標題:
鼠輩橫行香江 滅鼠先捉鼠王
[打印本頁]
作者:
amythin
時間:
2008-3-27 16:40
標題:
鼠輩橫行香江 滅鼠先捉鼠王
鼠輩橫行香江 滅鼠先捉鼠王
27/03/2008
不 管 白 貓 黑 貓 ， 捉 住 老 鼠 就 係 好 貓 。 鄧 伯 伯 名 言 確 實 係 真 理 ， 指 導 內 地 改 革 開 放 又 得 ， 指 導 香 港 滅 鼠 更 加 得 。 呢 排 香 港 老 鼠 為 患 ， 食 環 署 束 手 無 策 ， 市 民 同 商 家 只 好 自 行 邀 請 廣 州 滅 鼠 大 王 來 港 相 助 。 好 ！ 只 見 佢 先 探 鼠 路 ， 再 出 老 鼠 籠 、 老 鼠 膠 同 小 量 鼠 餌 ， 一 句 鐘 內 就 輕 而 易 舉 捉 十 七 隻 老 鼠 ， 圍 觀 市 民 嘆 為 觀 止 ， 個 個 拍 爛 手 掌 叫 好 。
滅 鼠 大 王 名 不 虛 傳 ， 果 真 係 老 鼠 剋 星 ， 一 句 鐘 捉 十 七 隻 老 鼠 ， 平 均 三 分 多 鐘 捉 一 隻 ， 照 佢 咁 捉 法 ， 老 鼠 好 快 就 抄 家 滅 族 ！ 政 府 成 日 話 要 引 進 人 才 ， 家 陣 滅 鼠 大 王 遠 在 天 邊 ， 近 在 眼 前 ， 仲 等 乜 ！ 有 咁 得 咁 橋 ， 食 環 署 近 日 登 廣 告 要 聘 請 防 治 蟲 鼠 主 任 ， 月 薪 最 高 可 達 七 萬 三 千 元 ， 呢 份 工 晒 呢 位 滅 鼠 大 王 喇 ！
可 惜 ， 政 府 招 聘 條 件 列 明 ， 申 請 人 須 持 本 港 昆 蟲 學 、 陸 棲 動 物 學 學 士 學 位 。 捉 老 鼠 之 嘛 ， 使 唔 使 要 求 咁 高 學 歷 ！
更 加 離 譜 係 ， 招 聘 條 件 又 列 明 申 請 人 須 精 通 中 英 雙 語 。 功 夫 茶 唔 明 ， 依 家 危 害 市 民 係 坑 渠 老 鼠 ， 唔 係 米 奇 老 鼠 ， 要 識 英 文 做 乜 ？ 唔 通 滅 鼠 之 前 須 先 禮 後 兵 ， 用 英 文 同 佢 打 招 呼 ， 唔 識 聽 英 文 土 老 鼠 就 捉 ， 識 聽 洋 老 鼠 就 放 佢 ， 好 似 本 港 警 方 、 影 視 處 、 淫 審 處 等 部 門 咁 ， 來 一 個 選 擇 性 滅 鼠 ？
計 功 夫 茶 話 齋 ， 食 環 署 列 出 咁 多 無 厘 頭 要 求 ， 擺 明 係 做 戲 。 因 為 老 鼠 為 患 ， 市 民 怨 聲 載 道 ， 當 局 束 手 無 策 ， 先 至 高 調 搞 一 個 招 聘 出 ， 顯 示 自 己 求 才 若 渴 ， 做 樣 欺 騙 市 民 。 如 果 真 係 搵 個 好 似 滅 鼠 大 王 咁 人 才 返 坐 鎮 指 揮 ， 佢 又 點 能 繼 續 濫 竽 充 數 、 胡 混 度 日 呢 ？ 有 議 員 揭 露 ， 舊 年 七 至 八 月 期 間 ， 食 環 署 九 龍 城 區 巡 視 二 百 多 次 ， 又 放 鼠 籠 ， 又 施 毒 藥 ， 殺 鼠 行 動 四 千 五 百 多 次 ， 咁 大 陣 仗 戰 果 如 何 呢 ？ 檢 點 鼠 屍 ， 四 十 九 隻 咁 大 把 ， 平 均 一 百 次 先 至 捉 到 一 隻 老 鼠 ！
講 到 呢 度 ， 功 夫 茶 要 洩 露 一 個 天 大 秘 密 ， 食 環 署 老 頂 、 食 物 及 生 局 局 長 周 一 嶽 ， 就 係 老 鼠 大 王 ， 香 港 老 鼠 可 能 都 係 佢 徒 子 徒 孫 ， 佢 又 點 會 真 心 去 滅 鼠 呢 ！ 朝 中 有 人 好 霸 道 ， 有 周 大 王 照 住 ， 鼠 輩 梗 係 橫 行 無 忌 、 旁 若 無 人 啦 ！ 呢 排 老 鼠 殺 入 朗 豪 坊 食 肆 ， 又 殺 入 金 鐘 高 等 法 院 等 政 府 大 樓 ， 唔 使 問 阿 貴 ， 梗 係 得 到 周 一 嶽 批 准 喇 ！
打 蛇 要 打 七 寸 ， 滅 鼠 先 捉 鼠 王 ， 只 有 將 周 一 嶽 呢 隻 老 鼠 王 滅 掉 ， 成 個 老 鼠 家 族 先 至 可 望 土 崩 瓦 解 ！
歡迎光臨 香港 Xocat Forum 討論區 (http://p.xocat.com/p/)
Powered by Discuz! 6.0.0
