？

歡迎光臨香港 Xocat Forum 討論區 (http://p.xocat.com/p/)